燎原誌

為了給2005年的自己來個總結，花了數十分鐘來重看自己這來年記下來的事。 未看之前原本覺得自己這年過得很平淡，看完返發覺原來也發生了幾件對自己影響頗大的事，當然，這些有點兒影響力的事，也不是甚麼大事件，只是以我當時的級數，覺得有點兒招架不住。 總結起來，這年的確沒有甚麼事打擊了我，反而因為這些不大不小的事而進步起來，我覺得，這因為我在昨年年尾給自己定下來的處事態度有關，「禍福難測，凡事惟心」。 那件憾事，由年頭在逸華劍士的婚禮遇到了胡同學，到幾個月後大醫生回港，之後收到胡同學及現任胡太太的婚訊，最後在出席她倆的婚禮而為這多年來的心結來個結局。全年起承轉合，自己給自己來個了斷。 昨年的工作好像很沒勁似的，公司還在變化中，我身在其中，要不停適應，手下由零到現在的左右手，但生產力不見得增長了三倍....事實上，兩倍都未必有，反而鑊便爆了一兩次，不算多，但已超越的我一個人做的時期了，看來是我還未懂得管理人手。其實以我這等冇所謂的人，工作得算很開心了，來年要好好提昇一下自己的工作能力。 昨年好像沒有缺少甚麼，但甚麼都不是自己的，總是曖曖昧昧的，其實，我算不算不知足？沒有進退失據，只因為我一早就定下了只守不攻，保持現狀的方針。很多時候，我自己想怎樣也不肯定，很怕那一個多心的自己，所以甚麼都不敢要...我是有一種這樣的感覺嗎？我真的不能自我分析。 竟然，已練成的完全自然防禦體，完成無死角形態，來年，應該可以自由活動了吧！ 祝大家06年，生活愉快。

對於放假期間仍有限度地處理工事，我並不是有什麼怨言，只不過於假期二字有點迷茫而已。

根據乘客指南第201條 1224 1225區是特別寒冷的地區 除了依靠車上的禦寒設施之外 每一個乘客必須與另一個乘客擁抱才能抵抗寒冷 摘自 根據 的講法，我呢幾年都凍到面青口唇白。

好歹我也上過江老師的oral堂，江老師過了身，我應該去靈堂?躬的。 但是他出殯的那一天(上星期三)，我被召到珠海去工作。 另外，看到報紙澄清江sir並不是自殺，而是在河邊中風墮河溺斃。 無論如何，希望江sir安息吧。

病住去燒野食寫生，都唔算係乜野。 同日，回程後，我仲去左打邊爐...因為龍哥牛一，我地呢d做細既點都要請下食飯既.... 我地去一間叫西南既火鍋店，食佢個蕃茄龍蝦湯底，我去到先坐底，叫定個湯底等佢地，不久，龍哥就到喇，之後，高貴大方兼得體的娜姐以全新super model形象出現，震懾成個場，連d火鍋料都來得快好多。 蕃茄龍蝦湯底果然夠新鮮甜美，d?都好好食，不過因為太多人，所以好多時都會來唔齊，呢d算啦，唔來果d就叫多幾次，叫都佢來為止。整體來說真係好好，同場仲有個阿叔大大聲咁同個部長講佢咁大個仔都未試過d咁既招待，你話幾咁緊要呢！ 星期六兩餐都咁熱氣，但係仲行得走得，你話，點有可能會死呢，即刻覺得買保險簡直係浪費金錢呀！ 同場加映，食完飯偶遇小勤勤，恭喜佢畢業，同埋成晚可以同人煲電話粥。今次唔好得個傾字啦，要實際煮煲熟飯了！

上星期六，廖老師組織成班學生一齊去寫生兼夾燒野食，本少爺雖然病到條能源bar跌到落紅色狀態，但係都要頂硬上，仲晨咁早就起左身，仲早過平日返工，可想而知我幾咁重視我d學生。 綠田園聽就聽得多，去就從來未去過，到左之後咋帝行過圈參觀過之後，就開始燒野食了，d野食都算ok啦，唔難食......我本住賤命一條的態度，乜都照食，視死如歸的氣派，可見一班！食左兩個幾鐘，都未病死，就開始召集學生們去開工寫生了。 其實果度冇乜好寫，對於佢地取境會有困難，不過最後無論大個定細個都寫得唔錯，證明平時o向畫室寫畫真係局限左佢地！ 我自己都寫左幾幅速寫，冇乜力寫，反而影左幾張相，仲有日落景，因為部細機借左俾四爺出征高麗，咁我就冇藉口唔用番部半專業的大機影相喇，好彩仲識用......不過影得唔係咁好囉...

二零零五年十二月十六號，我設定這天為我人生中一個階段的關口，而我，面對了，亦渡過了。 我這天請了下午半天假，中午吃過飯後，便到了紅綿道。 到達後看到了大華和一些我認識的同學，不知是不是我心理作用，總覺得他們看到我的時候樣子都很奇怪，算了吧...這個根本不重要。看到了她和他，她很漂亮，當然了，作新娘子嘛。 和她及她的家人打過招呼，拍了幾幅照片後，恭喜一番後，他倆便要開始儀式了。 儀式完了後，一夥親朋好友再拍了照後，我和她互相問好，再叫他好好照顧她，便走了。 由於感冒實在不輕，夜晚也不好出席飲宴，推卻了她的邀請，從來沒有拒絕她，這算是一次。 全程沒有任何不好的感覺，當然也很替她高興，同時，我算是為自己的一個階段作結，過了這個階段的關口，明天，為自己的明天，以及明天的明天，作個準備。 鳴謝維維人借我相機，不然我也不能擁有一張和她的合照。奇怪吧，之前，我和她拍的照，我一張也不能擁有。

因為爆鑊，今個星期上珠海三天，一連算天不停地train一個人幫我做野，咁我就不停講野，直至今天下午，終於開始講唔到野，有少少喉嚨發炎，仲有少少感冒。 返到屋企即刻啪兩粒傷風感冒丸，我唔想呢個時候病。 剛才公司aunnal dinner，我再次抽到五舊水，算是幫補下財務，好過冇！多謝。其實果d係遲到基金，如果冇我貢獻下，邊有咁多錢抽，我收返少許都好應該！ 維維人做埋下個星期就走了，祝前途似錦！又少一個好同事。唔緊要，請個更有可觀性的！

明天早上，她便會嫁給他了。 我準備了一份小禮物給她，雖然不是十分貴重，但當年的承諾我可不是空口講白話。 祝幸福。

上星期日，終於接濟左阿跳跳虎(又名虎bi)。 不過，我第二日就要上珠海，照顧唔到佢。 佢第一日到左我屋企，就好驚，唔係喱o向我電腦後面，就係喱o向我個書架度，再唔係就床下底，所以我都廢事理佢！ 我星期三返到香港，廖老師就話佢果朝翻倒了我的盆栽，搞到張床濕晒.... 我果晚見佢成日要入廖老師個房玩，咁廖老師都俾面招呼下佢，同佢講野，抱下佢...，當然，廖老師唔係成日都咁得閒，而且佢生果幾個仔由細到大都唔會咁跟住晒，要人注意，所以就請佢出去佢間房。 虎bi行為相當令我奇怪，佢好鍾意攬住電線，同埋典下典下，發出一些唔應該係一隻貓發出既怪聲....我開頭，仲以為佢有病....

不知不覺，又到左十二月，我最喜愛冬天，偏偏最怕十二月，十二月，總是過得戰戰兢兢。 當年今月，睇番昨年十二月自己所記下的，到今天都餘悸猶存。 今個星期終於叫做似d冬天，不過也不過如此程度，還開始回暖，好掃興。 下個星期，馮小姐就會嫁給胡同學了。 祝您幸福。 今年的公司年飯還未決定地方，但係下星期就食了，我覺得呢個唔重要，最緊要決定到我明天有大幅度加薪，唔係點繼續支持我富家子既形象呀！ 呢幾日，一到下晝個頭就好痛，所以呢排都早左訓。 現在就正在痛了。

早 幾日，應澤少邀請，到了重慶森林食阿差咖哩，同場仲可以見識澤之女友的大方得體，活潑開朗。我地一行三人都冇去過重慶大廈，入到大門之後，經過d神秘通 道，別有洞天，到左我地食野既地方，得到了熱情的招待，當然仲有風味咖哩美食。除了咖哩，我最欣賞果度既拉茶(奶茶)，好香好滑，最衰就係睇唔到佢點拉。

上星期日(27/11) 應邀出席黃老闆畢業拍照活動，雖然我搞不清楚他畢的是什麼業，我真該死，但還是要好大力咁恭喜他。 黃老闆除了學業有成之外，其他方面亦很吃得開，識了個賢淑的女朋友，還買了樓等結婚，我們拍照完了，便上佢新居打擾一下。 人比人真係會比死人，如果我硬係要同黃老闆比較，真係死左佢好過。 好彩，我此等爛泥扶唔上壁的人，係唔會咁膚淺既，各有前因莫羨人，自己唔上進，就唔好同黃老闆此類well planned的人比較。 況且，都今日為止，我仍然認為當日唔讀個degree course的決定是正確的。而其他方面，例如有個賢淑的女朋友，我壞人一個，邊有資格。講買樓，我仍然覺得唔應該為左d無良地產商打半世工甚至負半輩子的負債。 上星期二(29/11) 老闆召開了一個衣著儀表的training，我覺得，雖然老闆冇講因乜野會開呢d咁無聊野會，亦唔係針對某位同事，但係，唔多唔少都係為賽先生而設的。成個會好似劉天蘭品評d藝人咁，我地就係d藝人，老闆就係劉天蘭。 講 到我，當然係話我著得太casual啦，我認，因為我而家已經好少機會見客見vendor，而且我唔覺得我坐o向個位度諗下野，寫下野，聽電話，鬧下 人，講下粗話，咀咒下人，擒高擒低......有必要著套老西返工，係真架，佢係叫我多d著西裝返去....佢話，唔好俾人成日覺得我地呢d電腦人， technical同事係「師傅」(整機師傅)，我地其實差唔多係PM(Project Manager)黎架............ 我知道了，首先，我會多些做些pm的工作，或者將一d好普通的task用pm的手法來做，之後，我想要pm的薪酬..... 上星期三(30/11) 俾老闆話我呢輪工作效率奇低.....我都覺得係.......... 我係抵鬧。 上星期四(1/12) 夜晚同王子食宵夜。 有金句：我們只會對那還愛自己的人專一。 講得好。 上星期五(2/12) 發現了醒目通的手機優惠，$980有一部sx813。但是，還是算了。 好耐冇見澤少，同佢去花園餐廳食飯。 上星期日(4/12) 原來仲有一些我未到過，但係咁靚既地方。 景色的而且確十分怡人，不過你不需要常常強調那種說話。 發現了分別在那兒，就是有些東西永遠不會跟我說，這就是種距離，但不會影響之間的友誼。

傑王兄話想分享下我行路去油塘，沙田，同埋青衣的事。呢d事，講出黎，會俾人笑同埋歧視，不過冇所謂，因為自從我中學時去參觀庇護工場接觸過果度其中一位工友用比較輕蔑的表情後，我以後都唔會驚話俾人笑同歧視，而且我仲會將笑我個d人同果位工友一同歸類。 言 歸正傳，話說行路呢家野，並唔係我發起的，而係兩位華哥，即係逸華劍士同埋大華先行的，佢地兩位，一般人唔做既野，有時會發生o向佢地身上，行路就係佢地 其中一項。行路，其實唔特別，很多人平日都會去下遠足，但係兩位癲佬，佢地遠足，行個條路線的確好遠，不過就相當唔健康....行馬路，而佢地個條元祖路 線，就係由油麻地行去油塘。 油塘篇 我有份行之前，兩位華字頭已經行過幾次，後來會考之後，一來聽佢地講佢地既旅程講得眉飛色舞，我好奇加上無聊之下，便加入佢地既行列。 路線：(我)長沙灣->深水(土步)->太子->旺角->油麻地(佢地住油麻地,我join佢地)->窩打老道，太子道->九龍城->麗晶->九龍灣工業區->牛頭角->觀塘->藍田->油塘 首 先，由於全日都是行路日，我會由我屋企出發，行去油麻地join佢地，呢條路線，我細個返學個陣有時都會行，係呀，由長沙灣行路到油麻地返學，幾刻苦呀！ join左佢地之後，就會經窩打老道太子道到九龍城，經舊機場外圍到麗晶花園，呢度我地會買少少野飲，之後就會由九龍灣到工業區，跟住會到牛頭角觀塘直上 藍田，有時會行下吉之島，再行到油塘，o向油塘有間機舖，我地會o向果度打舖機，咁之後就會沿路回程。 雖然呢條路大華有份開發，但係佢之後都冇再行，返而我同逸華劍士就在會考同埋repeat果兩年就經常行，那時跟逸華劍士很熟絡，乜都傾，最常講到的大概是那時在自修室認識的幾位隔離校既真光校友。 沙田篇 行左咁多次油塘其實已經冇晒挑戰性同埋好悶，咁就開始發掘就路線，其中就係行路出入沙田。當年我中六中七就讀小瀝源的商科學校，由於習慣了在行路時思考，有時如果要諗下d難題，例如點追隔離班個女同學，就會選擇行路返屋企。 路線：小瀝源->第一城->城門河->新城市廣場->大圍->大埔道->蘇屋村巴士站(我以前就係住蘇屋了) 而呢條路，通常會揀早放學的日子才可以行，而且都真係幾辛苦，所以都只行過幾次，自己行多數都係由沙田出來，...

人 人 都 說 她 好 ， 胸 無 城 府 ， 又 樂 於 助 人 。 讀 書 時 是 優 異 生 ， 出 來 工 作 後 是 模 範 員 工 ， 在 家 是 弟 妹 的 榜 樣 。 從 來 沒 有 人 見 過 她 發 脾 氣 ， 在 印 象 中 她 永 遠 笑 面 迎 人 。 她 與 男 朋 友是 同 事 ， 一 對 人 人 稱 羨 的 情 侶 。 一 個 月 前 ， 男 朋 友 跟 她 分 手 ， 和 公 司 另 一 部 門 的 女 孩 拍 拖 。 同 事 們 都 替 她 抱 不 平 ， 群 起 排 斥 他 ， 只 有 她 保 持 冷 靜 ， 以 笑 面 接 受 失 戀 ，以 禮 待 他 。 「 他 這 樣 對 你 ， 你 還 跟 他 打 招 呼 ？ 」 同 事 問 ， 她 笑 說 ： 「 愛 情 沒 有 對 錯， 做 不 成 情 人 ， 也 不 用 變 成 仇 人 。 」 同 事 頗 不 以 為 然 ， 「 其 實 你 是 不 是 … … 不 怎 麼 愛 他 ？ 」 聽 罷 ， 她 差 點 當 場 痛 哭 。 一 個 月 來 ， 她 都 在 說 服 自 己 不 要 去 恨 他 。 她 看 過 不 少 愛 情 讀 物 ， 說 「 不 去 恨 ， 是 放 下 一 個 人 的 最 佳 方 法 」 ， 她 試 圖 照 辦 ， 卻 完 全 無 法 放 開 他 。 我 覺 得 問 題 出 在 「 恨 」 的 時 間 定 義 上 。 當 看 見 別 人 在 哭 ， 我 們 會 叫 他 不 要 哭 ， 但 其 實 哭 是 健 康 的 生 理 調 節 ， 目 的 在 舒 緩 情 緒 。 有 笑 ， 便 有 淚 ； 有 愛 ， 自 然 有 恨 。 恨 亦 是 生 理 調 節 ， 只 要 不 過 量 ， 其 實 是 好 事 。 長 期 的 恨 ， 是 跟 自 己 過 不 去 ； 短 暫 的 恨 ， 是 治 療 情 傷 的 靈 藥 。 試 幻 想 在 你 心 中 有 一 個 天 秤 ， 在 刻 度 計 的 下 方 貼 情 人 的 名 字 ， 天 秤 的 正 方 載 滿 了 愛 ， 負 方 空 空 如 也 ， 你 想 讓 指 針 從 正 數 還 原 到 零 刻 度 上 ， 一 個 方 法 是 拿 走 正 方 盤 子 上 的 愛 ， 這 很 難 在 一 時 三 刻 辦 到 ； 快 捷 的...

看完了殺破狼，一行四人坐下來吃少少野。 說起了某人的喜事，對於我應否出席的問題，作出了一番討論。多謝各友人的關心及意見。 其中一位朋友(在這兒不好記名了)更見「大反應」，我估計，因為我們遭遇相近，好像是將自己代入了模擬劇本去了。 其實他對於我在十月初所發生的事情及思想變化已在之前討論過，大概是奇怪我怎麼突然會真正放下，當之前發生的都不當一回事云云....其實當時討論過什 麼，有什麼結論，很難用文字寫，甚至用說話也很難表達，而且我也不是十分了解自己其實思想上實際有什麼改變，所以討論其間都像辭不達意。 對自己不了解的同時，也不會了解他何解會如此激動，我之前說他是因為還心存怨恨，他否認，如不是，那大概是還有不甘心。如也不是，那真是要再討論多次才能了解。但看他如些大反應，有一點似乎是的事實，就是他當日所受的傷害之深，非你我可以想像。 我其實也不知道他是怎樣想，我想是，對於我這個有相似經歷的朋友當日只因收到一句offline msg就如些如些，就會想到：「唔係咁就算呀嘛？」 有幾點我了解的是(由於組織不來，只好用point form好了)： - 無論當日發生了甚麼，也已成過去 - 當日失去她的理由可以有很多，但有一個必定是理由：「她不想跟你有愛情。」 - 相信她吧，她不是存心傷害你的 - 她只是不再愛你 - 我並不是突然復原的，這四年可沒有人陪我走，日子並不好過 - 把所有事情當是命運的試煉，她可就是你成長的重要角色 - 看到從前愛的人得到幸福應該祝福 - 別忘記從前和她一起開心過的日子 - 她邀請我並不是想為難我，只是希望我祝福她 - 即使她還有別的理由(小心眼一點，例如：想曬給我看看她有多幸福)，對我也沒有影響的 - 出席什麼令自己有可能不開心的場合並不是因為要扮大方 - 而且大方並不會扮得來 - 事實上我不會很大方 - 我祝福的，是她，不是他 - 那個他，最好醒醒定定 - 出席那些場合可能真的會很不好過，但是那是一次面對自己的機會 - 如果克服了，那之後還有甚麼面對不到的？ - 現在的我並不是有要傷害便傷害得了的 - 她說跟你做朋友並不是騙你的 - 只不過實際上有很多避嫌的必要 - 有一些事，總有一天要面對的，並不是避過某些場合就逃得了 因為明白了上面的東西，所以思想都不同了。 事實上，要接受現實，並不是睇幾隻字，自己話明左，就算是明左，時間以及隨後的生活，人和事...

