六月

在踏入二零零五年六月之前的十二小時開始，感覺到明天將會大不同。

上年六月，六月飛霜。但，還是活過來。

---

回顧
一年將過去，現在回頭看，我受的也不算甚麼，不甚痛，成長度還大幅提昇，算得上小代價，大得益。

身邊家人朋友其實比我慘得多，媽媽一向堅過石堅叔，跌傷後不哼半聲，盡顯強人本色。
阿正的遭遇我評估過，慘痛程度和我比較要用幾何倍數計，感覺上好像被人打斷晒手腳，然後震斷奇經八脈，繼而再被推落深淵，這還不止，中途有些人好像從深淵中救他上來，誰不知，從回地面只是為了摔得更深。
悲劇王子今次小心翼翼步步為營，縱使過程中吃力不討好，也是一直珍惜那段情，當然，唔係話你珍惜就大晒，咪以為付出就有回報，結果最後難逃命運擺弄。
佢地用左好短時間就企翻起身，至少在別人面前硬硬碀碀，真係相當佩服。

和別人比較，我其實好好彩，我應該要有感激之心(不過唔知應該感激邊個)。

---

將來
生活中能好好掌握的事，其實好少，其中一樣應該係工作，我其實唔係好信一分耕耘會有一分收穫，邊有半斤八兩咁理想，不過，相對其他事情，工作已經係回報比較公道的項目，咁亦都可能又係我好好彩的關係。

我一出來撈已經係打現在呢份工，老實講，人工唔係高，留在這兒，應該同老闆有關，老闆的好在於佢地其實好信我地，好肯栽培我地，好尊重我地，我地做的工作，其實advance過外面同level人工o既人好多，你會發覺個客派出同你一齊做野的人，資歷其實幾高，無形中我地雖然個post好似好低，其實已經做緊人家d高級職員做緊o既野，咁諗其實好阿Q，實際上我地係打左個大折扣俾公司幫佢地做野。
但係，再諗返轉頭，你咁o既資歷出去別的公司做會唔會有咁o既機會做那些咁advance的工作？
我相信現在我出去做第二份工，佢地唔會俾空間我計劃自己的全年的工作，我應該好好把握呢種機會學多些。
我看不到我未來實際上會搵到幾高人工，會唔會升到一D個名好威o既post，我下面會唔會猛將如雲，地位足唔足以呼風喚雨，我唔覺得我好需要呢D野(有就當然好啦)，但至少，我應該會學到些出面學唔到，而我現在又唔識o既野。

有同事走了，其實影響都會很大，改變亦應該不會少。
而今日開左個會，講到我其實形式上會自負盈虧，自己搵野俾自己做，搵別的team同事幫手，亦會charge man-day。好明顯，我同我條team 係唔係productive就直接反映在年底個條家家酒式P&L數度。早前個PLAN其實唔會考慮咁多呢D野，因為我以為自己唔在那班家家酒CEO列內，當然現在唔係咁講。
之前個PLAN可以照去，但係現再周詳D啦。
首先，看看我這殘兵首領手頭上有幾多資源，再睇下可以點賺人地D Man-day。
呢個遊戲，會好好玩。
今年，應該會進入一個新的思考領域。

---

一日過一日的日子要過去了。
幼稚的思想要丟棄。
天真的想法可保留。

---

今日有個奇怪的思想，覺得自己料事如神，咁樣唔好，我會愈來愈自以為是。