文章

住醫院(一)

依家十一月尾,三個月前,小弟經歷人生第一次接近死亡邊緣的情況。 本年八月二十一日,星期日,中午起床驟覺右邊手腳麻痺,這情況間中發生,多數因為壓著半邊身睡覺,心想過一陣應該沒事,然後照常出畫室上了下午的課,由於麻感一直消散,以及影響著我走路和手部運動,例如畫畫等動作,我問了問一個做中醫的學生,他建議到醫院檢查一下,有機會是中風!!?當日我沒想到那麼嚴重,只是心想買了自願醫保可以CLAIM 下,順道在醫院休息數天。 想先回家跟娘親說一聲才到醫院,巧合黃經理來找我吃晚飯,跟他說了情況便跟他吃個晚飯然後他便護送我回家,想不到這個晚飯竟是到目前為止最後跟黃經理吃的晚飯。 (未完待續)

2020年寫一下

圖片
 沒有更新下這個網誌很久,不如寫一下: - 2020年不知不覺已經來到9月,香港的情況越來越差; - 差的是整個港共政府,死差佬,議會代議士,仲有香港人......; - 政制方面不要存有希望,經濟一直也不健康,所謂疫情都是被人撚化的; - 有些朋友已經離開香港了,快到呢....... - 畫室呢年來都清閑了很多......生活全靠有份穩定受薪工作...... - 這份工作已經做了5年多...... - 是份很輕鬆的工,薪金不算很高但總算夠用,只要不揮霍; - 如果生活習慣好一點自律一點還應該可以好好善用時間; - 不過好像沒什麼動力呢......... (下回再寫.......)

你的名字 Kimi no na wa

圖片
隔咗咁耐,終於睇咗呢套早輪大熱的新海誠作品。 簡單劇情:男女主角發現自己間中發夢變咗另一個人生活,實情係兩個唔知點解間中交換了靈魂(!?),互換時大家代替對方打工,媾女,織繩(女主角係地方神社家族族人,而繩在故事有特別意義),直至某天再沒有互換,而男主角憑佢記憶畫的畫找到女主角生活的地方,發覺原來一切事都是扣扣相連...... 有睇部份新海誠之前的作品,都是滲透著超寂寞的感覺,直到故事結束;但你的名字居然故事中已有不少輕鬆的情節,而且居然是Happy Ending,其實臨結局前一段仍是覺得又是擦身而過,然後心想做新海誠作品的男女主角真係慘,好彩最後所有角色都有好結局。 畫面跟前作比較更加悅目,故事吸引了,輕鬆了,沒有了那種命犯天煞孤,無伴終老,孤獨一生的感覺,係好睇的。 IMDB: http://www.imdb.com/title/tt5311514/ #你的名字 #yourname #kiminonawa #新海誠

47 Meters Down

圖片
幫朋友訂碟訂的片,自己睇咗先至俾佢...... 劇情交待:蠢姐妹去墨西哥旅行,膽生毛地跟當地麻甩佬去近距離睇鯊魚,結果成個鐵籠跌落47米深,海底黑媽媽,氧氣又快用晒,仲有鯊魚添,點算好呢? 後感:睇完覺得其實坐定定等人救其實生存機會應是最大,劇情安排既情況未至於造成咁大危機,不過算啦,唔好駁故;而唔駁故的情況下,娛樂性不算太豐富,女主角姐妹演的蠢過隻豬姐妹花很入型入格,完全感受到果種令人生厭的白痴性格和行為。 鯊魚反而很少出場,可能片酬有限。 IIMDB: http://www.imdb.com/title/tt2932536/?ref_=rvi_tt

旅遊

去年年尾,買了一套兩個來回行程的機票,可一段時間選兩個地方,所以今年前半年已在四月及六月走了兩轉。 四月去東京,六月去沖繩。 而去年六月去過大阪,十二月台北。 再上年去過美國參加朋友婚禮。 去來去去都係呢啲地方。 來緊嘅wishlist: -- 巴黎 (因為之前去香港果個羅浮宮展覽) -- 德國 -- 英國 -- 青島 -- 冰島 -- 北海道 差不多,暫時係咁。

Shut In (冰鎮房客)

圖片
Shut In (冰鎮房客) 集合所有驚慄片元素,心理醫生女人仔加行動不便繼子,住偏遠地區,有一日佢一個病人(小朋友)响佢屋企失蹤後,由不安到開始疑神疑鬼,再適逢暴風雪來臨,可怖(可笑)事件發生! 套戲個戲本...睇咗半個鐘就可以斷定很九流....雖然很故弄玄虛但很易一眼看穿,倒是有一個位係俾佢嚇一嚇,用的是典型的配樂加突如其來的聲效,係囉,其實要被嚇也是很簡單的。但成套戲故事很一般,說來說去也不覺得入正題,原來已經入了......從個小朋友病人突然唔見咗,到阿女人仔主角成日發惡夢(或其實係現實),都唔覺得舖排咗啲乜,突然呢就到咗暴風雪,突然呢幕後黑手就出,綁起咗阿女人仔,呢一刻,所有所謂迷團已經解開晒了,而黑手就走咗去捉小朋友了;雖然綁女人仔綁得好鬆,鬆到睇緊戲果個都覺得可以輕鬆地一邊飲杯凍奶茶一邊解結都得,但個女主角要用好好笑的方法解困,真係落力。 之後,大家响間屋度走來走去,再追出屋外,然後黑手就被幹掉了~~ 黑手係邊個?唔知點解,我睇到女人仔醫生攞佢個繼子條頸巾同冷帽俾個病人小朋友戴,我就估到成套戲劇情同個結局了!好彩套戲個半鐘咋屌~~ IMDB: http://www.imdb.com/title/tt2582500/ #shut_in #movie

