文章

顯示包含「攝影誌」標籤的文章

Blackbird Fly

圖片
我喜歡攝影沒錯。 也不是近年時興數碼單鏡反光機才發生的事。 不過,我攝影技術唔算好。數碼相機出現前,所有有關攝影的事,我一概不知。 但不代表我唔會影,細個果時我係會搶住左阿娘部機來勁影的,事實上係有d浪費菲林。 數碼化是一件好偉大既事,而數碼化之後仲普及化就更加偉大了。因為,我呢種成日扮麻麻地有錢但其實好鬼窮既人。晌若干年前就可以自己擁有一部相機,仲唔駛買菲林,而且唔駛晒相,因為有d相如果影得衰,我會凝住影相舖既人會取笑甚至恥笑我。咁樣,我多左好多機會去學點樣影得好些少。 用過數碼相機,累積左少少攝影知識,就唔怕浪費菲林了。 最近除左攞返阿爸同阿媽既已故好友既相機出來檢查攞去清潔諗住攞出來影下之外,仲有幾部相機相買來玩下。其中一部係blackbird fly。 http://blackbirdflycamera.com/ 呢部嘢我都唔效果上同其他lomo有咩分別,但係佢可以影24x24mm/36x36mm,睇見兩組數字都知係正嘢~~嘿~~正方型相既構圖好好玩的,好想試~~  嗱,有時用下呢d機,我先可以話俾人聽其實我好藝術既,咪以為我冇藝術家脾氣就以為我普通料! 同埋唔好問我呢部機咩野spec,sharp 唔 sharp,你問我部機型唔型我反而會答得好快! 影到咁sharp想割喉咩?

中環 - 真相大白

圖片
上一篇,我POST了一張IFC既相,加一條九唔搭八既LINK,令到大家都唔係好明唔係好知我究竟想點。有D朋友話唔明,有D朋友唔明但係唔敢問,有D朋友扮明,有D朋友好耐冇來,有D朋友根本從來冇深究過我寫既野。以上既,我全都知道,全都理解;唔緊要,明既。 嗯...對於唔明唔知我上篇究竟做緊乜,係正常的。 嗯...咁我唯有...解釋一下,實情係...我近幾個月...每星期有兩晚都會在中環上課...有時抬頭望見D境,我會隨影(隨便地拍攝)一下,上一篇果一張,我影完後當時覺得好有氣氛,上星期我抄返相機D相落電腦度開來睇,發覺其實又冇乜料到...咁我咪入LIGHTROOM執一執,執完覺得唔好浪費,咪POST落個BLOG度,咁我又暫時諗唔到寫乜,咪求其搵D野加入去。 因為成件事係冇理由的,所以大家的而且確係唔會明的。 好,其實中環既相仲有D的,順便又POST下出來,不過真係好普通無睇頭不只,其實仲幾肉酸的...各位影相高手,見笑了。 立法局氣氛真係幾浪漫,可惜一諗到立法局入面D人就破壞晒D氣氛。 填海填得好出了............... 國際金融中心既地位...咪又係咁...自從見呢一座既落成後,貧富懸殊好似越來越嚴重。 至尊寶廣場果位至尊寶......連佢都睇唔住滙豐了。 另按:有朋友問國金天台係咪真係上得去,幾年前我有個學生話上得,而我亦聽好多人講係上得,不過我自己冇証實過呢件事。

中環

圖片
明日前往IFC天台名額爆滿喎...... 。

決戰鳳凰山(二 - 完)

圖片
上回講到,經過三個小時既路程,終於都上到鳳凰山之顛,一廂情願以為可以安安樂樂等太陽伯伯躝出來,點知山上比想像中多人,而且仲開P,D電筒不停顏射本人,如果有個DJ晌度播歌捽碟及咆哮,我會以為我落左D。你睇我影張靈異照,幾咁迷幻......一定係有人晌呢個P場賣迷幻藥... 晌個D場...唔係,晌山上好寂寞咁呆等左兩小時四十五分鐘,見到D迷幻青年男女開始清醒返...開始SET返D架生影日出,可惜,是日多雲。剩係睇佢地個背影都感覺到佢地既無奈。其實,我感覺唔到佢地有幾無奈,我只係自己覺得有少少無奈。 不過既然無日出,唯有影下D雲,風無相,雲無常,千辛萬苦之下無得影日出的確係令人感到人生既無常。雖然只係得雲影,不過晌山上咁高影,角度層次都同地面望既好唔同!係,我只可以咁樣開解一下自己。 我影左好多張雲,係SET定左腳架,大概一分鐘影二張左右,所以連起來可以睇到D雲既移動,但係始終天灰灰,加上我攝影技巧實在係LIMITED COMPANY,D相可觀性並不高...唯獨,我喜歡呢張,個天出現個2字!2字,就好似說明左我條命咁...無論我幾咁努力做得最好,對人有幾好,永遠,地位都唔會係坐正,唔會係第一果個。經過咁多年,經歷咁多人,我差不多已經接受同習慣左咁。 影左十至十五分鐘,就落山了,上山容易落山難,落山其實真係仲累過上山,我成日都覺得自己會「鐘」落山,咁就真係......一了百了...但係,最後我都平安咁落到山! 落山中途見到有耶穌光現像,又急急拿相機,急急咁影,又因為真係太急,我體力又到左極限,影得真係唔好!不過,算啦。 落到山,姐夫及他的同事,晌山腳等我地(佢地上左一半就落返去),出返東涌,食完早餐,就搭車閃了。 我冇即時返屋企,我出左維園攞馬拉松既參賽號碼之類既野先返屋企!仲要只係瞓左一個鐘就又有地方要去了,不過呢個又係另一個故事了,搵日都會寫一寫呢個故事。 就係咁,就完成左登上鳳凰山呢一件挑戰了。今次影唔到日出,究竟仲會唔會上多一次呢?都係遲D先算啦。

