燎原誌

命運這回事，即是你再拗頸，也是拗不過的。 簡簡單單講，我又回到IT行業去了。 輕輕鬆鬆唔駛俾力的工作，看來，個天點都唔會俾我做。辛苦命，就是這種了。 世事便是如此，越懶得去搵工的時候，總是有些工自動介紹過來。 工作是澤少介紹的。話說，數月前，澤少給工作了八年多九年的公司辭退，理由是，在內地SETUP左 INTERNAL SUPPORT TEAM，香港的員工，不要了。多麼的殘酷，還好我已經見識過，不覺得什麼。 然後，過了個多兩個月，澤少找到了新工。 他告訴我他公司正在招兵買馬，問我有冇興趣，我都係一試無妨的心態答下就算，仲要叫左我幾次我先SEND個CV俾佢，出奇地，夜晚SEND CV，第二日中午就俾電話我，跟住再第二日上晝就去INTERVIEW，中間才經歷了三十小時左右，相當有效率。經過做份TEST＋1ST INTERVIEW＋PHONE INTERVIEW（2ND）＋3 RD INTERVIEW．．．最後，佢俾OFFER我。 不過佢話我兩年冇做IT，只會俾一個JUN D既POST我，當然人工都JUN左．．． 我基本上，只係假裝考慮左一分鐘左右．．．就簽左，事後有後悔太早簽，原因後述。 唔駛諗就決定俾人壓價唔BARGAIN一下就做： 一．股票行真係冇嘢可以晌佢果度得到了，混亂不堪的管理，暗淡無光的前景（我指公司），對我來講，真係再唔可以晌佢身上學到任何嘢了，佢作為一個反面教材的作用都給我用光了。雖然，我每天上午工作一小時，下午工作一小時，就已經完成了一天的工作，以真正工作時間來講，人工直迫管理層，但係，長此下去很不健康，以我自身以至整體社會來說都很沒好處，離開是早晚問題。 二．離開IT兩年的而且確會脫節，雖說基本上是想轉行，但如果情況是唔入返去做一排，人工一直下滑，將來真係要回頭都真係回唔切。而且，現況係，果份工，唔會有得升，人工唔知幾時先加返去我應有的水平，簡單D講，唔會有機會。 三．佢依家用我兩年經驗人工請我，但係我有八年經驗，我是好蝕的，但掉返轉諗，佢咁樣都係保險啫，我係老闆都會咁壓價，而當果個人幫得手，咪加返佢應有既水平。我係咁諗，外面，未必會俾機會一個脫離行業既古古怪怪份子，依家有人睇到你其實有幾多料，係好事。 四．最重要，我對呢間公司做既系統好有興趣，EMAIL MARKETING SYSTEM，我好想知道...

不知不覺，突然發現自己晌依家呢間公司做嘢已經做左兩年，實在係估唔到！ 件件件 本來只係避難既地方，變成左長期居所。 其實一直搵工想轉，但自從搞左間畫室後，發覺呢度雖然人工低，但勝在無人管得到我，我隨時行開一兩個鐘返畫室收貨處理緊急既又得。 而我亦一副不在乎既樣子，令到佢地唔知點樣有辦法令我聽聽話話，炒我唔驚，扣人工唔驚，加我人工我又唔太雀躍（主要因為果種數目太失禮了）。 而呢間嘢換上司又比尐做細既還要密～～綜合各方面，基本上晌我既角度呢尐係叫劣質管理，我只有從中大量吸取呢種反面教材，等自己將來管理自己盤生意時引以為鑑就是了～～ 唔好問我點解唔俾尐意見公司或者自己做好尐．．．我份糧唔包呢種顧問級數既工作的，我同意做好尐將來升職加薪會有影響，但係唔會APPLY晌呢間公司度，因為第一，睇你工作表現既人會走得比你快，第二，就算佢會升職加薪都唔會多，所以，佢都係算把啦！！