Blade Runner

圖片
搵隻陳年科幻片睇,夏里遜福福伯演出的Blade Runner。 82年科幻片Blade Runner , 翻查資料香港當年譯作2020,劇情簡單到不得了,21世紀的未來充斥著被科學家開發的複製人去處理危險的工作,而因某些限制,複製人只有四年壽命,而故事有四個複製人偷咗隻太空船返地球,去搵發明佢地的創造者,希望可以延長壽命,而福伯就係奉命去阻殺佢地的殺手。 此片被喻為百年經典,個人覺得應該係佢拍得氣氛很出色,場景很精緻,未來感重得來又很能表現出城市的墮落感。場景很有日本色彩,可能因為80年代的日本是科技走在世界最前。 劇情沒什麼好話了,簡單直線劇情而又感覺上有點無謂,而探討的主題以現今來看是很落伍,例如製造複製人的道德問題,複製人感情之類;當然,35年前這些話題是前衛的,而且以35年前的拍攝技術,拍出這些畫面和氣氛,是超強的。 IMDB: http://www.imdb.com/title/tt0083658/

一部沒人想看的日本電影:異常

異常呢部電影,我睇之前是對佢完全唔認識,我連有買呢隻碟的印象都冇,但從放碟個箱仔見到佢,但又唔知咩戲,,所以放來睇!結果,出事了。 又用一句句子簡述戲情:變態醫生捉了一對男女來虐待來滿足自己。 簡潔吧!而中間畫面恐怖到一個位是讓我用快鏡飛過便算,但也不影響我理解劇情;雖然我也沒興趣理解情節,但他真的沒什麼情節可言便是了。 有網誌詳細描述情節,當然也有些評論,有興趣可參觀一下: http://alexyoyoyo.pixnet.net/blog/post/28584573-%E7%A0%8D%E9%9B%BB%E5%BD%B1%23%E6%B2%92%E6%9C%89%E4%BA%BA%E6%83%B3%E7%9C%8B%E7%9A%84%E8%B6%85%E8%A1%80%E8%85%A5%E6%97%A5%E6%9C%AC%E5%A5%AA%E9%AD%82%E9%8B%B8%E4%B9%8B%E3%80%90 喜歡他那一句:為什麼我會把劇情詳細描述? 因為根本沒有人想看吧! 我是同意的。 睇咗呢部戲純屬意外,現在我仍很困惑我是邊一次買碟買回來,還是賣家執錯碟? 好彩睇完仲瞓得著咋~~

行路

最近晌IPhone Download 咗個Apps叫 Moves. 基本上佢係歩數機,記錄你一日行咗幾多步,行咗幾耐幾遠,消耗幾多卡路里。 用咗一個星期,發覺原來一般人一日應該唔行得幾多路,以我來講,如果每日返工放工返畫室返屋企,計埋中午食飯,可能只會係4-5千步。然後我專登搵多啲機會行下路,咁我就放工時唔去搭巴士了,我由公司行路過灣仔,搭天星小輪,然後尖沙咀行返畫室,咁就可以每日行到一萬步以上,咁其實都唔係行咗好多。 佢仲有一個好邪惡嘅功能,佢會keep track 住你每天活動路線,唔知呢啲資料會唔會被利用。 https://itunes.apple.com/us/app/moves/id509204969?mt=8

編劇王

一連寫了多篇不倫不類的電影介紹,太簡單的劇情簡介,沒內容的感想(甚至冇),其實只係想記錄低自己果排睇過啲乜嘢戲,同埋想寫下字。開頭想練習盡量用一句句字總括了故事大要,覺得會了解編故事的技巧。 最近有漫畫人好友常來畫室寫稿,整3D Model之類同創作有關的東西,也會分享一下編寫漫畫,編故仔的東西,大量交換大家睇過的電影電視劇漫畫的見解和心得。 坊間其實有大量資源教你編故仔,之前有篇文講寫故,早前又晌書局見到有本書講編劇,買了來睇,就睇下會唔會開始寫到啲嘢出來~~~

言の葉の庭

圖片
新海誠作品。 短短40分鐘故仔,故事講述學生哥每逢雨天總會逃學到一個庭園避雨而遇到一個靚女姐姐,漸生情愫,而靚女姐姐郤是另有身份和故事。 幽幽的氣氛,畫面悅目舒服的。 IMDB: http://www.imdb.com/title/tt2591814/

