燎原誌

體無完膚 自從收養左果隻可憐既虎be之後，我都未試過有一日d手手腳腳係完整。不過我腳上面個傷口講左一件事俾我知，就係對腳血氣唔係咁好，積左d淤血.... 某人日記 無意看到某某在十四日前的xanga，佢其實都幾可憐，當然，我唔會同情佢啦......呢d咪叫做，食得鹹魚抵得渴lor~~呵呵呵，女仔係咁忽冷忽熱架啦，廿幾歲仔，唔係今日先知?？小學生都識啦~~唉，佢未定性o者，過多幾年，冇本錢玩咯，咪會安安份份lor......算啦，我都係同情下你啦...，做男人，唔好喊苦喊忽喇，細路~~ 回復記憶......同埋記憶力！ 早幾年，為左正正常常咁過日子，我成日同自己講：「以前d野，我全部都唔記得！」似足電視劇果d浪子咁，好似好型咁，其實心知肚明，不過係自欺欺人，不過成日咁講，記性真係會差左，我呢d人，乜野都唔叻，想有見得下人既表現，就係靠記憶力，自從記性愈來愈差，個人就成個嘍囉咁。最近覺得咁都唔係辦法，就極力讓自己乜野大大細細既事都記晒入腦，train up番個腦，反正果d野叫自己唔記得都唔會話真係會唔記得。 況且，果d係人生既一部份，為何要忘記？ 財政 如果一切按計劃進行，一年後，就可以重新做人，開始打過鐵桶江山番黎，榮華富貴，指日可待，咪問我係乜野，我唔會講你地知既。 無價 有人問我想要d乜，我諗我冇乜特別野想要，或者話，你唔會買到俾我，又或者，我要既野，唔係有錢就買得到。無論如何，朋友送野俾我，我一定會喜歡，多謝！

2006年02月24日 試 過 申 請 信 用 咭 被 拒 嗎 ？ 我 在 多 年 前 試 過 。 本 來 沒 打算 申 請 ， 只 是 某 天 經 過 C 銀 行 的 攤 子 ， 同 行 的 朋 友 要 申 請 ， 我 無 事 可 幹 ， 那 位 推 銷小 姐 又 蠻 可 愛 的 ， 於 是 填 表 了 。 本 來 可 有 可 無 ， 但 當 接 獲 C 銀 行 的 拒 絕 信 ， 我 頓 然 在 意 起來 。 打 電 話 問 朋 友 ， 原 來 他 早 已 收 到 信 用 咭 。 有 冇 搞 錯 ？ 查 核 後 ， 才 知 道 我 的 信 貸記 錄 出 了 問 題 。 我 的 資 料 曾 被 人 盜 用 來 申 請 信 用 咭 ， 當 時 報 了 警 ， H 銀 行 了 解 過 後， 沒 向 我 追 討 該 筆 來 路 不 明 的 簽 賬 欠 款 。 以 為 擺 平 了 ， 沒 料 該 壞 賬 記 錄 已 不 動 聲 色地 算 在 我 身 上 ， 結 果 害 我 奔 波 一 番 ， 才 討 回 清 白 。 後 來 收 到 C 銀 行 的 信 用 咭 ， 我 竟然 感 到 興 奮 。 興 奮 ， 因 為 證 明 我 洗 脫 了 罪 名 。 製 造 罪 名 或 誤 解 ， 是 在 求 愛 過 程 中 常 用 的 伎 倆 。 要 跟 心 儀 的 人 攀 關 係 ， 可 以 透 過 借 東 西 ， 今 天 借 了 ， 明 天 要 還 ， 至 少 製 造 了 再 會 面 的 機 會 。 要跟 心 儀 的 人 攀 關 係 ， 更 有 效 的 方 法 是 製 造 一 場 誤 會 。 「 你 是 故 意 的 ！ 」 你 借 題 發 揮， 有 一 搭 沒 一 搭 地 指 控 他 。 人 被 誣 蔑 ， 多 少 心 有 不 甘 ， 為 了 討 回 清 白 ， 他 向 你 解 釋， 但 是 你 不 領 情 ： 「 不 用 說 了 ， 我 知 道 你 討 厭 我 ， 沒 相 干 ， 我 也 討 厭 你 。 」 如 無 意外 ， 他 會 感 到 很 冤 ， 反 應 有 兩 個 ： 一 ） 與 你 針 鋒 相 對 ； 二 ） 為 了 消 除 誤 解 ， 化 干 戈為 玉 帛 ， 他 開 始 對 你 好 。 無 論 是 前 者 或 後 者 ， 他 都 上 套 了 ， 接 下 來 ， 只 要