辭退左果一份膠工之後，我休息了四個月，洗晒d錢，然後找到另一份做IT的工作，但已由一間IT公司轉到一間非IT公司。新公司工作量不多，人工又KEEP住我原來的水平，本來，事情算係向住我心目中所想的方向走，但中途總是有些波折，那一個上司似乎因為我的遊刃有餘而覺得我唔盡力/覺得用唔盡我而覺得不滿/覺得唔抵，大家互相折磨左大家幾個月後佢頂我唔順而叫我交辭職信俾佢，就係咁一向懶既我居然一年內遞交兩封辭職信，實在係宇宙奇聞。 而晌我遞左辭職信冇耐，二公子就回報佢公司再搵人，由於我窮到已經承受唔起冇糧出既日子(請注意：我只係承受唔到冇糧出既日子而唔係冇工返既日子)，即使人工得返一半，我仍然一口答應，其實我都已經叫高左少少價，不過我又知佢都係係咁以好似加返少少咁... 呢間公司咁既人工我都照做有以下原因： 1. 因為當時為勢所迫 2. 佢唔係IT業，而佢IT的工作只佔少許，我可以學果個行業既其他嘢。 做落之後發覺 3. 以我既標準，工作量超低，我成日話忙，因為我想維持呢個狀況。 4. 管理層唔知真傻定假蠢，總之我可以控制部份決定，例如成功叫佢請多個人負責IT同埋其他濕碎嘢，實際上我充滿了冗意！(而我其實懷疑我既演技係咪真係呃得下人。) 5. 因為 3和4，我可支配的時間其實很充足 經過這多個月安定下來，應該有資格寫一份努力不工作計劃： 1. 所有定義為TIDIOUS的工作，諗辦法唔駛自己做。例如，省略佢，因為做來根本多餘，省略唔到的，交俾其他WORKING LEVEL既人做。留些時間給自己做應該做和有意義的事。 2. 化繁為簡，簡化所有工作程序，免除所有好睇唔好食的工序。可以自己話事的，自己拿主意簡化，拿不到主意的事，平時多點宣揚簡單的好處，甚至推銷簡單化主義給話事人，這才是顯露你在工作上的價值的事。 3. 以上兩項做到的話，日常工作應該可以省下不少時間。而必要做的事，用最簡單直接的方法完成。仍然很忙的話，用你的身體語言向話事人表達你正在OVERLOAD，例如，向住佢咳，最好咳出血以加強說服力；咳血污糟果頭嗎？可以扮暈，重點是晌老闆面前。 做到以上3點的話，那你應該 4. 準時返工及放工 5. 每星期真正工作時間不應超過25小時 6. 每天預留一小時思考 7. 每天至少做一件令自己開心的事 8. 發掘自己真正的興趣，然後向著...

