驚心二零零八，總結。

2008將會過去，照舊，又來一個總結，不過今年我每隔數月便總結一次，自己都嫌自己煩。

係煩架...不過ROUTINE TASK始終唔做講唔過去...

---

一口氣看完2008年所有自己寫既POST...呢一年主要分三個時期：

階段一：由07年尾開始，工作了七年的公司開始幹不下去，原因有好多，有部份算是自己的問題，無論如何，算是一個改變一下環境的契機。其間的而且確係相當不愉快，而且不快事情通常一不離二，你希望那個會和你分擔煩惱的，原來不會，那只好獨個兒面對好了。由年頭開始撐著撐了六個月，還好時間過得不算慢，可能有人怕我耍無賴，買我怕，不敢對我諸多意見，物理上心理上我都好像還不錯的...當然，只不過是表面風光。

階段二：離開以後，休息了三個幾四個月，但不知怎地，在沒有收入的情況下，繼續過著偽富家子生活，參與一系列有益身心，能夠表現出顯赫身份的高消費活動。

階段三：外強中乾實在呃不了人家，過唔到幾耐實在係唔做工不行，最後居然好好彩咁在金融海潚之下搵到份工，繼續庸碌地幹活兒。呢份工，我實在沒什麼意見，除左中間有兩個星期突然俾人係咁鬧之外，在我極力假戲真做地扮認真做野之後，算係冇乜大問題，只係間中仍然被懷疑我既年資經驗，呢一方面，我只承認兩成半囉...好多架啦...不過，俾人咁講，我都好應該檢討一下卦。不過我諗應該好好咁了解一下我阿頭個為人，佢係少數我觀察唔到佢既心理既人，比較難搞。

就係咁，好鬼快就過左一年喇。呢一年真係同往年既生活有好力改變，睇多左好多書，玩多左好多運動，飲多左多好野，食多左好多野。有失有得，唉，唯有係咁諗啦。

年頭寫今年係會係守勢，我諗，死唔去，未折墜到趴街，都算守得住啦。

今年回顧的太多了，還是向前望吧。