High Rise

圖片
Loki (對不起我一直都是咁認佢) 主演的電影。 故事講述中產階級醫生主角入住一楝大廈所見的所經歷的。 主要是以大廈來比喻現今社會的問題就是了。可惜劇情混亂,某些想探討的不夠深刻,浪費原著小說,劇本,演員。 IMDB: http://www.imdb.com/title/tt0462335/ #邪神 #Loki #   Tom Hiddleston #highrise

Dr. Strange

圖片
不可一世的天才醫生,一次交通意外導致隻手不再靈活,苦無辦法下到了尼泊爾 (漫畫版係西藏) 尋找高人,機緣下學得一身本領及捲入門派糾紛和解救世界危機。  一貫Marval 劇情公式,加少少佛學道理。好睇的。 IMDB: http://www.imdb.com/title/tt1211837/

Nerve 極限挑機

圖片
主角因玩手機線上遊戲而捲入一連串風波。 戲中側寫現今網上文化風氣,連帶講下網上私隱,Deep Web等相關問題。 可以一睇。 IMDB: http://www.imdb.com/title/tt3531824/

Helix 螺旋效應

圖片
老老實實,睇完真係一頭霧水,又唔知佢想表達啲乜。 戲一開始講未來城市分成兩區,一個冇王管,所以好多罪案,下等人區;一個有管理,安全,上等人區。一個在下等人區的警察有一日撞破咗一件案件發生,而因為咁而無厘頭地升職到上等人區,而其實班警察係亂拉人而造成一單冤獄 ( 好似係 !) 實情係幕後有人想佢唔好留係下等人區最追查單案,而且成單嘢政府幕後有份的,中間發生所有過情,我依家已經組織唔到,套戲太深了,我埋解唔到呀。總之主角最後冇事,但幕後黑手俾人揭發之後都唔見得有咩後果。 之前幾套戲可以用一句來總括個故仔,呢套唔得,寫咗幾行字都交待唔到啲乜,我太失敗了。 #感覺浪費了時間 IMDB: http://www.imdb.com/title/tt1764355/

Snowden 斯諾登風暴

2013年斯諾登事件,真人真事,新聞紀事電影。 IMDB: http://www.imdb.com/title/tt3774114/

The Langoliers 時空裂縫/蘭戈利爾人

圖片
飛機乘客途中睡醒發覺全機只剩下幾個其他乘客,其他人消失得無影無踪。 IMDB: http://www.imdb.com/title/tt0112040/

Backtrack

圖片
開頭以為係心理懸疑片,睇落去原來係典型鬼搵你翻案片。 IMDB: http://www.imdb.com/title/tt2784936/ #電影欣賞 #一句句字故事重點

講故

早時有漫畫界朋友跟我討論有關編故事的事情,令我想起中學某年級的作文堂,老師教過一些諗故事的方法;繼而令我諗起,果段時間我作過一個所謂武俠小說 ( 當然唔入流 ),印像中我仲留起細個嗰時的那份作品,仲有其他雙週記呀諸如此類的垃圾文字。 早兩日,整理書櫃時,就搵到舊時的作文,連小學時的週記都有。 翻睇自己細個時的文字,發覺其實都唔太差喎,比較喜歡寫幻想類題材,例如有條題目係「與歷史人物相遇」;唔知係咪依家諗嘢顧慮比較多,可能會諗好多合理性,或者想諗得複雜啲,相比細個時,佈局點樣相遇係完全唔駛佈局,歷史人到門口噤鐘仔就得,好快入正題,可能細個趕住作完文去玩吧........ 而且以前好鍾意用對話形式行文,可能以前睇好多小說,都用得唔太死板架。用對話的好處,用多啲原稿紙,好似作多好多咁,自己同自己對話,好毒撚Feel。 我成日有零零碎碎的故事片段,想晌高登講故台開Post,可惜開唔到高登A/C....唔係名正言順高登仔。  

天趣藝軒10週年展覧 - 《拾趣・承傳》天趣藝軒創會十週年暨鞍山礦村甲子情書畫展

圖片
《天趣藝軒》一個為了凝聚新一代藝術愛好者而成立的畫會,開始時會員主要是春風書畫藝術中心的學生,後來Art Fete成立後,部份學生也加入為會員了。而天趣不知不覺,已經成立了10個寒暑。 今次10週年的畫展,除了見證及記念10週年,也希望作些特別意義的事。去年中,馬鞍山礦村活化工程第一期完成之時,把舊原居民連絡起來,緣份使然,天趣藝軒永遠會長廖鳳嬌女士,她童年就在鞍山讀小學和生活,所以忽發奇想,藉10週年畫展,配合鞍山活化工程,與信義會合作,把畫展主題定於表達鞍山風貌。並希望在展覧其間把作品義賣,收益將撥作活化工程第二期經費。 希望大家能撥冗𦲷臨參觀,在觀賞會員們的作品之餘,關注香港其中的保育計劃。 天趣藝軒會長  Art Fete 負責人 李緯綸