古惑仔

很有趣的文章：古惑仔offline

古惑仔online，facebook內的其中一個遊戲，應該不用介紹吧(不然，我應該要由開機入WINDOWS/LINUX/MAC OS開始講....)

我，當然也參與其中......也應該是個game 開始一至兩日傳開時已經開始ADD個APPLICATION...但其實...我頭一兩日，係冇玩的。

6WAVES這公司如你所見，就係DEVELOP左好多FB APPL. 的一間公司，根據上一期一週刊所載，成立了不過幾個月。重點是，已經賺錢了。

講番點解我一開始冇玩，因為，我早已玩過英文版，MOB WARS了(在FB 的APPL SEARCH到的)
基本上，MOB WARS和古惑仔online係完全一樣的，6WAVES係改做中文版而已，而其實，佢好多其他的APPL.！在概念甚至實際上，都係改自原有外國的。不要誤會我是在抵譭他，這不在討論的範圍，而且我其實有點佩服，甚至有過效法他的念頭。
在因為我已經玩過的情況下，我本來理應不會理他，就像其他APPL.一樣，尤其果D送LV，NIKE，卡地亞一樣，在FB，你送乜俾我，我都覺得意義不大，雖然我曾說過：「FB偉大在朋友生日時我送野俾佢時唔駛錢！」

但是後來不可思議的事發生了，古惑仔online居然在香港網絡世界熱起來，仲搞到人地個SERVER垮左，見人人都玩，我唔知點解，又會走入去做下任務，買下地盤，開下戰咁...
而今日，我已經四十級，一小時搵半千萬，基本上衣食無憂，D人來打我，分幾十萬俾佢我當係可憐佢，看我多善心！但係，我仲係一得閒就入去click下...

其實，有幾個現象，係好奇怪的，諗得到，可能會發達。

1. 因為開戰時輸贏係靠同伴多，所以D人會ADD好多人，甚至在FORUM上結黨，好多人突然多左好多朋友，數千個，咁玩係會贏，但係其實最後得到乜？一個混亂不堪的朋友LIST？

2. 好多人的朋友，不但多左好多，而且好多都係女仔，仲係靚女，有D仲係日本明星~~仲係AV明星，令人好生羨慕！

3. 據說有古惑仔online攻略，我未睇過，一個咁簡單既遊戲，份攻略會有乜野內容呢？會有幾多字呢？內容會震撼到乜野既程度呢？D人又係咪真係要睇攻略先識玩呢？其實佢地個腦係點既呢？平時食飯係咪要人餵架呢？

4. 本人近月待業中，但係好多要返工既人都升呢(終於有機會用潮語了~~)升得快過我，佢地日常工作係點既呢？點解咁多時間玩古惑仔online既呢？如果我仲係唔肯辭工，會唔會升得快過佢地呢？而辭工又係咪一個錯既決定呢？(呢個我絕對認為係好正確的決定。)

5. 點解到左錢用唔完，時薪數百萬，都仲係要鬥呢？其中隠藏了什麼人性呢？
呢條問題請參考以下對話，用作啟發性的提示：
A(從外地玩耍回港後)：可幸的是 .. fb 沒被搶$
B：離開30小時還能力保不失~
A：對. .害我一直在擔心 ..哈哈
B：估唔到你咁緊張~~哈
阿智有12間HOTEL~12間CASINO
百幾個球場...同埋大排檔...
可惡~
居然有咁多...
搞到我突然係咁買入資產
A：都唔知佢點玩 ..傻既
太過份
好想打劫佢
B：我雖然都有五個酒店同賭場...
但係都輸了氣勢...
個個鐘搵幾百萬...
個人會好空虛
都想做多D善事...
A：你地呢d咪就係令社會"貧者越貧. 富者越富"
B：有錢人的境界...
洗唔晒都要鬥多...
其實我已經看破呢D係...富貴如浮雲..
A: 估唔到阿智現實生活有$ ..連玩game都唔俾我地有$過佢 ..(CRY)

好多有錢人搵到洗唔晒，都仲係要食水咁深，可能都係因為「雖然都有五個酒店同賭場...
但係都輸了氣勢...」見人地咁，比較完，條氣唔順暢....咪又係只爭朝夕...排名榜...上得榜就唔想輸。

係咪有D啟發？