燎原誌

2012年11月30日，是我最後一天在科學園工作的日子。 全公司上下中午跟我一起飲茶，坐足兩圍，聽說好少齊人，原來我人縁真的不錯。 今次我冇請食散水餅，唔知佢地會唔會覺得我孤鳩寒。其實我唔係，只不過覺得安排太麻煩。（科學園位置偏僻） 連俾全世界既GOODBYE EMAIL都冇SEND出來，主要覺得太假了。 今次辭職後就會全力搞好畫室生意，希望很快便有成果，以後唔想再被受僱了。 只想今次係人生最後一次的LAST DAY。 謝謝～

去年10月重新投入資訊科技界別後，至今已一年有多。而其實，到今個月尾，又是這份工作的最後一天。 而我最初表示要辭工的時間，是七月初，辭職都搞成半年又是一件破了紀録的事情，膠事一宗。 有得有失，做這份工有些收獲，而中間過程也讓我有時很頭痛而且覺得實在他娘的麻X煩，還好原本就不打算長期抗戰式的一直幹下去。 先說有什麼得著，原本對這間公司有興趣的原因是她是做EMAIL MARKETING的，想看看EMAIL MARKETING是怎樣做，而現在總算目的達成。 另一方面，想看看一家做MARKETING的公司，我可從中取得什麼驚天秘笈，或領悟了什麼心法，我不算學到些什麼，但做MARKETING的同事總算認識了些，將來要幫手時就有些門路了。 實在些的，就是將我原本沒接觸過的那部份電腦知識都補完過來，雖說之後都不再做電腦了，但這些識了將來自己也很有用的。 再意外些的得著，這間公司存在的管理和日常操作，其實都流流地，好很多問題，那便是我的反面教材了。 說完好的，輪到不好的了；先說人工，過了試用期沒有調整回接近我年資的水平，不是加不夠，而是沒有加過，再了解一下這家公司，知道了我這種不全身全心投入的，是不會做到可以短期提升到應有水平的。 工作時間，雖沒要求要留在公司加班，但他們預期你隨時隨地都看著公司或DATA CENTER的SERVER有什麼問題，說實的，我不覺得在IT界這種要求很過份，而實在也某個程度上是必需的，但我真的做不到這種事，我放工便有其他事做，不能符合，分擔不到他們的工作，我也不想拖著他們，到有一天他們想我完全TAKE UP呢件事才說不能做到便太麻煩了。 另外，做到一定的年資，做到一定的職位，現在STEP DOWN被當成小弟看待，始終感覺不良好，明明那些我教人都有資格的，小上司就讚我那些做得好．．．嗯，連被稱讚都感覺怪怪的。 所以，那便算了，反正想得到的知識都得到了，本來年頭便想辭職的，但心想剛剛才TRAIN完，多幫他們一段時間吧，到七月便跟他們請辭，想9月便走，明知他們請人要求高，多給一些時間請人，結果他想我做到年尾，唉，反正過了暑假和開學前開發新生意的機會。 中間還想挽留之類的，一口拒絕。 總括來說，電腦行業始終不太適合我，永遠跟其他TEAM的同事好溝通過跟自己TEAM的同事，古靈精怪～～

通常，有朋友結婚，我在人情的利是封上都係寫上：「祝新婚快樂！」 我曾經諗過會唔會寫下「白頭到老，永結同心」諸如此類，但最後都會打消呢個念頭。 一來，要寫多四隻字；二來，好似好老土；三來，呢個祝福好似....... 太高難度了!! 因為怕難實現，所以潛意識都拒絕寫呢個超現實祝福。(其實，又有邊對新人會理你寫乜...) 尋晚放工時份，接到一個哭著喪的電話，話筒另一邊的朋友一邊哭一邊說她丈夫要跟她離婚。我即時心想，快到咁？有乜咁嚴重？又即時聯想到早幾日在面書上見到朋友的status上留言話，叫果位在面書上假冒人地然後誣蔑中傷她的人可以收手了，因為他的破壞他們夫妻感情的奸計已被識破不能得逞。 當時看了這些只是看過便算，也沒有專誠打個電話問問，因為覺得朋友都已經自己解決了而且近年來她人大了，也懂事多了，況且如果是有關她倆口子的問題別人也不應多事插手。 但當接到電話而聽到朋友不停地哭便覺得事情很嚴重。丈夫提出離婚，代表他不信任，而且沒有同心合力解決問題，而我飲他們的結婚酒宴，才幾星期前，還不到一個月！ 本來放工後要做的事取消了，到她家去了解情況，她妹也在，跟我說了這半年來發生過的事。 總括來說，如果信任根本從來沒建立過的話，那便算數好了，還結什麼婚呢？ 原來寫「祝新婚快樂」仍然是太高難度。

