傻佬搵我

承我那些朋友貴言，傻佬文真係會搵我！

我在銅鑼灣換身份證後，在閒逛。

佢打泥就話：
唉，我惹左好大的麻煩...(有幾大呀？)
唉...上左大陸一轉，就好麻煩...(咁即係點？)
即係俾好多女仔纏住...(哦，乜咁緊要呀？有幾多個呀今次？)
三個呀...(都唔係好多o者，你頂得住既...佢地點纏住你呀？)
係咁打電話俾我囉，sms囉，不停咁搵我囉...(哦，就係咁咋話？)
仲有捧住我塊面係咁咀囉...([忍住笑]...哦，咁點收科？)
唉...咪唔聽佢地電話囉，避開佢地囉...(哦~~~)
其實我都唔係咁靚仔o者...(下....都...都..ok啦....)
唉...都要搵你同我分擔下啦...([汗...分擔？！！]唔駛呀~~？)
要架....([忍笑同時唔知講乜好])
喂，你o向邊呀？(銅鑼灣)
哦，做緊乜呀？(食緊飯...)
下，咁咪阻住你？(...係...係...)
咁我夜d先搵你啦！(拜拜~~)

好彩我現在無論遇到乜野震撼既事都會保持鎮定，唔係o向銅鑼灣呢d咁多人既地方忍唔住大笑就真係失禮人失禮自己。

我剛發現我有一個miss call....可惜當時我正在沖涼...

好似話S60有d電話錄音既application，早知傻佬打泥時，就錄底d對話，唔駛將d記憶再組織！