Career Ladder，即係你做緊既post，之後會升職升職直至邊個post...簡單d講，即係玩RPG個升級系統... 從來，我呢種對前路相當茫茫既迷失青年，對自己個post會升到乜野位置，都唔會點關心，你有所不知，我做呢d公司仔，俾你連升三級，升到上神?，咁又點？咪又係做果d野......俾個剎食d既title你，咪又係虛名一個，當然，你可以handle既野會愈來愈多，愈來愈advance，但係，香港office唔會請多個人幫我(香港好少人，冇理由要2個人serve唔夠20人)，好多濕星既working level野，我責無旁貸，即係話，愈升上去，責任會愈來愈重，做既野愈來愈多，人工就算加左都唔會有命用。就係因為咁，我一向都唔會諗我下次升職個朵會係乜...反正由我第一天返工開始，我就係直屬COO，無論點升都係under佢，基本上唔會有乜野大分別。 最近management重組個org chart，我果隊部隊叫Technical Support Team，果名一d都唔有型，令我好生失望，都唔緊要勒，我地唔係去打仗，個名唔重要，如果唔係我實改個名做「好好隊」或者「落力隊」，以表示我team人做野係做得「好好」的，或者好「落力」的。 我冇得選擇自己條team個名，反而要我地每隊人define自己條team既career ladder...下，即係連自己將來會升個乜野驚天動地既title都可以自己搞掂，真係好過癮...你以為啦....其實其他team的一早就well defined，係我呢d唔受重視既隊伍先至未諗，梗係啦，我諗佢地都唔知點定...我問我老闆想點定，佢兩野就敷衍左我，好明顯，即係我點定都唔會對公司有乜野影響，咁反而好...... 我寫d title同個title的工作範圍的時候，我發覺，在我現時個post之後果兩個post都唔會有特別野做，因為我呢d個細既已經搞掂晒，莫非我已經行人止步？抑或，我其實應該請個人返來做我做既野，然後，我就淨係簽名，同埋講okok就將份人工袋袋平安？ 話說回來，呢個淨係簽名，同埋講okok既職位，就正是小勤勤心目中既理想職業，居然由我手上安排出來！

這幾年，自覺愈來愈蠢(本身已經好蠢)，集中力每況愈下，再咁落去，係唔會有將來。 經常見到d報紙雜誌刊登那個叫數獨的填數字遊戲，我對數目字一向排斥，當然唔會渣起枝筆玩，不過自從我部電話裝左個咁既game之後，我呢幾日就經常挑戰呢個推理遊戲，我一向都唔會玩手機既game，今次居然連續幾日搭車搭船都渣住玩，可想而知幾有趣。 個game相當有難度，可能因為我生得蠢卦...之前經常玩到一半就發覺填錯大半，現在已經可以不用任何提示就可以完成，時間就用得耐d，最快果次都要半個鐘左右... 玩左幾日，發覺自己諗野有幾個唔係幾好既地方： - 唔夠細密 - 太過武斷 - 太慢，可能因為過慮 經過幾日既training，好似有改善，希望可以o向日常生活及工作上都可以用上新既思考能力。 有興趣可以去一個sudoku既 website 睇下

祝細個生日快樂，順順利利考好AL。

承我那些朋友貴言，傻佬文真係會搵我！ 我在銅鑼灣換身份證後，在閒逛。 佢打泥就話： 唉，我惹左好大的麻煩...(有幾大呀？) 唉...上左大陸一轉，就好麻煩...(咁即係點？) 即係俾好多女仔纏住...(哦，乜咁緊要呀？有幾多個呀今次？) 三個呀...(都唔係好多o者，你頂得住既...佢地點纏住你呀？) 係咁打電話俾我囉，sms囉，不停咁搵我囉...(哦，就係咁咋話？) 仲有捧住我塊面係咁咀囉...([忍住笑]...哦，咁點收科？) 唉...咪唔聽佢地電話囉，避開佢地囉...(哦~~~) 其實我都唔係咁靚仔o者...(下....都...都..ok啦....) 唉...都要搵你同我分擔下啦...([汗...分擔？！！]唔駛呀~~？) 要架....([忍笑同時唔知講乜好]) 喂，你o向邊呀？(銅鑼灣) 哦，做緊乜呀？(食緊飯...) 下，咁咪阻住你？(...係...係...) 咁我夜d先搵你啦！(拜拜~~) 好彩我現在無論遇到乜野震撼既事都會保持鎮定，唔係o向銅鑼灣呢d咁多人既地方忍唔住大笑就真係失禮人失禮自己。 我剛發現我有一個miss call....可惜當時我正在沖涼... 好似話S60有d電話錄音既application，早知傻佬打泥時，就錄底d對話，唔駛將d記憶再組織！