被 傑王 點名，估唔到我都會有機會玩呢d野既一日 遊戲規則： 1.由某個blog發起，出一個題目。 2.在自己的blog中完成題目，然後點名另外幾個blog完成同樣的題目。 3.另外的幾個blog完成題目以後再分別點名，依次類推。 4.被點名的blog在完成題目時要注明被哪個blog點名。 5.不可回傳，加一條自己出的題。 最近在看的電視： 好耐冇睇過電視 最近在聽的音樂： 梁靜茹-如果有一天 最近在吃的東西： 西北風 最近關心的話題： 幾時死 最近常去的地方： 公司office 最近最想做的事： 最想乜都唔駛做！ 最近常想的人： 想創你個心呀，想都唔好想呀！ 最近身體情況： 除左咋病，都唔會有機會放病假.... 最近理財狀況： 一貫扮富家子弟作風，即係將會三餐不繼 對朋友最想說的話： 你打死我算吧啦！ 對自己最想說的話： 唔好急，呢個世界係有報應既 想一個減肥的良方： 你有冇聽過埃塞俄比亞有減肥公司？辟穀啦！ 記憶中做過最瘋狂的事情之一： 由長沙灣行路去油塘(多次)，行路去沙田(幾次)，行路去青衣(一次) 喜歡K歌的程度(1~10)： 請問...1 係最喜歡定10係最喜歡？ 最喜歡吃的食物： 雞翼 不吃的幾樣食物： 榴槤，豬潤，死貓，糞便.... 最想去的地方： 有自由的地方 看到馬路上誰覺得最惡心： 一日到黑係咁講電話的男人，仲要講野"那那地" 最想要的禮物: 重緊要係心意 心目中的伴侶是怎樣的一個人： 溝通到的 你現在還單身嗎？如果是，準備什麼時候找一個？ 是，隨時 如果養寵物會養什麼，起名字叫做什麼： 馬騮，叫金鷹 如果只剩下一天的時間，你會做什麼?： 痛打那些討厭的粉腸 最多的時候，你能一心幾用地做事情啊?： multi-tasking係基本技，難道還有空餘時間去計嗎？ 誰是對你最最重要的人？： 娘親 呢世如果給你充分的自由，你會想做什麼職業？ godfather 教父 如果你有曾經的戀人，你現在最想對他（她）說什麼？如果沒有，那你想對將來的戀人說什麼?： 算啦，都係唔好講 what would you do if you got depression?： 呆坐 您認為一個人的過去重要嗎? Explain： 唔重要，最好唔好俾我知。 直至呢一刻你最後悔既事係咩?： 有些人冇一早?除 各...

在與四爺互大對方及經不起官恩娜的誘惑之下，買了AOE3。其實已有一段時間沒有玩這類即時戰略遊戲，上次買了Warcraft 3，在連番敗仗之下，無地自容，唔敢再玩，過了幾年，在多個因素下，又再沾手些類對我來說很有提昇能力價值的遊戲。 對於即時戰略，第一隻接觸應該是warcraft 1，但那時沒有連線對戰的東西存在於這個世界，但一個人玩也很有趣，最有趣是我姊姊也很喜歡玩。 真正領略即時戰略樂趣應該是starcraft時代，即是讀TC時代，那時一放學便立即回家(很乖吧！)開戰，跟隔離班讀IT那班粉腸片過！那時亦是我玩得最精的時候，但同其他人比較，都係好水皮。 之後玩warcraft 3，雖然有一大班同事，又有傑王康仔一起玩，但放工返到屋企真係唔係好想用腦，加上我實在好唔擅長，玩左一段時間，就放棄了，仲借左隻碟俾人添。 呢排實在太悶，生命的另一半未出現，兩位妹妹又要讀書寫字，要搵d娛樂，只好玩o下電腦game，練習下思考速度，集中力，提升智力。 最近好像變笨了，又遲鈍了(本身已經又蠢又鈍啦)，都係俾個腦郁下好。

講完電子情書，今次俾一對分手書信大家睇下。 親愛的丈夫: 經過我詳細的考慮, 我認為我都是離開你比較好. 我們一起己經七年了, 七年來我自問 盡力做一個好太太. 昨日我剛剛收到你公司的來電, 得知你己辭工的消息. 老實說, 我 對你的將來有一點擔憂. 上星期, 我去剪左一個新髮型, 煮左一些你鍾意食的食物, 著 左一套新買的睡衣. 你返到屋企, 餐飯食左兩分鐘你就去左睇波, 睇完波就去訓覺, 望 都無望我一眼. 我多渴望你可以抱我一下, 說一聲你愛我, 即使是騙我也好. 無論如 何, 我走了, 保重. 註: 請不要找我. 我己經搬左同偉文一齊住.重新建立一個美好的生活. 你的前任太太 ---( 續 )------- 親愛的前任太太: 收到妳的分手信, 我感到無限傷心. 無錯我地一齊己經七年. 之不過你是否一個好太 太, 我心內郤有疑問. 我去睇波只係因為我唔想聽到妳講野, 不過似乎作用不大. 當然 我上星期我留意到你剪短左頭髮. 不過我見到第一個印象覺得妳好似一個男人. 妳要知 道我唔識講大話, 又唔想傷妳心. 所以我無講野. 妳煮那餐晚餐確是花了很多心機, 不 過唔知你唔記得, 定係妳煮飯時當我左我係偉文, 我己經戒食豬肉十幾年了. 可能你太 大意了, 妳套睡衣上星期著時唔記得除價錢牌, 上面寫住$4,999. 咁岩上星期偉文問我 借左五千蚊, 我希望呢個係一個巧合. 但無論如何, 我心內還是愛著妳的. 所以當我知 道自己中左五千萬六合彩時, 立即辭工同買左兩張機票, 諗住同妳去夏威夷渡假. 但當 我返到屋企諗住同妳講時, 妳己經走左. 或者冥冥中總有主宰, 我地係無緣做夫妻. 今 日我去律師行幫你問左如果離婚我要分幾多錢比妳, 點知律師睇左妳寫比我封信, 就話 一毫子都唔需要比. 點都好, 保重. 註: 我唔記得我有冇同妳講過, 我一生人最好的朋友, 偉文, 係一個變性人, 十年前佢 仲係一個女人, 不過我希望呢個對妳唔會造成問題. 妳的前任老公.

http://www.coolboo.com/big5/qingsu.htm 在網上閒逛，看到了這個軟件， 魔術情書 。 睇下簡介，即係情信template，好似在microsoft word寫resume呀咁，只不過佢有大量作好左的老土兼肉麻模板，砌番你自己同你個目標個名落去即刻搞掂食碗麵。 如果有人真係用d咁既軟件去掠奪別人的芳心，咁未免太無誠意吧。 而如果咁都落搭既話，果位小姐也未免太.......易話為吧...還是應該說，太苯了吧！ 廿二世紀電腦時代，寫情信電子化，冷冰冰的，相當唔浪漫。

繼傑王好俾面咁在他的日記介紹我呢個燎原誌之後，王子亦都趁機推介下佢平日常常光顧的好友日記，好榮幸，我榜上有名，而且仲係榜上龍頭位置，相當有地位！ 根據他們的形容(詳情請參閱他們的日記，我也很推崇他們的日記的！)： - 師兄(化名: 阿火)的網上日記, 文筆充滿無奈感和黑色幽默, 間唔中仲有心理測驗俾大家輕鬆一下, 以前有很多令人爆笑的文章, 現在這種文章的出現相對地比較少了, 可能呢排生活比較沉悶吧... - 師兄的日記風格迴異，筆峰銳利，還帶有一點黑色幽默，令人一看上癮，欲罷不能! 如此高度評價，實在.......係事實！多謝！ 有關我的文筆，當然就唔係果d講大話講到出口成文的文化人果皮啦，甚至連proof reading都唔會做(據說四爺會的，如些認真的男仔現世難求，有要求的女性朋友不容錯過)，不過我可是用了「高級的寫作手法及修辭技巧」去表達我所想所思的(我年頭已講過我的了，不信可看看 這個 ，句句都係注滿真摰感情。如果有時我辭不達意，或者睇到大家覺得煩甚至想嘔的話，咁真係唔好意思。講到「風格迴異，筆峰銳利」，哈哈，傑王，我仍弄不清這是彈還是讚呢，但都很多謝你看我的文章呢！ 講到無奈感和黑色幽默，這真的十分無奈，我可是控制不到的，生命中盡是這種混帳的無奈事，寫出來就是萬般無奈，我也是無可奈何的！ 而現在寫得沒那麼爆笑，那也是呀，一來正如王子所講，比較沉悶。 二來，爆笑的人物都少見了，例如小勤勤，加國華僑很討我厭的師「兄」，(給四爺打歪咀，負傷逃跑？)沒有爆笑的人，也沒有爆笑的事了！ 三來，也不可以太過講別人的是非，其實也沒什麼是非值得講，況且講是非也不是我這等成熟有內涵的成功人仕做的。 四來，寫的內容也實在收歛了，不可以人身攻擊，其實也沒有什麼值得人身攻擊，都說，要與我為敵也是要講資格的，對號入座的，別以為自己有此天份！ 說到內容，最初說這個燎原誌的時候，只不為了發洩感情，寫些沒人可講，只好對自己和空氣講的事和感覺，想不到會有人看，也惹了幾件不大不少的麻煩事，例如給人會說我「污糟邋遢」，給人投訴我人身攻擊，其實馬騮咁精靈，點算得上「人身攻擊」(從前個很要好的同學，大家都叫他「小魔怪」，有位英文老師，全校師兄弟都叫他做「花柳」，人家都不知幾咁以自己的別名為名！)。 除了惹禍，其實也認識了一些萍水相逢的朋友，例如已失蹤的路人，以及王子的同事，雖然從沒見過，但事跡聽得...

跟傳聞中早了五天出版，不是說好了1122嗎？實在於我計算之外。 我沒有出場機會，但還是很好看。 封面的烏鴉真有氣派！ 「忠義，是一種手段。 是文人送傻瓜去死的讒言。 是君主為保住利益的下流手段。」 給一眾盲從的傢伙。 啊，頭四期還在車上。你還看不看？

這歌很好。 現在也只能欣賞　唯一的合照一張 淡忘了的是那個街角　 想念的是當時的微笑 生活中交錯失望　越想念就越孤單 若再被寂寞迎頭趕上　 多感傷原來只是正常 你是不是也在品嚐　 一個人的咖啡和天光 是不是也忽然察覺到　多出時間看天色的變換 如果有一天　我們再見面　時間會不會倒退一點 也許我們都忽略　互相傷害之外的感覺 如果哪一天　我們都發現　好聚好散不過是種遮掩 如果我們沒發現　就給彼此多一點時間

星期日，正當我全天困在家中工作時，我家的三少爺卻借了我的歌露娜和佳能出外。真係相當唔公平，同一個阿媽生，點解佢好命咁多？ 算了，想不到，他有時也很「做到野」的！ 近來，好像很悶似的，為了唔好悶親大家以及自己，就選三少爺幾張「工作成果」給大家欣賞下，提提神，算是回饋下這兒的良朋好友兄弟姊妹。 看三少爺的工作成果請按 這兒 ....及鼓掌！

星期四，同事henry，ryan，him也到了珠海，但老闆becky沒有到來，好了，夜晚可以找些新地方吃飯了！ 傍晚，與ryan商量有什麼地方吃飯，剛好大口珍(就是joyce了)經過，便問她有沒有好介紹。她說珠海現在也開了小肥羊，我們也便決定去試一試。 跟阿珍談天的時候有兩件小插曲： 1. ryan說起我之前到了澳門，阿珍便問到澳門幹麼？我還未答，ryan便說：「到澳門還有什麼好做？」 珍：「賭場。」 ryan：「仲有呢？」 珍：「食野囉！」 ryan：「仲有呢？」 珍：「仲有？」 ryan：「梗係夜場啦！」 我在旁邊狂笑，如果一早可以建立壞男人形像，咁之前就唔會咁麻煩啦！XXDDD 2. Ryan聽說customer service team請了個新同事，個樣聽講唔錯，佢對阿珍問起些事，阿珍隨即從customer service的房間叫了新同事出來，借故問她工作狀況。新同事回房間後，我和ryan同時狂笑起來！不是笑那同事，事實上那同事是相當ok的，我們笑的是當時的情況，也實在太像夜總會的「媽咪」叫d小姐出來介紹俾d老闆識....... (模擬對白)珍：「阿紅，拿，介紹兩位老闆過你識。」XXXDDDDD 嗯！加強壞男人形象！ 終於等到阿him做完野去食飯，到了傳說所講的小肥羊。 果然一睇就知係新開張，d花牌仲放o向門口，而又一睇就知呢間小肥羊並唔係原裝果間，個logo隻羊都唔同樣.... 我地不停問個侍應，呢間係咪真果間小肥羊，咁佢當然話係啦，正如有男/女朋友點都會話自己真心愛你，絕對一心一意的道理一樣，即係信唔信，你自己心中有數！ 雖然我地明知此小肥羊不同彼小肥羊，但係我地都知道，真假並唔重要，好不好食才重要，而呢間假野，d野食的確係堅。我地叫左一種叫120羔羊肉，同埋一種叫乳羊肉的東西(當然還有其他)，平時，食羊肉火鍋，點幾款不同的羊肉，你可能都唔知佢地有乜分別，但係，我們在這兒真的可以完全分別到120同乳羊的分別，而它們都係美味！ 你估下，乜野叫120羔羊，乜野係乳羊？我地在點?的時候就問了侍應....聽完都覺得殘忍.....但還是點了，還全部吃掉！ 120羔羊-即是活了一百二十天，便宰了來吃....很嫩... 乳羊-即是還未斷奶的時候，便宰了來吃....很嫩，還帶點騷味... 真的很殘忍....也好味。 最富娛樂性是那侍應，ryan常跟她講無聊野，她對應也很...

上回講到，下晝終於發生停電事件，而且仲在停電其間收urgent call，好彩我平日樂善好施，天父在上唔會唔照我，在緊要關頭俾番電我，搞掂單野。 而我亦開始準備同「左文右武」開會的事宜，正當我還在想：「車，停果十幾廿分鐘o者，好叻咩~~~」的時候...電又停了....=.= 同時，門外還傳來警鈴聲....我沒有理會，繼續準備開會，因為開會沒有電也可以開的....反正等一下又會回復吧。我到了meeting room，正想召集兩位「文武生」，發覺多數的同事都走到門口看熱鬧，我走出去走廊看看搞什麼，原來只不過是有人困lift，困lift沒什麼好湊熱鬧的，但我介紹一下，科技園的升降機是所謂的子彈lift，lift身是落地纖維玻璃，即係可以由辦公室外的走廊看到lift?面，當然，?面也可以看到外面。當然，我相信lift中的人都沒興趣在困lift的情況下和lift外的人打招呼......在動物園，除了猴子外，你看過會和你打招呼的動物嗎？ 我還以為只有香港人才喜歡八八卦卦咁睇熱鬧，看別人當災，原來PRC也喜歡....還是，全世界都喜歡？我說了句「(國語)別人困電梯，你們就在看嗎？」就回office了。 好不容易人齊開會，電還未恢復，他媽的還真熱，中途，winnie和connie走進來搞局，說今天因為停電，提早收工，但我們可以繼續開會。 我問：「咁宿舍有冇電架？」 winnie：「都冇架。」 「會唔會今晚有番電？」 winnie：「唔知架...你都係唔好留o向度啦...」 「?？咁我今晚點算？」 winnie：「叫GS收留你啦。」 「......」(心想：唉~~~~去你度好唔好~~？) 咁我地又繼續開會了。不過其實差不多都開完的了，總結一下，便放走他倆了。 開完會，咁熱，想洗個面，發覺冇水....?？水都冇.. 你諗下，下晝五點，冇電，冇水，唔知幾點先會恢復過來，notebook得番一個鐘的電量，想做野都唔得，番宿舍都係冇電冇水，全區都係咁，咁可以點？看看office，得番三隻小貓...即係想唔走都唔得.....當然，看到這個情況，contingency plan已經完成，而且，始動中。 先打個電話俾阿HIM，睇下佢係咪上緊珠海，當然，消息一早傳到他那兒，佢都唔會咁蠢走上來，而且，O向佢個客度，邊會咁容易就走得甩。 安排了阿HIM唔會盲中中咁走上來，我就執拾細軟鬆人。 我星期四仲要...