好幾星期之前，我在PLURK寫了說想DRAFT一個努力不工作計劃。 WELL~計劃喎，自從我第一份工辭鬼左之後，我已經唔駛再寫PLANNING，PROPOSAL，PROCEDURE，INSTALLATION GUIDE，USER GUIDE，寫REPORT，寫MINUTES，甚至...EMAIL，的確誇張地連一個正式D既EMAIL都冇寫過咁滯....嘩，感覺幾爽呀！！(係，從而令我D僅存本來都係得少少既語文能力都冇埋) 依家搞到想學人寫個計劃，真係唔知點寫！ 不如，申報左自己個狀況先： 話說，小弟當年初出道在一間IT公司一服務便服務了七年之久，臨尾果年相當不如意，而且當年快將三十，開始檢討自己起來，快三十才檢討自己有人說太遲，其實我一直都有檢討，不過之前一直不覺得沒有問題......嗯，更大可能是我的強項─自欺欺人之故......ANYWAY，到了那時候，我覺得： 1. 在這個工作環境學到的SOFT SKILL差不多了 2. 要學的TECHNICAL SKILL在這裡沒有時間學 3. 在工作，學習，家庭，朋友各方面失去了平衡 4. 收入和工作不相稱(ICAC唔會捉我的...最多恥笑我) 5. 真正想做的工作不是這種工作，簡單D講.......入錯行 6. 繼而令我......不想工作 然後，開始諗其實自己想做乜。我平生有兩樣技能係學左好耐的，一是畫畫，二係學拳。 我冇諗過教拳，又冇諗過可以用拳頭來搵兩餐，我都曾經好似黃曉明咁問宇宙最強甄子丹：「一個人打唔打得低十個人......？」我師父同宇宙最強都係答(慢條斯理地)：「至好就唔好打交啦。」我又好鬼聽話，學到一個階段後就冇同人打交......實在我唔係好清楚自己究竟有幾打得...或者有幾唔打得，我又未有資格教人......雖然當年辭職後，忽發奇想：不如去打下黑市拳吖......但係我怕受傷怕痛，都係算啦。 剩下來，我只有向畫畫果方面諗......諗諗下，其實畫畫先至係我既本行，我未做IT之前，已經教左好多年畫啦，咁我個腦就諗左好多呢方面既可能性了。 要實現呢一系列既可能性，並非一朝一夕可成，最重要係，如果還留在果一個做了七年而且有點柒的公司，就直至死的時候都不可能實現(一直在那間塑膠公司工作就只有做死一條出路)，所以，第一步係，辭左果一份膠工！ (待續)

自從離開了那地獄已經一年零五個多月了。 期間休息了(真係冇嘢做)3個多月，去了一趟旅行，找到了另一份其實挺不錯的工，可惜直屬上司是個怪胎外星人，相處不了(佢頂唔順我？)，走難來到現在的公司，實在算不上忙，可惜人工是低了些，但計一計數，用時薪計，又好似差唔多。一早講過付出些代價來買返自己的時間回來，用來學新學問好，用來搵到些外快便更好，甚至用來呆坐浪費左佢都好過同人俾人收買人命。 總結，期間真係好hea，這一年多來。 嗯，又好像休息夠了，夠鐘起身打江山了。

正式出道已經足八年，轉到現在是第三份工，慚愧地，職位及論薪水，居然打回原狀，實在是代表作。 薪金與能力如果真的掛勾的話，我應該係唔死都冇用。 自從上一份工遇到天下間第一位認為我由頭到尾都係一條廢柴死蠢無忍用既上司之後，我不停地檢討自己。究竟，我是否徹頭徹尾a piece of useless wood呢？um....我自問雖然唔係好叻，但係未至於一點用處也沒有吧。 我諗，近年來係諸多不順，都條氣都唔順，但係，呢一個亦有可能係上天俾我一個唔好唔知自己做緊乜咁就一世既機會，嗯....唯有係咁諗住先啦。 然而做足八年，到依家居然要出返畢業後果陣既薪水，咁，呢八年係咪白做白過呢？咁....基本上，死都話唔係啦。 第一份工，我打左七年，由最初做打雜，從內部工作到對外工作都有，然後最後做了一個有經驗既打雜，中間學既soft skill好多，從內部既人到對外無論係客定係合作伙伴抑或係vendor，都打過交道，學左好多唔同既溝通方式。總括來講，晌呢間公司，基本功都係晌呢度訓練出來，雖然工作崗位很含糊，但係無論拳腳或兵器都可以耍兩招就是了。咁，其實很多謝有呢一個工作環境俾我可以學到d功夫仔。 到我第二份工，嗯，簡單d講，就係一個練金鐘罩，鐵布衫，橫練十三太保既地方了，論工作，對我來講係簡單，但係有人好唔滿意，唔話過我唔安落，我由被人鬧得唔順氣到最後刀槍不入，金鐘罩罩門得返3毫米，防禦力達SS Class，短短半年可以補救返我之前七年唔記得學同練既野，咁係一件好有價值既事。 到依家呢份工，工作唔難，主要係冇乜人理野，如果唔係最近要搬office，都真係應該算好嘆。今次完完全全打雜feel，搞得掂d麻煩人令佢地唔好出聲，咁就天下太平的了。問題係，人工超低。所以，呢度應該係辟穀，練飛昇既地方。 說真的，我覺得呢一份工其實有繼續做的價值，主要係上司唔麻煩，我可以做自己野，所以如果我用一d空閒既時間搵返唔見左個一半人工，咁可能仲好過之前，至少我會搵d自己想試下既野來做。 就當呢一個係一個自由發揮既地方，咁可以擺脫之前個腦被人框死的毛病。