我份人，理論道理有不少，但係無論同大人同細路都好少講，一來，我唔覺得果d野係要成日掛o向口邊，果d野係common senses，即係唔會有人每日同你講入人間房前要敲門一樣道理；二來，天下間有好多人喜愛講理說教，但我就是不愛嘮嘮叨叨，搞到成個人又迂腐，又成個女人型咁，講道理呢d野，都係留番俾果d孔乙己做啦！ 不過，星期六，一向唔係點理廖老師d學生既我，都忍唔住「的」左件小兄弟出門口教訓，我一向唔會做呢種咁吃力不討好既野，事關廖老師教細路點都耍家過我，唔係點會有我呢種社會棟樑，況且我一向保持和善形象，「兇」細路仔呢種大蝦細既活動，我點會做呢？我做左d我唔想做既野，可想而知，佢既情況係幾咁惡劣！ 呢個細路仔，四五歲就開始跟廖老師學畫，學左兩年幾，以前是個很聰明很乖很討人歡喜的小朋友，後來有一次他遇到小型交通意外(炒單車)受傷之後，就性情大變，我們試過去了解他的心理，但無論用甚麼方法，都不大見效！ 呢種情況，正一出鑪鐵，唔打唔得，唔打唔得爽脆！(我當然冇打佢啦！) 果d甚麼兒童心理學家，成日話唔可以用惡對細路，話會影響佢地心理喎，我話佢地都傻既，依家d細蚊仔，就係平日太呵護佢地，搞到佢地唔會到現實係點，又應付唔到惡劣環境，俾人鬧兩句，就話要生要死，真係無Q用！ 算罷啦，我成日覺得，呢個世界物競天擇，有自我調節機制，一些人，能力上不合乎生存條件，就會死。 例如打韆秋打得唔叻，但係又不自量力打到鬼死咁高，咁咪會意外跌死，又例如一個人本身冇乜能力，但係又撩事鬥非，咁蠢既人，結果就俾人死，再好似今日報紙報導，果個中三喇沙同學，本身品學兼優，但係咁睇唔開，真係可惜。空有一身外來的知識，但自己心智唔夠強，情況就好似力量反噬咁，所以話，一個人唔歷練過，任你學晒成本百科全書，都係徒然。

我覺得，我正在「服役」的這間公司最特別的地方是，每隔一年，就會做一d基建工作，即係就算唔係搬office，至少都會換下d core component... 我第一年做的時候，就係珠海office新setup，果次我冇乜點幫手，只不過當我上過去setup server。 之後就係香港搬office，果次就真係大單野(對我來說)，那時咁大個仔，都係第一次做「遷都」計劃，果陣冇乜經驗，不過在有人帶領下，都叫幾順利...甚至我後來屋企自己搬屋，我都係根據搬office的經驗來做的。 香港搬完，又到珠海搬，其實這次搬已是珠海office成立以來第二次搬，是第三個據點，呢次就真係學足野勒，成個搬office既既參與性都相當高，最有價值莫過於見識過神州大地d裝修工程，好似我呢d未見過世面既香港人真係會嚇到發惡夢... 到之後唔駛搬勒，但係就搞個電話系統，唔講都唔知，日日用緊果個電話，係幾鬼複雜...乜野DDI，Hunting line，以前，識鬼咩，我呢d人，對講電話一d興趣都冇.....所以果次都幾頭痛.... 到今次勒，唔係搬office，不過珠海會租多一個單位，咁老闆又叫我plan下，尤其是又要搞個電話系統，今單仲頭痛過上次....首先，時間相當緊迫，而且今次工程浩大得多.....我呢排狀態咁差...慘！ 講番轉頭...如果o向出面d公司，我既post係咪要做埋呢類工作？我覺得我應該有個advance一d，講出泥會震懾d既title呢....

