諾士佛台

今天返工唯一值得記下來的是，全體同事失蹤。真係可說是燈都唔駛開。

好多人都會問我一個問題，就係其實我工作範圍係乜？佢地通常覺得做電腦就係寫program，再唔係就即係黃金賣電腦。我其實唔識寫program，亦唔熟咁多hardware野。所以你問我工作範圍，我會覺得好難答。基本上我除了落手落腳寫program外，乜野我都可以應付，但又好似乜都做唔黎，所以我呢d怪胎，公司其實都唔識點用我，唯有俾我做全能後備。所謂全能後備，即係話有d乜野搵唔到人做，搵我啦。下至燒隻cd，執左地下d垃圾，中至起server，修改網頁，上至到人家的所謂大公司handle一個project，我都會做，好聽d，叫全能型，唔好聽，叫打雜。我發覺我有很嚴重的認同危機。

好唔知自己可以點......(我已經不問自己想點了，因為唔係我想點就點，問「可以點」，做人感覺上會踏實些。

如果一晚就變得白頭，人生便容易得救。呢句野我好同意。

講返今日做野，打雜打到九點幾，就去尖沙咀諾士佛台與同事共飲，因為要同準新郎阿rai飲杯。很久沒去諾士佛台，上一次去已是兩年前了。

今次去發現那兒改變了很多。但pub還是那幾家。

一到那兒，由於我那命中剋星在香港便是住那兒，所以一到便會回憶重播，幸好，現在能傷我的，已沒有那段歷史的份兒。

我究竟飲幾多先會醉？唔知。因為我通常一枝起，兩枝止，而且應該會係銀包冇晒錢先。

飲完臨回到家的時候，卻節外生枝，那些便不好說了。

問大家，
不開心的事應不應該在這兒寫？
那不開心時應怎麼辦？
應不應該在這兒人身攻擊或出言侮辱別的....「東西」？
不寫名應該可以吧？不用對號入座吧？
做人應該坦白點，還是講同一番話，應該用另一種表達方式，免得人家不高興？

我應該是個惹人討厭的傢伙。

好鬼冇癮。