上個月既年假果幾日其實仲有D節目可以寫下，不過呢度一向喜愛插敍法，打尖。 話說我放假其間多口在 PLURK 講過話可能放完假之後返到公司唔駛撈，誰知道一語之籤，難怪幾年前有位同學常叫我做「烏鴉」，即係古惑仔入面張耀揚做果個角色，我果然係有一把威力無窮既烏鴉咀，YEAH~ 25/3 - 放完假，要返工了~~ 27/3 - 近放工時間發生了一件事，經理叫我下星期遞辭職信俾佢，我又有型又冷靜地答：好呀！ 不過唔夠兩分鐘佢又話HOLD住先，唔好SEND住。(成件事仲有其他章節，可能再寫一篇詳講，睇心情。) 30/3 - 過左個WEEKEND，佢臨放工搵我坐低傾，最後我同意遞辭職信俾佢。 31/3 - 好快咁PRINT左封辭職信出來俾佢。 好多朋友可能覺得我呢個動作好衝動或者好不智，嗯...呢樣野唔係單一事件可以令我做出呢一個決定，反而我好做已經預計到有呢一日既發生，所以，其實我一直都在找工作轉工，甚至計劃轉行。 我寫呢篇之前，翻睇過我由十月開始返工後寫既BLOG，回想返呢半年來既工作情況，大概可以總結為以下幾點： - 我對呢一份工既工作時間，工作量，工作性質，難度和範圍，都沒有甚麼意見，甚至，很滿意。 - 我上司在十一月頭開始對我有點不滿，我很早就察覺，然後大家也有坐下來討論，我自己也先檢討自己，他開頭對我的指責有： 1. 有時很大意，有D野冇留意到； 2. 唔記得D幾時幾日發生過D咩，有咩人講過D乜； 3. 有D名稱講錯左，例如GROUP EMAIL ADDRESS同EMAIL GROUP ADDRESS係唔同既野來的； 4. 做事方法或者先後次序有問題； 5. 對事件有太武斷既判斷，都冇試清楚就好肯定咁下定論； 6. 仲有其他濕濕碎碎的，不過主要係以上五點。 - 對於他的指責，有D我覺得加強注意一下都好應該： 1. 開頭我的確覺得有D野冇事就算，冇特別注意，尤其我覺得做IN HOUSE唔需要做到呢一種一絲不苟既程度，不過佢要求到咁認真，我都覺得對做野習慣有幫助，呢一方面我好樂意修改一下自己既認真程度。 例如我每CHECK一樣野都會將數據記得清清楚楚，包括SERVER上面剩幾多位，某D FILE 既FILE SIZE有幾大...好老實講，我唔會覺得呢D野記左有乜幫助，記住左只係佢問到時我唔駛再去個SERVER度睇(佢真係會問架)，以前我見到呢一類數據知道未到危險位就算的了...

