燎原誌

我其實應該慶幸自己逃過一劫。 從前媽媽說得好：塞翁失馬，焉知非福。 今朝有蕉今朝吃吧。無知是福呢。 今年定下的座右銘定得好：凡事唯心。 我到今天還是很介意那什麼真心假意的行業..... 原本公眾假期也要返工，現在不用了，很好。 媽媽的建議相當有point，好叻女。 計劃了將自己房間傢俱的擺放重新安排，星期天辦妥。 每天都在下雨，怎去游水？還想請吃飯。我可是記得的。 常常覺得這歌詞很好。 孤單的一天吃喝工作渡過 孤單的一宵連日劇亦閉幕 平淡沉悶都可用心的等待過　 我說過我很快樂 真的很快樂嗎？至少沒有傷痛的感覺吧。

做左個test。 性 情 溫 和 ， 容 易 相 處 ， 想 像 力 豐 富 ， 怕 羞 怕 羞 卻 非 常 浪 漫 。 腦 筋 轉 速 極 快 ， 愛 坐 言 起 行 ， 標 準 行 動 派 ， 衰 過 份 急 進 ， 適 合 從 事 演 藝 界 一 類 真 心 假 意 行 業 。 給 人 第 一 印 像 非 常 好 ， 自 我 意 識 強 烈 ， 表 現 無 懈 可 擊 。 厭 棄 浮 跨 生 活 ， 注 重 實 用 價 值 。 將 家 庭 放 在 三 、 四 位 ； 敵 我 分 明 ， 對 朋 友 會 很 忍 讓 ， 反 之 則 極 度 抗 拒 ； 愛 很 認 真 兼 緊 張 。 28 號 出 世 的 你 ， 超 級 牛 皮 燈 籠 ， 點 極 都 唔 明 ， 一 旦 決 定 了 就 絕 不 回 頭 ， 從 來 無 人 可 以 說 服 到 你 。 請問乜野係真心假意行業？要做d乜野架？可以搵幾錢？幾時發達做單身貴族？

昨天那個星期六跟平日的很不同。 平時的星期六都用了來教畫，昨天的星期六在客戶的辦工室渡過。 我其實之前寫左個計劃書，講下個task要做d乜同做幾耐，我其實計得好準確，我做upgrade的時間的而且確係用左3個幾鐘，不過估唔到佢做 backup的時間比實際upgrade的task還要耐。backup都用左四個幾五個鐘，我用左三個幾鐘做upgrade，之後check野同執手尾 用左一個鐘，o向果度渡過左十一個鐘，相當充實。 我喜歡這種task，實際上冇乜野做，齋等。可以做自己野，但係charge緊man-day。最重要係冇技術問題，不過個task做好耐，唔知o既人會覺得好勁。 我其實唔想咁樣浪費時間。 早幾星期講過有套戲想睇，但係一個男人去睇會好怪，兩個或以上男人去睇會更加怪，如果冇女孩子陪睇，就要等出碟。當時細個話考完試同我去睇，今日終於在落畫前睇左。其實唔係咁喜歡睇韓片或日片，自從睇過《假如愛有天意》，就好喜歡睇孫藝珍，真係淨睇樣。個樣睇起上來好似好普通咁，但其實呢種樣好難見到，善良可愛，有氣質，純得黎有智慧，有腦卻感覺不到侵略性。(當然我唔知其實佢個人係點啦) 有日睇戲睇左個trailer，見到佢有戲上，咪諗住睇。今次佢飾演一個患有老人痴呆症的少女，故事相當有意思。 多謝細個陪我睇戲。 今晚約左一大班人食飯，約咁多人食飯其實相當困難，而且有d互相唔係咁熟，你知啦，唔係個個人都唔介意同d陌生朋友食飯ga ma，但係今次大家都好俾面。 可惜食唔到原先諗住食果度，夾硬搵左第二度食，而且d野食相當麻麻，真係唔好意思。 呢d咁大o既project都應該好少有，甚至可一不可再，因為我其實唔擅長康樂部門o既工作，好怕安排得唔好，一兩個人o既活動都係咁，何況成七八人？ 無論如何，多謝朋友們俾面出席，而且對今次活動冇怨言(至少我聽唔到)。

