世界盃閉幕

經過左一個月，六十四場波都踼完晒。

有幾件事可以講下...首先，要多謝以下朋友，有份款待過我：
-澤少及澤之女友+佢部無敵投影機，高級音響現場感
-馬德里餐廳，其侍應，同埋隔離左右既煙民
-悲劇王子及維他檸檬茶
-尖沙咀間餐廳，唔記得個名
-我屋企部21吋toshiba，相當襟！(依家睇左三屆世盃，我覺得仲可以用佢睇多二屆！)
-逸華劍士及其妻，仲有蝦條汽水同杯麵
-一眾陪過我睇波的朋友
-一個叫我下注賭波的朋友

講賭波，基本上，也不過係玩下的，注碼並不大...我賭買三場，都是四強戰，買德國贏意大利，
法國對葡萄牙買波膽，買法國贏意大利，都輸光了。算了吧，不過由於買的時候係話同人夾份的，如果中左，咪一齊開心啦，幾好呀！

去朋友屋企睇波，最好笑係去逸華劍士屋企睇，因為同場有所羅門，有佢的地方，點會唔好笑？那晚睇法國對葡萄牙，有大華，所羅門，我，當然有逸華劍士，大華約十二點半，我好準時就到左，反而大華就仲o向屋企訓覺...而所羅門就唔知點解要遲d到，佢淨佢同逸華劍士講：「你叫我一齊睇波，我好感激，我一定到！」(請想像以所羅門的語氣演繹)，我同逸華劍士心諗：「有冇搞錯，約就約咁早，你班無業遊民就訓覺，我地第二朝要返工就咁準時！」
不過算啦，我地打電話叫醒左大華佢都即刻黎，我地傾計(話題總是環繞所羅門)傾到差唔多開波，所羅門先至黎，仲要拎住罐啤酒走入黎，咁其實都唔緊要，不過佢一邊批評我地飲汽水，一邊大大聲話要落去夾「幾條女」上來....佢都顛既，chesin....我明知夜媽媽，點會有女，況且，有佢都夾唔到啦，但係佢講到好興奮咁，嚇到逸華劍士信以為真....我淨係覺得佢點解依家諗野諗得咁污穢...定係佢習慣上一定要同自己塑造一個大玩家的形象？
呢d都唔繄要，係佢自己既事，但係佢最過份係當逸華劍士煮幾個杯麵出來招呼我地的時候，就問逸華劍士係咪成日要煮飯，逸華劍士都未答，佢就話：「咁樣唔得架，呢d野唔可以男人做架，係女人做架，你睇你梗係成日俾老婆郃啦！」
佢去完洗手間之後又話：「個?所咁乾淨，一定係逸華劍士洗架啦~~」
又話d老婆係唔會理d老公死活，病左都唔會理佢之類的說話，總之講到d女人好似全部都係壞女人咁....
雖然阿joyce(華之妻)在房訓緊，不過我頂唔順佢，就話：「你咪淨係o向度同我地咁講，你有本事就扣門叫醒阿joyce同佢講，教訓下佢！」
咁佢就梗係唔夠薑啦，就話講下笑o者，又話自己係對香港女仔有偏見....咁先肯收下口...
我諗，佢隔離屋個真光妹真係傷得佢好犀利....

總決賽，費事周圍去，反正屋企有得睇，我又想睇埋阿叔last show，咪唔去rich friend，王子度，最特別，一路睇波，一路msn，不過我上半場一開始就出左廳，唔知有呢個party...

之後，我就開始一個星期的假期了。雖然我請假的時候，都冇話特別為左睇世界盃，但係總係俾人話我邪惡，同埋「更」(奸).....