十日

一連十天，橫越兩年的假期，話咁快，就放完。

其實，都好似未休息夠，但係，今日晏晝，郤好似急不及待咁返左公司做野。我當然唔係熱愛工得咁緊要，只不過今日唔做咁d，聽日就唔夠時間做野，好麻煩。

所以話，o向度放假都幾搵笨，放假其間都要處理下的濕碎野不在話下，返工前最好搵時間準備下，唔係一返工catch up唔番d工作又會俾老闆放在眼內。當然，好多野可以唔做，而且理據充足，放假喎，梗係唔應該做架啦...不過，呢間公司既文化係咁，個個同事都做過籠，日日多送幾個鐘俾公司，年年送幾日假俾公司，對公司來說，當然無任歡迎，但係，呢d現象健唔健康，唔駛講啦，係咪？實際上，我改變唔到呢d文化，講笑咁講，如果今日唔返下去，可能聽日返去，個位已經俾人搬走左(當然唔會咁誇張)。

抖就抖完，玩又玩完，都係時候計劃下來年既野。