上珠海時發覺部Pocket PC 唔見左，以為漏左o向屋企，返到屋企搵，都唔見。唔見左。 返到公司同同事講，佢地奇怪我點解仲好似咁平靜，冇乜反應咁，其實部野都幾重要，不過唔真係唔覺有唔開心，唔記得由幾時開始，對呢D所謂身外物都唔係咁在意，我都唔知咁叫好定唔好。 我分析過自己點解係咁，一來自己對物質唔係睇得咁重，總覺得用錢就可以買到o既野就算冇左都可以買番，而且現今的產品週期太短，冇左即係俾藉口自己買過個 新的(當然，首先要有錢先啦)。再者，你諗清楚，其實你係咪真係需要咁多野？你有幾多野係用得著？你買件野係咪可以utilize 全部功能？ 二來我知道真正應該珍惜些什麼，同那些不能用錢可以買番的東西比較，一部PPC算什麼？ 講完一大輪，其實講緊風涼話。 今日返屋企，三少爺問我執番部PPC未，我知佢知道o向邊，搵返。 失而復得也沒有特別高興，因為得而復失其實更常發生。 個人變到咁真係唔知做人仲有乜野意思。 有冇需要改變下？

如果，你在一間食店問侍應：「你什麼好吃的介紹？」然後她回答：「好唔好食你都要食架啦！」 咁你會有乜反應？ 「...........」<------我就是這樣無言以對，反應不來！ 沙pop程度達SS Class，深表佩服！我俾五個叻佢。 尋日到珠海，因下雨踩唔到單車到公司食堂食，唯有去近一點的canteen，那兒的侍應就給了我和ryan一個這樣娛樂性的答案。 其實，佢講得都好有道理，係...好多時候，好唔好食你都要食架啦，邊有得你揀？

我其實唔應該在這兒說這件事。我亦其實冇將這事放在心內，不過仍然覺得自己冇被尊重。 不要問我發生了什麼事，因為我已經忘記了。

返工後，與?商的舊同學食飯聚舊，很久沒見，他們三位都是今個月生日，每位相隔六天，相當巧合，再加上其中一位今年從英國回來，實在很需要食餐勁o既賀賀佢！(醒炳當然唔係講我果位同學啦，下面再講。) 咁我飲飽食醉之後當然唔係返屋企訓啦！我照常到師傅處練好d武功。當我到達的時候，看到一些久違了的奇奇怪怪動作，抬頭一看，嘩~~不得了，是那位 加國華僑小智障 ！( 呢度有少少佢o既資料 )，啊，醒炳回歸！ 之前側聞他被師兄肥仔俞打得落荒而逃後，我再也沒見他上來，失蹤大半年，現在練好武功來報仇嗎？可惜，今日俞師兄唔係度，去左日本打倒軍國主義同埋同d中國慰安婦討回公道，唔得閒娛樂d智障。 佢 一直在做一些奇怪的動作，我都唔知佢o向邊度學番黎同埋搞邊科，我對佢的失傳絕學其實冇乜興趣，只係覺得好搞笑，當然，我上去唔係諗住搵娛樂，所以我冇理 佢，就練自己野。咁我練左一陣的時候，條醒炳又燎我！我今次其實冇乜所謂，又冇乜意慾搵人血祭，不過佢話要練下，咁咪同佢練下囉... 條 醒炳真係冇乜進步，一d都唔長進，來來去去又係從前d技倆，好冇新意！基本上，我完全感覺唔到我會輸，其實打得都好鬼悶，咁咪一路打，一路睇新聞囉，有 時見佢d動作好搞笑，都忍唔住笑出來，不過係冷笑。我打左一陣頂唔順，咪同左聲thank you 唔打，我最欣賞佢o向呢個時候用諗住俾d advice我，佢都未講到佢想講乜，就話，i don't know how to say，我話 nevermind...我心諗，eat dog shit 啦，ass hole！ 我諗佢想講我既然食晒位，好應該積極進攻，我當然知佢諗乜同埋想同我講乜啦，不過，我就係喜歡練這種完全防禦，同埋喜歡呢種敵人千方百計想打到我但係永遠做唔到的感覺，玩弄敵人真係過癮！

