復活假

復活節，我由星期五放到星期二，本來預了一至兩日做公司back log野，的而且確係好低能，但係真係唔夠時間做...不過，矛盾地，我真係完完全全地放假，冇乜做過公司野，除左send 幾個email同聽左幾個電話之外。

復活節第一日，去左大嶼山，先開車到東涌，之後去左大澳，燒尤魚很好食。
夜晚我自己返屋企食飯。

第二日，去左南丫島，食海鮮。海鮮很好食，不過都幾貴。但係放假出得黎玩，仲計咁多會好唔暢快。(因為成日有呢d生活理論，好難淨錢。)

第三日，應逸華劍士邀請，復出足球場...華之友(逸華劍士之朋友)都有去，一副搖滾樂手look...華之友...我地大大話話識左十年，但係我都唔知佢既真名，我諗佢都唔知我個真名...佢只係叫我做師兄...我地都係叫佢華之友，因為我地最喜愛呢類簡潔的稱謂！老輝的細佬叫輝之弟，溫志偉細佬叫溫之弟！cool！
成三年冇踼波，真係唔係咁得。俾d阿叔溠到暈，仲唔夠d阿叔跑！醜！

第四日，訓到中午，就去幫王子整電腦。

第五日，帶阿虎be去做絕子絕孫手術，由帶佢落街，到車佢途中，到了診所，佢都冇郁過，冇出過聲，我從來冇見過佢這一副死相！做完手術，當然所郁都唔得啦，不過，佢第二日就回復左大半，再之後我就見佢再次扎扎跳了！

除左做左呢d野之外，果幾日個腦仲間中諗左d平日冇乜時間諗既野，下期再講....