燎原誌

13:58 松山兄: 燎兄 我今日聽到單奇聞 14:06 me: 乜 14:08 松山兄: a u ready? 14:09 話說有一個唔認自己係港女既舊同事 成日話自己比人針對 但我同佢相處又ok,無衝突 雖然好多人都小佢呢樣果樣 但我今日領誤到喇 佢唔係對我態度差 佢講咗單生活趣聞出黎 尋晚佢話我知佢要整jelly 我就:嗯~"咁啦,無咩特別 反正唔係整比我 14:13 me: continues 14:17 松山兄: 今朝見到佢話失敗咗,整唔到 我問點解?佢話因為結咗冰 我話"下?!!結冰?!!" 佢話"擺喺冰箱結咗冰" 我話"你整jelly喎!!!" 佢話"係囉,jelly都會結冰!!!" 我話"擺入冰廂,水都結冰啦!!!" 14:54 me: XDDDD 小學生都識整的JER LEI~ 松山兄: 我好驚訝 好撚不安 XDDDDDDDD 佢覺得係jelly既錯呀!!!! 14:56 me: JELLY真不該。 14:57 羅拔臣個盒有教架喎，如果我冇記錯的話 松山兄: 蒜頭.狗.掃把.jpg 港!!!!! 14:58 隨咗識扮靚,乜都唔識 無內涵都算,原來連常識都無 me: 我小學三年班已經可獨力鍊成JELLY 14:59 松山兄: 聽講好難過喎 一般都會結冰 15:00 me: 放條火辣辣的肉棒入冰箱都結冰啦 何況JELLY 15:01 松山兄: 真係...... 我唔知講咩好 低B無下限 腦殘 15:02 me: 咁佢有冇話你恥笑佢 松山兄: 無 15:03 因為我無表達意見 我唔當佢普通人看待 15:05 me: 令我諗起當年睇一班女乾炒公仔麵 冇煮個麵便落鑊 15:06 仲要鑊都未燒熱便落油落面餅 相當惹笑 松山兄: 睇過睇過!!!! 15:07 港女真係好撚神奇

從前，有個人在今年雙十節那天要去飲喜酒。 不過點解呢個故事今日先至寫呢？ 原因係，要切合返請飲果位寫blog習俗，最新果篇通常係寫緊半年前既時，充分地讓人有時光倒流十九幾年既感覺。 本來，一年內結婚既朋友眾多，就好像交通黑點的意外數字一樣(很多結了婚的人跟我說，他/她寧願遇上交通意外)，點解偏偏要開文寫佢呢？ 嗯，各位讀者請看看呢篇文既tag，冇錯，久違了的燎原之友系列又同大家見面了！ 被入選燎原之友系列既朋友，當然有佢獨特既地方，呢位朋友特別既地方就係，同佢傾計既過程中，你會感覺都你係100%正在揶揄緊佢，而且會還下口，唔會覺得悶。性格很師奶很小女人很孤寒得來又很有趣很過癮！ 嗯...都未介紹佢個名....暂且叫佢做Ada姐啦...Ada姐是我與四爺跟澤少當年做暑期工時的同事，那時已經開始每天八小時以揶揄ada姐為樂。當然，我們也覺得ada姐也很開心，因為讓別人唔開心的事我們通常都不做或做很少。 ada姐呢份人應該很單細胞，很簡單，所以我覺得佢好開心，呢個亦都係我羨慕佢既地方。佢心地唔錯，冇機心，唔害人，至少冇害過我，當然...害我，唔係話要害就害到既。最讓我有深刻既一件事係，當年我因為某女孩子令我相當唔開心，而當年冇咁多可以傾計既異性朋友，我唯一諗到既就係ada姐，咁我咪約佢出來食餐飯傾過計，原來約ada姐都唔係話約就約，結果係我話餐飯我請，咁佢先至肯出來聽我發瘟。你睇下，佢幾好心地，又樂於助人，而且為人真誠，直腸直肚，直拉接comment：「我覺得你係俾人玩囉！」真係成個人醒左一半。能夠晌我仲讀緊書既時代請食飯而我無其他目的既女仔真係冇囉，只有ada姐得。 嗱，讚左幾百字都算係咁，其實唔只架，當日我同澤少去飲，搭lift時我預先吩咐澤少：「今日佢結婚，寸少佢一日。」我對朋友都算唔錯卦。 本來有張相想post出來架，係去飲時張菜譜，想post張相但show佢個樣出來又唔係咁好，但係打格呀，又冇意思，因為成張相既精髓就係兩口子舉頭望住d食物名稱！唉，都係留返自己間中唔開心時攞出來笑下算了！ ada姐果日結左婚返到屋企仲msn我，話唔好意思，因為果晚將我同澤少調來調去，其實我地都唔係咁介意(可能只係我唔介意)，反正原本果枱都冇靚女，再調都冇(我知道，調晒全場都唔應該會有)，咁我同佢講，我地冇所謂的，請我地食返餐飯事情可解決，跟住...