今日教完畫諗住去黃金高登買過個router，唔知點解見到時又唔想買，也不過是三兩百價錢.....可能個人洗錢真係審慎左......決定用住後備果個，再拎個壞鬼router去整。 反而行黃金高登途中發現我一直考慮買果個LCD Mon跌價.......好想買.....當然，都係要等一排先至買啦.... 早幾日師傅見我係咁咳，佢學緊中醫，叫我伸條利俾佢睇下，跟住叫我買隻叫止嗽散o既野食下，我之後見到隻止嗽散，d成份都係好正常，應該食唔死，咁咪買左黎食，發覺都幾使得，家下我要扮病sick leave，都真係冇可能。

今朝搭地鐵，見到個小朋友，三歲左右，好耐冇見過呢種咁友善簡單o既眼神，一向冇乜表情o既我都唔好意思木木獨獨咁對住個小朋友微笑。其間，佢仲同我玩，成日遞佢件玩具俾我，小朋友o既好意我當然接受，然後我又即刻俾番佢，好搞笑。落車果陣，佢仲好唔想同我揮手講再見。 我成日都想做壞人，睇我咁o既樣，都係做唔到壞人架啦。 今日整天好似做唔到野咁，但係又好似好多野做咁.......冇乜特別..... 放工走左去睇書，現在d漫畫質素真係每況愈下，我諗遲d真係冇乜野睇。今期天下真係......如果本野唔係書屋的而係自己買，我一定已經撕鬼爛 佢.....頭果幾頁講阿劍晨因為d好無謂o既原因而整聾自己同插盲自己雙眼，編劇可能覺得咁會振憾一些.....當然我一d都唔覺啦....咁都算啦， 劇情需要，ok，尾果幾頁講佢因為咁而發揮到應有o既實力，(ok，我咁都接受到)，正要殺阿藍武之際，後面突然有人講野，咁佢因而停左手，果格畫仲畫到 佢對眼向後瞟.......o下聾架喎，盲架喎.......我唔係話歧視傷殘人仕，即係咁，呢d漫畫冇劇本，出一期畫一期，有時前幾期故事同後幾期故事 有些少矛盾，我都當睇唔到，但係今次係同一期喎，咪以為我五分鐘睇完o既野會唔記得喎........ 返到屋企，想駁返個router，因為佢呢排成日short short地，咁我今朝就熄左佢，等佢抖下，點知番到去駁返d電，佢仲short過今朝，整極都極唔到，好彩我之前有個router做backup，唔係 都打唔到blog.....果個應該係壞左啦，唔知整要整幾耐，我諗都係買過個算罷。 因為我好怕麻煩，所以d野壞左我多數唔拎去保養度整，又耐又整唔好，買個個新o既仲好.....

呢幾日個天好情緒化。一時天朗氣情，轉個頭落傾盆大雨。雖然兩種天氣我都冇所謂，但係我其實冇心理準備。就算我適應到，身體還是會病。

時間仍然是星期日，一個冇乜特別野發生o既星期日都可以寫兩日三篇，真係平淡多姿多采化的典範。 話說果晚於樓上咖啡店食完餐吹水飯後，車臣第二朝要返早神州大地，回歸祖國懷抱，咁佢就雞咁腳走左，四爺和我好不自覺又走左入去間CD店，我見之前睇左果套Constantine出左DVD，由於我講過我睇套戲之餘仲要買埋隻DVD( 這是證據 )， 所以當時就諗緊好唔好買埋佢，仲咨詢過四爺o既意見，佢話睇多幾日睇下個價會唔會跌，咁都好啦，反正唔急。另外仲見到隻AV，本來呢d本地製作一般來說都 係睇下邊個有，借來看，咁都諗住遲d搵隻黎睇，點知過幾條街間舖播呢套片其中一段出黎，聽一聽d對白，我覺得套片拍得好有誠意，好有say，最重要係好好 笑，即刻有興趣立即睇。但係，當時都係諗，過兩日先啦..... 當然，最後我行去搭車之前，都係走左去買晒兩套戲返屋企。 套Constantine睇過，我淨係睇隻bouns disc，d deleted sence都好好睇。 仲翻睇佢臨尾對撒旦做粗口手勢果段，真係潔淨心靈。 套AV，都睇左，幾十蚊買呢套DVD都幾抵睇，我淨係睇個封底個slogan，已經覺得好笑，睇埋套戲，直情覺得好超值，入戲院睇都五六十蚊張飛啦，依家 加多十元八塊，已經有埋隻碟，又有d feature disc，又可以借俾朋友睇，買左呢隻碟我覺得好叻囉。套戲其實想講d野，不過唔駛理，你收到就收，收唔到淨係覺得好笑咪得囉。仲真係有位受香港年青人敬 仰的av女演員拍，好有誠意囉！

