後備甜心
晚上吃飯的時候，轉到了NOW的電影台。
正在做播〈後備甜心〉，沒看過，便看下去。
故事簡介....
女主角意大利餐廳餐飲部經理JILL(林嘉欣)相當傾慕做醫生的志安，不過做醫生當然大把女，JILL只不過係其中一個坐唔正的後備貨仔，甚至有一日醫生同正位分左手，JILL諗住跟到機之時，原來都係唔到佢。
男主角新來的大廚JACK(鄭EKIN)用情專一，有一個視為終身伴侶的女朋友GRACE(BOBO CHAN，終於見番佢著返衫個樣了)，誰不知GRACE其實有一個交往七年既正選飛機師男友。傻仔JACK原來一直被愚弄作後備，好鬼可憐。
初時因為誤會，JILL覺得JACK係壞男人，咪起勢發晒D脾四落JACK度(不過唔知點解JACK又唔係好嬲咁)，後來又冰釋前嫌喎，咁咪好老土咁由冤家變成好友，因為大家同病相憐卦~~然後其間呢兩個後備席選手，各自為自己既戀愛追追逐逐，搞到好鬼攰，最後大家都發覺，將你當成後備的人，永遠唔會係愛你的人，同埋帶出全片經典金句：「拍拖不是你想跟誰在一起就在一起，我們應該要和那個不能失去的人在一起」
套戲其實都幾鬼好笑，不過我唔係太愛睇EKIN，其實佢冇乜唔好又冇得罪過我，最多都係以前佢扮聶風我覺得唔似咁啫，只不過因為會條件反射咁諗起某些事。
全套片，其實想表達D咩？其實我未知...就係想一路寫一路分析一下...(當然，我寫D野最後可能都係得啖笑，如果你覺得俾我浪費左D時間...唔好怪我喎！)
片中兩位主角分別鐘情於單一對象，仲係幾執著果隻......我覺得呢咁其實冇乜唔啱，我仲好鬼欣賞呢D態度，即使對方其實可能當你係後備，甚至對你好差，我覺得都未必係問題，我自己覺得，主要係其實佢地都唔開心，如果愛一個人愛得唔開心，唔好理有冇結果都好，都係算數啦。冇結果當然係唔開心啦，有結果，但係終日驚呢樣驚果樣，咪又係戇居~~~所以呢，死心塌地一往情深，都睇下對邊個既啫。
咁，應該揀阿乜水來一往情深好呢？戲入面其中一段，JILL倒左一堆咖啡豆出來，數了五十五粒，話：「用五十五顆咖啡豆做出的特濃咖啡，味道才是最好的．一顆也不能多，一顆也不能少～就好像愛情一樣，兩邊的分量要剛剛好，不然愛是會失去平衡的」
我諗個意思係...兩個人所付出的，感覺上，要平等平衡。我付出我所有的，雖然我不計較回報，但我其實希望得到相當的回應，付出真的是會累的，如丁點回應也收不到，我也好應該早點收皮。這不是斤斤計較，而是，我扔個五蚊銀落海，都會有五蚊銀跌落水的聲，但付出左沒反應，或反應唔好，咁好應該將D心思放在更加適當既地方。免得資源錯配吖，係咪？
所以，揀個願意跟你一樣愛對方的人，才死心塌地一往情深吧。果D睇牌面加偷睇埋底牌都知輸硬既，都係及早收手，早日回頭啦。
當然，個世界邊有咁理想，而D人又邊會咁易諗得通吖！唔係駛乜咁多痴男同怨女吖。
唉，可能轉頭又俾人批評我冷血。
都係QUOTE多幾句對白同大家分享下！
- 身為女人也想被人爭，但女人一爭就Cheap了
- Jack：有愛情，沒尊嚴，低了點
Jill：有尊嚴，沒愛情，更低
(我諗如果當你遇到真正值得的人時，其實放低身段沒關係)
仲有....放假狗那一段都好好笑....JACK肯陪JILL一齊神經病，真係好鬼細心。
同埋....剛看到...原來男女主角估名係有心思地改的....
"Every Jack has his Jill"
這是句諺語，意思是"人人都會找到另一半"
啊~原來係咁....
