好像浪費了的假期(一)

不知不覺今日已經係五天假的最後一天，好似冇乜做過d乜野大單野就已經過左...

像我這一種男人，長期缺乏睡眠，放假最好就係有咁晏訓咁晏，我的而且確有幾天訓到好晏，但能夠像今天一樣真正自己訓到想自己起身的，就真的只得一天，其餘的，都是被人或者虎bi嘈醒的。

星期一，之前果晚係世盃決賽，理應長眠，但係偏偏就俾個跟我做野的同事打電話來就吵醒了我，唉，算了，我冇乜幫過d乜只係俾左d意見咁佢又如獲明燈咁。之後，我就去左深水?食維記蛋牛麵凍檸茶，兼去黃金睇下王子叫我買的winnning 9 電腦版，話可以上網對戰喎。我格價睇見個價錢上落好大，為左唔好太草率，唯有唔買住，費事買貴左餘仲去左d渾人商店買。
之後就返左屋企，展開我的執房計劃，唔知點解，我放親假，都好似用左來執房咁。到左五點幾，阿廖老師打電話俾我，話要我幫手，原來佢新印果堆卡片，個電話錯左，咁佢又第二日去哈爾濱要用，趕唔切重印，咁間output 公司就印左幾張有正確資料的貼紙，俾佢貼上去頂住檔。而我的工作，就係去間output 舖頭度拿貼紙，同埋幫手貼。咁我唯有離開我間執到立立亂的房間，成個特工咁出左去。我同廖老師講笑說：「我平日返工都唔駛做呢d手作野，今日放假反而要做。」廖老師話，冇辦法，因為佢係我阿媽，我係佢個仔。

正當差唔多完成呢個任務的時候，大華就打電話來，呢條粉皮打來原來係想借相機，佢話去桂林，我同佢講：「你呢個人渣，工都未開始搵又學人去旅行！」之前任志剛一定俾唔少佢，大華呢d老油條，不?不火地回答：「你即管講啦，其實好多人心底都好想做人渣的。」咁借相機，其實都冇問題的...皆因我呢部相機，買左年半，佢去過的地方仲多過我遠過我，我諗佢都已經習慣左外遊。佢去過的地方數起來有北京，台灣，韓國，張512 SD card，仲去過柬埔寨添，幾威呀！
而我，就呢幾年都冇去過d乜野地方旅行。

夜晚，我就借左部相機俾大華，仲同佢飲杯野咁，其間的話題，離不開傻佬文，好鬼煩。