星期日同悲劇王子買野同時，四爺都出左黎，話買「套」(為佢部O2 mini買個套)。之後，悲劇王子要去富豪飯堂食飯走左，好在車臣出左黎join食飯，唔係又得兩支公食飯，真係廿十幾歲o既青年最可悲o既事，不過，車 臣出來也不過是三支公一齊食飯，係廿十幾歲o既青年第二可悲o既事....... 唔緊要，我地今次搞新意思去左d樓上咖啡店食飯，地方算唔錯，d「侍女」都幾招呼週到，當然，佢地唔會陪坐，更加唔會提供落單捧餐以外的value-added service，所以大家唔駛咁興奮。 d野食，都ok啦，我最欣賞那地方環境，很適合吹水。 果晚，我講左其中一件事，係同我讀TC時的其中一個同學有關，話佢過橋抽板，不過呢個都唔係重點，個話題一直伸延到我對好多人的觀感，發現我其實睇野人睇得好鬼衰。 對於果d「不在信任圈之內」的人，即係我唔係咁喜歡的人，無論佢做過d乜，無論佢實質係一個好人定係佢本來已經係一個衰人，我都可以俾好多理由自己討厭佢地。 如果佢其實好好心地，做好多好事，但係佢乞我憎，我會話佢偽善，冇辦法，呢類人完美到好到我覺得佢好假(當然，我相信佢地其實都真係好假，唔係我點支持自 己討厭佢地)，而且通常呢種人會好悶，好難同我做朋友，如果加上佢地有時對我那些「甚具人性」的行為有少許批評，難免我會對佢地唔係咁友善，甚至因為佢地 善良而欺負佢地(欺善怕惡就是「甚具人性」的例子)。 總括來說，我應該係唔抵得佢地咁鬼善良而到假(我覺得)的程度而覺得佢地偽善，係偽君子。 另一種人，唔使講，一眼就知佢地正仆街，殺人放火強姦老笠乜衰野都做齊(其實我唔識d人做呢d野...)，唔係仆街係乜？ 所以，如果同我唔係咁好傾，唔係我信任圈之內的人，我唔當係朋友的人，唔係企o向我果邊的人，都好大可能係衰人。 我自己其實都覺得自己咁諗野幾恐怖..... 唔使驚，一般來說，你做的事正正常常，唔好違反人性，同我溝通到，應該都係好人來的！ 當然，同我作對的，都應該是衰人來的，所以，最好諗清楚。 (以上全部我一半係說笑的，唔駛咁認真。不過邊半係認真，邊一半係講笑，你地自己估下...)

星期日，王子話出尖沙咀買野，問我join 唔join，我身為閒人俱樂部 前任 會長，二話不話，同佢講：「等陣見。」 同王子一齊去買野，除左因為好得閒，還因為我著緊果對鞋已經著左四百幾五百日，我著住佢地走過唔少難行的路，我好應該讓它們早日安息，簡單d講，即係買對新o既，丟去舊o既！又好好彩，俾我睇中對幾適合o既，二話不說，買左。 其實，我一早想買過對鞋，不過，好難睇o岩，而且，我好少會特登為左買鞋而去睇鞋，因為多數睇唔中適合的。我呢個人好鬼麻煩，自己鐘意d乜唔會識得點講出黎，好多時甚至唔能夠在腦海內具體咁組織個款出來，簡單d講，即係唔知自己要乜。 但係，當我看見了那實體時，我便知道我想要的就是那東西，唔駛知道點解想要，我就是覺得那是我所需要的。呢d應該就叫做「共振」。 如 果真的要我形容我喜歡的東西，根據我有生以來所買的東西來歸納，應該是「平凡之中要有個性」，我唔鍾意標奇立異(事關我覺得好cheap)，但又要d周街 都係果d(其實我見到周街都係標奇立異的人......不過，周街都係，仲係咪標奇立異？)，所以，要買心頭好，真係好難。而我呢個人，就係咁麻煩。 (用錢買o既野已經唔係咁麻煩，呢個世界好多野唔係有錢就可以買到，亦唔係淨係你有權揀。所以我一向覺得，用錢買到的快樂，不應吝惜，就係咁，我自己都覺得自己大花筒。)