正在做播〈後備甜心〉，沒看過，便看下去。
故事簡介....
女主角意大利餐廳餐飲部經理JILL(林嘉欣)相當傾慕做醫生的志安，不過做醫生當然大把女，JILL只不過係其中一個坐唔正的後備貨仔，甚至有一日醫生同正位分左手，JILL諗住跟到機之時，原來都係唔到佢。
男主角新來的大廚JACK(鄭EKIN)用情專一，有一個視為終身伴侶的女朋友GRACE(BOBO CHAN，終於見番佢著返衫個樣了)，誰不知GRACE其實有一個交往七年既正選飛機師男友。傻仔JACK原來一直被愚弄作後備，好鬼可憐。
初時因為誤會，JILL覺得JACK係壞男人，咪起勢發晒D脾四落JACK度(不過唔知點解JACK又唔係好嬲咁)，後來又冰釋前嫌喎，咁咪好老土咁由冤家變成好友，因為大家同病相憐卦~~然後其間呢兩個後備席選手，各自為自己既戀愛追追逐逐，搞到好鬼攰，最後大家都發覺，將你當成後備的人，永遠唔會係愛你的人，同埋帶出全片經典金句：「拍拖不是你想跟誰在一起就在一起，我們應該要和那個不能失去的人在一起」
套戲其實都幾鬼好笑，不過我唔係太愛睇EKIN，其實佢冇乜唔好又冇得罪過我，最多都係以前佢扮聶風我覺得唔似咁啫，只不過因為會條件反射咁諗起某些事。
全套片，其實想表達D咩？其實我未知...就係想一路寫一路分析一下...(當然，我寫D野最後可能都係得啖笑，如果你覺得俾我浪費左D時間...唔好怪我喎！)
片中兩位主角分別鐘情於單一對象，仲係幾執著果隻......我覺得呢咁其實冇乜唔啱，我仲好鬼欣賞呢D態度，即使對方其實可能當你係後備，甚至對你好差，我覺得都未必係問題，我自己覺得，主要係其實佢地都唔開心，如果愛一個人愛得唔開心，唔好理有冇結果都好，都係算數啦。冇結果當然係唔開心啦，有結果，但係終日驚呢樣驚果樣，咪又係戇居~~~所以呢，死心塌地一往情深，都睇下對邊個既啫。
咁，應該揀阿乜水來一往情深好呢？戲入面其中一段，JILL倒左一堆咖啡豆出來，數了五十五粒，話：「用五十五顆咖啡豆做出的特濃咖啡，味道才是最好的．一顆也不能多，一顆也不能少～就好像愛情一樣，兩邊的分量要剛剛好，不然愛是會失去平衡的」
我諗個意思係...兩個人所付出的，感覺上，要平等平衡。我付出我所有的，雖然我不計較回報，但我其實希望得到相當的回應，付出真的是會累的，如丁點回應也收不到，我也好應該早點收皮。這不是斤斤計較，而是，我扔個五蚊銀落海，都會有五蚊銀跌落水的聲，但付出左沒反應，或反應唔好，咁好應該將D心思放在更加適當既地方。免得資源錯配吖，係咪？
所以，揀個願意跟你一樣愛對方的人，才死心塌地一往情深吧。果D睇牌面加偷睇埋底牌都知輸硬既，都係及早收手，早日回頭啦。
當然，個世界邊有咁理想，而D人又邊會咁易諗得通吖！唔係駛乜咁多痴男同怨女吖。
唉，可能轉頭又俾人批評我冷血。
都係QUOTE多幾句對白同大家分享下！
- 身為女人也想被人爭，但女人一爭就Cheap了
- Jack：有愛情，沒尊嚴，低了點
Jill：有尊嚴，沒愛情，更低
(我諗如果當你遇到真正值得的人時，其實放低身段沒關係)
仲有....放假狗那一段都好好笑....JACK肯陪JILL一齊神經病，真係好鬼細心。
同埋....剛看到...原來男女主角估名係有心思地改的....
"Every Jack has his Jill"
這是句諺語，意思是"人人都會找到另一半"
啊~原來係咁....
留言
發佈留言