咭片盒

離開公司時，沒有將一直用的那個I記紀念品咭片盒一併帶走，讓我好生後悔。雖然I記的那一個也只不過是透明阿加力膠造的，但設計實在唔老土，我很喜歡。

近來在收拾自己物件，讓自己整齊些少，發覺一大疊咭片無家可居，相當可憐，決定找一個咭片盒給它們。這兩天找了很多地方，由普通文具店，大眾，LOG-ON，FRANCFRANC，甚至HOMELESS看過，都找不到一個合適的。一來選擇少，二來也不過是一個樣衰的膠盒，擺在書桌實在令人好無心機，三來也不便宜。驚覺原來好少人會設計書桌上的咭片盒，很悲哀。

其間我找不到合適的就泛起另外一些解決方法，例如自己動手廢物利用整一個，或者問同事幫我取回我之前用的那一個。後者我覺得呢個動作實在係樣衰到自己想自殺咁滯，前者好彩我還在構思其間已經找到上圖那一個。

在各大小文具店書局以至專門賣design 家品accessories都搵唔到，最後都係在IKEA找到這個一套四件，外形精美既盒仔套裝，雖然IKEA一向都係用料呃秤見稱，但係有幾個系列我是相當喜歡用的，貪佢夠平同埋都夠flexible，而呢個盒我睇佢亦不過係紙皮上面包層布，不過包得靚，擺出來夠高貴，擺D咭片落去，你地睇，SIZE仲剛剛好，而且有D素色既款做緊特價，實在係我呢個窮人福音。50幾蚊有四件，同60蚊得硬膠盒一個，好彩尋日無妥協買硬膠咭片盒，唔係就真係好硬膠了。