都形容得幾.......誇張喎... 時間過得真係快

我無法幫你預言 委曲求全有沒有用 可是我多麼不捨 朋友愛的那麼苦痛 愛可以不問對錯 至少有喜悅感動 如果她總為別人撐傘 你何苦非為她等在雨中 泡咖啡讓你暖手 想擋擋你心口?的風 你卻想上街走走 吹吹冷風會清醒的多 你說你不怕分手 只有一點遺憾難過 情人節就要來了 剩自己一個 其實愛對了人 情人節每天都過 分手快樂 祝你快樂 你可以找到更好的 不想過冬 厭倦沉重 就飛去熱帶的島嶼游泳 分手快樂 請你快樂 揮別錯的才能和對的相逢 離開舊愛 像坐慢車 看透徹了心就會是晴朗的 沒人能把誰的幸福沒收 你發誓你會活的有笑容 你自信時候真的美多了 情人節，快樂！

悲劇王子提供的資料： 不 少 男 士 正 為 如 何 度 過 情 人 節 費 心 張 羅 ， 調 查 提 供 了 佳 節 贏 取 女 友 芳 心 「 貼 士 」 ， 簡 而 言 之 ， 就 是 有 錢 好 辦 事 。 四 成 多 受 訪 女 性 希 望 外 遊 度 過 情 人 節 ， 浪 漫 燭 光 晚 餐 只 有 兩 成 女 性 感 興 趣 ， 其 他 如 海 灘 看 星 、 公 園 談 心 等 看 似 浪 漫 活 動 ， 只 有 少 於 一 成 女 性 選 擇 。 而 最 受 本 港 女 性 歡 迎 的 情 人 節 禮 物 是 鑽 戒 首 飾 ， 超 過 三 成 女 性 希 望 收 到 ， 至 於 情 人 節 必 備 的 鮮 花 攻 勢 原 來 只 有 一 成 三 女 性 心 儀 。 「 物 輕 情 意 重 」 的 情 書 、 朱 古 力 、 毛 公 仔 及 寵 物 等 更 是 最 不 受 女 性 歡 迎 的 禮 物 。 擇 偶 條 件 方 面 ， 香 港 女 性 認 為 男 方 最 重 要 經 濟 穩 定 ， 佔 超 過 八 成 ， 其 次 為 博 學 多 才 、 溫 文 細 心 及 幽 默 風 趣 ； 反 而 高 大 威 猛 、 斯 文 英 俊 及 識 玩 識 食 等 因 素 甚 少 女 性 重 視 。 講到香港女仔咁現實...？邊度做既調查呀？邊間報館報導架？咁大膽？ anyway，我欣賞呢種冒住生命危險都要報導出事實既勇氣！！

星期五，約左落個客度處理佢一個hotline call...，本來個call個問題，一早已知實在唔關我地公司事...佢燒左隻DVD出來，想再燒一隻，關鬼我事咩？個DVD Writer又唔係我做既，隻nero burn又唔係我公司寫既，佢燒唔到，關我春事咩？不過，我呢d心軟既人，見佢地全公司都係老弱婦孺，扲個keyboard都會手振既，點會睇住佢死丫，加上佢地仲好鬼煩，日日打電話泥嘈住晒...... 我本來以為，呢d咁簡單既任務，一兩個鐘就會搞掂，點知，為左幫佢救番d corrupted 左既 files，搞左幾個鐘....七點到走到...王子約左我唱k架嘛.... 本來七點至走得都算啦，最衰係我懶醒...離開公司時諗住搞掂個客就會返去，司馬燕問我返唔返去個陣我仲大大聲話「梗係返啦！」，咁我就連屋企匙都唔帶.....最後要請cyrus幫我?條匙去地鐵站俾我，雖然都唔駛返公司，不過等佢都等到我心痛，唉...cyrus咁好人肯幫我，就唔好要求咁多喇....我遲左成粒鐘，真係好唔好意思！錯就錯在我一向算無遺漏都有算錯既一日！ 除左遲大到之外，由於我係百日咳既代言人，唱k果陣就梗係難為緊我d朋友，仲會有傳染俾佢地既危險。此外，我本身已經好少去唱k，唱k時飲酒猜枚就更加少，一般既遊戲我都唔識，真係失禮死人。無計啦，我細個冇錢出泥同一班朋友耍樂，後來要做野都好少出泥玩，又過左愛好耍樂的年紀(而且依然冇錢...) 識左新朋友，新玩意，仲有，就係糾正左，「虎bi」應該寫做「虎be」，係喎.....