星期三同星期四在珠海，本來諗住好例牌咁做野之後夜晚單拖去搵飯食然後返office上網睇書處理些濕星野，點知完全唔係果回事。 本來公司講左上親珠海都應該安排至少二人同行，點知阿HIM唔知搞乜，話佢唔可以朝早上，要晏晝上，咁我朝早又要孤身走我路，落船之後坐死亡計程車，懷著執番條命仔的感恩心情到達公司，開始一天的工作。 早上收到雲尼的廣發電郵，話科技園通知我地呢區電力故障，隨時會停電，叫我地做好工作準備，我用notebook插住舊電就唔係問題啦，但我其實都唔知d同事點準備，唔通寫一行code或者打幾隻字就save一save咩，所謂準備就是準備隨時返工去玩吧......所以我暗地恥笑了科技園那無建設性通告的無聊，不以為意，然後就繼續做自己野。到下晝食完晏之後我已經忘記停電準備什麼什麼了。 到了三點幾本來schedule了「左文右武」開例會，但在這時hotline收到call，話有個client話佢地收唔到email.....操~~通常果d粉腸收唔到mail都唔關我地時，而多數都係佢地自己個server有事，所以收到call之後我都係心中暗罵，然後就check下所有setting睇下邊度出問題，如果係個客自己的問題就教佢點做點做，解釋下，甚至作一個「電郵一分鐘」的教學課程，教精佢。 因為一收hotline call就會打斷我手頭上的工作，很麻煩(都說了，本來是要和左文右武開會的嘛)，所以一般來說我對客人都是先咀咒，後解決的(解決問題，不是解決客人)。 誰知道，我這次還來不及咀咒，電便停了，沒有電，也沒有得連上網了，也就是什麼都做不到了，本來，在香港還有佛陀同事可以幫忙的，但是，睇得老夫子多都知道呢四字成語-- 禍不單行 ，佛佗同事下晝放假去考試，你話，係咪好巧合呢？ 我唯一仲可以用的，就是個手提電話，只靠打俾個客，打俾ISP，打俾我地個sales，嘿...... 而由於好心有好報，本公子平時做得善事多的關係，在最關鍵，要上網改setting而冇人做到的時候，電又回復了，搞掂。 16:00 - 終於可以準備開會了。

從網路看到的。 很有意思。 別自以為是地審判別人，不要以為你有那種資格。 你以為你是誰？ 朋友手拿一份報紙說讓我做一個小小的測驗 我欣然同意了 問題一 如果你知道有一個女人懷孕了 她已經生了八個小孩 其中有三個耳朵聾 兩個眼睛瞎 一個智能不足 而這女人自己又有梅毒 請問 你會建議她墮胎嗎 我剛要回答 朋友制止了我 又問我第二個問題 問題二 現在要選舉一名領袖 而你這一票很關鍵 下面是關於這三位候選人的一些事實 候選人A 跟一些不誠實的政客有往來 而且會咨詢占星學家 他有婚外情 是一個老煙槍 每天喝8─10杯的馬丁尼 候選人B 他過去有兩次被解雇的記錄 睡覺睡到中午才起來 大學時吸過鴉片 而且每天傍晚會喝一夸特的威士忌 候選人C 他是一位受勛的戰爭英雄 素食主義者 不抽煙 只偶爾喝一點啤酒 從沒有發生過婚外情 請問你會在這些候選人中選哪一個 朋友讓我把答案寫在紙上 然後告訴我說 候選人A是富蘭克林﹒羅斯福 候選人B是溫斯頓﹒丘吉爾 候選人C是亞道夫﹒希特勒 我聽了答案驚訝地張大了嘴巴 朋友表情凝重地問我 你是不是為世界人民選擇了希特勒 那你會建議這位婦女墮胎嗎 我說 這個問題不用考慮 我們受計劃生育優生優育教育多年了 都生那麼多歪瓜劣棗了 就別再添亂了 墮胎 朋友說 你殺了貝多芬 她是貝多芬的母親 我又一次吃驚地張大了嘴巴 朋友說 嚇一跳吧 本來你認為很好很人道主義的答案 結果卻扼殺了貝多芬 創造了希特勒 最後朋友總結道 不要用既定的價值觀來思考事物 (網路文章)

看了一下月曆，原來今天立冬，即係話，冬天已經到了。 不過....你感覺到嗎？我還是覺得，像身處火爐。 早個星期開始涼，多高興，點知呢幾日又熱番，你話，幾掃興。 昨天跟廖老師說這個問題，她說因為依家起樓起得高，擋住d風，冇錯，呢個係其中一個原因。 全球一體化的理念，想不到會在環境污染問題中率先體現。全球各國過度發展及開採地球資源，全球氣?上升，接著就是其連鎖地理反應，即係the day after tomorrow。 尋晚碰巧又播天空之城，我地真係要做多d環境保護的工作。不過諗諗下，我地其實最需要的可能是第三次世界大戰，我指的是真打果隻，別跟我說現在的世界經濟環境就是世界大戰的戰場......我地人類唔死咁d，大地就會俾我地玩殘..... 正如matrix 中阿agent smith講，人類係virus係病毒，你說不是嗎？現在所有問題的罪魁禍首是誰？即係，依家個system感染左virus，antivirus application都冇符了，唔受控制，咁...format左個harddisk啦。 可能有人話我偏激，都係架....不過，這只不過係挪亞方舟重演，或者易經說的循環，再唔係，這可說是一種平衡吧，一樣東西過度發展，自然會有另一種東西去調節。人類太多唔緊要，但係我地做的壞事真不少，(你覺得我們也有做好事，是的，但大部份都是我們自以為是，以為自己在做好事罷了...)，壞事做得多了，個天自然會收我地，你話幾咁令人快慰呢！ 啟示錄實行中。 發完廢話。 講到離晒題，我其實只係想問，天氣幾時先至會凍到可以有機會穿頸巾？沒機會穿太可惜了。

蘋果日報示意圖 從網上無意中看到，實在覺得太有趣，轉載分享。希望原網主唔好介意。 一路看到這幅 「色誘勒索示意圖」 ，隨即浮現七個字： 「色字頭上一把刀」 。祖先留下來的名言，唔會死錯人的，所以我雖然也只不過是個普通男人，但行為一直也很檢點！你知啦，現今個世界，女豺當道，小心為上。你睇下張圖，果位女中豪傑個樣，幾奸！ 不過....乜生果日報d圖片有咁生動嫁咩？

萬歲萬歲上帝萬歲 我需要的你都允許上班放工吃飽再安睡 伴侶伴侶沒有伴侶 也不覺得有必要追 太多快感太方便索取 桃花 命犯不起的桃花 代用品通通買下 我這世界也夠填滿吧 桃花 就像失手的塗鴉 儘量將污點擦下 抹去了你 我更完美吧 不付出不回覆一樣豐足 難道我這不算因禍得福 不用哭不用聽悲情金曲 但凡自救的便有福 萬歲萬歲上帝萬歲 我需要的你都允許抹窗熨衫瘦身再安睡 伴侶伴侶沒有伴侶 也不覺得有必要追 我的聖水向沙漠刮取 回家 自地板湧出浮沙 欲墜的天花降下 也勝過要到處求愛吧 不付出不回覆一樣豐足 難道我這不算因禍得福 不用哭不用聽悲情金曲 但凡自救的便有福 萬歲萬歲上帝萬歲 我需要的你都允許上班放工吃飽再安睡 伴侶伴侶沒有伴侶 也不覺得有必要追 我失去的已經共我團聚 萬歲萬歲電腦萬歲 唱K去GYM養狗種花 腳底按摩襯衫再安睡 伴侶伴侶沒有伴侶 也不覺得有必要追 我所愛的已經共我團聚 誰空虛 近日聽得最多的一首。 不錯的作品。 又是一首自我安慰(欺騙??)的佳作！

尋日，臨放工走人，老闆話佢請飲野，問邊個去，已婚區果邊，就當然冇人而嘗面啦！ 首先趁機等我介紹下已婚區同未婚區：我office 個floor plan，，自上星期ryan成家立室之後，有一邊已經被我私自劃分為已婚區，果排位除左佛佗同事之外，都已經結晒婚，由於我覺得佛佗同事已經修成正果，結婚識女仔呢d咁俗世入世既野，佢係唔會做既，所以我亦唔會將佢撥入未婚區呢邊。 講番老闆請飲野，難得可以花天酒地，咁我咋帝諗左幾秒鐘，最後出席的有我同兩位sales team既同事一同前往。由於飯都未食，老闆就同我地去二宜樓食飯先，果陣時已經飲左幾杯啤酒，席間唔知講開d乜我話之前冇錢，如果唔係我都去浸下咸水，曬下一些人認為特別圓既外國月光，老闆隨即話，「你就快有錢架啦，我地就快搵好多錢架啦！」真係順口開河！不過如果唔係有個咁既老闆，我可能已經一早走左！ 食完飯之後，老闆就帶左我地去一間叫Gossip51既pub飲野，原來間野都幾出名，佢最特式係中間有條cat walk，據說阿鄭donald套「我要做模特」都係在那兒拍攝的！如果坐窗口位，個view係相當令人心曠神怡的！ 叫了杯長島冰茶，聽了老闆和同事很多東西，獲益良多，亦趁勢儘力同四爺佈置一下，希望算是幫了他吧，但不要過份有期望了，盡人事而已。 老闆談女孩子，雖然老生常談，但實在至理。 總括：「紅顏，多數禍水。」 雖然不能一概而論，卻印證了所見所聞！好多野，事實，勝於雄辯。 開始知道點解自己從來未醉過，事關我在我還很清醒的時候，我已經唔想飲，自動停手。一來會好辛苦，二來是乙型肝炎帶菌者的羈絆，一想到一個唔覺意要訓醫院但係醫生唔俾你死，重要有大量你唔想見的人來扮關心你，而你想佢來看看你的人卻永不會出現，咁就真係要好好保重自己。所以，杯中物，都係淺嘗便好了，人家還覺得你飲得夠品味，不會浪費美酒。

由星期日做到星期一零晨二時四十五分，其實如果好嚴格咁睇，upgrade工作並唔完全，仲有好多濕星野未做，但係，以當時的精神，根本唔會做得晒，所以，在我還有知覺的時間，我選擇了將部份唔做都唔會死人的工作留起來，而專心收拾令到第二朝同事返工可以照常順利開工大吉。 第二朝，果然，同事們都開開心心工作去，而我便在回升到半行能源的狀態下完成埋d手尾，之後數天，居然出奇地安寧，完全冇話爆鑊呢d衰野，實在係令人鼓舞。而為左獎勵下自己，我每天都自我放縱自己遲一個鐘頭起身....當然...我唔係故意的，但係我實在好支力....然而，我放工又相對地準時左好多...冇辦法，完成左本季最大項目，手頭突然輕鬆左些少... 檢討番成單野，發覺之前所準備的所有野都唔係話做得咁好，包括之前setup testing個場，寫plan，安排工作...做個d野好似係為左做而做，好似交功課俾人睇咁，雖然唔係話完全冇用，但係同我想要的效果好有出入，一邊做仲發覺個plan考慮少左野。好彩我寫plan雖然唔夠細心，但真做果陣就會好縝密，臨陣應變力還算不賴，咁樣總算安全過渡。 下次再做類同的工作，會由testing的步驟先做好，以後的便做得輕鬆了，其實這種項目話大單唔算得上，但話簡單亦都唔係話食棵生菜咁簡單，不過做的時候那種單打獨鬥的氣魄，感覺實在唔錯。 alone wolf mode真係好適合我。

現在的工作方式應該係想在死之前做番單大野，轟轟烈烈咁！ 每次做單咁既野都會折壽兩年，唔使幾耐我就唔使再o向呢個人間煉獄度受苦。

在這個零晨時份，今天的工作差不多完成了。 在公司upgrade和重裝server(伺服器)，搞了一整天。現在襯server reboot的時候，打幾句。 今天這要工作的星期天，反而有不少朋友致電給我，對不起，我說話不多，因為我的集中力都放到upgrade的工作上，令你們感到沒趣實在抱歉。 現在，繼續執埋些手尾。

小時候踏入藝術門檻，習畫的啟蒙之地，山月畫室開畫展。 我星期日早上抽空到場參觀，看到師兄弟們的作品，擴闊眼界。 未來應該花幾篇篇幅說說我習畫的歷程...不過要有心理準備，很悶的。

答應了的，終於完成了。 過程中常問自己為了什麼，原來是為朋友可以開心些。 這是人生第二幅為了別人而畫的畫。 不知道第一幅的擁有者還有沒有好好收藏那幅作品。

同事ryan同hazel於今天拉埋個天窗，恭喜恭喜。 同事之中，ryan算係同我最投契，亦係我認為最正常既一個，其他同事...也實在太正經，太乖了吧...同佢地講野，想放d都驚...驚教壞佢地...而ryan，大家既語言就真係共同得多。最欣賞佢實際既工作態度，永遠冇果d所謂完美主義，我地做野永遠睇住成本，效益先行，最喜歡做d成本低但係客人會好開心既野，吃力不討好的我地儘量都唔會做。 跟住ryan永遠有啖好食，永遠有好玩有趣既事。 最有趣的是，生性不拘小節的ryan，畫畫反而仲畫得好精細。(ryan就是後來跟我一同畫畫) hazel在ryan學畫畫後，也跟著一同學畫，也亦成為了我的好友。她是個很有趣的女孩子，成日都同ryan鬥咀，說話語氣有點像ryan，但看得出那是她模仿ryan的，認真夫妻格。 今日佢地結婚，祝佢地以後都一齊開開心心。 同輩一個一個結婚，其實唔多唔少都有d無形的壓力。

在完全唔可以集中精神但夾硬迫自己的情況下，upgrade公司servers的計劃書終於都在兩個半鐘之前於公司完成左。 一向對於寫doc有能力上的障礙，我可以諗好晒成個plan，你問我任何一部份細節上既野，我都即時答到你；你叫我講一次點做，我都可以在冇任何準備的情況下由頭至尾爆肚吹一次俾你聽，但係你叫我寫份plan出黎，個效率就真係完全兩回事，話寫話寫就dup左幾個禮拜。 我點都唔明白點解我講就頭頭是道寫就完全唔係路，如果組織力唔得咁應該講都講唔出。 無論如何，今日點都出左個plan出黎，仲plan左星期一先做珠海個server，真係急。今次好考GS真正辦事能力。 除左我寫doc真係唔係果皮之外，其他的工作都唔係咁有效率，又即係到左唔知自己在做什麼和唔知自己要做什麼的狀態。真係難搞。 所有野立立亂，間房立立亂，張?立立亂，公司個位立立亂，個袋立立亂，部電腦立立亂，自己個腦立立亂，呢篇野都寫到立立亂，不知所言，不知所謂。 要整頓一下自己。

看到了枕頭上的血跡，才發覺自己也有流口水的習慣。 我的意思是，平日睡覺流口水，是不會有證據的，因為口水無色；昨天剝了牙，傷口還有少量血水滲出，睡覺時隨著口水混合流出，咁就真係真憑實據。 也不知道自己幹麼寫這些既羞家又無聊的事，不過看到了枕頭的那一刻雙手便自動操作著現在的動作了....... 既然寫開了床上用品，也順道寫寫自己張床現在的狀態... 有漫畫雜誌數本，world of warcraft個盒，沒摺的被，一個用來擺的枕頭，一個用來訓的枕頭(有血跡)和一隻有背負了故事的跳跳虎... 好像很多東西的樣子，好像沒有位置睡的樣子，其實，睡的時候，和睡覺沒有關係的東西便會搬到椅子上.....我睡得還算舒適。 房間好像很多雜物，根據友人的理論，一星期以上沒碰過沒用過的，都是些沒用的東西，丟得！如果我效法，應該有九成的東西不用留下。那到時真的很多空間很簡潔。 不過，為了配合「重新開始」的命運安排，我也是時候丟掉一些沒有用的....雖然早前已丟過一次。丟的東西愈來愈多，我愈來愈捨得，我好像愈來愈狠。那很好啊！能做大事啊！

尋日又去剝智慧牙，今次仲剝得耐過上次，今次我冇合埋眼，全程望住整個手術過程，以及醫生對眼。 上次下而顎隻牙分開三份，今次分開左好多份，早途仲要照多一次X-ray，睇下有冇剩左d未拿出黎...上顎個隻照舊又好完整咁成隻拿出來。醫生話，通常人地d智慧牙都係得一至兩隻腳，我個d就大隻得黎有三隻牙腳，而且d腳仲分得撐得好開，我好仔細咁睇過我隻牙，牙腳仲彎彎地向內彎，唔怪之得咁難剝... 今次真係有少少覺得痛，不過係剛剛剝完既時候，最犀利係我中途見到朋友，同佢傾談中我咀角滲左d血出黎。我仲話咁樣搭車個陣俾人見到可以話自己得左絕症，乘機籌錢睇醫生！我個朋友見我剝完牙想請我食雪糕，不過根據果張手術指南所講，做完手術係唔可以食太熱或都太凍既食食物，所以，雖然我好想食，但係我冇食到，不過真係多謝了。 老實講，剝牙唔算點痛，科水果陣就真係好肉痛，雖然以剝智慧牙來說已經算很便宜...

係個harddisk壞左，仲壞得好徹底。 用盡了所有方法甚至帶上來珠海讓阿GS幫我，也完全唔掂，一丁點file也讀不到.... 這個harddisk中的除了個windows之外，便是我所有和自身有關的檔案，包括我這兩年來所影的所有照片，從前故友給找我的照片，讀書時做的功課，以及我和各人僅有的回憶。 現在一下子，都化為烏有。 不知道這是不是叫我將從前所有都拋下的?示？那，好吧。 p.s.: 但是我答應了要畫的畫稿也沒有了....怎算？

原本，正在寫一篇關於家姐的兩隻小狗，妹妹同阿寶的文章。 不過，寫到一半部機又自己死掉。 唉~~唔想再花錢落電腦身上。 電腦啊~~你乖乖地挨多兩年啦，好唔好？

為了不要給好友說我是個不可相信的人，這個月一定要畫好應承要畫的畫。 很難才抽空去買畫布，一口氣買了很多。 今次被要求抄畫，抄的反而有點難，跟我的畫風很大分別，不過會克服的。 其實應承了很久，到今天才動手，真的很慚愧。

原來，這些年來，就是等她跟我說句話，什麼方式也好，讓我知道她還記得我，還認我作朋友。 那些無形的枷鎖手銬腳鐐心結什麼的，都解開了。 還想找些精通心理的人幫助我解讀自己解讀不到的部份，現在不用了。 所有道理都明白，以為自己已經好了，但原來還欠的就是她主動跟我說一句話。 雖然只是一句offline msg，但也足夠了。 終於得到超渡。 祝妳永遠幸福。 我也終於可以正式為自己找尋幸福了。

最近其實心情很差。 但收到了關心的來電，雖然交談時間不是很長，內容也跟我心情沒關係，而我也並不是太多話說，但重要的是，我心情其實輕鬆了不少。 我是感激不已的。

肥仔結婚，上一篇恭喜了他和他的妻子了。 分開另一篇寫，因為我婚宴期間看到了一個人，知道了一件事，而令我心情插水，食果餐都冇乜胃口。(當然肥仔的招待其實相當棒的！) 又有同學宣佈婚期，而確認了他的未婚妻就是我從前的她。 終於領略到，一方面我衷心祝福她，一方面要解決自己那心戚戚的感覺，相當難處理。 我很肯定我已放低了，為何仍會有這樣的感覺。 另外......她們會請我飲喜酒嗎？是用男家的身份請還是女家的？ 如果請我，這將是我今年之前最難面對的場景.... 如果不請我....我即是什麼也不是.... 其實不想說出來，因為好像很煩人的，而我也太喜歡逞強.....但還是找了王子出來說了.... 要徹底解決，不想間然中又被這前事騷擾。 還是覺得自己太不成熟......

