珠海三件事

上星期，又上珠海，其間發生了幾則小事。

講粗口事件

一般來說，我在珠海是不會接聽電話的，除非有來電顯示，我知道是誰打來的，那我會回電。

當然有重要的事，我還是會聽的，不然「激活」(activate，註)roaming幹嘛？

那 兩天在珠海，收到很多不明來歷的電話，當然，唔接啦，不過，那刻換了新的鈴聲，電話碰巧又響起，下意識地接聽了。是之前那麻煩客人打來的，跟她說我遲些回 覆她，她們(用電話會議打來)又不肯，迫於無奈用了九分多分鐘回答她們那些青菜蘿蔔般的問題，真係，火都黎，又不是死人塌樓，小小事都問長問短，而且那些 問題之前做training都解釋過，真係想用「大飛四百四」鍾佢！當然，我們抱著「為客人提供優質服務的心(出自悲劇王子的回應信)」，答她們問題時也 是彬彬有禮，表現出無限的耐性。

然而，收線後找立即：「仆街丫，講左我成舊水(即是一百元港幣的意思)！」

仲轉過頭和GS講：個客好「Q」麻煩！

不過，再轉過頭，便發覺老闆同別的一個客坐在後面，她們雖然沒有說甚麼，而且當沒事發生，反而問了我另外一些問題，但她們應該是聽到我的說話的。

好失禮....不過，如果唔講句粗口平衡番心理，個人真係會精神崩潰。

註：激活係祖國用語，很專業的名詞

---

canteen午飯事件

繼上次「唔好食你都要食啦」之後，今次又俾D驚駭我地一眾同事。

當然，我地唔會無啦啦咁犯賤又走去間黑店度食dog shit，全因為下大雨，我們不能踏單車去阿姨度食，又係迫於無奈。
首 先，問佢拿餐牌，佢已經古古惑惑咁收埋個記載左d 6蚊炒粉麵既餐牌唔俾我地，而叫我地嗌d廿九幾蚊(真係廿九幾蚊的，唔係講粗口)的小菜，真係他娘的，我地唔係話嫌貴，不過廿幾蚊俾d咁樣質素既野我地 食，我地真係驚俾人地笑我地蠢，我地唔係第一次幫趁黑店，梗係唔會俾佢昆到，威嚇之下，終於問到個餐牌出來。

之後，阿rai問個小二有乜野飲，小二話：「飲尿(料)啊！」.....真係趕客趕到出晒面。

終 於落晒單，d野黎果陣仲強，六碟有兩碟來錯，仲有一碗飯係凍既，犀利！我叫蛋炒米粉，諗住夠簡單，應該穩陣，佢來時我見到係有牛肉的，都算啦，俾牛肉我我 唔介意的，但係，我一片蛋也找不到......亨利叫揚州炒飯，又有牛肉，變左生炒牛肉飯，究竟，佢有冇尊重過我地既order?

很想進入大陸同胞的思考領域去考察一下，學下野。

---

HR Manager 請食飯事件

唔知點解，上面請食飯會叫埋我，可能係因為GS都算係上面admin team既人。我同佢地做咁耐野，都冇正式同佢地食餐飯，GS邀請，話得佢一個男仔，為左表現我呢個大佬係照佢既，應邀。

admin team 一共五人，唔連GS，星期五，康妮請假，所以唔去，真係可惜。咁即係一行六人去食飯，餐飯都幾唔錯。之後佢地拉我去唱K，我咁大個人，都未試過在大陸唱 K，當去見識下。首先，果度有個舞池，有d大叔同埋阿姐嬸嬸在跳舞，勁！個舞池仲有條柱o向度，可能間中會有人表演d特別野，或者，條柱係俾d阿叔跳到索 氣果陣用來扶住......
講番d歌，都其實幾新，最新果d係前幾個月，我冇所謂，反正太新我都唔會識唱。而那兒的新歌唱起來是相當有難度的，因 為，唱那時首歌的音樂，是完全不對的，原因是佢地消唔到人聲，便索性成條track消晒佢，然後就加竹番佢地果d原創音樂，或者，離譜的，將那首歌的純音 樂冇人唱的部份cut出來，不停loop住果一段。所以，如果想順利唱晒成首歌，你一定要集中精神，當自己在清唱，唔好理佢D音樂。是很有難度的！

我要番香港，十一點便走了。從澳門那邊走，去到碼頭還不到十二點，但是買票卻是一時半，又排不到後補位，結果，在候船室坐下來用notebook睇左一集LOST。還是第一次覺得notebook真的可以用來在街上看戲的。

回到家，已經三點三了。