燎原誌

早前驗身，某某指數比正常高出很多很多，0-55為正常，我6月時收到報告時，數值是166... 當時電話同我講報告位小姐話要小心D，最好去再驗一次果個器官有關既項目。對於呢件事，我雖然都唔算不以為然，但都只係記在心中冇即時去驗得詳細D。 後來，有位朋友俾左張COUPON我，可以免費驗其中一個項目，咁啱又係果個器官喎，咁咪去驗下啦；過左一個星期後報告出左，今次係110...跟住又俾人話我呢個情況好嚴重，又叫我驗得詳細D；其實我一直想有記得呢件事，只係一直冇做，同埋，我當時唔記得我第一次驗時，個指數仲高過好多好多！我都覺得應該驗多一驗，以免過幾日死左都唔知咩事；話晒，我生意又未成功，好多事未做，好多心願未達成，雖然我呢D人其實對社會冇乜貢獻，正所謂死左都唔駛恨，但我都唔想好似隻溝渠老鼠咁就死左。 就係咁我就專驗果個器官既數個項目，仲照埋超聲波添，都真係相當好玩的。然後，又過左兩個星期，醫務所仲用好故作輕鬆的語氣來叫我約時間見醫生，我心諗，之前D驗身報告都冇咁嚴重要親身見，讓我好不擔心，原來，我對自己既死，都有點擔心的。 見醫生，我本來想同佢講，其實果個所謂指數我有下跌的趨勢，但都唔駛我用果種感覺上好垂死掙扎的說話來為自己的健康辯護，佢已經話超聲波照出來我冇事，完完全全非常的咁健康，然後果幾首highlighted既指數，或者個超聲波話果幾句comment，佢都話呢d好普遍，唔駛理... 全個對話用左2分鐘左右，十分高效率。 離開診所之後，我晌度諗，其實，生老病死全部都好普遍，基本上，做人的確可以好看得開！ 睇完個報告除左知道左我個人係好普遍之外，最大既得著係人比以前更看開，更樂觀，幾好呀！

早幾個星期的某個早上，腹部突然相當疼以致我能比平日早起，我不以為然以為冇乜事地回到公司，點知坐不了多久，就要走。 我從來沒有試過這一種痛，連睡也睡不到，還好持續了大半天便消失，如是者一兩個星期都是間中會痛得死去活來。有數次想自己走入急症室。 我一開始便有看醫生，但醫生也不知道是甚麼問題。 看過醫生，驗過身，找不到什麼問題，又開始不怎麼痛了，也就不了了之。 有一個現象倒奇怪，就是返工痛的機會大，見朋友便好了。(是真的) 沒事兩星期，今早又復發。 今次沒有那麼痛，可以比較細緻地感覺究竟是什麼地方痛，可能真的如師傅所講的原因，那便應該沒什麼大問題，只是會痛而已，痛，會習慣的。 但我倒是想痛死一了百了。

由過去十八小時已開始很忐忑。 今早起來不停地咳嗽。 證實了我一向咳嗽的病跟生理無關。 很早之前已經是一個心理病。 聽說心理病都是難醫的，我甚至覺得這是個絕症。 心理病的絕症，肉身是不會死的。