不明不白，歷史就是這樣過去。

點都諗唔到，呢一種咁不明不白的感覺便晌十二年後再次感覺到。

今次竟然係同生意有關。

早半年，舊同事（男）跟他女友情侶二人，找我合作到深圳開畫室。他女友，下稱Y小姐，來自北京，從前是撈得很掂的，在二環有多間物業，只是後來被人騙了，人脈很廣交遊廣闊；我先是婉拒，因為即使深圳那邊商機有多好，我也分身乏術的，一個人走兩個地方安排是挺考功夫的。但他們力邀，我跟他們看過一次地方，過兩天他們已把地方租下了。我心想，既然那麼有心，便當發展一下中國內地市場吧。

經過了一輪籌備，畫室就在6月尾開了（就是老爸過身其間啦），而不幸地，一直收生情況也不好，畫室第一個學生，亦是唯一一個學生，是暑期班招的，我也在暑假其間，用三個星期上8堂的密度，給他完成了一個暑期藝術課程。

深圳那邊除了正路地找小朋友生意外，亦有意開拓其他相關業務，例如．．．手繪牆畫，這個我也讚成的，雖然佢地冇問過我．．．而他們很快便接洽了一單回來。客戶是他們的朋友，在深圳一個叫花卉世界的地方開一間書舍加咖啡室，由於我們沒做過，就收相宜一點的價錢，而他們會幫我們宣傳一下業務balbalbal~~而所謂相宜一點的價錢，就是中國五千年文化的其一，封利是．．．利是即是多少？我不知道，反正有人跟我說不會太過份的．．．是什麼意思？我也是不知道，做慣打工仔，我們思維是，先做好份內事才是王道。
做了三年畫室，全職也一年了，你說留著這種思考模式戇鳩不戇鳩？？

工程於8月中開始（就是那十九暑期班落堂後過去起稿了），加起來用了三四個小時啦．．．但我8月尾要外遊，所以正式開始是9月初。

而於我起稿其他有預計工作其間將會遇到的困難，而我也要求客戶那邊幫我安排，也跟拍檔交待一聲希望在我離開其間幫忙跟進，但我跟她報告的時候（真的是報告啦！），她說她在病，遲些再說，噢，那也沒辦法了，反正我寫了EMAIL給各人，他們懂處理吧，大家又不是打工的小弟．．．

回來後，看看我工作的道具準備好沒有？？當然是有準備，但不是我想要的東西．．．先交待一下．．．主要那幅牆畫四米高八米闊，四米高喎，我沒有六尺高啦好不好，最高的位置擔梯也不是容易畫到的，而且，我不是油牆，是畫畫，所以我之前要求的是梯兩把，加一塊木板，搭成一個簡單的台，至少可以走幾步距離，也可放些顏料，不用擒高擒低浪費時間和體力。
而最後我得到的，是一台唔知七尺定八尺的梯了，反正擒到最高都冇用．．．同埋，擒唔到最高㗎嘛．．．我開頭擒咁高仲好撚驚添～～

無論如何，工具唔啱都要開工，咁咪做做做連做咗成個星期終於主要果幅牆都完成咗了，跟住就輪到細少少果幅牆，要畫一個兩米 X 兩米的；心諗，咁大幅都係一個星期左右搞掂，而咁細最多咪兩至三日～其實真係最後頭頭尾尾三至四日，因為中間有中秋節（中秋果日諗起都仲嬲嬲地）同埋十一黃X週的關係，我係十月第二個星期完成了。

完成日當日，我梗係問下客人錢怎樣俾我？是過數定依家俾？佢話會同我傾喎，OK～咁夜媽媽梗係走人先啦，同埋都預咗搵阿partner幫我跟。

如是者過了一段時間，咁梗係問下啲錢收到沒有啦。撞啱約咗大家上去深圳阿partner屋企食什麼大閘蟹，其實我一點都不喜歡食的，上到去又問下啦，點撚知佢仲話返我轉頭喎，話個客依家投訴我喎，又話我好唔上去同佢條女開會傾下畫室以後點搞喎，屌那星仲惡過我喎，我問佢，喂，個客投訴咩呀，嘩，話我拖佢期喎，我心諗，deadline都冇，點拖期呀？？我又唔係斷日收錢，拖期托呀？無論如何，聽口氣即係唔會收到的，唉，又無心情嗌交，先回香港。

返香港我直接搵佢條女問下，問了第三日終於肯回應，話冇事，遲啲話我知，噢，又即係耍住我先，呢筆錢，打定輸數好了。然後⋯⋯

過了一個星期，阿partner whatsapp我叫我上去深圳畫室執走啲材料返香港用，深圳呢邊唔搞了。吓⋯⋯雖然，上面唔搞對我來講是好事一件，但係我似我話晒都係搞手之一喎，一聲不晌決定咗，基本上俾你老闆炒感覺更惡劣。算了，反正已成定局，我都唔晌呢啲地方糾纏了。本來已經諗緊安排幾時上去搞，但係佢過兩日就叫我快啲，話佢同條女要分手了。

老實講，真係火都黎，生意還生意，感情生活理論上係分開的，關鬼生意事，依家我又白做，仲要受佢啲餘波影響，真係好想發作，但諗到佢心情可能都很差，又攞咗幾萬蚊出來蝕，可能都好傷，我先冇計較，再講我唔知佢背後有咩苦衷，總之少譠嘢煩就算了。

成件事上，最不爽係成件事冇人同我交待過發生咗咩事，果種感覺就即係12年前發生嘅事件一樣，有人老編個完整少少嘅故事都好吖，偏偏原來我係好呃到連編故仔都費鳩事的。

多謝晒。