恭喜肥仔做老襯。

本想置身事外，但還是插了手，雖然不算查到了什麼，但總比別人瞎猜好。 元兇表面來自神州大地，但我看到的郤是世界的另一面。 不知道動機，當然也不清楚元兇真面目，只知道他/她雖然無聊，但郤身手不凡以及很得閒。 我們這些用了所有時間搵真銀的有為青年真係冇佢咁把炮。 本來想做多一點的，但因為太眼訓，而且在不知人家底蘊的情況下，隨便出手動作也實在太危險，一不小心，什麼也查不到之餘反而正中別人下懷反而誤事。 反正我覺得這種事大家可能已見怪不怪，知道這不過是一場惡作劇。 任性的當事人也應好好收歛一下，這個世界，若要人不知，除非己莫為。沒發生的事，就是沒發生，那管人家怎樣設計陷害。 今次事件雖然連本人面目亦公開了，但我覺得冇所謂，反正，原來相比其他人，我其實比較俊朗，溫文爾雅。他們只不過是一般的體臭型喜歡大庭廣眾真人秀的市井麻甩佬，難怪我身份和他們不一樣。 所以大家可別誤會，我不是他們一份子，看一看樣子就知道了，氣質不同的。 也同時知道，當事人要求也太低吧，品味也太差吧，還是，是心地太好，老是在做善事？

看newsgroup看到的......篇野實在好無聊，不過，就係因為無聊，我覺得好有轉貼出來同大家分享的價值...... 劉備: newbie 孟德新書: medicine 書 孔明: homing 姜維: Gary 駱統: norton 曹丕: chobit 徐庶: tracy 馬騰: martin 馬超: marcel / mature 孟起: monkey 伯符: buff 公謹: cocaine 司馬: cyber 張飛: jeffery 趙雲: chewing 馬謖: mask 小喬: secure 魯肅: lost 奉先: foxy 呂蒙 lemon / raymond / layman 法正 fetching 呂布: label 孟優: menu 龐德: panda / pointer 左慈: George 辛佐治: New George 顏良: anna/unlearn 龐統: pointing 伯約: bjork 雷薄: Reebok 貂嬋: deuce 太史慈: tasks 甘寧: claiming / cleaning / coming 的盧: Dettol / dino 高順: cushion 孫堅: skin 孫權: squid 陸遜: lotion 荀攸: sun oil 李典: lady 徐盛: tracing 祖茂: jo...

The Keys to Your Heart You are attracted to those who are unbridled, untrammeled, and free. In love, you feel the most alive when your partner is patient and never willing to give up on you. You'd like to your lover to think you are loyal and faithful... that you'll never change. You would be forced to break up with someone who was emotional, moody, and difficult to please. Your ideal relationship is open. Both of you can talk about everything... no secrets. Your risk of cheating is zero. You care about society and morality. You would never break a commitment. You think of marriage as something that will confine you. You are afraid of marriage. In this moment, you think of love as commitment. Love only works when both people are totally devoted. What Are The Keys To Your Heart? 講到我咁，想話唔準都唔得啦....

我一向好少俾人鬧，連出糧俾我果個老闆，養大我的娘親大人，都唔會點鬧我，今次俾個八婆不問情由發晒顛一輪咀狂性大發係咁講野而我唔知佢up乜之下，鬧左我一餐，咁呢啖氣就真係受得唔抵。 佢一打電話來，確定左係我本人之後，就話我：「唔該你呀，promise左d野呀，就要.....(下刪所有字)」講到我好似欺騙左佢既感情咁。實情係佢買左我三日service，咁我上星期上左去一日，本來諗住今個星期上埋去，不過冇約實，佢以為我會今個星期上，我冇約實，梗係做左其他野先啦，咁佢覺得我呃夠佢，咪打電話來打擊下我囉。 唔該收皮啦，買果一萬幾千蚊野，以為我隨傳隨到呀，係我邊個呀，好聲好氣叫我做野我點樣蝕抵都冇所謂，咁樣同我講野就係勢係假。 等佢唱完一輪歌，我條氣都仲有少少唔順，唯有落去大家樂食個早餐飲杯奶茶。 我的EQ仲有進步空間....下次應該唔駛飲奶茶。 上番office之後一陣，收到良朋知己的來電話，算是一種安慰，如果每天都收到個咁既電話，咁一定會消減好多工作壓力，個人仲會開心好多。好想每日都聽到把咁好聽既聲。

好耐都冇試過自己一個在珠海。 近呢個月轉左星期頭上珠海，咁樣就唔會有太多同事一齊堆埋同一時間上，反而變左得我自己一個上，夜晚食飯，便要自己一個食。通常，一個人在珠海過夜都唔會有啖好食。 上星期，又一個人，又剛剛剝完牙，本來想到傳說中的燒烤檔食野都冇乜興致，變左哽杯麵算數。 今個星期，踩單車出去，本來想去遠少少食餃子，不過踩到出路口，發覺好鬼悶熱，條路又好黑，一個人踩既寂寞又危險，真係死左都冇人知，忽然又記起個燒烤檔口，咁就埋去試下。 食個檔燒烤真的是一個正確的選擇。首先，燒得好好食，好香口，香料相當惹味！價錢仲相當相宜，我食左： 炒河粉x1 燒雞腿x1 燒雞亦x1 燒茄子x1 (強烈推薦) 燒香腸x1 燒羊肉x1 燒牛肉x1 可口可樂x1 總共食左15.5人仔.... 加上，露天草地，一個人對住個天食，你話，幾咁浪漫。 好少可自己一個人食飯唔係去茶餐廳.... 坐左成個鐘，個腦休息左成個鐘，多好啊。 食完返公司，本來上做野，但係實在太熱，集中唔到精神，諗住返宿舍做，點知返到去開著個冷氣，又覺得好支力，結果沖涼便睡。 第二日ryan上來，我夜晚返香港，佢就同我出碼頭去大草原打邊爐，好耐冇試過食得咁free，老闆唔o向度真係開胃d....雖然要自己俾錢....

究竟，這算是好，還是不好？ 原來，有些事我已經開始忘記。如果不是看書看到一篇文章令我聯想起來，這件事應該還永遠被封印在心底。 那年中秋，我駕著車到了她的家門，她不在家，正當想離去時，看到她的車子回來了，一同下車的還有別人，以及一袋一袋的，應該是食物，日用品，和慶節的東西吧。 由於開了車頭燈的關係，他們看不到我的臉。 他們一同進入了家門。我撥了她家的電話號碼，想說一句，中秋節快樂。不過，沒人接。 我從此，離開了。 那個電話號碼，也沒有再撥。 之後的中秋節，我總會想起這件事。 今年，我是過後，看了一篇文章才想起的(我也忘了是那一篇鬼東西了)。 我想，我是因為最近太忙，還是真的開始遺忘很多的回憶？ 可以肯定的，我的記憶力真的是差了，影響了工作。是強制性失憶的後遺症。

祝所有親疏遠近有恩或仇的人們，中秋節快樂。 中午與娘親飲過茶後，便去了購物，先是買了背包，然後買了一件外套。 回家燙衫，本來諗住燙一件著去飲，燙下燙下全部未燙的都燙晒。 到了沙田馬場飲喜酒，我其實從來冇入過馬場。 除了肥二，袁基，tommy，羅達，鄭師傅，豪哥，等做兄弟的在場外，我居然是最早到的。 tommy和肥二是專程從澳洲回來，真的夠兄弟。和很久沒見的談談，真的不賴。 想起了很多九華時期的趣事...想起了在更衣室練彈牆旋風腿，是的，我們從小已經是幹架高手，用的招數華麗又實用！ 婚宴期間全程不停播一對新人的舊照，有一幅是泳隊學界比賽的合照，看到了自己！ 原來不知不覺已經十五年... 祝新人幸福！ h2o，好啊！ 婚宴期間不忘send sms 給朋友。 婚宴期間由頸至肩膀突然很痛，差點手都提不起！ 現在還在痛！

菲歷士喜事，肥二義氣，從澳洲回來做兄弟。 早兩天的星期五晚，肥二，波波，王子，我，四人一行吃飯吹水。 上一次和波波食飯已經是逸華劍士之婚宴(婚宴也要計算在內了)，上次和肥二食飯...應該是上世紀的事了.... 始終和一起長大的朋友吹水最暢快，大家不需要扮高深，扮正經。如果不是這星期的工作消耗了我九十九個巴仙的體力，真想繼續談下去。 計劃明年組織到澳洲探肥二，雖然應該要解決很多現實的問題，但我其實是相當有興趣的...(說真的，我是有計劃過今年內到澳洲的，可惜，可惜，冇錢 ╮(╯~╰)╭。) 肥二一直是這個blog的捧場客，知道的還不少，他說我應該多嘗試......但問題首先是，如何拓寬生活圈子(我和四爺的搞自閉是不同的...)，其實很多謝他的意見。 波波之感情生活令小弟大開眼界。 本來是不去菲歷士的婚宴的，但他後來親自打電話來，而我本來的節目也搞不成，我和他其實有一個學期是很熟的，算是不錯的同學，要去恭喜他啊。 又想起了九華的日子。

已經成個星期，部nano仍然未到，咁我好自然就上網check下個order status，一check，一不可思議事件就出現喇......個status居然係shipped！！！真係.....冇可能...... 由於check果陣已經係星期六，打電話去個cs度都已經唔會有人接聽你個電話，即是所謂求助無門....或者應該叫投訴無門....接著的星期一係公眾假期，咁即係要等到星期二，但係我星期二又要上珠海喎.....搞得黎，真係唔知幾時先至有settle個order.... 其實本身收遲幾日都冇所謂，最多叫做蝕左d利息俾人(用credit card買，但係未收到貨)，反正有部mini聽緊......不過，無巧不成話，今日部mini聽到冇電，諗住charge電時，發覺佢完全冇反應.......天呀..... 雖然以前試過一次係咁，兩日後自動康復，但係，有冇人擔保佢一定兩日後冇事，同埋，我冇歌聽，點算？ 好似我呢d信命既人，心諗，如果有咁巧合既事發生，背後一定有什麼意義，一定有什麼發生的...... 算了，這兩天，便不隨身聽吧。

尋晚發夢，夢見很多人。 少見的朋友，很久沒見的朋友。 見到細個，踏單車....奇怪..... 見到咁多人，難道我時晨到？ 今日真的見了兩個舊同學，真的很開心。(詳情待說) 同學親自打電話佈婚事，星期日，恭喜，我會到。 答應了今個星期尾找她給她畫冊，不是忘記了，而是時間不被控制。 今個星期很繁忙。好累。(詳情待說)

Apple蔓延的速度就像是燎原的野火一樣 吸引我讀這篇文章就是它的第一句，有燎原，有野火。 當日ryan叫我看apple網頁上的資料時，我立即便到apple store訂了。對一般朝流產品來說，我沒有特別的購買慾，但看到Nano的spec同個樣，基本上沒有經過腦袋的運作，也不理會在懷中的mini，便訂購了。冇野講。 他們問我將會怎樣處置mini，我也不知道，只知道我不會賣。絕大部份情況，我是不出賣任何東西的，包括人。況且，我當天買mini回來時，那種低沉的情緒是相當值得紀念，那時十分需要買一些喜歡的東西回來令自己提起精神，而我在機身刻上的字串，亦實在做到了「提起精神」的效果。mini在我身邊一年了，無論如何也不忍心將它賣到別人手上。 四爺也想買，但他也有mini，正考慮賣掉，如賣得出，他便會買nano。如成事，他一年內便買了三部ipod，賣掉兩部。賣的比我買的一樣多。(anyway，有興趣請聯絡我開個價。)

唔知點解，突然會咁多野做，但是，集中力正在下降中。 工作理論上應該架輕就熟，無論怎樣也做不出應有的效率與效果。 好支力....唔寫喇......... 搵人幫下手，打死我罷啦....... 沒用沒用沒用....

生活雖然忙碌，但不代表充實。 和龍哥和娜姐食飯，娜姐問：「我地成日來這兒吃，你覺唔覺得悶啊？」 「無所謂的，反正我個人都係很悶的！」 (況且，龍哥次次都爭找數....) 跟王子到茶餐廳吹水，說起其實生活得很無聊，現在連值得記下來的事情也不多了。寫了出來的也不精采。很想再有小勤勤那類抵死的文筆..... 自從之前有人投訴我人身攻擊之後，身上又好像多了一個鎖，寫出來的都比較就住就住......也不多寫別人的東西..... 自己咁鬼悶，都係寫別人的好...... 也不知道其實有什麼人看，如果令人不高興那真的不太好.....well.....我其實很想寫的....不高興，我也沒辦法了..... 不如約小勤勤食飯啦，好耐冇見喇，唔知佢有冇煩惱可以俾我解決呢？ check 公司email，發覺佛佗同事又做埋我個份......點呀？佢咁熱心，咁得閒......做晒佢喇......真係火都黎..... 又花了很久才boot著部電腦，係咪想我踢爛佢？(我冇錢換機，講下o者....) 之前收到一樣從沒收過的東西，常常按耐不住拿出來看。 要好好計劃一些事。如果人無理想，同條咸魚有乜分別？(星爺教既。) 中秋節，搞燒野食，安排中.......

以下是我與一位我不方便透露姓名的朋友既對話： 友：唉...我今日做左件錯事...今日忍唔住對住某某(名字加密)口黑面黑... 火：下？咁甘？ 友：係呀...可能因為佢同我搭車個時全程同人講電話...到佢講完之後我就黑口黑面咁唔理佢... = = 火：你太過喜怒形於色了 友：我都覺得係...頭先佢問我係咪嬲佢掛住講電話唔理我...我都唔知點答佢好...唯有話覺得感覺怪怪的... 不過事實上我係好憎d 人掛住講電話由得我自己係度發傻的... 火：好像被當成透明似的 友：就是這種感覺...你想話理佢咩, 佢又講電話唔使你理...咁我唔理佢自己行先囉, 佢又話我唔理佢喎... 火：可以做的只有等佢講完 友：仲有既...自己係度東張西望囉... 火：等佢講完咪扮冇野繼續同佢講野囉 友：成二十分鐘咁滯喎... 火(嘩...很驚訝，但仍強裝)：小兒科了 友：我記得有一次同佢食飯又係咁...成餐飯有八成時間佢自己係度同另一個男仔講電話...唔係同佢分同一碟飯黎食我仲以為自己搭緊抬... 火：如果你有車又車佢返屋企，途中你會以為自己渣緊的士 友：嘩哈哈哈...你應該將我地呢個個msg 放上你BLOG當係本日金句...(我正在幹) 火：我驚你出事咋 友：嘿...你唔好出我名咪得囉... 火(暗說：你以為咁簡單嗎？)：(明說)咁好多人會對號入座 友：那不是很有趣嗎... 火：絕對有趣 ！ (出事時可不能怪我....) 友：我覺得大把女仔會係咁...你d朋友(我怕出事，只好說是朋友)一定會自己入座... 火：佢地好好架，之後會同我講唔好意思，好顧及我既感受！！(看，我沒怪她們的) 友：某某(名字加密)都好, 會問我做乜黑口黑面, 係咪有野唔開心呀..咁囉......

