Gear Of War

Xbox360入手已個多星期， 一直都在玩gear of war戰爭機器 ，聽個名就知強勁，仲有就係玩download 落黎的lost planet online demo，兩隻都係d第三身射擊動作遊戲，可上網對戰。

基本上成部XBOX360既靈魂就係佢個online平台xbox live，d遊戲唔係上網同其他人打，就沒有意思了，我用了micro$oft既product十九幾年，xbox live 既design係我到目前為止最欣賞的。
xbox live唔只可以即時同一大班人打，仲有幾個特點：

1. 統一平台 -- 一個account就可以玩晒所有上網遊戲，唔似ps2，連上網都有困難，仲逐隻game計錢，又唔似電腦game，上網係好易，但係隻隻game都要記一個login同password，相當煩。

2. gametag-- 有一個統一account既好處係，上網add左d game友，佢有玩d乜野game，你都可知道，咁你如果又有果隻game，又可以叫佢一齊玩。個gametag又可以post出來，俾人地見到而佢又有興趣同你玩咪又可以add你，好易就可以識到game友...

3. 即時對話--Xbox個手制可以駁住個headset，xbox live又support你一路打機一路同人傾計喎，呢個真係相當有趣，除左打機時可以溝通增強合作性，得閒仲可以吹水，好似我同二公子咁，咪一路保世界和平，一路講是講非，好似佢同我講，話傻佬文話我大鼻，成日在言論上教訓佢，個情況就好似我從前上佢屋企玩一樣。個咪仲有個用途就係俾我地在果d醜陋既怪獸撲埋來時驚叫同講粗口，嘩...你話，娛樂性係幾咁幾何級數地提昇呢！誇張d講，爛game都可以好好玩呀......

講番隻game，真係幾有趣，仲有大量西洋粗話學，玩得多學多幾句，真係同外國人嘈交都完全唔會處下風，真係相當有實用性。d怪獸又樣衰非常，所以我地打爆佢個頭同用電鋸切碎佢地果陣係好有爽快的感覺，將平日受左果d冤屈氣發洩出來。

而隻lost planet係demo，隻game都ok啦，反正都係拎住枝槍成個悍匪咁四周咁射，但係我唔係咁在意呢d野，反而我要多謝xbox live給我見識了一樣野，由於xbox live會同你match一班來目世界各地既gamer一齊玩對戰，同你一齊玩既有很多外國人，英美法意德日成個八國聯軍咁，咁其實我很樂意同世界各地既人玩，反正我本人係唔會有國界既概念，世界本一家，係咪？但係我真係好懷疑同我一齊玩緊果班係咪地球人，皆因我試過開著個headset玩，聽到果班人在怪叫或在唱歌，嘈喧巴閉好似未開化既食人族咁，如果唔係，我可能玩緊唔係lost planet，而係planet of apes...另外，我覺得最不爽既係，果d咁既所謂外國人，亂鬼咁玩，自己人都射，我真係懷疑緊係咪發緊神經。