上個星期三和四，過年後首個上珠海工作的日子，我呢個假假地都係一個一team之首既堂主級員工，對那些所謂手下的同事，過年理應利利是是，不過，我呢個未婚兼長期無著落的素食人士，都唔知派唔派好...當開工利是派，又好似未夠資格，咁都係算啦，橫掂公司都已經派左一次。 當然，做大佬唔可以一d表示都冇，我都叫做同佢地開左年架.... 第一，用了成兩三粒鐘來開會兼「訓話」，講到我百日咳發作，都咪話唔大犧牲。事源我發覺有人覺得公司唔信任佢，咁佢覺得好冇癮，做野即刻冇左團「火」...擺到明係管治危機啦，咁我立即同佢地傾下計，建立番互信關係，提升下d士氣，唔係成team人piar下piar下，咁就唔好啦！ 第二，阿ryan話佢會同佢條team食餐飯當開年，問我去唔去，咁當然係孖埋一齊啦，我夜晚都要食飯嘛，咪叫埋我果兩位左右手去啦，不過其中一個唔去，因為佢話成班人得佢一個女仔，會阻住我地傾計，我冇所謂，佢又唔靚...無謂勉強佢..同我地... 去左上次間假小肥羊食，正！食完仲同ryan去食燒蠔，實在太豐富了，我冇辦法再食得落！ 由於繼續係咁咳，果兩日搶左康妮d陳皮來止咳！多謝！

本來，並不打算將這篇轉載，但是，最近就是聽了一個這樣的故事。 別 人 的 認 同 女 人 有 個 男 朋 友 ， 感 情 穩 定 ， 她已 接 受 了 他 的 求 婚 ， 但 她 還 是 忍 不 住 跟 身 邊 追 求 她 的 異 性 約 會 。 有 一 次 ， 放 工 後 她打 電 話 給 男 朋 友 ， 告 訴 他 同 十 多 個 同 事 一 起 唱 K ， 結 果 卻 被 男 朋 友 發 現 她 單 獨 跟 一個 男 同 事 看 電 影 吃 消 夜 。 這 件 事 之 後 ， 她 答 應 男 朋 友 不 再 單 獨 跟 異 性 約 會 ， 可 是 不到 兩 個 禮 拜 ， 她 就 食 言 了 。 女 人 說 ， 她 其 實 很 愛 她 的 男 朋 友 ， 和 別 的 男 人 約會 時 ， 必 定 恪 守 界 線 ， 她 對 那 些 男 人 並 無 感 覺 ， 可 是 她 享 受 被 人 追 求 的 感 覺 。 她 不想 失 去 男 朋 友 ， 可 是 她 無 法 控 制 自 己 的 行 為 。 其 實 ， 每 個 人 都 渴 望 得 到 別 人及 社 會 的 認 同 ， 學 生 時 代 努 力 學 習 ， 動 力 來 自 家 長 老 師 的 認 同 及 同 學 敬 羨 的 目 光 ；加 入 籃 球 隊 苦 練 入 樽 ， 是 為 了 女 同 學 的 喝 采 ； 把 事 業 視 作 人 生 最 重 要 舞 台 ， 是 為 了證 明 自 己 的 人 生 價 值 … … 沒 有 旁 人 的 喝 采 和 掌 聲 ， 成 功 帶 給 我 們 的 快 樂 還 剩 下 多 少？ 所 以 ， 最 殘 酷 的 事 不 是 無 法 成 功 ， 而 是 成 功 了 居 然 無 人 知 曉 。 由 此 可 知 別 人 的 認 同 是 多 麼 重 要 ！ 所以 不 同 的 女 人 面 對 婚 紗 ， 心 情 是 截 然 不 同 的 ， 一 個 嫁 不 出 的 女 人 終 於 披 上 了 婚 紗 ，她 會 希 望 全 世 界 的 人 都 見 證 她 的 婚 禮 。 而 一 個 靠 男 人 的 追 求 來 支 撐 自 信 心 的 女 人 ，一 旦 披 上 婚 紗 ， 最 害 怕 的 ， 是 從 此 失 去 男 人 追 隨 的 目 光 。 有些事，說理也不下數十次了，說到她自己現在將我要說的

