建構完美空間(上)

「他現在生活在自己建構的完美空間中！」這是再次「跟進」所羅門個case之後得出的結論。

所羅門事件，講起來會很雜亂無章，而且唔係個個都識得所羅門，好多野講得詳細都未必明，就算識佢，其實都好難明佢，除非，你長期接觸精神病人啦....

但係，所羅門事件很有臨床研究價值(我覺得)，好值得我寫出來，有興趣可以一齊解構一下。

---

首先交待下所羅門的背景。
- 華記中學同學，英文名Solomon，不過我地全部同學都叫佢做「傻佬文」，的而且確，佢係有一點傻頭傻腦......(以前...他的確只不過係一點點傻頭傻腦)
- 中三以後遠赴加國(加拿大)升學
- 幾年後回港之後，不再只是傻頭傻腦...而是得到了「思覺失調」，真的，要吃藥的。
- 得到了思覺失調的原因有待考證，但有以下推測：
i.找不到工作
ii.因為地區性水土關係...加國嘛....
對於以上兩點原因其中的第一點，其實很有因果之間的爭議...即係，究竟佢係因為搵唔到工先至得到思覺失調丫，還是因為得到思覺失調所以先至搵唔到工丫？呢一點我在傻佬文回來我接觸過佢之後都諗過，但係我後來冇再在這點之上糾纏，咁樣係浪費時間兼冇意義，因為我一口咬定佢得病的主因係因為地區性水土關係，我一向覺得美國加拿大呢D咁既地方......係會住壞人既......美國有「一竹」，加拿大就有傻佬文，簡直係人版，鐵證如山，有版你睇！

---

solomon的病，在我上星期見過他後，我發覺，佢個病變左，去左另一個極端，我在這兒將他分作兩部份講。

---

Episode 1：傻佬文讀完書回港後，是過了兩年才聯絡番我地，我地當時循例問佢做乜咁耐先搵我地，同埋撈乜，佢一個答案就滿足了我地兩條問題：因為冇野撈，所以冇面目見我地。一般而言，聽見d咁既答案，都會當係講笑，而當時，我地亦真係當佢講笑，而且，佢不嬲都傻傻地，那一句說話，我們不以為然。
當然，事情並唔係咁簡單......當你聽到：
1. 佢同你講佢成日聽到隔離屋個女仔隔住度門大聲同佢講：「我真係覺得你好慘lor~~~~」「我真係覺得你好失敗lor~~~~~」(請想像以傻佬文的口吻演繹)；
2. 或者，佢話佢搭lift果陣，佢座樓d住客會時常投以白眼，以表達看不起佢搵唔到野做;
果陣，你應該知道，佢以經唔係以前咁傻頭傻腦咁簡單...

我其實當時有試下了解佢點解會有咁既問題，首先，我假設佢係因為搵唔到野做所以有病，我要知道佢點解佢搵唔到工，我問佢：你搵過d乜野工？有冇見過工？見工見成點？
佢其實讀Information system(同我一樣)，係hi-dip(又係同我一樣 x_x)，佢開頭都有搵電腦有關的工作，而且都有公司見過佢，仲係acer添，不過講到見工情況，如果我係老闆，都唔會請佢啦，唔講野住，淨係睇個dress code，已經byebye。
所以呢，搵唔到工並唔係最基本問題......最基本問題係佢個人有問題，個人有問題，理應同佢長大同埋學習的環境有關，即係同加拿大有關。
由於佢個人本身已經有問題，思想同一般人好大分別，因為咁又冇人夠膽請佢，請左佢佢亦都做唔長，咁佢個人就愈來愈冇自信。
好彩，其實佢屋企係開廠既，佢d咁既太子爺，其實唔駛出去做牛做馬，既然出去外面既社會生存唔到，咁我咪鼓勵下佢在屋企間廠幫下手lor...
之後佢都在佢老爸間廠度做，做乜我就唔知，幫唔幫到手都唔知，總之佢唔會搵我我就覺得佢生活愉快啦。
我去年間中會聽見王子同大華話傻佬文會打電話俾佢，講佢d近況，話佢好掂，媾到好多女，我當時諗佢係應該正常番d卦，媾到好多女我就當然當佢吹水啦....
當時我唔知，佢個病已經出現病變，進入Episode 2！