幾件小事

體無完膚
自從收養左果隻可憐既虎be之後，我都未試過有一日d手手腳腳係完整。不過我腳上面個傷口講左一件事俾我知，就係對腳血氣唔係咁好，積左d淤血....

某人日記
無意看到某某在十四日前的xanga，佢其實都幾可憐，當然，我唔會同情佢啦......呢d咪叫做，食得鹹魚抵得渴lor~~呵呵呵，女仔係咁忽冷忽熱架啦，廿幾歲仔，唔係今日先知?？小學生都識啦~~唉，佢未定性o者，過多幾年，冇本錢玩咯，咪會安安份份lor......算啦，我都係同情下你啦...，做男人，唔好喊苦喊忽喇，細路~~

回復記憶......同埋記憶力！
早幾年，為左正正常常咁過日子，我成日同自己講：「以前d野，我全部都唔記得！」似足電視劇果d浪子咁，好似好型咁，其實心知肚明，不過係自欺欺人，不過成日咁講，記性真係會差左，我呢d人，乜野都唔叻，想有見得下人既表現，就係靠記憶力，自從記性愈來愈差，個人就成個嘍囉咁。最近覺得咁都唔係辦法，就極力讓自己乜野大大細細既事都記晒入腦，train up番個腦，反正果d野叫自己唔記得都唔會話真係會唔記得。
況且，果d係人生既一部份，為何要忘記？

財政
如果一切按計劃進行，一年後，就可以重新做人，開始打過鐵桶江山番黎，榮華富貴，指日可待，咪問我係乜野，我唔會講你地知既。

無價
有人問我想要d乜，我諗我冇乜特別野想要，或者話，你唔會買到俾我，又或者，我要既野，唔係有錢就買得到。無論如何，朋友送野俾我，我一定會喜歡，多謝！