霍元甲，成套大部份都在打，四爺仲嫌佢打得少，我覺得都唔少架勒，而且都叫言之有物丫！ 我最唔明，點解會冇左一段佢流落人地d鄉下地方，同個細路出頭大戰泰拳個一段，冇左唔係好完整，交待唔到點解佢武功層次會唔同左... 反而個盲妹，可有可無，當然，我唔介意套戲多幾個花瓶角色，最好多幾個養眼一些的，我提議，拍果d外國人賭錢既時候，安排d中國美女被迫陪坐，一來可以放多幾個靚女o向度，二來可以加強外國人的討厭程度，令我地呢d中國人睇果陣多一些同仇敵愾既共鳴感，睇阿jet li打鬼佬果陣會投入好多好多！

星期日，本來想訓到好晏好晏(咪就因為寫solomon個篇野寫到好鬼夜lor)，點知十一點，就俾個電話嘈醒左，起左身，本來計劃早d落全港最窮人士集中地買番個router同埋tv box，然後早d搞掂個架部，可以重新打番機，點知o向屋企搞下呢樣搞下果樣，望下部電視，見到成龍大哥，唔小心睇到埋尾，已經成二點幾三點。 落到深記，在黃金行左個圈，下唔到主意買邊隻model，咪去維記食個蛋牛麵先啦。食完就再揀過，本來揀好左架tv box架，點知同個sell屎哥仔講個陣時，佢又介紹我買另一隻，果一隻我本身覺得麻麻地，因為佢個牌子係中文字(祟洋~~)，其實有個中文名都唔緊要，因為我都只不過有個中文名，但係果名真係太過有型，講出黎可能會俾d街坊街理笑......無論如何，我幾唔喜愛個牌子名都好，我都接受左個sell屎的意見，講到尾，我都係一個著重內在美既人。 除左買左個tv box，我都換埋個router，皆因本來的那一個實在令人太唔開心喇。咁都唔只，我仲買左一個講左好耐都未買既野......我一年前，都寫過話要買過個鬧鐘，用緊果個太過斯文勒，講左成年，終於成事，講到尾，我都係一個言出必行既人。今次買左個有大大隻字，有齊晒日期溫度濕度呢d咁資訊性既野，佢有漸進式大聲的招數，都唔只，佢最強係有「七重響」既絕技，即係你好鬼懶訓噤熄佢繼續訓，佢五分鐘之後會再響，相當之有耐性。之不過.....今朝，我真係等佢響最後一次果陣之識醒......佢都叫做盡晒力架勒.....起身呢家野，我最希望都係每朝有人聲線溫柔的morning call啦！真係發夢都冇咁早呀！ 買完野就返屋企安裝左d野，搞到8點幾，做左一件好耐都冇做既野......開爐煮野食，煎左伯母果半底蘿蔔糕，本來係諗住食埋d桂花糕同埋馬蹄糕，但係半底蘿蔔糕，食完已經好飽.....咁耐冇煮野食，估唔到仲保留到當年代阿廖老師煮飯既水平，食得下架...當然唔好要求咁高啦，我地當年唔駛食自殺快餐，已經好好架勒！ 就係咁，只過左個星期日。

You fit in with: Spiritualism Your ideals are mostly spiritual, but in an individualistic way. While spirituality is very important in your life, organized religion itself may not be for you. It is best for you to seek these things on your own terms. 80% spiritual. 40% reason-oriented. Take this quiz at QuizGalaxy.com 都...講得幾對喎....

http://home.kimo.com.tw/yihjongchen/p2/311.html 以下是性向分析說明： 真實生活中你會被什麼性格的人吸引： 馬 － 不可駕馭、自由浪漫的人最吸引你。 在被追求的過程中，什麼方式讓你最無法抗拒：獅 － 直接了當告訴你：他(她)愛你。你最希望留給情人的印象：狗 － 忠誠、此情不愉。 你最不希望在何種情況下和情人分手： 鱷 － 無情的、冷血。 你希望和你的另一半建立何種關係： 鳥 － 你考慮的不止是現在和他(她)的關係，而是未來能共同成長。 你對感情世界腳踏兩條船的看法： 人 － 你在乎社會的看法，婚後你不會有越軌的行為。 你對婚姻生活的看法： 獵豹 － 你一直想要婚姻，但是你一點也不瞭解婚姻。 你對愛情的看法： 鴿 － 你認為愛情是雙方面的承諾。