對於電腦的情緒化，比較起女孩子的情緒化，似乎更加無奈。 我自己有兩部電腦，一部是year 1時買的，PII-350，有七年多的歷史，唔計都唔知，原來這是我自小以來，服務年期最久的一部電腦，現在還在?定地服務，用作為file server 之用。另一部是兩年半前買的，AMD-2000+，其間底板已回廠修理過一次。 早在夏天來臨的時候，我發覺我經常開動不了她，開動了，她又會自己動開，我開頭以為是因為天氣太熱而我的房間又太焗令她心情不好所致，是以，我將機箱的打開了，一回家，便開風扇吹著她，等一會兒，才弄醒她，就這樣，她運作又好像正常了一段時間。 近日，她又好像在鬧情緒，不定時自動重開，天氣已經不算太熱，她究竟還惱什麼？ 如果真的是天氣太熱，我覺得至少我能知道理由，會作出適當行動，但是，最怕就是這種，不知道她在想什麼。 女孩子至少還懂說人類的語言，如雙方願意溝通的，至少有商有量；對於一部電腦，連著也著不了機的時候，也不知要做什麼，那應該是放她走的時候。

由於之前俾人話我地香港同事堆埋在星期四五一齊上珠海唔係辦法，咁我呢D small potato就梗係自動自覺，行開一邊，星期一上，留番個位俾其他同事。 本來，安排星期一上珠海是十分理想的，因為我星期一二在珠海，而我老闆就星期四五上，咁我即係淨係星期三先見到佢，在珠海又冇王管，應該係一些唔錯的生活。誰知道，呢兩日仲過得麻煩過平時，永無寧日的日子，真係去到邊都逃唔過。 星期一上到去，都未坐定，老闆已經叫我打電話俾佢，以為乜野事啦，原來為左weekend 珠海d同事冇熄testing server的事，唉......又係GS惹的禍，真係唔明佢點解叫d人熄server都咁難，其實佢做野都算不錯丫，但係叫佢執行policy，佢就係唔夠膽，話驚俾人話佢拎住雞毛當令箭喎......結果上晝同佢開會做一次心理輔導，下晝我搵HR Manager 比絲(bessie)傾，之後再一齊同GS傾，足足用左我全日大部份時間。 今日(星期二)，諗住專心一些做自己安排左的東西，結果，一早番去收到老闆個e-mail，問做乜個voip 同 ip phone 成日都唔掂，叫我解釋下，重問我佢應該點做...一早收d咁既mail，真係早餐都唔想食。覆呢一類mail，一定要好小心，所以我冇即時答，搞清楚成件事，中午食完飯，別日同事在午睡，我就用左半粒鐘來寫篇mail，其實我d英文咁差，寫得不知所謂，我老闆可能嫌煩冇睇過。結果想做的都不能完成，要留番明早做，希望做得切。 唔計有呢d麻煩野，其實在珠海做幾日野都真係好舒服，好寧靜。

終於來到脫智慧齒的日子。 上次靚女醫生話預計需要一小時，結果今天用了兩小時。 我今天剝左邊的上下兩隻智慧牙，下面那隻因為打橫生，要做小手術，割開牙肉。手術過程不怎麼痛，反正打了麻醉藥，反而我看靚女醫生比較辛苦。我下顎的智慧牙打橫生，割了牙肉，還要將牙分開三份才能拿出來，我也不知道她是看了X光片之後已想好了做法，還是一邊剝一邊發覺唔對路之後索性車爛隻牙先可以拿出來，反正我就是看到她很辛苦，上顎的智慧牙也很難拔出來，那隻雖然生得比較正常，但是取出來的時候，發現它真的抓得很牢，千辛萬苦拔出來後，醫生給我看看，她說牙已很完整咁拿了出來，三隻牙腳，所以很牢(三隻牙腳不是正常嗎？)，看看那隻牙，有些血肉模糊，醫生說連了一些骨一起拔出來，當時不已為然，但現在想，所些骨究竟是那兒的骨？不過，就算想到，也會因為說不到話而問不到....醫生其實生得很嬌小，把我那隻頑齒取出來也太辛苦了她。 上次報價上顎八百，下顎千六，點知今日仲收平d，二千已經剝晒兩人隻，仲花左雙倍man-hour，醫生又靚女，真係抵。

我呢D雙魚座既人，如果唔間中去接觸下個海，咁就一定會枯竭而死，所以，早排ryan諗住搞下wakeboard活動，我第一個和議兼報名，本來諗住淨係租快艇玩wakeboard，最後因為人數同價錢關係，演變成遊船河，好似抵玩d，又唔駛咁辛苦成日屈住響隻快艇度。 朝早同事們一同去買午餐，果間麵包店d麵包果占真不錯，芝士條更是一定要試，有d同事買左個大水泡同大浮床，不過我玩都冇玩過，又不過，最後我要keep住佢地。 好耐冇出過海，感覺真係好好。 再次玩跳海，即係由隻遊艇上層跳落水，要頭落先，係要咁樣玩，個人先至有番d存在既感覺。 第一次玩wakeboard，雖然唔係真係玩得好好，但總算響水上面飄過。希望下次會有進步，不過應該要等明年了。 完成了今個夏天的願望，曬黑，雖然現在仲係曬紅既狀態，但係，過幾日就會黑o架喇。 自詡「海之子」既阿rai，無論我地點說服佢佢都係唔去，仲諗住見下佢個泰籍太太添。我覺得，因為某些原因，可能呢一世都唔會有機會見到。

觀照自己，儘管生活方式，生活態度沒有改變，但自己感覺到真係有點兒不同。 主要是，覺得自己「輕」了。好像沒有了那種沉甸甸的壓力。一笑置之個rate高了，口頭禪由「無所謂啦！」變成「好小事o者！」，唔好以為兩句都係take it easy，其實好唔同，「無所謂啦」係接受，「好小事o者」除左接受，仲有「沒有事是解決不了」或者「根本不值得大驚小怪」的意思。 以前，人家說一句話，或者不跟你說話，我可能會苦惱一天半天，想人家究竟在想什麼，人家怎樣看我？或者，佢係咪討厭我，逃避我？現在，人家說什麼，不說什麼，與我何干？即使我好像和空氣說話似的，也只把自己想說的說完便當對得起自己便算了，沒有回應，或者換來意想不到的反應，其實，都不會介意。 少了偏執的思想，很多東西的事非對錯都覺得不重要，表達了自己的立場，你認不認同，我也懶得理了，反正我也不是一定對，你也不一定錯，大家總有自己的理由，又不是死人塌樓，堅持什麼？ 心境平靜了，看東西清澈了很多，一句說話，足以令我了解背後所發生的，人家在想什麼鬼主意，有什麼動機，不知九十，也略知七八。 要set me up，我諗要花些心思同腦筋。其實又唔係真係好難，好多人都知我心軟，不過，連個心都硬左少少，要昆我唔該加多少少感情，俾多少少戲，假得滯我唔會理。 要數缺點可能就係個人自大左。

之前幾日，阿四爺好似好多煩惱咁，咁又做下心理輔導。 佢果份人，最大問題就係太過執著，太過認真，龍哥話，佢有藝術家脾氣。 我呢排其實唔係好講野，講野九唔搭八，玩玩下，但係聽完佢講佢有乜野憂慮後，我就講左好多好似好有道理既野出黎，仲好有條理，扮晒有建設性咁。果晚即時，就發覺佢強化左，想串佢，佢唔單止防禦力高左，呢幾日仲識反擊，如果唔係個人放鬆左反應邊會咁快，以後，要搵位入佢難度會高左。 不過唔緊要，原來我都唔係省油燈的。很好很好。 又不過，最犀利都唔係我地兩個，那位兄弟，我和四爺不能相提並論。當然，我們再沒漏洞，再沒弱點，也不過是思明姐口中說的兩個失意，沒前途，沒將來的男人，點及兄弟他主導所有事情，幸福自己掌握。 四爺同我，都應該學佢，我就真係唔係咁想成日扮有型，講：「我地呢 d冇將來既男人，怕咩洗錢丫？」(雖然句對白係我度既....)

多謝以下的朋友： - 娜姐(lady first，其他朋友唔好介意)和他的男朋友龍哥(悶了他倆半天，很過意唔去) - 四爺 - ryan和他的未婚妻 - 給過我意見的觀賞者們 (真心的) 數起來，原來只請了很少朋友，而我也真的很不夠誠意，有些朋友我沒有他們的地址而只發e-invitation card(scan成image，很環保...) 有些朋友我明知他們對繪畫沒興趣，如給他們請柬，而他們為了給我面子而來，悶著他們，不太好吧，所以也便不叫了(即是連e-invitation也不send)。 再數起來，朋友也真的少得可憐，不過能有數個要好的朋友已經很難得了。 還想說的一件事，廖老師小時候的老師，裘老師來參觀，她的事跡自幾歲開始便聽得很多，真人卻是今天才能看到，一個很健談的老人家，少數地我會願意對談宗教問題的人，因為我覺得她是一個信教信得很開明的人，除廖老師和阿姨外，她是少數能和我完全溝通的人。

從四爺那兒看到 這樣一種愛 -- From 蘋果日報 咪亂講野，尤其是夜晚... 少不免又想起某件事...... 後來回想起來，那時她說：「兩個人談戀愛，就是摧毀一段友情最有效的方法。」 應驗後的日子，我好像完全同意了那句說話。現在再想想這幾年自己持的態度，自己定義的所謂安全距離，原來就是這句說話所造成的枷鎖作用。 認識一個朋友已經很困難，能成為莫逆之交更甚，尤其是異性，有些事，如果與一個異性的好朋友說，她可能會在另一個角度給你一些更中肯的意見。這種稀有的朋友，如果你想不只是朋友的話，多行一步，理論上得到幸福的機會應該相對地高的，但是，由於這段友情對你來說非常珍貴，意外發生時的機會成本(即係代價)亦得到了高度提升，慬慎的人，多數會選擇做永遠的好朋友，你可以說那是沒自信，沒有義無反顧的氣魄，不算很愛，你可以這樣說，不過，如果你真的經歷過一個好朋友不只是朋友然後不再是朋友之後，你還有勇氣再與另一個朋友再試一遍嗎？ 當這年來真的能靜下來，好好再想想這些年來的事對自己的影響，我發覺，自己其實給自己的邏輯擺了一道，亦給了自己很多無形的枷鎖，對一些人和事有很大的條件反射，那對自己有很不好的影響。說真的，要打破這一切，還需要很大的力量和時間。 順便一提，別再以為我還放不下，即使有時我提起從前的事，例如有關八月八日的事，或今次的有感而發，也不代表我還有不捨，心中還有思念是正常吧？反正我現在也沒有人要放在心上吧。

昨夜，九時放工，十時抵家，飯都冇食，倒頭便睡。 想不起，上次早過十二點睡覺是何年何日。 為何早睡，因為發覺有病，日間買了一盒傷風感冒熱飲，飲了兩杯，已好了一大半，為了讓自己完全康復，完成工作立即回家睡覺。 近年來，那些傷風感冒發作起來都不會太過嚴重，病得多，病發初期的病徵其實早已料如指掌，都趁病淺便已治好，多數不用看醫生，除非我想放半天假。 早幾年，咳得很凶，而且一咳便是好像永遠不會好似的，至少咳三個月，跟別人說那是百日咳。我後來發覺那是心理病，是自己不想病癒。為何這樣自己心知肚明，你們也不要問我，當然現在不會有這麼笨的想法。

星期五上珠海做完野，同ryan，亨利一同過澳門食晚餐，以補償中午食杯麵之委屈。 有同事聽聞船屋食物質素很不錯，出左關閘，乘計程車到船屋，不知不覺走到我從前讀的那所托兒所附近，說還未跟同事說完自己小時候因為打個同學仔而召見家長，便到達船屋了。 我們四人叫了五道菜：船屋炒蜆，非洲辣雞，海鮮飯，燴牛尾，釀尤魚。同埋每人叫了個湯，我個湯，仲有d英文字母粉在其中，即刻覺得自己得幾歲大。 每個菜都相當唔錯，一人食左百幾蚊，唔算好貴，但都唔係平，間中食下都唔錯。 前晚知道，有人在上星期四五六都在澳門，仲有人唔見錢包，真係好可憐。 根據四爺講，咪亂講野，係o岩既！討論完既人，好多時都會突然浦頭。

這兒怎麼了？ 怎麼連不到自己的blog?但是就可以post文.... 還有，有件事很想說...但別人的事，還是不要亂說...

"Please... Augustus...Please..., I bet you not to do that, my chocolate must be untouched by human hands..." 我成個中學生涯，上英文堂，都冇背過書，我唯獨記得呢句英文。呢句係Charlie and the Chocolate Factory 既其中一句對白。 我讀果間中學，上英文堂，書都冇本，我都唔知老師們係根據乜野來搵教材，只係知道班班教既野都唔同，問題係，我地考試，應該唔會同上堂有關係。當然，我細細個已經明白，求學不是求分數呢d咁顯淺既道理，所以，老師教乜，我地都好少理，反正唔知點解，有好多野，尤其係同考試無關係的，自自然然，就學識左。呢個情況，直至中四，要考會考，先至叫做有d課程跟下，不過，反而學既野就好似狹窄左咁。 講到離晒題...我想講，當年英文老師，花柳sir，有一日上堂，就準備左一節Charlie and the Chocolate Factory的article俾我地，仲教我地用d好似做戲既演繹方法來讀，咁我地，就梗係乘機搗蛋，讀既時候，有咁誇張，得咁誇張，我諗，果種演繹方法就係「方法演技」。而因為我對個故事好有興趣，就去左圖書館，搵左果本小說來睇....係中譯本，果然精彩。英文版...我地中國人，梗係支持我國文化啦，忘記英文版吧。 估唔到，現在仲拍成電影，不過我仲未睇，會有機會看嗎？ p.s. 唔係咁喜歡個中文譯名....

我十三歲開始因為某事件(又和大醫生有關)而開始學習繪畫，十九歲唔知點解，糊里糊塗開始幫老師教畫，同年幾個月後，廖老師創辦畫室，我地呢d孝順仔，點都要開個班，幫阿娘親搵下錢。 不知不覺，教畫都唔少日子，不是特別喜歡教畫，也不討厭教畫。不過像我這一種男人，太多空閒時間盞唔知點過，而且教畫也實在唔係太過辛苦，只是人家去玩時你在工作罷了。 我其實自己畫畫得不見得特別出眾，教得並不好，老實講我唔識教，我只是將我懂的，和經驗都全說給學生們，他們能理解和領悟多少，就是他們自己的修為了。我一向對教出來的學生沒有特別的要求，畫得不好的，我沒有強迫他們怎樣怎樣，畫得好的，稱讚一下便算了，反正最後他們也因為學業，或其他的理由而放棄畫畫。 雖然有少數學生學了很久，也學得不錯，我也教得很開心，但怎樣也沒有什麼大的滿足感成就感。原來，是有的，只是之前還未出現。 今年有兩個學生考會考美術，兩人的成績都出乎我意料，一個拿C，一個拿A。拿A的我固然開心，但其實拿C的我更開心，因為我是從他完全不行教到現在拿C，那種成就感是從內心流露出來的。 當年我也不過是拿個B，現在有學生能拿A，正是青出於藍。 原來，我還是會感到開心的。

睇冬蔭功之前，先去吃了牛肉烏冬天婦羅定食。 基本上，戲情比較八十年代港產片就意料之內，反正我其實最喜歡看那時的港產片。它還真的跟著港產片的劇情走，上集拳霸還沒有黑幫毒品交易的劇情，今次也加進去了。 劇情比想像要好，看看其他吧，阿tony jaa繼續樊少皇look，唔知當時澳洲什麼天氣，佢係都要圍住條紅領巾，牛仔褸，converse，相當fashion。 當然我們能夠再次欣賞到那些不可思議的功夫，例如雙飛膝，唔用手既壁虎游牆功，唔駛點助跑跳到二樓咁高，etc. 而今集重點係，完全廢掉敵人戰鬥力，即係屈斷佢地兩節或以上的關節。 我重來冇睇過一套武打片係由頭至尾對任何對手都係要pak斷佢地d手手腳腳甚至乎條頸至安樂，其實戲中的敵人冇被打斷關節都仲有其他選擇，包括有"質"個頭埋牆，同埋被掉落街，大隻佬就打碎膝頭以及經脈盡斷。 套戲叫冬蔭功應該係因為呢面間多用途食店(有得食野味，有賭場，仲有人爆房)個名叫冬蔭功。不過我覺得套戲仲可以叫「好陰功」。 呢套戲，咁有參考價值，出DVD果陣又要買隻看門口。 講開又講，隻拳霸初初出果陣我買都係六十幾七十蚊，宜家反而要成八十幾，DVD會升價都係第一次見。

星期一逸華劍士和大華約食飯，因為好耐冇見同埋我極度得閒，咁當然應約啦。 雖然席間我不多說話，但仍然相當高興的，今次我成功阻止了大家行海旁(年紀大了，會"支力"，同埋我一點也不覺得三個男人行海旁是一件有趣的事。)轉而到了機舖去渣車(有大慘事果隻game)，當然，一個有車牌的人理所當然會贏兩個揀鏟泥車(話唔怕撞車喎...)既顛佬啦。 唔知點解，以前(會考時代)同逸華劍士好多野講，唔知到左幾時，我開始唔講自己d野(除非好大件事)，可能生活有距離，而且又係教徒，加上我唔覺得佢對我講野有反應，久而久之，我都唔係咁講自己d野，當然，我們還是很要好的朋友。 大華更加唔會講d深入野，事關那年的事件後，我已覺得他是出賣了我，當然我知道那是他也有他的立場，那是我太偏激，但有介心就是有介心，不相信就是不相信，沒辦法。而且我常常懷疑他的性取向，為了自己著想，只好疏遠他(說笑而已)。 他們其間說去看七劍，雖然有同事說不好看，但我沒所謂，最後約了星期三睇。 星期三，食左飯之後便進場睇七劍。 其實我覺得相當唔錯，畫面好靚，有氣氛，劇情也交待到，當然人物沒有太深入描寫，但也提供了足夠看電影的享受。其實我看戲很簡單，基本上沒有訓著已經算不錯了，有足夠娛樂性就可以，也不用跟我高深地談甚麼套戲有甚麼訊息要說，拍得怎樣，無不無俚頭(反而好笑的笑料也不是容易想的)。 七劍給我的訊息是，武功好的人(甄子丹)溝女比較吃香，很多女孩子喜歡他！(廢話！)

在珠海其間，四爺已經將那百病叢生的思域仔換成壹壹零。 返落香港後的星期天，便將寄存在我車尾箱的物品，過番落佢部新馬度，順道感受下果部車既性能，雖然仍然是AT，和MT仍有分別，但和患病思域仔比較，已好力好多好多了！ 以後兩部壹壹零一同出車(如果有大活動搞的話)，真係有團隊FEEL。 部思域仔之前是我和四爺夾份買的，陪我渡過了不少日子，還記得他(思域仔)第二次進入機場時，我強迫他不收附加費地載一頭寵物返家(事後還知道那頭動物說：「駛乜俾咁多佢呀？」)，還把他弄傷了，那還真委屈了他。 雖然之後因為姨丈給了他的壹壹零我，我將思域仔全交給四爺照顧(當然他有給錢的)，我間中還會駕著思域仔的，因為我覺得他很好的。 思域仔 (19-06-2004 ~ 02-08-2005) ，我會懷念你的。

上星期，又上珠海，其間發生了幾則小事。 講粗口事件 一般來說，我在珠海是不會接聽電話的，除非有來電顯示，我知道是誰打來的，那我會回電。 當然有重要的事，我還是會聽的，不然「激活」(activate， 註 )roaming幹嘛？ 那 兩天在珠海，收到很多不明來歷的電話，當然，唔接啦，不過，那刻換了新的鈴聲，電話碰巧又響起，下意識地接聽了。是之前那麻煩客人打來的，跟她說我遲些回 覆她，她們(用電話會議打來)又不肯，迫於無奈用了九分多分鐘回答她們那些青菜蘿蔔般的問題，真係，火都黎，又不是死人塌樓，小小事都問長問短，而且那些 問題之前做training都解釋過，真係想用「大飛四百四」鍾佢！當然，我們抱著「為客人提供優質服務的心(出自悲劇王子的回應信)」，答她們問題時也 是彬彬有禮，表現出無限的耐性。 然而，收線後找立即：「仆街丫，講左我成舊水(即是一百元港幣的意思)！」 仲轉過頭和GS講：個客好「Q」麻煩！ 不過，再轉過頭，便發覺老闆同別的一個客坐在後面，她們雖然沒有說甚麼，而且當沒事發生，反而問了我另外一些問題，但她們應該是聽到我的說話的。 好失禮....不過，如果唔講句粗口平衡番心理，個人真係會精神崩潰。 註：激活係祖國用語，很專業的名詞 canteen午飯事件 繼上次「唔好食你都要食啦」之後，今次又俾D驚駭我地一眾同事。 當然，我地唔會無啦啦咁犯賤又走去間黑店度食dog shit，全因為下大雨，我們不能踏單車去阿姨度食，又係迫於無奈。 首 先，問佢拿餐牌，佢已經古古惑惑咁收埋個記載左d 6蚊炒粉麵既餐牌唔俾我地，而叫我地嗌d廿九幾蚊(真係廿九幾蚊的，唔係講粗口)的小菜，真係他娘的，我地唔係話嫌貴，不過廿幾蚊俾d咁樣質素既野我地 食，我地真係驚俾人地笑我地蠢，我地唔係第一次幫趁黑店，梗係唔會俾佢昆到，威嚇之下，終於問到個餐牌出來。 之後，阿rai問個小二有乜野飲，小二話：「飲尿(料)啊！」.....真係趕客趕到出晒面。 終 於落晒單，d野黎果陣仲強，六碟有兩碟來錯，仲有一碗飯係凍既，犀利！我叫蛋炒米粉，諗住夠簡單，應該穩陣，佢來時我見到係有牛肉的，都算啦，俾牛肉我我 唔介意的，但係，我一片蛋也找不到......亨利叫揚州炒飯，又有牛肉，變左生炒牛肉飯，究竟，佢有冇尊重過我地既order? 很想進入大陸同胞的思考領域去考察一下，學下野。 HR Manager 請食飯事件 ...

