出海

我呢D雙魚座既人，如果唔間中去接觸下個海，咁就一定會枯竭而死，所以，早排ryan諗住搞下wakeboard活動，我第一個和議兼報名，本來諗住淨係租快艇玩wakeboard，最後因為人數同價錢關係，演變成遊船河，好似抵玩d，又唔駛咁辛苦成日屈住響隻快艇度。

朝早同事們一同去買午餐，果間麵包店d麵包果占真不錯，芝士條更是一定要試，有d同事買左個大水泡同大浮床，不過我玩都冇玩過，又不過，最後我要keep住佢地。

好耐冇出過海，感覺真係好好。
再次玩跳海，即係由隻遊艇上層跳落水，要頭落先，係要咁樣玩，個人先至有番d存在既感覺。
第一次玩wakeboard，雖然唔係真係玩得好好，但總算響水上面飄過。希望下次會有進步，不過應該要等明年了。

完成了今個夏天的願望，曬黑，雖然現在仲係曬紅既狀態，但係，過幾日就會黑o架喇。

自詡「海之子」既阿rai，無論我地點說服佢佢都係唔去，仲諗住見下佢個泰籍太太添。我覺得，因為某些原因，可能呢一世都唔會有機會見到。