二公子跟我談論過小勤勤的幾天後，一個夜晚。 MSN傳來...... 悲劇王子：你有冇小勤勤msn 燎原火：無... 悲劇王子：小勤勤@MSN.ACC (ADD左佢之後，我見佢ONLINE，拉佢入來對話~) 蛇仔勤(假NICK名) 加入對話。 燎原火：勤少~ 悲劇王子：可能佢第一句就係師兄算甚麼 ~ 燎原火：佢根本唔知邊個係師兄...佢會話...「你邊位？」 悲劇王子：你的時代已經結束了 ~ 燎原火：早已結束... 蛇仔勤：hi 悲劇王子：真係啋你都可能嫌費事 ~ (咦？有反應啦喎~~) 蛇仔勤：你們找我嗎? 燎原火：冇事唔搵得你咩？ 悲劇王子：只有佢gf 可以無事都搵佢 ~ 蛇仔勤：我都係問下 悲劇王子：你算甚麼 ~ (「你」是指小弟我) 燎原火：你們找我嗎 蛇仔勤：小勤勤是nod 高層, 日日去巡舖 ~ 燎原火：佢間公司叫VERSION 2 (我在糾正二公子)，因為VERSION 1 已經倒閉 蛇仔勤：訓覺, 88 蛇仔勤 離開對話。 悲劇王子：幾仆街 燎原火：吓！O.o (我對佢走得咁撇脫的反應) 燎原火：仲諗住問候下~~ 悲劇王子：佢真係啋你都嫌浪費時間 燎原火：人情冷暖... 悲劇王子：你呢d 無業遊民 ~ 燎原火：枉我當年同佢整電腦~~ 燎原火：心淡~ 唉... 悲劇王子：忘恩負義係佢本性 ~ 燎原火：枉我當年原諒佢差D整爛我度車門... 燎原火：嗚~~嗚~~ 悲劇王子：快寫blog 發泄 燎原火：我會~~ (有眼你睇...) 悲劇王子：人情冷暖 ~ 悲劇王子：當年佢仲話自己幾咁慘 ，我仲要安慰返佢轉頭 ~ 燎原火：你有冇問佢依家個女朋友叫乜名？ 悲劇王子：無 燎原火：可能叫婷婷... 悲劇王子：但聞說fb 有佢gf d 相，但佢fb 一直唔add 我願 燎原火：好明顯...呢D叫劃清界線 悲劇王子：你地唔好影衰我 燎原火：就是了 燎原火：(哼歌)你已經遠遠離開　我也會慢慢走開~~~ 悲劇王子：幾反骨 燎原火：反骨仔！(要用逸華劍士的語氣，圍來人先會明) 悲劇王子：反骨勤 燎原火：又多一個外號~ 悲劇王子：好多nickname 你睇，我地幾無聊...唔單止間中會搵D朋友來討論同埋玩，仲要用來寫BLOG...唔怪得，小勤勤要同我地劃清界線啦！ 其實，我地係好替小勤勤高興的，因為生活看起來很美滿！真的~~哈~~ 祝我所有朋友都一樣的美滿！

好耐冇寫傻佬文之後，發覺其實也好耐冇寫小勤勤！ 印象中上一次寫小勤勤已經係零五年的四月，真係好耐啊~~鬼咩，小勤勤應該係一早想同我地呢班混帳(佢眼中的混帳而已)劃！清！界！線！哈哈~~算啦，在看看全新小勤勤之前，先來個人物重溫..... 這兩個星期的瑣碎事(又名小勤勤心事有誰知)-2005年4月19日 前傳 話說，從前有一日，二公子約左班舊同學仔食飯，同場有小勤勤！二公子後來同我MSN。 悲劇王子 ： 今日同左傻仔勤食din 燎原火： 咁好... 佢係咪好囂張 悲劇王子 ： 中六七同學聚舊 我一路問佢有冇追女仔 佢都話無 燎原火： 我問佢都係咁答... 太唔長進... 悲劇王子 ： 後來我舊同學醒目 問佢係咪拍緊拖所以唔使追女仔 佢就話係 正仆街 燎原火： 人渣... 我成日話靠佢介紹D俾我... 佢都唔理我~ 悲劇王子 ： 佢已經睇小你了 ~ 燎原火： 師兄算什麼~ 悲劇王子 ： 你算甚麼 (按：我地差唔多同時彈呢對對白出來...我和二公子相識十九幾年，有時說話的配合度已到了令人嘔心的地步) 燎原火： 一定係咁.. 悲劇王子 ： 你應該約小勤勤出來教訓佢一餐 燎原火： 我上師傅度就會見到佢.. 我叫佢食夜宵佢REJECT我... 悲劇王子 ： 佢話佢依家會係北角接gf 放工 再送人地去到荃灣 佢gf 住tuen mun 燎原火： 廿四孝...(按：或者可叫做「痴漢」，即是痴情漢子的意思！) 悲劇王子 ： 你唔問o岩條問題佢都唔會講事實出來 ~ 燎原火： 算了... 我已經係一個二打六.. 悲劇王子 ： 都係個句 你算甚麼 燎原火： 很感慨~~~ 太長，分開二篇易睇D！