一整個星期沒寫了，除了因為比較忙外，也因為想停一停。 回看了自己這兩年來寫的，發覺了近半年寫的改變了，記得昨年年尾時，一位不認識的朋友留言，說覺得我寫的感覺上都很灰，說得對，甚麼心情就寫甚麼樣的文章嘛。後來，近來的半年好像輕鬆了不少，是開心了嗎？其實我自己也不知道，心中只是想改變一下心情，也不想自己散播負面情緒(好像太過高估自己的影響力)，所以盡量不要想著那些不爽的事情，不想不爽的事情，其實也即是沒甚麼可以想起了。 那平時寫的，就是那些無聊瑣碎事。 那也不錯啊，是嗎？總覺得，有甚麼地方不妥似的。 照舊，傷腦筋的問題，便不要想了，繼續想怎寫便怎寫吧，對！(自言自語很白痴。)

星期一，放左工，去左搵一本工具書，睇資料，有一間叫「書得起」有得賣。去到搵，真係有，重一入門口就見到。間野其實賣設計書，我蠻喜歡那兒的書，但還是少去為妙，本本書都有番咁上下價值，一個唔小心好易洗晒d錢。 本工具書，係本字典，其實我買黎都係為左過癮，我都冇諗過有實際用途，廣東話俗語字典，開頭我本野以為玩玩下，點知原來好認真，仲係星加坡大學負責出版。果晚，王子仲問我"sin"低個"sin"字點打，本野即刻大派用場。 sin 跣 [barefooted] to cause trouble, to make difficulties; to trap, to trick 呢條友...鑊鑊跣到我痕 That bastard... he's always trying to get me into trouble for everything! 服未？ 買呢本曠世巨著，為左證實係咪唔係通街都有得賣，我就走左上d書屋睇下。 點知，真係冇，而我又多買左三本書。 一本李牧童寫的小說，我其實對呢類小說冇興趣...但係對個作者好有興趣，所以求其買左一本佢既小說來睇。呢位李先生在專欄寫d野篇篇入肉，好似對住我寫，專程寫俾我睇咁，咁等我睇下佢d小說寫乜先。本小說，睇左兩章，幾好笑...唔當愛情小說(冇錯，係愛情小說....=.=')，當笑話睇都得。其實呢d愛情小說有冇男人睇？不過，至少，個作者係男人，應該ok卦.... 第二本，係本散文，唔多講。 第三本，《35歲前要做的33件事》，趁35歲前仲有時間，睇下我其實要做d乜。 本字典都幾貴，以上三本加埋都唔夠佢貴。

上篇有關小家男，追加一篇拍下來的剪報，有關小器男，看看其實身邊的朋友有沒有這樣不濟，也順道檢討自己。

讀這篇文章的時候，想起了某人，嚴格來說，我可不認識他/它，我沒有這樣的朋友(當然也不夠資格當敵人)。 不識字的小畜牲可別對號入座。 2005年08月01日 朋 友 初 做 生 意 ， 跟 一 個 心 胸 狹 小 的 「 有 錢 人 」 搞 合 作 項 目 ， 焦 頭 爛 額 。 心 胸 狹 小 的 人 總 覺 得 人 家 都 在 謀 他 ， 防 範 之 心 重 得 要 命 ， 把 錢 則 看 得 絕 大 ， 一 個 銅 板 大 如 臉 盆 ， 心 胸 比 錢 眼 還 小 ， 於 是 就 來 來 回 回 在 錢 眼 鑽 出 鑽 進 ， 別 的 事 情 都 顧 不 到 了 。 跟 這 樣 的 人 合 作 當 然 痛 苦 ， 談 合 作 計 劃 的 時 候 天 花 亂 墜 都 是 宏 圖 大 計 ， 但 實 際 一 做 起 事 來 ， 斤 斤 計 較 得 如 小 女 人 街 市 買 菜 ， 之 前 的 千 軍 萬 馬 ， 都 化 作 青 菜 蘿 蔔 ，還 生 怕 水 份 多 了 壓 秤 。 任 何 一 個 細 節 都 猶 豫 計 較 ， 最 好 便 宜 獨 佔 ， 合 作 夥 伴 做 義 工 算 了 。 跟 這 種 人 合 作 ， 事 情 由 猜 忌 開 始 ， 至 翻 臉 告 終 ， 那 一 段 過 程 ， 卻 浪 費 了 生 命 。 另 一 個 朋 友 也 跟 「 有 錢 人 」 交 過 手 做 生 意 ， 結 果 發 現 對 方 身 家 雖 有 數 億 ， 但 好 像 最 大 的 理 想 ， 就 是 做 無 本 生 意 。 他 以 自 己 「 有 錢 人 」 的 身 份 到 處 找 人 做 事 ， 卻 只 管 宣 揚 宏 圖 偉 業 ， 從 不 跟 人 講 錢 ， 那 架 勢 就 好 像 人 家 都 以 可 幫 他 做 事 為 榮 一 樣 ， 似乎 你 幫 他 做 事 ， 是 他 給 你 面 子 。 有 時 候 ， 當 然 也 在 做 事 之 前 為 人 描 繪 一 個 錦 繡 前 程， 引 君 入 甕 之 後 ， 到 頭 來 ， 閣 下 還 是 義 工 。 他 把 全 世 界 人 都 當 了 子 ， 但 人 家 一 回 就 不 會 第 二 回 ， 再 也 不 過 三 回 ， 到 時 候 ， 任 他 再 鼓 如 簧 之 舌 ， 也 沒 人 理 他 ， 只 管 在 外...

踏入八月。 下星期一就是八月八日了。 我還記得那一九九九年我們還是知己的時候。 那夜我吃了一頓有生以來最特別的晚飯。 如果將某段時空抹去，我們現在還會是無所不談的知己嗎？ 後來的這些年來所經歷的，讓我知道，不能。 有些東西，即使不說不做。 但是自己是騙不了自己的。 好了，悼念完了。 然後，每天也是新開始。

尋晚番到屋企開電腦，點知部電腦怪叫，撻唔著，我平時對佢咁好，做乜扭計？ 原來佢覺熱，即刻開把風扇同冷氣吹住佢，即刻開得番。 開番諗住打一打下面那段笑話，點知上網仲慢過56K.... 無計，咪開始睇LOST囉，第一集就咁玄疑，即管睇下啦，不過個MON真係好唔掂，D暗位真係全部暗晒，無層次，我唔係要求高，只不過想睇到佢地O向度做乜.....，據說會有好多咁暗既鏡頭，唉，又係D用錢解決的問題。 公司給了我一個消息，估佢唔到，真係要用心d做野，唔係下季聽乞米。 個消息係有關我地的花紅問題，我呢d冇乜貢獻既人，當然就得到 ---- 一啖笑啦，中間我同老闆講呢d野我早就預左，佢話早知道對自己咁唔公平，做乜唔提出來？我話，你應該清楚我既性格為人，唉，仲有，我話，呢d野我提出來，你地會幫到d乜？佢話可以諗過個計算方法。哈哈哈，講笑咩？點會為左我一個人而改丫？我係邊個丫？做小腳色出講咁多野咪即係自殺~~~無論如何，其實真係要多謝我老闆，為左我佢其實應該同大老闆鬧過小小意見......

呢篇野，本來應該尋晚寫。 本身應該寫個笑話出黎，同大家分享，不過呢排實在無乜心機寫D好笑野。 個笑話本身係來自四爺口中，有關佢公司其中一個同事，而佢呢位同事，就係我地以前隔離班既同學，其實都唔知點寫，或者話唔駛點寫，因為佢本身就係一個笑話。 本人覺得，佢最大既笑話係 --- 身為一間公司員工，個人低能都算啦，唔好怪佢，在公司午飯時間，一邊睇卡通片，一邊食飯，仲自己o向度傻笑，咁都未算，佢地公司有幸地開OT係有錢既，有人其實冇野做都成日留到夜一夜，呃OT錢，過份？未算，開OT睇卡通片，你見過未？咁都有人容得下佢，真係笑話。 唔好同我講呢d係公司文化，我覺得呢d係個人問題。我懷疑緊佢其實係咪戴左過人皮面具返工，唔係點解咁唔知醜。 而且，對於開OT有錢呢個現象，我好介意。

今朝，起身返工，好遲，覺得自己好過份。在返工的路途之中，已經原諒左自己。 返到公司一陣，做少少野，就已經係食飯時間。 下晝，又做處理不少工作，都算對得住自己，對得住公司。 然 後開左一個會，又講個MBS System，即係要自己管自己team人既P&L，老闆話我地係咁幫人做野，但係又唔charge人地man-day，咁就蝕晒大本啦，咁到時 就唔使旨意有bouns分喇，係呀，我覺得真係蝕底呀！針對今次的會，我要認真咁為自己搵d收入，改善資源分配，增加工作效率，當務之急，係唔可以再俾 GS成日在工作時間同D女同事溝通，唔知點解我會有d咁既手下。 放工去左幫cody哥安裝佢間公司個wireless router，助人為快樂之本。 之 後出去搵師兄弟，四爺同澤少食飯同上師傅度(計劃上師傅度)，不過由於我幫手幫到好晏，食飯後已經幾夜，咁我地決定唔好騷擾師傅，然後去左研究攝影技 術，上飛蛾山。我身上只有部輕巧傻仔機，可以做既野好有限，惟有玩其他平日唔玩既野，試下d特效，終於研究左一個世界末日mode，我好喜歡呢個 mode，覺得影出泥個世界先至係我處身既世界，所以影左好多世界末日mode既照片。 成日都覺得好灰.....原來唔係，應該是紅色的。

今日落個客度做最後一個training，八點幾就到，等佢冇位入我，哼！ 好順利，users 仲聽得好開心，講左兩個幾鐘，好以開演唱會咁，最後仲有安歌部份，即係將佢地唔明既部份講多次。 = =" 好彩近來跑番步，夠晒氣做呢場show。最後，仲打大佬，同佢地個負責人講今次既問題，我輕描淡寫咁照實講左今次既情況，等佢明白其實發生左乜事，咁我同 公司就梗係無事啦，跟手仲同vendor個sales講好說話，話佢都好無辜，只不過係sales黎o者，技術野唔係咁清楚，叫佢唔好鬧得佢咁勁。咁都唔 只，個client話如果呢個application唔係咁適合，就用過第二隻，問我office在哪，叫我搵sales聯絡佢，佢上來睇demo。處理 到咁既程度，都算係咁啦係咪？連消帶打，唔單止拆左個炸彈，仲搵到商機。 呢排好似成日都自己讚自己......唔知醜。不過算啦，人地唔讚我，咪自己讚自己囉。 由於早起身，所以好眼訓，本來想一早返屋企訓覺，但係維維人安裝個scanner (又係scanner，好麻煩)，搞到8點(我本來想6點半就走)，最後都係搞唔掂，好失敗。唔理，走。 o向架新巴度訓足全程，返到屋企已經唔想訓，咁咪執埋上次搬野未搞果d手尾囉，(係呀，未執好呀，係呀，成個月架啦。)整野果陣俾個火牛跌落自己隻腳趾度，即刻黑左一粒，同時發覺燎原火冇痛覺呢個傳聞係真既。 我就自己讚自己，四爺就俾人咀咒，真係搞笑，居然淪為人家兩口子表現愛的道具，好有存在價值！哈哈，講笑咋！下次唔好出手打d幸福女人啦！唔係出街俾人笠麻包袋都唔知乜野事呀！ 尋日去洗牙，阿靚女牙醫睇過之後就話我要補番幾隻牙，我知丫，補囉。同埋佢提出左我多年來逃避的問題 --- 智慧齒，我唔係未剝過牙，亦接受到果種痛楚(我仲係冇痛覺既添)，但係因為呢種情況係要開刀割開d肉，所以都幾恐怖，而且，都唔止，剝牙個價錢仲恐怖，仲 慘過割我忽肉落黎！ 講咁多都冇用，都係約左時間剝。因為問題唔解決就始終都係問題，好多野，逃避不了。

原來除左《他約我去迪士尼》，網上仲流傳有首《他約我去許留山》。加上唱歌果位老兄(or阿姐？)係用「苦榮腔」唱出來，將呢首既精髓都帶晒出黎。 多謝四爺上載如此好作品，我發覺四爺的音樂領域闊左好多，同埋個人都輕鬆左好多，欣賞同接受能力都廣闊左，以前呢種搞笑作品佢點會睇得上眼？咁就o岩喇，個世界唔會淨係得一類野既，當懂得欣賞每一樣東西的優點時，代表個人修養已經提升左。 《他約我去許留山》 一客西米撈　配搭那樣好　淡奶似在投訴　原來從未修好 兩碟馬豆糕　這樣快做好　佢話怕用糖醋　食到條利粗糙 美味到　我就連忙大叫讚好的訊號　 再禱告　要是調味任我撈　公主都讚好　（金比都讚好） 當西米任你撈　芒果又蜜桃 開心不得已忘掉了家母 再細數　本想多叫杯夏枯草　配合珍珠瓜奶當係進補 包起怎會是老土　可惜到最後全部賣晒勾心那噩號 只得幾罐銀菊露　同埋糯米讓我醫肚 肚餓到　看著來回地買凍撈的細路　會很燥 要是甜蜜任我煲　該相當美好 金比要食雪糕　ThatsWhy要合桃 花子想要食銀杏燕窩冇 雪蛤膏　小心不要煲老 假使快樂　可否跟我去燉奶佬 剛剛想叫份雪糕　怎知到最後還是惦掛屋企有奶露 打包的那杏霜露　回頭盡孝道　送家母 當西米任我撈　不需要勞嘈　因可跟你在堂食到嘔吐 眼見手瓜開始變粗　仍不肯卻步　一公斤咁快又重到 脂肪不算是太高　假使有你在旁扶著我一起過馬路 飲多一客銀菊露　難道亦會令你苦惱 得閒聽下其他類型作品，唔駛成日聽埋果D無病呻吟，懶係慘情既情歌，都幾好架。 講開又講....都好耐冇去過許留山咯......

星期五落個客度同佢tune下個scanner，我明知做唔到d乜，但係都坐左成日，終於叫得郁提scanner個vendor落黎一齊睇下檀野，本來諗 住佢地technical個阿頭來，點知佢叫上次training果位小姐黎，是但啦，其實我明知邊個黎都唔會解決到，咁叫位小姐黎咪重好啦。講開位小 姐，做野其實都OK架，至少佢都認為呢個問題同佢地scanner個driver有關，即係佢明白事理，唔會同我大耍太極，仲同我講佢地d sales成日都over-sales d product，搞到佢地做deployment果陣一鑊粥。 不過佢technical既知識其實都幾有限，言談間我發覺佢其實好想表現佢係technical方面o既，而且表現得好有信心，好熟technical 野咁，做野的而且確要咁的。firmware係upgrade個hardware架，行一次個firmware setup就得架啦，換左部pc之後唔駛做多次架。不過呢d小問題黎既o者，唔緊要。 做左成個日，試晒我應該試既野，當然搞唔掂啦，都預左啦，走果陣都五點幾，人地就放工o者，我就仲返公司，因為其實公司仲有好多濕星野要做。不過最重要係 「報案」先，即係將呢單將會幾大鑊的case講番成個過程俾我老細同sales team聽，而且唔係我地的責任，同埋我在技術上已經無能為力。講晒俾佢地聽，好等佢地有晒心理準備，知道點樣拆解。 今次落個客度純粹滿足佢既要求，佢地以為有人坐site就會解決問題，咁我咪坐site，「做D野」囉。而且確實證實左唔係我個application問題。而「報案」就係為之後一星期會發生的事作出步署，做定準備。 不過我星期一仲有一個training未做，又要對住成班阿姐，好唔開心。 今朝本來想訓晏d，點知連收幾個SMS，嘈醒左，SMS係我公司個mail alert system 自動 send 來的，o向呢度唔想解釋咁多，總之有如果有SMS send來咁就即係話個mail system有問題。咁連send三個SMS就即係好有機會有問題啦，咁咪要起身check一check 啦，之後發覺其實無問題，咁咪send mail 俾番大家話無事囉，實際作用係話俾大家聽，對於呢個alert我係有警覺性的，有做野的，仲係無覺好訓的。 呢兩日都係做緊拆彈工作。 今日先知原來水冷系統對架車仲咁重要。我真的對車冇乜認識。 呢...