Episode 2：前篇的blog講過，新年時傻佬文打電話俾我，而我當時食緊飯，唔得閒應酬佢，咪叫佢晏d出來飯茶灌水lor，其實，我本可以一兩句說話便打發佢走，但係基於一些原因，我決定同佢傾下計： 1. 在傾談中發覺佢病變 2. 佢話佢去年一共「媾」了超過40位女孩子，我覺得好唔尋常，要了解 3. 佢話要帶d相俾我睇下，我好奇。 4. 佢話要過兩招俾我，我想知道佢係咪真係咁叻而係係咪真係咁不濟 5. 都好耐冇見過佢，當係跟進下佢個狀況 而當然，單打獨鬥相當危險，咪叫埋逸華劍士同大華lor... 出到黎，佢真係帶左d相俾我睇，仲打開佢部手機的phone list 同d sms 俾我睇，唔只，佢仲即場表演打俾個女仔傾計同收sms.....@.@ 在大量鐵證之下，我地當然相信佢有同好多女孩子打交道，況且，我都冇話過唔信... 我冇證實到係咪真係有40個女孩子咁多，不過原來佢所謂「媾」的意思，同我地係有好大出入的。所謂「媾」，係認識過，傾過計，最多見過面食過飯。而在solomon的思想領域中，還有「女朋友」，「情人」的層次，「媾」到的並不等如「女朋友」，而「情人」的層次比「女朋友」更高。相當有系統，但好鬼複雜。 雖然以最低的定義「媾」來說，有這類朋友亦算是正常，但四十個(他說四十個之後便沒有數了)也實在太多了吧，我問他記唔記得佢地，佢話大部分都唔記得......唉...好明顯，佢出發點本身已經好有問題，不為什麼便去識朋友，說他去識朋友已算說好了他，他只不過在自我陶醉地增加「交友數字」，而他對交朋結友是完全沒半點誠意，認識了，第二天便忘了。這樣識朋友，一天給你識十個一打，也不會有任何意義吧........ 而那些女孩子，看來也只是在耍耍他吧... 全晚聽solomon說他的戰績...總括來說，不值一晒。但是，爆笑位也有一點點的，現在節錄一些「傻佬文語錄」(應該是全篇最有價值部份)： - 有一個其實好o岩你o架，我想「彈」俾你o架，可惜佢去左上海...你一個月俾二千零蚊佢，佢實跟住你架...(solomon同我講的，諗起都心寒......可想而知佢識邊d女仔，二千零蚊一個月，你估養車咩？仲話彈俾我，真係神經病....) - 「媾」女冇野o架，一個字---「屈」(咁就死啦....) - 唉，逸華劍士o向度唔好講啦，唔好教壞佢，佢收左山啦，係退伍軍人！(註：逸華劍士已為人夫) -

「他現在生活在自己建構的完美空間中！」這是再次「跟進」所羅門個case之後得出的結論。 所羅門事件，講起來會很雜亂無章，而且唔係個個都識得所羅門，好多野講得詳細都未必明，就算識佢，其實都好難明佢，除非，你長期接觸精神病人啦.... 但係，所羅門事件很有臨床研究價值(我覺得)，好值得我寫出來，有興趣可以一齊解構一下。 首先交待下所羅門的背景。 - 華記中學同學，英文名Solomon，不過我地全部同學都叫佢做「傻佬文」，的而且確，佢係有一點傻頭傻腦......(以前...他的確只不過係一點點傻頭傻腦) - 中三以後遠赴加國(加拿大)升學 - 幾年後回港之後，不再只是傻頭傻腦...而是得到了「思覺失調」，真的，要吃藥的。 - 得到了思覺失調的原因有待考證，但有以下推測： i.找不到工作 ii.因為地區性水土關係...加國嘛.... 對於以上兩點原因其中的第一點，其實很有因果之間的爭議...即係，究竟佢係因為搵唔到工先至得到思覺失調丫，還是因為得到思覺失調所以先至搵唔到工丫？呢一點我在傻佬文回來我接觸過佢之後都諗過，但係我後來冇再在這點之上糾纏，咁樣係浪費時間兼冇意義，因為我一口咬定佢得病的主因係因為地區性水土關係，我一向覺得美國加拿大呢D咁既地方......係會住壞人既......美國有「一竹」，加拿大就有傻佬文，簡直係人版，鐵證如山，有版你睇！ solomon的病，在我上星期見過他後，我發覺，佢個病變左，去左另一個極端，我在這兒將他分作兩部份講。 Episode 1：傻佬文讀完書回港後，是過了兩年才聯絡番我地，我地當時循例問佢做乜咁耐先搵我地，同埋撈乜，佢一個答案就滿足了我地兩條問題：因為冇野撈，所以冇面目見我地。一般而言，聽見d咁既答案，都會當係講笑，而當時，我地亦真係當佢講笑，而且，佢不嬲都傻傻地，那一句說話，我們不以為然。 當然，事情並唔係咁簡單......當你聽到： 1. 佢同你講佢成日聽到隔離屋個女仔隔住度門大聲同佢講：「我真係覺得你好慘lor~~~~」「我真係覺得你好失敗lor~~~~~」(請想像以傻佬文的口吻演繹)； 2. 或者，佢話佢搭lift果陣，佢座樓d住客會時常投以白眼，以表達看不起佢搵唔到野做; 果陣，你應該知道，佢以經唔係以前咁傻頭傻腦咁簡單... 我其實當時有試下了解佢點解會有咁既問題，首先，我假設佢係因為搵唔到野做所以有病，我要知道佢點解佢

