文章

歡送

六月開始,我會準時,甚至早D返工,事關,遲到龍虎榜長据龍頭位置的同事阿VENNI,唔做。 同時,SALES TEAM 的THOMAS也會離開。 為此,我們同事昨日舉行了一次唔OFFICIAL的歡送會,去唱K。 我一向與同事關係好好,雖然仲有少少咳,唱唔到幾句歌,我都照去。 果然,三首係極限。 不枉此行的是,準新郎阿RAI終於唱左一首我聽懂的廣東歌,一首我「聽得到」的韓文歌,同一首我聽唔到佢唱乜,但係表演精彩的英文歌,都算佢交足貨。 同事,要好好發展啦! 其實,昨日係我老闆生日,當然,我地都冇叫到佢,唔知佢知唔知? 今日返工,我見佢同逢人鬧咁滯....我係幸運果個,冇俾佢鬧,唔知係唔係因為佢尋日生日冇人同佢慶祝,覺得寂寞,需要發洩.... 我身為佢手下,都好應該係度講句,生日快樂。

完滿解決

一天都光晒。 明白就最好啦。咁仲有同事和朋友做。 只係用「戰步混綿掌」便可以令事情得到完滿解決,實在值得慶祝。 我對於自己今次處理呢件事的表現, 相當滿意 。 傷亡數字係零 。

寧缺勿錯

圖片
由於好朋友們都知道這兒其實並不是很有言論自由,唔係咁方便講野,他們有一些便私底下問我究竟發生左D乜野事同埋我做過D乜。了解左之後,佢地都一致認為我做得相當正確! 又由於我其實語文能力或者表達能力好「削」,而世人又總喜歡自己諗D「事實」出來,又唔好意思向我求證,一件可能冇發生過的事聽日有可能變成「真相」,我唔理你地有冇猜度過D乜,有幾點我應該清楚說明。 1. 整件事情根本未開始過。 2. 我在避免誤會的發生。 3. 我立場和態度相當清晰。 4. 我將殺傷力減至最低。 王子說:「罪大惡極...你傷害了一個少女的心... = =*」; 我回應:「我寧願做罪大惡極的壞人,也不要做一些明知會後悔的決定」 王子說:「你睇唔起人地」; 我回應:『我唔會虛偽地說:「我唔o岩佢!」,不過真的:「佢唔o岩我!」』 老實講,我唔係話覺得人家怎樣怎樣,也不是嫌棄什麼什麼(人家唔嫌棄我已經係個好人),只是唔係就唔係,冇得話怕傷害人地就接受,亦冇得試;我也不是一個有條件去揀擇的人,但一向原則是,「寧缺勿錯」。你話我太過小心又好點都好,日子已經唔係咁易過,我唔再惹麻煩,有時間應該好好利用,唔好在一些明知無結果的事上面浪費,我不介意廣結好友,而如果「真」的緣份來了,也會好好把握,不會之後後悔地唱「刻不容緩」。 當然,今次係唱王傑的「無悔今生」或者陳慧琳的「對不起不是你」。 據生肖書所講,今年馬年的人行桃花,單身的人會有機會搵到另一半,如果這次已經是今年唯一的機會,我可毫不介意及毫不後悔地等下一次,哪管再等十年二十年。再三強調,寧缺勿錯。

保重

有朋友病了,朋友,要保重啊。

三個必殺的選擇

如果,今次唔請佢食一打檸檬,他朝一日,佢食o既一定唔只係一打兩打檸檬咁簡單。 唔食檸檬,佢大概有以下的選擇: 一. 傲寒六訣最後一式, 冷刃冰心 。此乃聶風家傳刀法之中本是失傳的最後一式,後得聶風偶然於凌雲窟中石刻中得回失傳一式。 二.無量神掌最後一式, 無悔三震 。威力之大不容置疑,中此招者唔死都殘廢。據說此招極難練成,而且每用一次都大耗真元,縱使練成後一生人也只可用三次,用的時候需要無悔的決心,固稱無悔三震。如我真的要用的時候,真係我無悔,佢三震....講緊係棒球的─三震,出局。 三.大華專用殘酷一式, The Answer is No 。大華絕枝之一,全式沒有多餘動作,乾淨俐落,殺人不見血。我等宅心仁厚青年一致認為,如非必要,不應用此必殺一擊。 認真地說,如果我態度不夠明確,悲劇一定發生。

病假半天

我今朝其實好早起身,可以高姿態地唔遲到返公司,不過,我起身之後決定打一個電話,然後,再訓。 原因,我發覺我開唔到聲講野,喉嚨正在天火燎原,打電話俾司馬燕請假,已經消耗了我上午說話的所有credit。 訓醒起身沖個涼,已經好好多,咁當然要返工啦。下午做野其實可以好好精神的,我咁呆只不過因為我食左的西藥。都話食西藥唔好架啦!我個胃同個心臟都有少少痛,唔知我死得未呢?如果係就唔該拿拿聲。 咁o既狀態其實好應該放工即刻返屋企休息,但係我反而照原定安排同一位新朋友食飯,呢位朋友同我一樣讀恆商,不過低我幾屆,佢都叫我聲師兄。我其實今日轉數慢幾倍,唔可以長時間講野,結果勉強食左兩個鐘飯,但係都幾愉快。識多d呢種好有遠大目光同大志的朋友係一件好事。 聽日上珠海,應該好好處理好那件麻煩事。 多謝細個的關心,呢個妹還真比大果個乖得多。

有病

身體的病 值得興幸的是我冇感冒,還算清醒,不過,咳。咳也不是咳得很凶,只是,已不能說出一句超過十個字的句子。 別人的病 那一件事真的有難度,我真的曾想過搵公司管理層幫手,當然,預知能力達A Class(最高為S Class)的我,不用估都知道,呢件事如果抖出來,只會淪為公司本年度最強笑柄。 Server的病 經過一番研究,終於將公司伺服器一直存在的問題解決,特別鳴謝全球最大地產之一的IT部鼎力相助,雖然冇直接幫到解決問題,但是那熱心和不計較的態度,我是相當感激的。