燎原誌

今日係我一位童年玩伴大婚的日子，我去左飲。 我未試過一個人去飲而全部人一概唔識，我淨係識佢，同佢家姐，所以我全晚都冇乜講過野，真係好，唔駛講野！ 全晚最神奇的地方在於，潤麗姐(佢家姐)冇見我十幾年(最後重會見到面果陣我十歲都未夠)，都可以認到我，唔通我個樣真係冇變過？

上次講到珠海公司會僱用一個internal support，我負責interview....估唔到我同winnie comment一兩句之後，一個星期唔夠已經請左個人番來。 我上星期三上去珠海，安排一些工作給新同事，基本上，佢都算ok，我亦唔會期望太高。 當日，connie 問我夜晚點過，我意會她的意思，便邀請她與我一起共進晚餐。 飯後仲可以登堂入室，參觀佢屋企，同埋屋企人，佢父親在看中國對香港的世界杯外圍賽，我便和他一起看，由於世伯很風趣，我看得很開心！ 看完，便踏單車會宿舍，最驚喜是connie竟在我回到宿舍後打電話給我，她說驚我迷路！？我受寵若驚。 如果她不是一早表明她有男朋友，我大概又會自作多情。 第二天睡到十點半，我覺得自己好過份，不過實在睡得太好了！中午ryan到珠海，我與他到新落成的甚麼學術交流中心吃飯，很貴！比香港還貴！

"我喜歡看某些人做錯了事, 卻矢口否認, 不惜編織各種藉口來推卸責任,為藉口加上不同的理論, 或者披上仁義道德的外衣,結果是他變得理直氣壯, 而你卻成了理虧的人... 我認識不少這種人, 但我欣賞他們..." "畢竟他們比你我更聰明..." 謫自《不是人》 2 年前多前在書屋看"不是人"的時候讀到這段文字，產生了前所未有的共鳴，更即時將它抄寫下來！後來更補購"不是人"來收藏！ 這年多來經歷了更多的人和事，感到這段話愈來愈有意思！

上回講到，vpn & voip 開始完工，一切順利....... 話口未完，星期一落site做野，公司打電話話俾我知有大量mail pend o向香港server度send 唔到上珠海，開頭以為好似平時咁，flush o下dns 就得，話左俾同事知個解決方法後，以為已經解決，點知原來好大煲........... 返到公司後，發覺一切setting 正常，問題原因不明.....搞到11點幾，要用返winroute(好彩有roll back plan)。 星期二上珠海，等到下晝先有人來裝router，得個等字。中途安排左人來見工，平生第一次in 人，in 左3個.....in 人感覺的確唔錯！好好玩！ 講返裝vpn 同voip，果位先生裝到七點幾，voip 通左之後就走得，但係我仲要fix 晒所有野，confirm 所有野ok晒，已經係半夜十二點.........走唔到，當然要在這?過夜...... 我根本冇諗過要留過夜，沖涼冇毛巾，你話點解決呢？@_@ 第二日留o向珠海睇多一日，整天都冇乜大問題.......仲有時間去睇籃球賽，打下氣，影o下相！(我地公司今場嬴左)。 今日返公司，諗住可以做返其他野，點知個vpn router 又好唔穩定，搞左成日，最後隻router死埋，唯有走去換過隻........搞到影響公司，我又做唔到自己野..... 呢幾日真係運滯，應該係衰神付身。

http://msn.veryname.com/fate/name/star/standard/index.php 這是一個叫"姓名星座"的測命，我發覺，都相當準......至少，我覺得佢講我講得幾似模似樣。 看看~~ 命格優勢：個性內斂。 命格缺點：個性不太容易讓人瞭解。 愛情模式：愛就是隨緣、追求不一定有用。 財　運：70分，慢慢累積財富就好。 上班運：80分，賣力工作，工作運也不錯。 李緯綸 的信念：我就是相信人應該努力，不向失敗屈服。 李緯綸 的姓名星座屬於 孤木星 命宮代表數字： 2、12、22、32、42、52、62、72 五行屬性 - 木 姓名星座屬性 - 柔 和 、 內 斂 、 神 秘 、 不 開 朗 星座優點 - 柔 和 、 有 韌 性 、 善 解 人 意 、 有 理 想 、 默 默 努 力 型 的 人 。 星座缺點 - 不 夠 乾 脆 、 不 夠 開 朗 、 有 孤 獨 特 性 、 自 戀 。 人生信念 - 獨 處 也 不 錯 ， 凡 事 問 心 無 愧 就 好。 愛情 IQ - 55 分 愛情模式 - 愛 就 是 執 迷 不 悔 ！ 愛情速配對象 - 巨 石 星 、 巨 浪 星 、 火 炬 星 女 性 愛情歡喜冤家 - 地 牛 星 、 孤 木 星 女 性 我好想追究......究竟我個名係邊個同我改....... 另外.......我將一些女性朋友的名字測測....發覺她們全都不是我的"愛情速配對象"...... (-_-') 孤木男之稱號，非我莫屬。

今個月，一個人完成了很多工作。一切重上軌道。 由我負責的vpn & voip 開始完工，直至現在為止都未出現問題，希望到最後都順順利利啦。 早前上珠海，我好像令她很不開心似的......不過可能只是我多心，人家從未把我放在心上........ 開始參與二個project....希望可以做得好些吧....... 下星期二再上珠海，vpn & voip 埋尾，另外.....會有人來見工.....我interview......一個連工都無乜見過的人要去in人地，返而有點不知所措 -_-'' 鎖上孤心後，狀態開始會勇。 "一切在我計算之內" 的感覺很強。 逸華劍士要結婚，我們華仁的同學們只有二個做兄弟......人數也不是問題，問題是一些很要好的朋友也不在名單內............我們在他心目中的位置太低了吧......還是我們自己想得太高？ 我雖在名單內，但也可想像到當天的情況......靠邊站....... 不過，人家結婚，當然有人家的安排，不關事的人合作點便算吧，叫我去做兄弟便做吧，不叫我做便不做吧，反正不是我作主。可能，結婚那位都是不能作主呢。 大部份的事情開始settled....開始要安排債務重組。沒有錢，是不能報仇的。

搞左一大輪，終於都安頓好一些事和物。 上星期六，姨丈將他的車子給我，雖然轉名手續有阻滯，但現在總算settle down。多謝姨丈，和幫手處理保險事務的tracy。 三年多沒有駕駛MT車，感覺實在困難，要多多練習，到今天為止，雖然已經能駕馭，但和隨心所欲地駕駛還有一段距離。回想上星期六能夠由荃灣駛回長沙灣，算得上是本年的一個奇蹟！ 上星期一和?商的朋友gathering，今次有一位多年沒見的同學出席，去了海運食，好久沒去了，原來改變了很多，餐廳環境食物都不錯，算是一頓愉快的晚餐！ 星期三幫個小妹妹mix歌，其實只不過係cut and paste動作，不過都整左兩粒鐘，我第一次mix歌，效果唔錯！ 已經完全震壓著自己，應該不會再出現問題了。 未來幾星期將會好忙！真係有d重回地獄的感覺！唔緊要，返地獄好似返屋企咁，唔係點會叫地獄原居民？