自從上次大醫生回港事件(四月)，以及俾人鬧左幾句後，我生活表面上其實也真不錯，當然了，乜都唔諗，乜都唔睇，乜都唔聽，乜都唔講，仲會有乜野感覺？ 感覺上，我只不過當自己係一團有骨架支撐住既蛋白質。當然，我見人的時候，還是會笑面迎人，事關個人唔靚仔，仲成日木無表情甚至黑口黑面，我驚會俾人吐口水，而且出黎做野，成日要對住vendor，client同老闆，樣衰衰咁，有朝一日俾人革扯又有乜野咁奇。 真又好，扮又好，總之生活同心情應該叫做平靜，至少唔駛好似坐過山車咁。 但係，和平既日子通常唔會長久，呢個月似乎又走緊下坡，尤其係今日，應該(希望)係全個月最低位。 一早起身，落個客度做training，本身已經唔係咁喜歡做training架啦，今次仲廿九幾人一齊上，仲只不過係全部人的一半(星期一仲要做多一次)，你老味，買果6個license，成村人上training，想點呀？最重要係間公司多數都係阿姐(這是比較客氣的講法)，真係乜野精神都冇晒。咁都算啦，做野o者，工作範圍以內，我應該做的。最唔開心就係呢d solution永遠唔會順順利利就搞掂，梗有d野唔得。今次又係d integration問題，即係d野分開用就全部正常運作，夾埋一齊就仆左o向度，個scanner行得好好，安裝又冇問題，software操作正常，但係個scanner配會個software一齊，就有問題了。有問題其實都唔緊要，有問題咪fix囉，但係，integration的問題就係各個單位都話自己冇問題，唔關佢地事，佢幫唔到。幫唔到，問題解決唔到，對個客來說，即係我既問題，大佬，個scanner唔係我整，scanner driver 唔係我寫，連我公司個software，我都冇參與開發工作，點解問題會落o向我度，就算我想幫，我其實幫到d乜？我落到個客度，都預左有問題就我係第一個(或者唯一一個)俾人鬧，但係我實在做唔到d乜，你鬧到我命喪黃泉都冇用，反而，你真係鬧死我好過，唔駛煩。或者，又係我唔識handle，工作能力低啦。 搞到成日冇心機，今個月又唔知搞乜，洗晒d錢，ok，財散人安樂，反正得番幾蚊雞我都有辦法生活到。最激心係尋晚打俾三少爺問佢d野，佢答完先至同我講佢撞爛左架車，今日仲打來問我借錢俾修車費，嘿，佢當然唔知我今時今日仲窮過佢啦！撞車都算啦(仲要同上次撞個位一樣)，借錢都算啦(反正我呢幾日都唔會有錢借俾佢)...

本來也沒什麼好寫的，但是，在一分鐘前，當我開新拿回來的歌聽的一刻，天邊閃了一下電，接著打了一個雷，剛好那一刻古天樂先生就在唱那一句：「像我這一種男人~~~學不懂怎快樂~~~~」，咁....算什麼意思？ "手羅"景，還是個天比較擅長。

上左珠海兩日，例牌講下發生左些甚麼。 臨落船我老闆倒瀉左佢杯奶茶，點解唔飲晒佢就訓著左呢？看來佢都好支力。 唔只我老闆支力，我都好支力。支力到同阿GS開會時都係伏案而開，我覺得佢睇見我咁，就好應該努力些工作，減輕我的負擔。 除左開會時伏案，我冇乜特別urgent野做時，都在練地獄門絕學─迴夢心經。有機會等我打套夢蝶掌同埋天羅八拜俾大家開下眼界。 唔知點解有珠海同事對我地D舊thinkpad咁有興趣，搞到我老闆迫不得已要拿四部出來拍賣。每部開價$1800，咁都買？係，不過唔知點解有人又嫌貴，又要買，仲要四圍搞事。 總覺得珠海同事都係有點問題.......... 在空閒時間終於見識過呢個 http://del.icio.us/ ，同一般online bookmark有少少唔同。對我來說，佢最大唔同係用tag來做分類，好處係可以做multiple filing。唔明唔緊要。 有興趣可以睇下我有乜野收藏： http://del.icio.us/wailunlee 同老闆反映左我地香港辦公室有過多printer的問題，全公司15人，仲唔係個個會長期在辦公室做野，但係總共有五部printer用緊，我已經冇計有部inkjet係收埋左。平均三個人用一部printer，死未？ 珠海60人，得一部渣野。乜野叫做貧富不均，資源分配不平均？呢d咪叫貧富不均，資源分配不平均囉。 ryan拜託我同佢team人影番d靚仔d o既相，我當然好鬼義不容辭。影果陣我發覺，我影得麻麻地，冇晒平時的水準(本身都冇乜水準架啦)。影麻甩佬，我真係唔係咁擅長......ryan，對唔住。 食飯時講起阿佛陀同事，由老闆話佢對部printer放咁近佢都冇乜反應講起(部野咁嘈，咁大幅射，理應要出下聲)，到我話佢其實對外界的反應比較少受影響(即係，遲鈍)，再講到同佢講野的respond time比較慢，即時引起全部一共六人的共鳴。我唔係笑佢，只不過講事實，你同佛陀同事講句野，佢必定會等兩至三秒先有反應答你，我唔知呢段時間係佢o既hidden process time定係propagation delay，我地研究過，應該係佢做野好小心，要諗好多好多好多次確定冇錯先至答。 其實呢個係優點。 上次阿娜姐打電話俾我時，都話我講野反應好慢，我果種慢應該係我multi-tasking緊，或者我支力，同埋如果同佛陀同事比較，我已經...

尋日廖老師生日，但係我上左珠海，相當不孝，好在日前已經同佢食左飯，不過又係家姐俾錢，做細o既總有些好處，其實身為長子，又有野做，好應該我請，不過我地好似習慣左有大食大。 娘親大人，生日快樂。 同日係公司CEO生日，老闆其實待我不錯，我在公司胡作非為都仲可以生存到今時今日，都算係天下奇聞。 老闆生日快樂，希望公司生意蒸蒸日上同時我地同事們又其實唔駛點做，每日淨係負責扮演高薪人仕(註)。 (註：在我心目中，高薪人仕應該無論實際上或唔實際上都係唔需要有生產力的，佢地淨係負責受薪)。

為了答謝阿練師兄經常同我睇病同按摩我就快殘廢的雙肩，我在這兒恭喜他中醫畢業。希望佢快d執業，而且開創中醫界先河，在中醫館聘用靚靚同性感女謢士，生意一定為業界之冠。 恭喜恭喜！

今晚，阿廖老師見到我前年買果個風車因為我執完d位而置在一旁，想話俾d idea我，話我知應該點擺，佢未講我已經話，我想丟左佢。 佢話：唔係播，買左個運幾好丫，做乜唔要呀？ 我話：都溝唔到女o既.... 佢話：車，你唔溝之嘛.....溝唔到果d就認左做「X」(唔想講果個字).... 我話：...........(無言以對) 點會有D阿媽咁同個仔講野架..... 唔知多謝係咪同我講.......會唔會又係我自作多情？燎原公子，你都係慳d啦。 再係咁落去，真係會減榜成功。唔知係唔係好事。仇家們，要取我性命，請把握機會，黃金機會一閃即逝。

買了隻G-Shock，方形黑底紅字，相當有個性，以一隻電子錶來說，還相當貴。 如果你問我係咪真係咁有需要買呢隻錶。我可以話俾你聽，唔需要。 如果我話俾你聽，因為我冇電子錶，為配合一些運動場合以及遊樂的環境，所以有必要買番隻sportive一點的錶，咁呢個係一個買o既藉口。 如果我話俾你聽，因為阿四爺推波助瀾鼓勵我買，這我是在推卸責任。(用有雷的語氣地說：「唔關四爺事o既，所有野係我做o既！」) 我還是買了下來，原因只不過是「我想買」。 我相信，我大部份時間做決定的原因都只是「我想」...我想買，我想去，我想吃，我想看，我想你過得好....單純之餘帶點任性。我喜歡沒有動機，我實在是相當簡單的。 我寫這篇之前，還有一篇正在寫，那篇應該比較長和悶，但是我的想法，還是想記下來，也想看看自己其實是怎樣思考的。

先旨聲明，以下言論並唔係針對任何個別人仕，政治立場，宗教團體，黑白兩道陰陽兩界。我唔想聽日就冇左條命仔。如有一句半句唔o岩聽，你可以鬧我，不過千祈唔好搵我，因為我好忙。(我呢種人，通常見唔對路就會扮忙架啦。) 話說尋日，阿廖老師教緊畫時，問D小朋友上個禮拜(七一)做乜要放假時，D小朋友循例又答D九唔搭八的答案：因為我去吊墨魚，因為我返大陸....小朋友就係咁，以為個世界會圍住佢來轉.... 有D開始對辦：因為要去遊行....(如果因為遊行而有假放，我唔介意精神上支持所有遊行活動，即使我未必真係認同，包括果D支持同性戀乜乜物物的...) 阿廖老師聽到遊行，即刻糾正佢地，果日係七一回歸，係去慶祝，唔係遊行。@_@ 然後，佢就拿出佢準備好的圖片俾d小朋友睇，全部都係d慶祝活動的剪報...... 我好八卦咁睇下d圖片，嘩....好鬼粉飾太平feel，好假，少少想嘔同少少想死.... 成件事我發現幾樣野。 第一，原來廖老師是有少少左傾的。這個我其實冇乜意見，我諗佢未至於會在我面前歌頌祖國有幾偉大甚麼甚麼的，如果不幸係咁，唔怕，我的聽覺已進化到有自動過濾功能，好ADVANCE！ 第二，我唔係咁喜歡呢D左傾心態，跟住即刻檢查下自己其實係邊門邊派，發現我其實都討厭果D事事反對，聲大大冇野賣，淨係識沽名釣譽的其他派別。咁樣相當不得了，O向社會學上，我呢類人好係唔適合住在大眾社群中，即係話，我其實係一個自閉仔。 第三，我討厭任何團體，組織，黨派。一班人為左某些理想理念走埋一齊實在無可厚非，但係唔知點解我一直所見的所有團體，組織，黨派最後都好似變左質，到最後我都係覺得佢地做野只係為左擴張勢力，劃地盤；最重要係佢地最後都有好多祟拜，迷信色彩，仲定左好多所謂規則，總之其實同佢地最初理念無關。我可能表達得唔係咁好，但係總之我覺得佢地最後會變得好假，好表面。我相信的只會是某種理念，做的會是我認為對的事，好多野其實跟本唔重要，例如高舉某國國旗，高唱某些歌功頌德的歌曲，呢種事.....對唔住，我真係覺得好難接受。 所以，雖然我係中國人又做過好多中國人的同學，我冇加入中國同學會； 我細細個就讀教會學校，知道聖經講乜，老師仲覺得我乖到直情係十足十教徒的樣子，每逢春秋二祭，都叫我對住d同學仔讀d金句出黎，你問我信唔信，我其實唔會答你，信又點唔信又點？ 曾經有人o向條街度叫我入佢地教會，佢講左半日，都講唔出...

今朝成朝都有些作嘔的感覺，又冇胃口，中午食左半碟野只冇食落去。 中午發覺係腸胃炎。 我冇去睇醫生。 曾幾何時，我因為腸胃炎冇返學而去左睇醫生，阿醫生居然叫我下次腸胃炎唔駛睇醫生架啦，唔好呃醫生紙唔返學。真係醫者父母心，從此我真係冇再因為腸胃炎而請假，我唔係因為聽醫生話，只不過我係賭氣，睇下幾時我因為腸胃炎要叫白車，當急症室個醫生問我做乜腸胃炎仲死頂，我就會話佢知當年有位偉大的醫生同我講腸胃炎唔駛睇醫生架啦，等佢為醫學界而蒙羞，問你死未！ 今日玩Bejeweled 2突破二百萬大關，當ryan仲諗住破我一百七十萬時，我又更上一層樓，望塵莫及。

呢幾日都在做些不可能任務，mission impossible。 星期一，上晝落個客度，好輕鬆，估唔到下晝咁甘。 老闆隻mobile harddisk 壞左，read 唔到，但係佢放左些好緊要的文件，佢叫我諗辦法讀番d資料。天要下雨，娘要嫁人，隻harddisk壞左，應該搵代理修理，我邊有辦法丫。呢d時候，除左靠運，仲可以點？我試來試去都讀唔到，心諗住放棄(放棄，呢期我擅長動作)，入老闆房，未開口，老闆已經話：「唔准話唔得。」.......咁唯有好無奈咁走返埋位，繼續。 突然，仲有人叫我開會，操~~開乜野會呀？邊路人馬呀？我連meeting minutes 都未睇呀.....想起我一返到公司就搞果隻壞鬼harddisk，email都冇check過，都無計啦，格硬開啦。就係咁樣格硬開，中途我就俾大老闆鬧我，下次你準備下先開會啦。呢d野解釋就盞俾人話你搵藉口，所以，硬哽。 唔知係唔係因為我受左委屈，老天爺可憐我，開完會之後，隻harddisk有限度服務，讀得番其中一個drive，就係我老闆要o既野，拿拿聲叫我老闆出來，抄番d野出黎，好彩。算啦，唔係真係工都放唔到..... 今日，老闆話個msn個password唔o岩，佢諗住用microsoft passport個recover password o既方法搞掂，microsoft咁把炮，當然唔係咁易俾你搵得番個password啦，最搞笑係佢話會send番個password去你個hotmail/msn email box度，哈哈哈，我就係入唔到個mailbox嘛，你send入個mailbox度托咩？咪玩啦，bill叔。算啦，可能又係我唔識野，見識少啦。總之就搞唔諗啦，我仲好大膽咁同我老闆講，呢個星期做d野咁深o既？哈哈....連佢都笑。 請到我做staff算係咁啦，公司所有機器運作都ok丫，有乜濕星野又同你搞掂，仲提供適當娛樂，舒緩壓力，人工仲咁低，好抵用啦！

今日公司開例會，收到一個都幾震撼的消息。 今年流動性高。 番看這兒的post，發覺這多個月來自己在呃自己。差點兒真的以為閉上眼睛便沒事。 吃午餐時跟同事談起GPS，繼而說到當年的FYP，如果那個system真的做了出來，有可能真的會發達。阿rai仲讚個idea好偉大。哈哈。

執完公司個架部，輪到自己房。 整個工程相當浩大，要將衣櫃同埋書架個位調轉，書桌，電腦架，cd架移位。 星期日開始做，搬好d位其實好簡單，一個上晝已經完成，難在有大量唔知點處理的東西.... 唔知點處理的東西我唔知點形容，是一些記載了過去，計劃了將來的東西，不可丟，卻不知怎麼留。 再看到那些東西，開始恢復記憶，1999年的聖誕卡，長期的會員....可惜會長已死。 那堆東西到現在還未處理好，我將它們全放到一個大木箱，感覺上像是逃避。 我答應了自己，今個星期一定要處理好自己的過去與將來。 新的佈局也頗舒適的，還欠我將全部物品都收拾好。

每月月尾，總有一天要收工收夜D。因為要BACKUP公司D SERVER，今晚就係月尾。 本來諗住九點左右就走，結果搞到十一點。一來出左小小意外，二來我見抬同櫃都好亂，想執拾。 照例丟左好多野，又照例搵左D好耐冇見o既野出黎。 有： - 一條IQ題； - 存摺； - 一張寫滿左台北景點同埋美食的紙.....!?； - 員工合約； - 糧單； - 稅單； - 兩年前阿施明姐還俾我o既Cisco CD，仲有張字條....; - 保險PLAN同policy，有traccy 字跡。 - 好多本來應該放o向屋企的文件； - 最奇係....一份TC同學的mailing list，有full set各人的email address，份野最強的功用係....幫我記番佢地D名..... 有D野想丟，但係總係落唔到手。 應承阿媽會返屋企食野，十二點先返到，轉死性，親手煮左個麵食，好耐冇開過爐煮野，其實都幾好玩，不過最唔鐘意洗野。 應該好好安排下，以後多d返屋企食飯。 終於過左個六月，好似過左好耐咁.... 好支力。

我其實應該慶幸自己逃過一劫。 從前媽媽說得好：塞翁失馬，焉知非福。 今朝有蕉今朝吃吧。無知是福呢。 今年定下的座右銘定得好：凡事唯心。 我到今天還是很介意那什麼真心假意的行業..... 原本公眾假期也要返工，現在不用了，很好。 媽媽的建議相當有point，好叻女。 計劃了將自己房間傢俱的擺放重新安排，星期天辦妥。 每天都在下雨，怎去游水？還想請吃飯。我可是記得的。 常常覺得這歌詞很好。 孤單的一天吃喝工作渡過 孤單的一宵連日劇亦閉幕 平淡沉悶都可用心的等待過　 我說過我很快樂 真的很快樂嗎？至少沒有傷痛的感覺吧。

做左個test。 性 情 溫 和 ， 容 易 相 處 ， 想 像 力 豐 富 ， 怕 羞 怕 羞 卻 非 常 浪 漫 。 腦 筋 轉 速 極 快 ， 愛 坐 言 起 行 ， 標 準 行 動 派 ， 衰 過 份 急 進 ， 適 合 從 事 演 藝 界 一 類 真 心 假 意 行 業 。 給 人 第 一 印 像 非 常 好 ， 自 我 意 識 強 烈 ， 表 現 無 懈 可 擊 。 厭 棄 浮 跨 生 活 ， 注 重 實 用 價 值 。 將 家 庭 放 在 三 、 四 位 ； 敵 我 分 明 ， 對 朋 友 會 很 忍 讓 ， 反 之 則 極 度 抗 拒 ； 愛 很 認 真 兼 緊 張 。 28 號 出 世 的 你 ， 超 級 牛 皮 燈 籠 ， 點 極 都 唔 明 ， 一 旦 決 定 了 就 絕 不 回 頭 ， 從 來 無 人 可 以 說 服 到 你 。 請問乜野係真心假意行業？要做d乜野架？可以搵幾錢？幾時發達做單身貴族？