這個夢其實是上星期六晚星期日零晨的：  照平常一樣，我這等窮人在搭地鐵，突然地面爆裂而地鐵又反咗．．． 唔好問我其實即係點，總之地鐵呈水平轉了45度而望上地面方向見到個地爆咗見到有光．．． 我想，這一定就是那些末日漫畫或電影的故事開首了，而我覺得這夢的劇情應該有點美式廉價CLUT片味道。 呢種場面理應很驚惶但我照之前發個尐夢一樣，像喝了淡定紅茶一樣定過抬油。然後，我又帶著某人不太像走難地去走難了。 我發夢有大場面時永遠某人就會跟著我，真解不懂。 進入個夢的第二場．．．明明在走難但中間忘記了劇情不知經歷了什麼然後回了了OFFICE．．． 不知是誰的公司但我應該是在那兒上返工的，而我的位置是工作枱靠著牆，而坐的竟然是一張床．．．是的，這樣工作其間便可以隨時睡覺了（我知道，其實工作時沒有床也可以隨時睡覺的）。 當然，我沒有在發夢工作時睡覺，因為我本來就正在睡覺。 然後，我就被電話吵醒了，是預科時的英文老師打來的，叫我去飲咖啡。 發夢的這個晚上我很早睡，因為每天上深圳的舟車勞頓真的很累，老人家精神體力都大不如前了，在發夢都還想有張床給我睡。

話說我尋晚好早就瞓（11點幾），因為實在好X＿X攰，咁我發夢啦，見到好多人，有尐識，有尐唔識（晌夢入面係識的），去左好多地方，過程係好趕的，當然發夢都唔知咁趕做乜，最有印象係臨尾要搭船，可能係去離島，搭船時坐隔離個女人話佢的親友（有同行，我晌夢入面識佢）剛剛死掉，佢覺得好核突所以塞左佢入櫈底！！！但佢話呢件事俾我知時態度相當輕描淡寫神態自若，當然我唔輸蝕，反應同現實的我一樣，故作冷靜冇乜反應，只係望下佢櫈底，然後點點頭便算了。過左陣落船， 話說正要去燒嘢食的，但係落雨喎，同埋有尐早到嘅朋友話冇晒爐了，正要商量的時候，我就醒左了！ 寫呢段無厘啦更嘅嘢係因為：我今日經過左咁耐都仲記得。 同埋呢段嘢本來今朝搭車寫的，但寫寫吓個電話彈APPS。 ～完～

同場有位同學，之前有二年走左過英國讀書，後來返左香港再做嘢。舊年有同學結婚，搵佢去觀禮時，佢覆EMAIL話佢去左英國，可能一年半載後先返。當時我們都很驚訝，完全是意料之外地唔知佢搞乜又去英國，覺得好神秘，事前也沒有跟我們講過。 今次問返佢，佢話當時係諗住香港做嘢好似冇乜起色咁，咁又去英國走一轉，衝擊一下。所以，其實都冇乜咁特別。佢話走就走，過到前冇搵屋冇搵工，搭左飛機過去先算。過到去先住青年旅社，再搵樓搵嘢做。一年過後，因香港屋企要搬屋，所以才結束旅居生活回港。 很羨慕這種沒什麼束縛的生活，說來便來說走便走，沒有人需要交待，對大部份香港人來說，應該很難做到的，這甚至不算得上是金錢的問題（我同學也不是十分富有），而是，你接受得到嗎？其實我不知道，很難想像的，看來是我不夠脫俗。 其實今次約出來聚聚舊，是因為有同學的BB就快出生了。然後有位同學臨時缺席，後來他在FB告訴我們因為太太有左而有感冒所以要陪佢去睇E生。 嗯，很多都結婚生子了。很可怕。

