右腳的痛，高手的路。

近呢幾個星期，右腳係前所未有咁痛，痛到行路行到Mark哥咁，令到果d成日想扮發哥既老青年非常之羨慕。(總是想起發哥食叉燒飯盒同埋李子雄丟d錢落地叫發哥攞去食lunch呢兩幕。)

因為突然咁痛，又唔知原因，咁咪係咁諗呢一排做過d乜會搞成咁，結果真係冇做過d乜野會整傷...
跟住諗下諗下，其實又好似係痛左好耐，只不過，對於肉體上既普通程度痛楚，我好多年前開始已經無視化。

對於突然痛到行路要跛下跛下，我心諗：
1. 三十一二歲就搞到咁，再老d點算呢？
2. 我仲可唔可以跑步呢？
3. 我仲可唔可以出side kick呢？
4. turning kick，back kick，front kick呢？
5. 我仲可唔可以用cut down呢？
6. 我仲可唔可以使出大飛四百四呢？
7. 我仲可唔可以使出中門噹噹踢來拆掉那些狗公的祠堂呢？
8. 我仲可唔可以使出噹噹加碎膝複腳二連撃來拆掉那些狗公中既XO的祠堂再摧毀其移動能力，以免它們再四圍害人呢？

看看，如果跛左，唔可以再伸張正義(及行使私刑)，大家話，影響係幾咁大呢？我就係越諗越覺得後果何其嚴重。

因為很擔心，而且人總有較弱既時候，咁我就在facebook個status度寫左「點先可以令隻右腳有番力同埋唔痛？」雖然建設性回應例如「試下自廢左腳， 咁隻右腳會明顯有力好多， 另外左腳o既痛亦會蓋過右腳o既痛,保証見效！」不過在我決定好究竟用咩方法自廢左腳之前，師兄就問我痛既詳情。

最後竟然發現我既徵狀師兄都曾經遇過，然後我回想一直以來我隻腳果d問題例如雖然行得走得踢得跳得，但係莫名其妙地容易攰，咁我就可以確定師兄講既野就係我遇到既問題，聽左解決方法之後即刻放心，而且呢幾日又突然冇咁痛，真係好。師兄仲話原來師父都係咁，嘩，根據我一直以來既思考法，會定義呢一樣野為「天下間所有高手的必經階段」，嗯，無錯，我應該已經差不多踏入高手的領域，噢~威啊！