昨天那個星期六跟平日的很不同。 平時的星期六都用了來教畫，昨天的星期六在客戶的辦工室渡過。 我其實之前寫左個計劃書，講下個task要做d乜同做幾耐，我其實計得好準確，我做upgrade的時間的而且確係用左3個幾鐘，不過估唔到佢做 backup的時間比實際upgrade的task還要耐。backup都用左四個幾五個鐘，我用左三個幾鐘做upgrade，之後check野同執手尾 用左一個鐘，o向果度渡過左十一個鐘，相當充實。 我喜歡這種task，實際上冇乜野做，齋等。可以做自己野，但係charge緊man-day。最重要係冇技術問題，不過個task做好耐，唔知o既人會覺得好勁。 我其實唔想咁樣浪費時間。 早幾星期講過有套戲想睇，但係一個男人去睇會好怪，兩個或以上男人去睇會更加怪，如果冇女孩子陪睇，就要等出碟。當時細個話考完試同我去睇，今日終於在落畫前睇左。其實唔係咁喜歡睇韓片或日片，自從睇過《假如愛有天意》，就好喜歡睇孫藝珍，真係淨睇樣。個樣睇起上來好似好普通咁，但其實呢種樣好難見到，善良可愛，有氣質，純得黎有智慧，有腦卻感覺不到侵略性。(當然我唔知其實佢個人係點啦) 有日睇戲睇左個trailer，見到佢有戲上，咪諗住睇。今次佢飾演一個患有老人痴呆症的少女，故事相當有意思。 多謝細個陪我睇戲。 今晚約左一大班人食飯，約咁多人食飯其實相當困難，而且有d互相唔係咁熟，你知啦，唔係個個人都唔介意同d陌生朋友食飯ga ma，但係今次大家都好俾面。 可惜食唔到原先諗住食果度，夾硬搵左第二度食，而且d野食相當麻麻，真係唔好意思。 呢d咁大o既project都應該好少有，甚至可一不可再，因為我其實唔擅長康樂部門o既工作，好怕安排得唔好，一兩個人o既活動都係咁，何況成七八人？ 無論如何，多謝朋友們俾面出席，而且對今次活動冇怨言(至少我聽唔到)。

上珠海時發覺部Pocket PC 唔見左，以為漏左o向屋企，返到屋企搵，都唔見。唔見左。 返到公司同同事講，佢地奇怪我點解仲好似咁平靜，冇乜反應咁，其實部野都幾重要，不過唔真係唔覺有唔開心，唔記得由幾時開始，對呢D所謂身外物都唔係咁在意，我都唔知咁叫好定唔好。 我分析過自己點解係咁，一來自己對物質唔係睇得咁重，總覺得用錢就可以買到o既野就算冇左都可以買番，而且現今的產品週期太短，冇左即係俾藉口自己買過個 新的(當然，首先要有錢先啦)。再者，你諗清楚，其實你係咪真係需要咁多野？你有幾多野係用得著？你買件野係咪可以utilize 全部功能？ 二來我知道真正應該珍惜些什麼，同那些不能用錢可以買番的東西比較，一部PPC算什麼？ 講完一大輪，其實講緊風涼話。 今日返屋企，三少爺問我執番部PPC未，我知佢知道o向邊，搵返。 失而復得也沒有特別高興，因為得而復失其實更常發生。 個人變到咁真係唔知做人仲有乜野意思。 有冇需要改變下？

如果，你在一間食店問侍應：「你什麼好吃的介紹？」然後她回答：「好唔好食你都要食架啦！」 咁你會有乜反應？ 「...........」 沙pop程度達SS Class，深表佩服！我俾五個叻佢。 尋日到珠海，因下雨踩唔到單車到公司食堂食，唯有去近一點的canteen，那兒的侍應就給了我和ryan一個這樣娛樂性的答案。 其實，佢講得都好有道理，係...好多時候，好唔好食你都要食架啦，邊有得你揀？

我其實唔應該在這兒說這件事。我亦其實冇將這事放在心內，不過仍然覺得自己冇被尊重。 不要問我發生了什麼事，因為我已經忘記了。

返工後，與?商的舊同學食飯聚舊，很久沒見，他們三位都是今個月生日，每位相隔六天，相當巧合，再加上其中一位今年從英國回來，實在很需要食餐勁o既賀賀佢！(醒炳當然唔係講我果位同學啦，下面再講。) 咁我飲飽食醉之後當然唔係返屋企訓啦！我照常到師傅處練好d武功。當我到達的時候，看到一些久違了的奇奇怪怪動作，抬頭一看，嘩~~不得了，是那位 加國華僑小智障 ！( 呢度有少少佢o既資料 )，啊，醒炳回歸！ 之前側聞他被師兄肥仔俞打得落荒而逃後，我再也沒見他上來，失蹤大半年，現在練好武功來報仇嗎？可惜，今日俞師兄唔係度，去左日本打倒軍國主義同埋同d中國慰安婦討回公道，唔得閒娛樂d智障。 佢 一直在做一些奇怪的動作，我都唔知佢o向邊度學番黎同埋搞邊科，我對佢的失傳絕學其實冇乜興趣，只係覺得好搞笑，當然，我上去唔係諗住搵娛樂，所以我冇理 佢，就練自己野。咁我練左一陣的時候，條醒炳又燎我！我今次其實冇乜所謂，又冇乜意慾搵人血祭，不過佢話要練下，咁咪同佢練下囉... 條 醒炳真係冇乜進步，一d都唔長進，來來去去又係從前d技倆，好冇新意！基本上，我完全感覺唔到我會輸，其實打得都好鬼悶，咁咪一路打，一路睇新聞囉，有 時見佢d動作好搞笑，都忍唔住笑出來，不過係冷笑。我打左一陣頂唔順，咪同左聲thank you 唔打，我最欣賞佢o向呢個時候用諗住俾d advice我，佢都未講到佢想講乜，就話，i don't know how to say，我話 nevermind...我心諗，eat dog shit 啦，ass hole！ 我諗佢想講我既然食晒位，好應該積極進攻，我當然知佢諗乜同埋想同我講乜啦，不過，我就係喜歡練這種完全防禦，同埋喜歡呢種敵人千方百計想打到我但係永遠做唔到的感覺，玩弄敵人真係過癮！

今日教完畫諗住去黃金高登買過個router，唔知點解見到時又唔想買，也不過是三兩百價錢.....可能個人洗錢真係審慎左......決定用住後備果個，再拎個壞鬼router去整。 反而行黃金高登途中發現我一直考慮買果個LCD Mon跌價.......好想買.....當然，都係要等一排先至買啦.... 早幾日師傅見我係咁咳，佢學緊中醫，叫我伸條利俾佢睇下，跟住叫我買隻叫止嗽散o既野食下，我之後見到隻止嗽散，d成份都係好正常，應該食唔死，咁咪買左黎食，發覺都幾使得，家下我要扮病sick leave，都真係冇可能。

今朝搭地鐵，見到個小朋友，三歲左右，好耐冇見過呢種咁友善簡單o既眼神，一向冇乜表情o既我都唔好意思木木獨獨咁對住個小朋友微笑。其間，佢仲同我玩，成日遞佢件玩具俾我，小朋友o既好意我當然接受，然後我又即刻俾番佢，好搞笑。落車果陣，佢仲好唔想同我揮手講再見。 我成日都想做壞人，睇我咁o既樣，都係做唔到壞人架啦。 今日整天好似做唔到野咁，但係又好似好多野做咁.......冇乜特別..... 放工走左去睇書，現在d漫畫質素真係每況愈下，我諗遲d真係冇乜野睇。今期天下真係......如果本野唔係書屋的而係自己買，我一定已經撕鬼爛 佢.....頭果幾頁講阿劍晨因為d好無謂o既原因而整聾自己同插盲自己雙眼，編劇可能覺得咁會振憾一些.....當然我一d都唔覺啦....咁都算啦， 劇情需要，ok，尾果幾頁講佢因為咁而發揮到應有o既實力，(ok，我咁都接受到)，正要殺阿藍武之際，後面突然有人講野，咁佢因而停左手，果格畫仲畫到 佢對眼向後瞟.......o下聾架喎，盲架喎.......我唔係話歧視傷殘人仕，即係咁，呢d漫畫冇劇本，出一期畫一期，有時前幾期故事同後幾期故事 有些少矛盾，我都當睇唔到，但係今次係同一期喎，咪以為我五分鐘睇完o既野會唔記得喎........ 返到屋企，想駁返個router，因為佢呢排成日short short地，咁我今朝就熄左佢，等佢抖下，點知番到去駁返d電，佢仲short過今朝，整極都極唔到，好彩我之前有個router做backup，唔係 都打唔到blog.....果個應該係壞左啦，唔知整要整幾耐，我諗都係買過個算罷。 因為我好怕麻煩，所以d野壞左我多數唔拎去保養度整，又耐又整唔好，買個個新o既仲好.....

呢幾日個天好情緒化。一時天朗氣情，轉個頭落傾盆大雨。雖然兩種天氣我都冇所謂，但係我其實冇心理準備。就算我適應到，身體還是會病。

時間仍然是星期日，一個冇乜特別野發生o既星期日都可以寫兩日三篇，真係平淡多姿多采化的典範。 話說果晚於樓上咖啡店食完餐吹水飯後，車臣第二朝要返早神州大地，回歸祖國懷抱，咁佢就雞咁腳走左，四爺和我好不自覺又走左入去間CD店，我見之前睇左果套Constantine出左DVD，由於我講過我睇套戲之餘仲要買埋隻DVD( 這是證據 )， 所以當時就諗緊好唔好買埋佢，仲咨詢過四爺o既意見，佢話睇多幾日睇下個價會唔會跌，咁都好啦，反正唔急。另外仲見到隻AV，本來呢d本地製作一般來說都 係睇下邊個有，借來看，咁都諗住遲d搵隻黎睇，點知過幾條街間舖播呢套片其中一段出黎，聽一聽d對白，我覺得套片拍得好有誠意，好有say，最重要係好好 笑，即刻有興趣立即睇。但係，當時都係諗，過兩日先啦..... 當然，最後我行去搭車之前，都係走左去買晒兩套戲返屋企。 套Constantine睇過，我淨係睇隻bouns disc，d deleted sence都好好睇。 仲翻睇佢臨尾對撒旦做粗口手勢果段，真係潔淨心靈。 套AV，都睇左，幾十蚊買呢套DVD都幾抵睇，我淨係睇個封底個slogan，已經覺得好笑，睇埋套戲，直情覺得好超值，入戲院睇都五六十蚊張飛啦，依家 加多十元八塊，已經有埋隻碟，又有d feature disc，又可以借俾朋友睇，買左呢隻碟我覺得好叻囉。套戲其實想講d野，不過唔駛理，你收到就收，收唔到淨係覺得好笑咪得囉。仲真係有位受香港年青人敬 仰的av女演員拍，好有誠意囉！

星期日同悲劇王子買野同時，四爺都出左黎，話買「套」(為佢部O2 mini買個套)。之後，悲劇王子要去富豪飯堂食飯走左，好在車臣出左黎join食飯，唔係又得兩支公食飯，真係廿十幾歲o既青年最可悲o既事，不過，車 臣出來也不過是三支公一齊食飯，係廿十幾歲o既青年第二可悲o既事....... 唔緊要，我地今次搞新意思去左d樓上咖啡店食飯，地方算唔錯，d「侍女」都幾招呼週到，當然，佢地唔會陪坐，更加唔會提供落單捧餐以外的value-added service，所以大家唔駛咁興奮。 d野食，都ok啦，我最欣賞那地方環境，很適合吹水。 果晚，我講左其中一件事，係同我讀TC時的其中一個同學有關，話佢過橋抽板，不過呢個都唔係重點，個話題一直伸延到我對好多人的觀感，發現我其實睇野人睇得好鬼衰。 對於果d「不在信任圈之內」的人，即係我唔係咁喜歡的人，無論佢做過d乜，無論佢實質係一個好人定係佢本來已經係一個衰人，我都可以俾好多理由自己討厭佢地。 如果佢其實好好心地，做好多好事，但係佢乞我憎，我會話佢偽善，冇辦法，呢類人完美到好到我覺得佢好假(當然，我相信佢地其實都真係好假，唔係我點支持自 己討厭佢地)，而且通常呢種人會好悶，好難同我做朋友，如果加上佢地有時對我那些「甚具人性」的行為有少許批評，難免我會對佢地唔係咁友善，甚至因為佢地 善良而欺負佢地(欺善怕惡就是「甚具人性」的例子)。 總括來說，我應該係唔抵得佢地咁鬼善良而到假(我覺得)的程度而覺得佢地偽善，係偽君子。 另一種人，唔使講，一眼就知佢地正仆街，殺人放火強姦老笠乜衰野都做齊(其實我唔識d人做呢d野...)，唔係仆街係乜？ 所以，如果同我唔係咁好傾，唔係我信任圈之內的人，我唔當係朋友的人，唔係企o向我果邊的人，都好大可能係衰人。 我自己其實都覺得自己咁諗野幾恐怖..... 唔使驚，一般來說，你做的事正正常常，唔好違反人性，同我溝通到，應該都係好人來的！ 當然，同我作對的，都應該是衰人來的，所以，最好諗清楚。 (以上全部我一半係說笑的，唔駛咁認真。不過邊半係認真，邊一半係講笑，你地自己估下...)

星期日，王子話出尖沙咀買野，問我join 唔join，我身為閒人俱樂部 前任 會長，二話不話，同佢講：「等陣見。」 同王子一齊去買野，除左因為好得閒，還因為我著緊果對鞋已經著左四百幾五百日，我著住佢地走過唔少難行的路，我好應該讓它們早日安息，簡單d講，即係買對新o既，丟去舊o既！又好好彩，俾我睇中對幾適合o既，二話不說，買左。 其實，我一早想買過對鞋，不過，好難睇o岩，而且，我好少會特登為左買鞋而去睇鞋，因為多數睇唔中適合的。我呢個人好鬼麻煩，自己鐘意d乜唔會識得點講出黎，好多時甚至唔能夠在腦海內具體咁組織個款出來，簡單d講，即係唔知自己要乜。 但係，當我看見了那實體時，我便知道我想要的就是那東西，唔駛知道點解想要，我就是覺得那是我所需要的。呢d應該就叫做「共振」。 如 果真的要我形容我喜歡的東西，根據我有生以來所買的東西來歸納，應該是「平凡之中要有個性」，我唔鍾意標奇立異(事關我覺得好cheap)，但又要d周街 都係果d(其實我見到周街都係標奇立異的人......不過，周街都係，仲係咪標奇立異？)，所以，要買心頭好，真係好難。而我呢個人，就係咁麻煩。 (用錢買o既野已經唔係咁麻煩，呢個世界好多野唔係有錢就可以買到，亦唔係淨係你有權揀。所以我一向覺得，用錢買到的快樂，不應吝惜，就係咁，我自己都覺得自己大花筒。)

無聊地翻睇自己之前寫d野，發覺十月十日果一篇o既reply俾人delete左，係俾"Blog 管理員"移除，究竟邊個管理員咁沙pop？ 同埋佢地有乜野權做d咁o既野？問過本少爺未？事關我都未睇過就俾人delete左，搞錯！靠~ >.

之前借左四爺好多DVD，最後睇淨隻Before Sunset，今日終於睇埋佢。 好想寫一下睇完之後的感覺，不過，我發覺我根本冇能力。 事關，一路睇一路好多野諗，而且好雜亂無章，我組織唔到自己諗左d乜，更加冇可能用文字寫出黎。 睇晒上下集，九年後，九年後，要變的都變了，不變的還是不變(...總覺得自己講廢話，但係自己有咁o既想法)，兩套戲好多思想都具體講左我有d平時唔知點表達的想法，連這幾年的心境可以幫我講埋出黎。共鳴感很強。 嗯.....我九年前做緊乜？果年我在一間感覺好似坐牢(對我一向自由慣的中學生而言，實在唔係咁好受)的中學repeat.....，果年亦係由男校轉 到男女校的一年，那些同學...其實都幾ok架，不過都沒有聯絡了，畢竟只是做了一年同學，而且，我全年的稱呼，都係叫新同學，好一個名字！ 無端端諗返好多呢十幾年o既事......真係不知不覺，原來自己已經唔細，又原來，好多朋友都識左好多年，大部份都識左十幾年，有d廿年都有，其實都好難得。

在這個開六合彩的日子，我發了。 發達，梗係唔係，發夢都冇咁早。 係病發，感冒終於都發左出黎，我一直以為自己可以壓制住，又係我太天真。 朝早本來都好地地，點知食完個午飯冇耐就黎料，應該同晏晝食飯淋左幾滴雨有關。食完飯番上office就感覺到自己HP條bar一直下降到 紅色 狀態，個頭仲好鬼痛，我下晝除左不停飲水，去廁所痾番飲左果d水，同埋不停咳之外，好似乜都冇做過，如果一間公司係靠不停有人飲水去洗手間同埋咳來搵錢，我今日應該幫公司賺唔少。 好彩，到左七點零鐘，條體力棒上返 黃色 狀態，夠支持晚間的活動。 夜晚都冇乜特別野做過，主要係同四爺食米線，跟住上我屋企抄d新歌落我部機度，其間我研究下佢新買部水迷你(O2 mini)，部機的確係掂，最衰我決心慳d洗，唔係都會trade左而家部hp2210同索愛t630，二合一用部水，成個人即刻瀟洒晒，好似四爺咁。 抄完d歌，我見耐冇楂車，加上三少爺同我部車改左少少個look，就楂下送四爺歸家。換左個鬼面罩，成架車有番個性，楂起上黎都爽d。 來回連行路都唔駛半粒鐘，返到屋企仲要睇一陣廣告先做創世紀。 希望聽日可以開番聲講野，我實在唔想人地覺得我講野似譚兆偉。