無聊地翻睇自己之前寫d野，發覺十月十日果一篇o既reply俾人delete左，係俾"Blog 管理員"移除，究竟邊個管理員咁沙pop？ 同埋佢地有乜野權做d咁o既野？問過本少爺未？事關我都未睇過就俾人delete左，搞錯！靠~ >.<

之前借左四爺好多DVD，最後睇淨隻Before Sunset，今日終於睇埋佢。 好想寫一下睇完之後的感覺，不過，我發覺我根本冇能力。 事關，一路睇一路好多野諗，而且好雜亂無章，我組織唔到自己諗左d乜，更加冇可能用文字寫出黎。 睇晒上下集，九年後，九年後，要變的都變了，不變的還是不變(...總覺得自己講廢話，但係自己有咁o既想法)，兩套戲好多思想都具體講左我有d平時唔知點表達的想法，連這幾年的心境可以幫我講埋出黎。共鳴感很強。 嗯.....我九年前做緊乜？果年我在一間感覺好似坐牢(對我一向自由慣的中學生而言，實在唔係咁好受)的中學repeat.....，果年亦係由男校轉 到男女校的一年，那些同學...其實都幾ok架，不過都沒有聯絡了，畢竟只是做了一年同學，而且，我全年的稱呼，都係叫新同學，好一個名字！ 無端端諗返好多呢十幾年o既事......真係不知不覺，原來自己已經唔細，又原來，好多朋友都識左好多年，大部份都識左十幾年，有d廿年都有，其實都好難得。

在這個開六合彩的日子，我發了。 發達，梗係唔係，發夢都冇咁早。 係病發，感冒終於都發左出黎，我一直以為自己可以壓制住，又係我太天真。 朝早本來都好地地，點知食完個午飯冇耐就黎料，應該同晏晝食飯淋左幾滴雨有關。食完飯番上office就感覺到自己HP條bar一直下降到 紅色 狀態，個頭仲好鬼痛，我下晝除左不停飲水，去廁所痾番飲左果d水，同埋不停咳之外，好似乜都冇做過，如果一間公司係靠不停有人飲水去洗手間同埋咳來搵錢，我今日應該幫公司賺唔少。 好彩，到左七點零鐘，條體力棒上返 黃色 狀態，夠支持晚間的活動。 夜晚都冇乜特別野做過，主要係同四爺食米線，跟住上我屋企抄d新歌落我部機度，其間我研究下佢新買部水迷你(O2 mini)，部機的確係掂，最衰我決心慳d洗，唔係都會trade左而家部hp2210同索愛t630，二合一用部水，成個人即刻瀟洒晒，好似四爺咁。 抄完d歌，我見耐冇楂車，加上三少爺同我部車改左少少個look，就楂下送四爺歸家。換左個鬼面罩，成架車有番個性，楂起上黎都爽d。 來回連行路都唔駛半粒鐘，返到屋企仲要睇一陣廣告先做創世紀。 希望聽日可以開番聲講野，我實在唔想人地覺得我講野似譚兆偉。

有個故事每天都在世界每個角落發生。 兩個本來互不相識又同樣寂寞的人在某年月日於某地邂逅。 經過一段或長可短的日子，兩個個體好像找到了自己那遺缺了的部份。 雖然，感覺上，對方好像就是自己所要找的人，但，大家，或其中的一方，總有保留。 大家總是在保持距離中掙扎， 因為大家還沒忘記歷史的教訓，以及，教訓所留下的傷疤。 保持距離，至少心理上會覺得，進可攻，退可守。 但大家知道， 進，可以重蹈覆轍；退，將會錯過機 會 。 大家在這段距離膠著，直至，其中一方按捺不住。 被迫要作決定的一方，決定了甚麼？ 那並不重要， 因為歷史的巨輪從來沒有停過來，故事還是會重複，人，還是要從重蹈覆轍和錯過機會作出選擇。 在這個故事發生時，總有一些小配角在旁，看故事的人總以為他/她是配角，其實，在他/她的故事中，他/她也是在進退兩難，他/她的故事正和他和她的故事cross-over著。 這個故事暗地一個cross-over一個，形成了複雜關係。 只是，大家不知道罷了。 我，只是在寫故事罷了。

