零八奧運

好了，奧運結束。

依家先至寫有關奧運既野，實在很配合我遲鈍既性格~~

基本上...奧運，我都不是在家中看的，因為我屋企收得好利害，一個運動員佢會SHOW三個出來，所以那些萬人參與的浩瀚場面，會更加浩瀚的變了三萬人既場面，我一向怕人多，尤其對三呢個數目敏感，所以在家看，免了。

我沒有專登為了那一場比賽去看...賽程表看也沒看過，但不代表我沒興趣睇，實在，也是配會我順其自然的隨緣態度~~

比賽都很好看，我最喜歡大家都全力以赴地去做一件事，不論那國家選手勝出都感覺很positive好熱血。有些比賽，還看到參賽對手們即使別人嬴了自己，都祝賀對方，相當識英雄重英雄。

其間出現了幾個話題：

1. 開幕的煙花有大部份是電腦效果，呢個我覺得相當好喎...因為很環保，又唔浪費金錢和資源，而且以假亂真的確係騙過了我(可能我真係很好騙~)，我係覺得佩服的！有D人可能覺得咁樣係欺騙，我諗因為大部份人唔鍾意俾人呃之剩，亦因為中國太多假貨記錄，俾人印象唔好(我係睇過有D人的批評係有些類觀點)。我又覺得咁喎，你當係魔術表演咁睇，感覺會唔會好D呢？都係表演啫！另外有D人又話唔拆穿咁就唔會破壞左佢心目中完美既一幕，我又覺得，唔拆穿就真係有欺騙民眾之嫌了......

2. 代唱事件，呢個我都覺得有些少問題...但係，表演果兩位小朋友都唔係咁介意(可能唔識介意吧)，咁又有乜所謂呢？又係果句，D人又係覺得俾人欺騙左感情卦~~

3. 劉翔退賽，我果日咁啱出畫室做野，可以清楚睇到個過程。又係兩方面意見，不過支持劉翔D好似比較多，我亦都係覺得佢好慘，出唔到賽佢都唔想，只係睇四年一度，世界大賽，練左咁耐，作為一個運動員，跑得到邊個唔想跑？果D什麼背負十幾億人的期望什麼的問題，我諗佢都真係有壓力，但係會唔會影響到因為怕輸而退出？我認為咁樣諗實在係侮辱緊一個負出血汗去挑戰極限既運動員。
從各媒介睇到果D話對劉翔好失望的人，我只係對人性又再一次失望。呢種情況就即係有D曾經為群眾謀利益的人，之後有一次的令人失望後，群眾隨即反轉豬肚，簡直萬試萬靈。請問果班曾經受過著數的人，佢地做過D咩呢？你估真係人地欠佢既咩？算了，我一向對果類人既態度都係唔怪佢地仲會深表同情，因為我一向都同情弱者的。我自己，都唔係叻，人地俾著數我我都好厚面皮唔知個醜字點寫咁照單全收，但係我唔會覺得人地俾唔到著算我唔係人地錯囉。
我覺得劉翔對腳係屬於佢自己既，什麼時候應該知道不要逞強，即使為了同胞跑出榮耀，也可等下屆，今屆你即使學那些即使爬都要完成比賽什麼的，最後也有刻薄的言論，反正討好不了全世界的人，不如理智地考慮形勢。
所以，劉翔，好好保重，以後不論跑不跑到步，也記著什麼是真的體育精神，我支持你。

4. 觀眾質素，睇見有D新聞講話有些觀眾見到自己國家的運動員失了形勢或輸了之後立即離場(女子射擊和劉翔的賽事)，我諗，某些人還是要學習什麼叫尊重吧~~天下間不只你的國家運動員才有資格攞獎牌吧~~不過，掉轉頭諗，我又要尊重下你唔鍾意睇就離場的自由~~不過仍舊會批評你冇教養。

5. 某台節目主持的質素，哈哈，我睇過幾場，真係好嘈，真係有點惡趣味。算了吧，由細到大，D人都係邊罵邊看的啦。雖然知道佢地其實只係做SHOW，少少功課唔會都算了，但是做人基本的COMMON SENSE也應該有少少吧~~ ....OK...對唔住，又係我要求過高~~其實我又何嘗唔係一個唔識野又白白癡癡的a piece of useless wood~~

好了，奧運完滿結束，很精彩啊！

唔駛再聽到果D什麼「我們就是夠運」的白癡口號了~~