計劃

早在三月尾，老闆叫我們PS Team(我地team人當然唔係負責玩playstation啦)每人準備自己的今年的yearly work plan，以前我們都不會做這樣的東西...其實，我諗出面好多公司的員工都唔會計劃自己在那一年會做乜，又其實，d高層都未必有計劃，何況d打份牛工的打工仔。

我一向煮到埋泥就食，就算有計劃都係至多plan下未來一兩個月的事，(仲係講緊有project做的時候)，好似我依家淨做in house 野，毛就有得plan...總之我一向見招拆招，做野乾手淨腳冇手尾冇鑊氣就覺得自己表現得體大方見得人，仲俾自己三四個叻，邊會諗得咁長遠。

其實，好似我呢d做it 公司的in house，也沒有什麼好計劃的，因為個個都識電腦咁濟，搞愈多野就愈擾民，仲要洗錢用man day，要我計劃今年要搞乜，也實在費煞思量。

不過，既然要我地交plan，咁我就一定會吹個天花龍鳳，泣鬼神，驚天地的大計出來，我算不上聰明，但這還未難到我的。我好準時咁交左個plan出泥，而今個星期二老板就同我review個plan。

出奇地，我個plan大致上都冇乜問題，可能因為我老闆都唔覺得in house 會有d乜野搞，或者佢已經對我冇乜expectation，佢只係叫我再beark down d task 做sub task，寫細緻具體d便可以....咁就好了，咁即係話以後我自己可以控制工作量，時間可以安排得舒服些，咁我就可以有時間實行另外的計劃，所以，從前得罪過我的人渣，做些防範的工作吧。