以下果本畫集，我搵左兩日都搵唔到，我行過大小日本書屋，上阿馬信剿，都搵唔到，如果見到邊度有得買，請告之。厚酬(係真架！)。

今日咁特別的日子，我一起身就看見天哭，我覺得宇宙實在好鬼奧秘，所以我做野都好本住良心做，當然，良心標準各人唔同，而且我地仲有一種心理機制叫合理化，所以你地有時都會覺得我做好多衰野，例如踩死隻蟑螂，鬧前任特首，食剩d飯，等... 你可能唔係好明合理化點樣運作，即係我地做左一D野普遍社會都會覺得你唔o岩，甚至其實自己都覺得自己好唔o岩，不過呢種感覺一閃就逝，事關我地會諗D理由同埋藉口俾自己，令到成件事合理晒，d道理仲去晒自己果邊，錯o既仲係其他人，自己理直氣壯，別人理晒虧，咁就係合理化。 引用《不是人》說的話即係： "我喜歡看某些人做錯了事, 卻矢口否認, 不惜編織各種藉口來推卸責任,為藉口加上不同的理論, 或者披上仁義道德的外衣,結果是他變得理直氣壯, 而你卻成了理虧的人... 我認識不少這種人, 但我欣賞他們..." "畢竟他們比你我更聰明..." 除左合理化之外，其實仲有幾種機制令我地做錯事之後唔使俾自己d心理壓力搞到唔開心或者走去死，人類真係奧妙啊，有機會同大家交流下！ 尋晚三公子搵我，話返唔到停車場，唔係話要俾錢，我都唔記得自己有架車添.... 心理上感覺其實重要過實際上的事實好多，架車雖然我有法律上的擁有權，而我實際上亦有操作權，不過成日俾人楂走左，慢慢我會少楂，用車反而我要預約，感覺上架車唔係自己擁有咁，所以我都唔係好記得要交停車場錢！

今日終於忍唔住同維維人聯手出口點化一下佛陀同事，因為佢實在太過好心地了，連唔需要答俾個客的問題都好熱心咁答埋。其實我覺得做多少少係好事，我地也實在應該做得supportive一些。我地養成熱心幫人的文化不但給客戶良好印象，其實自己都會開心一些。不過，如果你以為你答遲少少或者唔答果d其實唔係好關你事唔係我地責任的問題，就覺得自己欠左個客或以為係自己的錯，咁就真係大錯特錯。俾人食住對公司形象有壞影響，俾果d小薯級數的人食住就更不應該，我地係做生意，唔係做奴才。其實我想做那康宏明仔份工，應該好得閒，淨係望住個mail server睇下user收唔收到mail，其間因為悶得滯，一有些少覺得唔正常，就打電話去個vendor度叉能住佢地，其實我諗佢都知道個service run得好正常，不過佢寂寞，想搵我地個佛陀同事開解一下。諗諗下，都係唔好做果份工，我唔係咁想做小薯級人馬，望住server個screen就浪費左青春，同埋唔想背後俾d從來冇見過面的vendor咀咒。 下晝對面公司送來一大盆KFC雞中亦，數杯西米布丁，仲有飲品，嘩~~~如果唔係咳，我點會食一隻就罷休。 新同事個MSN add 左街外o既人，其實咁係唔可以的，今次俾個機會佢啦。見佢個list有個人叫最愛馬騮的乜乜乜(睇唔到)，係佢女朋友卦...，所以呢....叫別人做馬騮怎會是人身攻擊？我個同事都不知俾人愛得幾幸福！人最重要懂得尊重別人尊重自己，架，都是自己丟的。 加記都幾好食，等胃口好d再食過。 夜晚睇套戲個中文名好白痴，不過冇所謂，後來發覺佢唔只喜劇咁簡單，仲同你討論下哲學宗教。很喜歡佢每介紹一樣野，都用一段好有趣的動畫表達，同埋，介紹時o既style，有d似整蠱專家中介紹慚愧波板糖，誠實豆沙包o既style，不過佢比整蠱專家詳細好多，有晒歷史背景，似曾曾咁。 今個月會有好多好睇o既戲，有蝙蝠俠，畢比特對盜墓者，其實仲有套A moment to remember，不過呢套片兩個麻甩(或更多)去睇會好冇癮，又唔想一個人睇，看來都係會買dvd，不過如果有人都想睇又搵唔到人可以搵我。 四爺話我留果兩句說話又會惹人誤會，我其實唔係好明，即使佢講左點解，不過通常人們都唔會明白點解會產生誤會架啦。不過算啦，我而家唔會理呢D野。 其實叫施明姐有乜唔好o者？又有個咁惡o既丈夫，又有小魚兒同花無缺.... 咁不如叫羅蘭姐啦...