上星期六，從前讀TC的同學來光顧。 多年不見少不免閒話家常，問問同學仔及其他同學仔的狀況。我們班的現象其實很奇怪，對合了很多夫妻，包出上來畫畫的同學。 有些同學換了對象，但個TARGET仍然在同學這個POOL度搵，而現任和前度又是朋友，還會約出來吃飯飲茶灌水諸如此類。 嗯，又是我少見多怪呢。但對我來說是複雜得很又難以接受，我自問接受能力很強，可能是，又可能不是，又可能我真的太怕麻煩。 上星期日，跟恒商的同學飲茶，同場邀請了當年教我們英文的老師，美國人，很有趣的老師，行事有點亂來，所以很得我歡心。 講開老師，就先講講英文老師講的事。老師叫Peter Neu,就叫他彼德好了。彼德現在于香港一中學任教，男校，很有名。話說有一次佢講法國路易唔知幾多世被送上斷頭台收了皮，彼德當然講得繪聲繪影，然後，彼德被投訴，投訴內容大概就是話佢教書內容涉及暴力吧；聽了覺得相當搞笑．．．．．我也讀過中學，也是讀男校，拜托，扮純真也有個限度吧？心靈真的脆弱過條百力滋？雖然，現在的男童都很娘娘腔。 另一件，彼德上堂的課室電腦有點問題，決定由他去，不用電腦設備上課也是可以的，但有個熱心的學生偏偏要弄好，彼德叫佢唔駛整，佢仍堅持要整，數次來往之後彼德將手提電腦蓋上，好自然地，久些便夾到同學雙手，唔知其實同學有冇被夾中，但佢反應大到摸住自己雙手衝出課室，重要的是，佢撞爛左塊玻璃，好自然，彼得又被投訴！老實，課堂上老師嘅指令未必啱晒，出路有兩條，一係服從，一係堅持自己要做／正在做的事，如果理由很充份，我會欣賞堅持自己的學生，不過，都十幾歲，理應知道從來反抗權力都是或多或少要付出代價，沒有這個覺悟，又唔好好小心保護自己（例如提防老師以合埋手提電話夾9佢），後果自付囉。雖則，佢有權投訴，不過就呢件個別事件，駛唔駛呀，精神病咩，衝出去衝爆玻璃都真係好搏下。我都係果句，食屎啦。 （眼訓，待續）

每一次對生活方向有迷惘的感覺，都會看一次Fight Club。 Fight Club對我來說是一套心靈電影，可以引導我去反思生活。 今次看最深刻的是Raymond K. Hessel's 的一段：Tyler 攞住支槍以打劫或威嚇狀問阿Raymond讀書時係修邊一科，Raymond話係生物，問佢點解修生物，佢話其實想做獸醫，咁點解依家晌間士多度做而唔去做獸醫？然後限佢6個星期內做得成獸醫。 然後Tyler同Edward Norton講"Tomorrow will be the most beautiful day of Raymond K. Hessel's life. His breakfast will taste better than any meal you and I have ever tasted. " 電影同小說都係十幾年前的產品，那時的人，尚且仲有「我的志願」或者「理想」這個名詞。 換轉依家晌香港你問個小學／中學生，我相信大部份都係答「唔知」，比較認識大人的要求和世界的遊戲規則的，都應該會答果D咩嘢醫生律師會計師銀行家，再成熟D嘅細路，如果夠膽的都可能會同你講佢想做地產商，地主，業主，炒樓，炒中銀紀念鈔．．． 情況可能唔係咁極端的，有理想小朋友可能都想做音樂家，佢細個時爸爸媽媽都送佢去學鋼琴，但係唔知點解到左某日，「阿女，唔好掛住彈琴了，快D温書喇，升唔到大學就會好似隔離屋阿明仔咁要做水電喇．．．」其實，阿媽媽可能忘記左，當日阿女4歲未夠就被迫學琴練琴，為的只不過是將來有本錢去讀名牌小學以及可以同其他家長比較時覺得很優越，自我感覺得良好；也忘記了其實明仔做水電做得好開心，也是靠自己的學識去換取自己的生活水平，也照顧得家人很好，也計劃開一間水電工程公司。媽媽只想到，音樂家邊搵到錢吖？ 慢慢地，我們被社會強姦了自己的志願，而且還要讓自己很享受；我們每天上班下班，縱使這不是你真正想做的工作，你告訴自己：打份工啫。然後，月尾出糧，你便去買那天見到那一件看樣子挺不錯的衣服，但之後在家試穿了一次便沒有再著過了。你需要的，只是消費那一刻的滿足感，來補償平日的不滿。 這種現世，這種價值觀，很多人都覺得有問題，但大家又覺得沒有辦法，然後繼續很無奈的過這種生活。 真的改變不了嗎？