應付得來，不代表喜歡做。 面對不稱心的工作，很多人也覺得理所當然：「唉，打工係咁架啦！」 人人都覺得理所當然的事，不代表這是對的。 人，一定要找到自己真正喜歡的工作來做，才算無憾。不過，這句說話SUBJECT TO「要開飯，要生活」，所以要繼續支持住。 所以，現在其中一個目標是：為了早日離開現在工作的業界，我會加點力來工作。 這算不算很自相矛盾？ P.S. 公司不算少人，但DEPT很少人，達不到我本來祈望的效果，這幾天，是真係認真工作。我以一個四字詞來總結這星期：「假戲真做」。既然係咁，繼續KEEP落去。

用左全日星期日都仲未搞掂畫室畫展果D邀請咭海報場刊之類果D野。 同埋，發覺自己用緊果部電腦，做多少少野就唔夠快...好慢... 唉...淨返時間唔係咁多，不如食住老本，先渣住流灘，交行野先，如果唔係又會過忙碌既生活。 雖然話做多D呢類野可以吸收經驗，其實又唔係唔鍾意做，仲幾有興趣，不過...，都係唔好不過啦，自己都識講，做所有野都要付出既。

話慢唔慢，話快唔快，就係咁，我呢個唔想做又要做既偽富家子又開始左打工生涯第二章已經一個月了。 基本上我適應力強，都冇話乜野慣唔慣，同以前比較，真係好多唔同，不過我就係想唔同，如果同以前一樣就仆街了，唔係我諗住轉工把托呀？ 呢間公司，返工放工時間準時，呢度全個DEPT依家最早返多數係我，走既時間一定唔會過六點半；以前間公司，返工放工時間我極唔準時，果度全公司基本上我早返果日一定係因為有好大鑊既事要處理，如果唔係我返到去都會落街食個早餐先再返上去，每日走既時間平均唔會早得過八點半。 呢間公司食飯準時，我最欣賞佢SET左SCHEDULE SCAN VIRUS就正正係食飯時，人人見到開始SCAN VIRUS就知道要去食飯，進食定時，很健康；以前公司，食飯時間極唔準時，到左食飯時間唔會有人起身行動，一D比較有勇氣既同事起身提議大家不如去食晏係在面子上冒了很大的風險，因為如果到時冇人SO佢咁就真係好冇面了！ 呢度公司香港人數係近三百人，IT DEPT連我在內有三個人，即係三個人SERVE三百人，不過都叫做應付得到；以前公司連珠海OFFICE都係約二百多三百人，IT DEPT有四至五人，不過IT有多少人都唔係咁重要，因為事實上，情況係全公司二三百人既存在，都係為左SERVE緊兩位老闆，感覺上公司經營得好唔好同D同事都好似冇關係咁... 呢度公司走出走入唔係咁自由咁...落一落街要FORMALLY講聲，其實都唔算好麻煩，不過我都決定左，OFFICE HOUR入左OFFICE就唔落街，因為連些少手續我都唔想做；以前公司，我走左去邊都唔會有人理，工作自己安排，其實都真係FREE。 呢度公司個直屬上司係IT MANAGER，凡是我都REPORT俾佢知，乜都會請示下佢先，由於係IN HOUSE野，一D雞毛蒜皮既事我都會即時REPORT俾佢知，初初其實真係覺得好怪，又有D唔知點咁，但好在，呢度D工作範圍實在簡單得很，又唔駛寫WORKING REPORT，又唔駛開會，唔駛開會自然唔駛寫MEETING MINUTES，超開心；以前公司，直屬上司係COO，的而且確我唔會果D芝麻綠豆既事都會REPORT佢知，不過我後來諗返先知原來佢都想我REPORT D芝麻綠豆既事，可惜當時我已經離左職，嘿嘿~~果度工作講得好聽叫做多元化有挑戰性，講得唔好聽係永無寧日，問題天天多，仲要新奇剌激鑊鑊甘，咁都唔緊要，但...

