成全

張學友演唱會(對，就是唱到佢失聲的那一個)的其中一個環節，是一個音樂劇，張學友說這個劇揉合了雪狼湖同埋如果‧愛...我看下去才知道他是指從雪狼湖和如果‧愛中選了些歌，放入了劇情中。

故事很簡單：男人喜歡了女人，追，跟著好像兩情相悅，大家一起載歌載舞，好景不常，首歌都未唱完，就是唱到最後一句歌詞，壞人就出現了，壞人...即係情敵，女人不明不白跟了那個即係情敵的壞人，男人看到明明擺到埋口的美食俾人搶掉，條氣很不暢順，就同個壞人打起來，妒火中燒就梗係攻擊力有BOUNS的，男人當然在最後用SPECIAL KO了壞人。但是在情愛的世界，唔係好打就大晒，唔係好打女人就愛你的，相反，女人更大可能係因為你咁粗魯冇風度唔大方而睇你唔起同埋憎死你，劇中的女人就係咁，佢冇因為男人打羸左而同佢過住童話式的幸福生活，佢而係扶起那個傷重的壞人雙雙走了(我開頭係以為男人係打死了那壞人，因為壞人趴在地上一點也不動)。男人羸了幹架輸了愛情，悔不當初，然後跳井(我諗那個是一個井)自盡，最後死神帶走了男人。然後出字幕...大概的意思是說愛不是佔有而是成全云云......

故事就是這樣簡單。

對於這個故事我倒是沒什麼意見，約二十三十分鐘又唱又跳仲有個完整故事，是相當了不起的，但我這幾天有時回想這個故事的時候，我想我是解讀錯了那故事。整個故事，應該是這樣的，女人本來和上文說的壞人本是一對，男人才是從中介入的那一個，女人臨崖勒馬，堅守專一的愛，男人心想有冇搞錯，臨門一腳都撻Q，心有不甘咁打左壞人一身，傷人案(我開頭仲以為係誤殺)，刑事罪，會留案底嘛，一時睇唔開，投井自盡。

我諗咁樣應該合埋得多，如果唔係，我都解釋唔到女人點解唔駛一首歌就由剛剛開始愛上就變心。
而臨尾段字幕，應該是指，當身邊個伴侣如果俾人搶走，如果你唔相信愛不是佔有而唔肯放人成全佢地，咁你就要預左俾人打一身...甚至幹掉...當然，你冇俾人打死到你還是得到最後勝利的！