望望BLOG的BANNER．．．原來上次裝飾呢個BLOG已經是零八年嘅事．．． 成日想坐低靜落黎．．．總括下最近，甚至係每日嘅生活．．．但總係好難分到啲咁嘅時間．．． 然後，我响度諗返，以前做果份工，一日返至少10粒鐘．．．但果陣可以寫BLOG寫得都幾密．．． 唔計依家做返IT，加上搞畫室．．．早兩年做股票行，唔算忙啩．．．但都冇乜寫BLOG 究竟忙，係咪真係好忙？而清閒，又係咪真係清閒？而我清閒時嘅時間用左去邊呢？ 係咪因為多左其他嘢例如FACEBOOK．．． 又唔係喎，我依家返到屋企有時連電腦都唔開了．．． 諗唔到，時間在甚麼地方溜走了？ 這年來其實都冇好好檢討過自己的生活．．． 唉，好可怕．．．．．．

每年年尾，總是做個回顧，好像很多嘢想講的。 今年，突然就年尾了，其實我是有點．．．來不及．．．老實講，我到了年尾的時候才突然驚覺：噢，靠！乜年尾嗱？？ 感覺是有點招架不住，今年過得很快嗎？又不是，今年我是覺得很漫長的，是捱過來的，是度日如年的．．．但是，一方面，時間又點點滴滴不知不覺，唔等人，又溜走了。對於這種時間不夠用，工作做唔到，但另一方面感覺很折磨的，我是分裂地兩方面都感覺很想死，即是雙重想死，如果我是很享受死亡的快感的話，那就是雙重享受了～～爽啊～～（癡線） 全年很像做了很多嘢，但又實在無乜功績立過，簡單地形容應該是：被兩三人圍毆，那兩三人又不致於可以解決你，是不停的接招，偶然被打中，又唔會死，但你又唔係可以還擊做低佢地一件半件等你可以逐一擊破。事實上，就算你做低其中一個，後面仲有一大班壞人排住隊加入圍毆你的行列．．．．嗯，sosad..... 年頭，過完年冇耐，就做親子班團購．．．基本上超難做，好辛苦，精神病都迫出來！我一早知自己搞唔掂，搵左D part-time幫手。基本上呢個親子班經驗相當難得，可以彌補返冇賺錢同埋心靈創傷，超正。其實一直想寫數篇文去講果幾個月嘅所見所聞同埋現今社會家長心理行為對小朋友成長及教育之我見。但最後只會淪為我閙X＿＿X臭人家的BLOG文，真是何苦，所以算。其實唔係所有家長都有問題，不過很多都超離譜。我其實好錫小朋友，見到佢地被佢地爸爸媽媽咁「飼養」，真係心痛，心痛佢地其實很聰明，識好多嘢，但其實對一D簡單基本但很重要的東西都唔識。算了，the city is dying, 我都 know 嘅.... 然後，就到暑期班，暑期班唔駛我理，不過都好多準備功夫，當係開拓小朋友市場，都啱嘅，其實我唔想做細路仔班，不過，唔做，真係搵唔到錢的。其間，又搬OFFICE，唔關我事都好Q煩。 本來，諗住暑期班搞定左就去旅行，點知，又係唔得。算了，都冇心情去。 暑期班一完，突然搵到份新工，世事好吊詭的．．．本身都已經夠忙的，仲要轉一份唔駛入到去做都已經知一定會忙到仆街的工。原因好多的，主要，是錢囉，同埋，本身都已經有得四圍去玩㗎啦，都唔爭在啦～ 而事實上，工作繁忙呢一方面，我不知不覺間，已經習慣了。窮呢一方，也又習慣了，都沒有什麼很必需要買的，從前生活不愉快，會用物質去補償，現在，連生活都沒有愉不愉快的，所以連補償談不