二零零八年六月二十日，在工作了七年的公司離開。 過了週末後的星期一，一個人到了上海，借宿好友阿正的住處，過了一個星期。沒到什麼地方，什麼也不做，只是隨心地到處走走，沒有SCHEDULE，沒有計劃，沒有目的，這些之前充塞著腦袋的，一概丟棄。 七月，除了吃，睡，玩，也只是update了CV，再UPLOAD到網站上去，然後，等那些熱心的AGENTS來找我，其間好像有些電話中的談談的「INTERVIEW」(不見面算不算INTERVIEW??)當是熱熱身，和跟AGENTS收集一些市場情報。 八月，見了幾份工，不過都是石沉大海的那些，雖然覺得沒有所謂，但間中也會懷疑自己，其實係咪有歸納入廢物類的需要？不過，我心理質素超然，加上我正在假期MODE，呢D唔重要既問題我好快就會拋諸腦後。跟住，繼續吃喝玩樂，玩WAKEBOARD一系列高消費項目。 九月，很靜，幾乎零INTERVIEW，之前的也沒有消息，跟住...月尾全球經濟開始陷入黑暗時期，不利消息一單接一單，本來本著「就算天跌下來我也覺得自己撐得住」的性格，也不禁心慌慌。不過，我還是在繼續吃喝玩樂，玩WAKEBOARD一系列高消費項目。 十月頭，看到一間公司請了幾個月也請不到人，之前send過application letter去的，沒回音但心血來潮決定再send一次，今次多得幸運星好好好好好朋友的幫助，幫我FAX去，很快，我便得到了interview的機會，而且很順利便得到offer，甚有借運FEEL。實在大恩大德，無以為報。 而且時間上也夾到之前那一個突如其來的旅行安排，得到OFFER，然後去玩，回來立即上班。真係讀完PMP (Project Management Professional)都冇安排得咁完美。 十月二十日，再次做回一個勞工。 現在返了足一星期的工，總括來說一切感覺良好。本來想做個表來比較一下現在的工和之前的工的分別，但我覺得自己一定會寫得太過得意忘形。一不小心惹來別人不滿或遭天遣，實非吾所願，所以，還是貫徹一向低調的作風。 就係咁，我結束了近四個月人生的第一段無業生活，其間實在十分輕鬆愉快，如果唔係無錢，我會一直過住呢一種生活。對於好一些人跟我說放假放得耐會覺得悶，我實在覺得很BULLSHIT以及不敢苟同。我發覺，我真係有好多野要學，要玩，好多書要睇，好多地方要去，好多野想食，好多野想試。返左工真係冇左好多時間囉...

具資訊、電腦工程或相關學歷， 有事奉心志 具備網絡結構、 FIREWALL 、 VLAN 、網絡排難技巧及管理經驗 電腦硬件排難技巧 熟悉 REDHAT LINUX 及 WINDOWS2003 SERVER 伺服器糸統及管理 培訓同工使用微軟辦公室軟件 持有 MCSE/CCNA 優先考慮 網頁管理、 PHP 、 MYSQL 、 DREAMWEAVER 對影音糸統有認識或興趣 此職位需於週六及日上班，有意者請將履歷寄 ktac.recruit@yahoo.com.hk 好似我呢D入左魔既人，應該對呢份工都係只有望門輕嘆的份兒。

之前的麻煩事都好像開始有起色，希望真的會越來越好吧！ 近來多了外出工作，在外面解決客人的問題，感覺滿足感回來了。 自我感覺良好。KEEP住！

雖然這事還未正式宣佈，而對我來說也不是件壞事，不過始終是因為被認為能力上做不來而演變發生的事情，心理上情緒上還是要一天時間來消化。 而同時間，那位手足也離開了，離開了這個太令他失望的地方。 工作多年，今天發展走到原位，意識到真正的工作和事業，現在才開始。

本來組織中的問題我是不需再理的。 但說到底，他們就是我的手和足一樣，他們的事，我怎可能坐視不理... 工作上的事的而且確不能樣樣也能完全解決，但我不希望大家將工作的問題帶回自己的日常生活。 我希望大家能和和睦睦地一起合作，即使，我再也不需要管理，但感情上我還是覺得有責任去照顧一下。 我其實不明白，明知這樣對整體工作情緒有壞影響，但仍用這個方法來處理，簡直是將成條TEAM拆掉！

