Gossip51

尋日，臨放工走人，老闆話佢請飲野，問邊個去，已婚區果邊，就當然冇人而嘗面啦！

首先趁機等我介紹下已婚區同未婚區：我office 個floor plan，，自上星期ryan成家立室之後，有一邊已經被我私自劃分為已婚區，果排位除左佛佗同事之外，都已經結晒婚，由於我覺得佛佗同事已經修成正果，結婚識女仔呢d咁俗世入世既野，佢係唔會做既，所以我亦唔會將佢撥入未婚區呢邊。

講番老闆請飲野，難得可以花天酒地，咁我咋帝諗左幾秒鐘，最後出席的有我同兩位sales team既同事一同前往。由於飯都未食，老闆就同我地去二宜樓食飯先，果陣時已經飲左幾杯啤酒，席間唔知講開d乜我話之前冇錢，如果唔係我都去浸下咸水，曬下一些人認為特別圓既外國月光，老闆隨即話，「你就快有錢架啦，我地就快搵好多錢架啦！」真係順口開河！不過如果唔係有個咁既老闆，我可能已經一早走左！

食完飯之後，老闆就帶左我地去一間叫Gossip51既pub飲野，原來間野都幾出名，佢最特式係中間有條cat walk，據說阿鄭donald套「我要做模特」都係在那兒拍攝的！如果坐窗口位，個view係相當令人心曠神怡的！

叫了杯長島冰茶，聽了老闆和同事很多東西，獲益良多，亦趁勢儘力同四爺佈置一下，希望算是幫了他吧，但不要過份有期望了，盡人事而已。

老闆談女孩子，雖然老生常談，但實在至理。總括：「紅顏，多數禍水。」
雖然不能一概而論，卻印證了所見所聞！好多野，事實，勝於雄辯。

開始知道點解自己從來未醉過，事關我在我還很清醒的時候，我已經唔想飲，自動停手。一來會好辛苦，二來是乙型肝炎帶菌者的羈絆，一想到一個唔覺意要訓醫院但係醫生唔俾你死，重要有大量你唔想見的人來扮關心你，而你想佢來看看你的人卻永不會出現，咁就真係要好好保重自己。所以，杯中物，都係淺嘗便好了，人家還覺得你飲得夠品味，不會浪費美酒。