銀行排隊狂想

銀行無日無之，都充滿咗排隊嘅人。

今日因為要搞取消某幾條自動轉賬，迫於無奈要去跟隊，一排就排咗我成四十五分鐘，用盡了我這個月排隊的quota，我都算慷慨。

其間胡思亂想，如果入來打劫都要排咁耐隊，咁做賊也是要很有耐性的，當然，我馬上恥笑自己，打劫點會慢慢排隊咁痴線？入唻大叫打劫應該是很傳統的做法。

而繼而聯想到如果想啲跟隊人突然走晒，咁入唻大叫打劫會唔會係一個好主意？

叫完行埋去然後話其實我係想存錢入呢個ACCOUNT吖唔該～

又諗諗下，點解近年好似少咗呢類銀行劫案嘅新聞嘅？

嗯．．．個社會一定係有好多勾當好過去搶的了．．．不如一齊諗下：

﹣ 做地產：做地產都要睇下係邊個位，依家做地產代理肯定就仆硬街了，不過之前搵搵埋埋咁多，我也不方便可憐佢地了。人

﹣ 開幼維園：其實我都唔知幼稚園生意係咪真係咁好做，但係你又見佢啲收費真係好超現實，茶點錢可能夠我一個月去返一兩次intercon食buffet...其實根據我依家嘅生活水平，係夠我食飯（早午晚）一個月了。

﹣ 做公營交通：地鐵，九巴，新巴乜都好啦，依家搭車真係好很貴，可加可減但永遠都唔會有理由減俾你㗎嘞，你吹得我脹咩機制實在太無敵了～我幾時先可以踩單車代步？

我諗咗好多好貴但生意還不錯的生意，但計落佢地可能賺賺埋埋都係夠交租和俾人工，可能佢地某程度上都係被洗劫的人。嗯，其實我中都唔得閒諗佢地係咪值得可憐的一群，我連自身都難保。

呀，差啲漏咗其中一個大劫匪：銀行，佢本身就係大賊頭啦，來存錢都分分鐘收返你手續費呀屌，有啲戶口冇transcation 又收，但仲係多多人去排隊上繳呀，好恐怖呀個社會。