現在想起來，燎原火這個「藝名」是改得相當好的，難怪一直沿用至今。 我一直沒有解釋為什麼選用這個名字。 早在這個網誌，甚至是之前的那一個網誌之前，就已經存在。 名字取自香港連環圖作者陳某(相信也是藝名)筆下火鳳燎原中的角色，當時一看這漫畫便對這個角色有莫名其妙的感覺，這大概是一種共鳴吧。 在故事中有一個組織，叫殘兵，燎原火就是當中首領，後來，隨著故事發展，他辭去了殘兵之首的位置。 原來，我這個燎原火，也是一樣有不當殘兵之首的一天。 其實，我不單想辭去殘兵之首的位置的，我本想是離開這間公司的，但跟老闆攤開對話時，得到某個程度的共識，我暫時決定留下來，無論對雙方來說，這是否某種緩兵之計，我覺得這種安排可以接受，那便看看效果是否跟預期一樣。 老實說，整個談話過程我已算是反開了底牌來給公司看的了，即是說整個牌局他們是不會輸的了，對他們而言應該很好安排，那我實在對他們起的了，未來的事我還是會按我心目中的步伐去行。 以後我可以做回一個獨立行動的角色，那做事應當方便得多。 當然，手足們有難要幫手時，我是不會袖手旁觀的，我還是會幫他們的，反正我從頭至尾也沒對他們有意見，只是公司不太欣賞我帶隊的手法罷。 燎原火這個名字，還是會繼續借用的。

想找些長輩給我一些意見。 想聽些冷靜，實際的經驗之談。 但真正明白我的情況的又沒有...世上真正會幫我的又有幾多個？

很多時候，在你進退維谷之時，你不走，命運也會推你走。在這星期發生的事，令我深深感受到其命運的威力，以及，從前做旁觀者時看到的手段，終於被施展在自己身上。 今次得到的教訓是，做事要做到滴水不漏，不然一有半點空隙，半點理虧，所有事都無從反駁，所有罪也會順道硬哽。 我其實承認我有很多做得不夠好的地方，但就是這些令我百詞莫辨。 就當我無本事沒能力做好這份差事好了，我會順應意願作一個大家都覺得舒服的決定，但名聲很重要，事我仍然會做好的，免得給人抹黑我留下爛攤子，不負責任。實在不想給同事麻煩。 給敕令放假的這個星期，會有很多東西要準備，也要靜修數天，來面對將來的局，很多事本身我是沒所謂的，但給人設局愚弄，只好使出硬頸脾氣來應付，影響與我一直合作的同事我是不會做的，但我可不是任人魚肉的人，要鬥我倒樂意鬥到底，都說我是特別命硬的。 沉著氣，First things first，籌碼我還有不少。 set me up is totally unacceptable. 看在怎麼下完這棋局。

如果真是安排時間的問題，那就真的是我的問題。 我想我應該認真地檢討一下。 記得從前，我是以一敵百的。 究竟，是我能力下跌，還是工作難度高得我遠超負荷？ 正面些看，這是提昇能力的習作；真實反映，郤是殺人勾當。 我常覺得，代價遠超表面所想到的。 我會賠上我的所有。 我常常說，人生裡，我們可選擇的，其實少得可憐。 幹架這回事，如果不能逃避，不能掛免戰牌，就無論如何都要打贏，大不了來個同歸於盡。 從這秒開始，我再也不會在工作環境露出半點為難的神色，不再說任何給人看小自己的說話。 我不會再解釋任何東西，以免給人說我在給藉口。 我要用行動證明，我其實做得很好，但是，我會令你很後悔。 等著瞧。 幹掉所有礙眼的。

本來諗住忙到七月尾可以鬆口氣，原來，還只是個開始。 等著我的，是一個call center。 我最唔鍾意搞電話系統呢家野，就係都要搞！