過完年第一日返工。 新一年的開始......我，繼續，遲到，同埋，食完飯，下晝，會好眼訓。 其實，如果我返工時精神一點，代唔代表工作表現會好一些？ 我有時常都會構想一個相當相當勤快既自己，但係總覺得好噁心...呢d唔係我既作風... 我既作風係，好漫不經心咁，就做好左d野，人地唔覺唔覺，就解決左d問題，平時唔多俾意見，但係當大家議論紛紛，決定不了事情的時候，我會有最突破性同建設性的意見，讓渣fit人有一個很好的參考。形象就好似果d一代宗師，武林神話，武林盟主咁！！好犀利！XXXXDDDD 不過，請注意：那只不過是「作風」，並不時常是「效果」！！ 今年的工作目標，就係令以上所講既都唔只係作風，仲要有效果！好，開工大吉！

經過左幾日唔係好假期的農曆年假期後，明早又要返工。 其實呢幾日唔係好假期既假期我做左d乜呢？都不外乎係食下團年飯，開年飯呢一類活動，而由於我平日工作已經成日都要見住d唔多想見既人，所以不工作的時候，我都會盡量選擇見一些會令我身心健康的人，而避見那些嚴重殘害本人身心既粉餅，換言之，呢幾日我被迫同?食飯既人，如非必要，我係儘量唔會再見，儘量在適當時候安排適當的節目...我給廖老師的時間是由年廿九開始至年初二開完年之後，之後我會謝絕一切我認為不必要既「應酬」。 何謂「不必要」？應該是李氏一族有關的吧...奇怪吧...姓李的不喜歡姓李的，哈哈... 還是廖老師的弟妹比較有人情味，那些小朋友也比較有趣，尤其那比我小廿幾年的小表弟，再加我那比我大兩歲的表哥所生的小表姪女。小表弟小小年紀輩份便到了阿叔級數，好掂....我喜歡他叫表姪女做「妹妹仔」。 除左親戚朋友之外，我仲見左幾位同學，由要係「所羅門」以及兩位「華」字頭。「所羅門」事件講起來一匹布咁長，總括來說...佢精神一向有問題，佢昨晚一個電話打俾我，一聽之下，發覺病情唔同左(可以話嚴重左)，我當時其實食緊飯，而且我又唔鍾意講太耐電話，尤其是同男人...所以就叫佢等夜d出來飲野，咁咪叫埋大華同逸華劍士啦，多幾個人，唔駛唔惡頂，又可以趁新年聚下，簡直一石二鳥。 有關「所羅門」事件......希望我有能力組織好再詳細少少講出來，其實都算好笑...但係又唔應該笑，話晒同學有問題...不過...點忍得住... 終於，踏進二月，為了自己今年，想寫一篇有關自己的東西，類似那些寫幾十項同自己有關的，希望在寫的過程重新認識自己。應該寫101項吧，那些甚麼技能的入門工具書就是甚麼「乜乜101」，「攝影101」，「古典音樂101」，「耍女101」，....燎原火101... 還有另外一些事要做的......