決戰鳳凰山(一)

圖片
年初二時,一家人在祖母家時,姐夫提起的鳳凰山影日出之行,昨天最終決定成行。 跟二公子及朋友們吃過宵夜(他們的晚飯)及糖水後,我十二點半前已抵達東涌,一點零五分已在伯公坳開始上山。 同行的有姐夫和他兩個同事,二姑姐一家三人,和我。 起程不久,姐夫之同事不太舒服,結果二姑姐一家和我先走,本身路程是三公里,路牌指示路程約二小時多,但其實山高路斜,難度是中高的(我覺得),我們慢行加常休息,剛好三小時上到山頂,即零晨四點。其實當時我已經好累! 上山時天氣還不錯,我仲看見滿天星斗,不過我一上到山頂,拿出相機的時候,就已經好多雲,看不到了!不過有一刻能看到咁多星星本身已經好賞心悅目,可惜,浪漫的事情只能一個人欣賞。 鳳凰山頂好多人,而且越臨近日出時間,就越來越多人,離天光仲有兩三小時,本來想恰一會,但實在太嘈,同埋很多電筒顏射過來,讓我訓唔到,相當可惡! 冇錯,就係有好多人,好嘈,仲食杯麵,晌上面氣溫得十度八度或更低的情況下,格外可惡! 由於我實在太累,寫住咁多先!

神其中一樣做對了的事

http://models.mysinablog.com/index.php 這樣你才有活下去的能力。

影相真令人敗家

從來都知道,攝影是一個昂貴及敗家的玩意。 那天走去逛二手相機店,就知道,唔搵多D錢唔得。 自我開始會拿起相機左拍拍,右拍拍開始(大概是小學,不過那時菲林晒相都是用老爸老媽的錢,我不算是任性,甚至自認算得懂事,總不會亂來拍一大堆垃圾燒銀紙),都只知道有135這種FRAME,相機牌子只知道有RICOH,NIKON,CANON,FUJI(因為小時候看廣告就只有這些),大一點才知道什麼LECIA,ZEISS呢D歐洲名牌。 幾年前看到一個舊同學的網站,知道有些FRAME FORMAT同我平時影的唔同,看他那台相機牌子,查了那牌子的網站,只知道係貴野,那就不敢再看。 那天去逛一逛,才知道多些,再到書局看了些書,上網查一查,越來越感興趣,突然想玩一玩那種相機,不過,連一些比較普及的135,拍出來也是得半桶水,那些冷門些高級些的,怎沾手? 而且,越玩越敗家。早幾個月伯母也是這樣說我。 對於畫畫,攝影這類視覺藝術,心中有時有些問題要搞清楚,不過,下次再說...因為好攰了。 再介紹一個WEBSITE...很多有關相機的資料: http://www.camerapedia.org

故居

重臨長大的地方 拍照 。 記得村口的士多。 記得童軍聚會的地方,在那兒不用札三腳旗架,旗桿是札在公園的鋼架上。 記得那時運動會我被迫參加,那便到樓下公園練跑,那兒有一條長直路。 記得我那時覺得跨欄杆很有型,我到公園樓下比較矮的欄杆去練,現在發覺那些欄杆真的很矮,差不多不用跳也可跨過。但其實我跟那時高不了多少... 記得從前放狗的路線,以及我跟著我的狗跑,仆街倒地而腳甲整片脫落,那時只是著拖鞋落街跑...而從前養狗,天天放,天天陪跑,身體的確係相當好的。 記得樓下那長樓梯,也是我腳骨力的鍛鍊工具,從小學開始,便背著沉重書包,跑上那條樓梯,而我不知用什麼方法,可以練到跑樓梯是無腳步聲的。而我深信我冇得高是因為隻腳長期受這種壓力,為此我後悔不已。 記得天天返學坐的巴士及巴士站,那時我很早起身返學。 差點忘記...我隔離座的小勤勤及PK甘仔,小勤勤家氣氛恐怖,黑沉沉都算了,牆上還貼著他小時候畫的畫...但他那時已中學畢業...很迷離境界FEEL... 甘仔我從中一便和他一同搭車上學...直至中二..原因我忘記了...大概是頂唔住每天跟另一個男性一起上學的感覺...很灰...雖然我讀男校,沒機會約一個女同學一起上學,但那時已有這樣的觀念:一個人雖然孤獨但不失型格,但兩個男人便很灰了。 好了,睇相。

愛。攝影

還記得我在2004年尾寫過這樣的東西: 半天假 我說:雖說藝術創作工具並不是最重要,最重要是心,是靈魂。 看來,我要推翻我說的說話。 有器材,也跟心,和靈魂同樣重要! 買了D80才知道! 希望有一天,作品見得人! 愛。攝影