建構完美空間(下)

Episode 2：前篇的blog講過，新年時傻佬文打電話俾我，而我當時食緊飯，唔得閒應酬佢，咪叫佢晏d出來飯茶灌水lor，其實，我本可以一兩句說話便打發佢走，但係基於一些原因，我決定同佢傾下計：
1. 在傾談中發覺佢病變
2. 佢話佢去年一共「媾」了超過40位女孩子，我覺得好唔尋常，要了解
3. 佢話要帶d相俾我睇下，我好奇。
4. 佢話要過兩招俾我，我想知道佢係咪真係咁叻而係係咪真係咁不濟
5. 都好耐冇見過佢，當係跟進下佢個狀況
而當然，單打獨鬥相當危險，咪叫埋逸華劍士同大華lor...

出到黎，佢真係帶左d相俾我睇，仲打開佢部手機的phone list 同d sms 俾我睇，唔只，佢仲即場表演打俾個女仔傾計同收sms.....@.@
在大量鐵證之下，我地當然相信佢有同好多女孩子打交道，況且，我都冇話過唔信...

我冇證實到係咪真係有40個女孩子咁多，不過原來佢所謂「媾」的意思，同我地係有好大出入的。所謂「媾」，係認識過，傾過計，最多見過面食過飯。而在solomon的思想領域中，還有「女朋友」，「情人」的層次，「媾」到的並不等如「女朋友」，而「情人」的層次比「女朋友」更高。相當有系統，但好鬼複雜。
雖然以最低的定義「媾」來說，有這類朋友亦算是正常，但四十個(他說四十個之後便沒有數了)也實在太多了吧，我問他記唔記得佢地，佢話大部分都唔記得......唉...好明顯，佢出發點本身已經好有問題，不為什麼便去識朋友，說他去識朋友已算說好了他，他只不過在自我陶醉地增加「交友數字」，而他對交朋結友是完全沒半點誠意，認識了，第二天便忘了。這樣識朋友，一天給你識十個一打，也不會有任何意義吧........
而那些女孩子，看來也只是在耍耍他吧...

全晚聽solomon說他的戰績...總括來說，不值一晒。但是，爆笑位也有一點點的，現在節錄一些「傻佬文語錄」(應該是全篇最有價值部份)：
- 有一個其實好o岩你o架，我想「彈」俾你o架，可惜佢去左上海...你一個月俾二千零蚊佢，佢實跟住你架...(solomon同我講的，諗起都心寒......可想而知佢識邊d女仔，二千零蚊一個月，你估養車咩？仲話彈俾我，真係神經病....)
- 「媾」女冇野o架，一個字---「屈」(咁就死啦....)
- 唉，逸華劍士o向度唔好講啦，唔好教壞佢，佢收左山啦，係退伍軍人！(註：逸華劍士已為人夫)
- 你地未經過果d階段係唔知架！(意思說我和大華沒有他那些「經驗」...誰說要那些經驗...)
- 唉~~我講親你都o向度笑，你都冇心機學野的，我都係將全副希望擺o向阿火身上...(solomon話大華成日笑...說將所有希望擺在我身上......大華說：係啦，你以後搵阿火得架啦......我(心想)：屌...正仆街....
- 佢地出到黎見到我，同我講：嘩~~估唔到你係咁靚仔架...(solomon轉述其中一個女孩子見到他時的反應，solomon轉述時，還扮那女孩露出難以致信的神情......x.x)
- 我仲叫佢地是旦一個同我攬頸巾：「喂，你地是旦一個，同我攬頸巾！」(solomon轉述他與兩個女孩子出街時，他盡顯很man的一面.....)
- 唉~~我都諗住收山架啦.....(XXXDDD)

其實仲有好多，不能盡錄.......

---

總括來說，我發覺佢係由極端全無自信變成極端自我澎漲，都係唔知自己做緊乜.......我唔知咁樣叫做好轉左定係仲衰多兩錢重，不過，至少他現在活得比較開心吧，我覺得他現在是活在一個自己建構的完美的空間，覺得自己已經好番晒......
不過，如果佢以後真係會成日搵我，都唔知要點應付.....以前，佢好沉的時候，我可以用地獄治療法，大大力咁講事實俾佢聽，因為反正都冇得再沉，鬧佢可能會醒。現在，佢活在一個咁既空間，我仲點敢咁殘忍，將佢拉番來現實世界？