呢排好忙,好多想寫底既野pend住o向度,再唔寫,就唔會寫.... 廢話少說~ 寫! 由接到婚訊到完成做兄弟的任務,前後不過兩個星期,車仔做野真係好似架烈火戰車一樣咁快,兵貴神速,呢個就是經典級的例子了! 本來車仔話淨係請d親戚朋友食餐就算,點知佢地居然可以愈搞愈大檀,一發不可收拾,本來化繁為簡,結果搞到完全唔似係一個只係用左兩個星期安排既婚禮,勁!諗起平時果d約食飯都約幾個星期,直情要食塊慚愧波板糖呀! 既然由化繁為簡變到相當grand,咁好多接新娘呀,輪住飲茶呀果D遊戲節目都省唔番,咁「兄弟」呢種道具,我又要客串一下,另外,車仔仲有一個任務俾我,就係接載D姊妹。我當時聽到,的確係覺得車仔係「幾咁夠兄弟呀!」<---括住呢句野,理解力正常的你,一定知道暗藏的含意。 姊妹未見到,唔講住,先講「兄弟」,那班兄弟,我係一個都唔識,一個都未見過的,不過唔緊要,我o向接新娘其間已經記晒佢地個名同個樣,當然,依家唔忘記左喇。 其實整天都沒有甚麼好講的,接新娘時見到那些所謂姊妹,已經暗叫「回水」,好彩d姊妹創作力相當一般,我地呢班兄弟都冇乜做d難受既野,我仲食左d糕點同埋飲左杯廿四味,幾有益,幾健康呀! 之後d家長飲茶,我就用從亨少借回來的相機影相,單鏡機真的確不同,好好feel!不過暫時都係冇錢,唔會買住!而且,我一向都認為,工具是次要,art sense,創作力才重要!中午好得閒,o向酒店hea左成兩個鐘先至去香港公園影相,不過我實在好怕o向香港島駕駛,尤其是放工時間,真係好鬼塞車,去金鐘果程都ok,回去跑馬地先至甘,我渣手波車,吊極力子真係攰過行路呀。 不過有兩件好彩的事,首先係二公子在行禮前出現,回程時坐我架車,好等我不用太悶,仲有就是後座那兩位「姊妹」的確係令我唔需要太顧及佢地的感受,所以佢地坐我架車由金鐘到跑馬地足足悶左成個幾鐘,我都冇話唔好意思。你話如果後面坐的係似樣d既,我一定會覺得好對唔住佢地。 o向馬會度飲,都唔錯,就係咁,我呢個從來冇入過馬場賭既人,已經o向晒沙田同跑馬地度參加過兩個婚宴。 再祝福車仔。 應肥二DANNY要求,post相...機會難逢,有幾會post有人樣的相,仲要有我在其中!千祈唔好見新郎個樣咁老成(d兄弟都係),就以為我(地)年紀好大,論年紀,我地應該同年,我仲應該好大機會係佢地之中比較大果個,但係我唔係佢地咁老餅!
未免太變態罷了...
回覆刪除一面打心裡一面想著:「幹掉他!」
回覆刪除tantric mаssage needles stimulatе thе consіstence to rеstore remaіndеr
回覆刪除thе importancе of tantric massage, bоth thе healthсare professionals аnd
patients are accогԁant to Victіmisаtion it to
aid retrieval.
Feel free to suгf to my blog post :: erotic massage in London
my page :: erotic massage london