四點半訓覺七點三起身，搭船上珠海坐車，做左一朝野，下晝二至八開一個六粒鐘o既會，搭尾班船返香港，居然全日冇眼訓的感覺，仲睇左百幾頁書，玩BEJEWELED 2代破左好多次紀錄，玩到百六萬，精神好到可想而之。 你唔好同我講呢D叫迴光返照。

在踏入二零零五年六月之前的十二小時開始，感覺到明天將會大不同。 上年六月，六月飛霜。但，還是活過來。 回顧 一年將過去，現在回頭看，我受的也不算甚麼，不甚痛，成長度還大幅提昇，算得上小代價，大得益。 身邊家人朋友其實比我慘得多，媽媽一向堅過石堅叔，跌傷後不哼半聲，盡顯強人本色。 阿正的遭遇我評估過，慘痛程度和我比較要用幾何倍數計，感覺上好像被人打斷晒手腳，然後震斷奇經八脈，繼而再被推落深淵，這還不止，中途有些人好像從深淵中救他上來，誰不知，從回地面只是為了摔得更深。 悲劇王子今次小心翼翼步步為營，縱使過程中吃力不討好，也是一直珍惜那段情，當然，唔係話你珍惜就大晒，咪以為付出就有回報，結果最後難逃命運擺弄。 佢地用左好短時間就企翻起身，至少在別人面前硬硬碀碀，真係相當佩服。 和別人比較，我其實好好彩，我應該要有感激之心(不過唔知應該感激邊個)。 將來 生活中能好好掌握的事，其實好少，其中一樣應該係工作，我其實唔係好信一分耕耘會有一分收穫，邊有半斤八兩咁理想，不過，相對其他事情，工作已經係回報比較公道的項目，咁亦都可能又係我好好彩的關係。 我一出來撈已經係打現在呢份工，老實講，人工唔係高，留在這兒，應該同老闆有關，老闆的好在於佢地其實好信我地，好肯栽培我地，好尊重我地，我地做的工作，其實advance過外面同level人工o既人好多，你會發覺個客派出同你一齊做野的人，資歷其實幾高，無形中我地雖然個post好似好低，其實已經做緊人家d高級職員做緊o既野，咁諗其實好阿Q，實際上我地係打左個大折扣俾公司幫佢地做野。 但係，再諗返轉頭，你咁o既資歷出去別的公司做會唔會有咁o既機會做那些咁advance的工作？ 我相信現在我出去做第二份工，佢地唔會俾空間我計劃自己的全年的工作，我應該好好把握呢種機會學多些。 我看不到我未來實際上會搵到幾高人工，會唔會升到一D個名好威o既post，我下面會唔會猛將如雲，地位足唔足以呼風喚雨，我唔覺得我好需要呢D野(有就當然好啦)，但至少，我應該會學到些出面學唔到，而我現在又唔識o既野。 有同事走了，其實影響都會很大，改變亦應該不會少。 而今日開左個會，講到我其實形式上會自負盈虧，自己搵野俾自己做，搵別的team同事幫手，亦會charge man-day。好明顯，我同我條team 係唔係productive就直接反映在年底個條家家酒式P&L數