文章

顯示從 5月, 2006 起發佈的文章

七道難題

是細個點我名的!終於有點時間答了! 1.對傳這份卷給你的人的印象?[5個] 善良,純真,可愛,古靈精怪,還有....有些時候猜不到她在想什麼!! 2.你覺得周圍的人認為你是怎樣的人?[5個] 心地好....複雜 3. 喜歡的個性是?[5個] 善良,大方,爽直,簡單,隨和 4. 相反的討厭的個性是?[5個] 黑心,自私自利,損人而不利己,婆媽,斤斤計較 5.自己想成為的理想類型 .......全天候全能型!!?? 6.給關心自己、喜歡自己的人大喊一句吧 大家心照不宣! 7.那麼,那把這份問卷傳給你最Like既8個人 ..........難!

感冒

我諗感冒最辛苦唔係周身骨痛,唔係不停打嘿chi,唔係不停流眼水,唔係不停流鼻水。

Mui Mui & Bubble

圖片
每逢家姐同姐夫一同外遊,我都要去佢地屋企照顧佢地兩隻狗女,所以,一年總有三至四次機會做陪mui mui同bubble幾日。 尋晚,上到去家姐屋企,去探下兩隻好耐冇見既狗狗。點知一入屋,就頭暈了,成間屋好似個災區咁,滿目瘡痍,仲有兩灘野o向地下,其實都唔緊要,?左佢好簡單,但係,成地都係報紙碎,就真係麻煩! 我諗,係因為佢地兩個感覺到自己又被扔下,所以發下小姐脾氣,唉.....算啦....如果唔係見佢地一副知錯既樣,我清理地方時佢地連食飯都唔敢食,我真係想打佢地一鑊!

市價

終於,接近市價!

我的長期居留生活

上左珠海咁多日,理應講下我的長期居留生活,其實又冇乜特別,大部份時間都在工作。 頭幾日是vendor上去做野,裝線裝機,都算順利吧,應該說,有問題都在預多了的時間內解決了,證明凡事留番丁點空間俾自己俾別人走位就對極了! 科技園對面開了一間新的酒樓,和上手比較,裝修完全唔同晒,好有氣派,原來係香港人開的,唔怪之得......那晚食一餐飯,那些經理,部長什麼的,輪流來我們的?坐下來吹水,結果食三個?都食左幾粒鐘..... 整個搬遷行動很順利便完成了,點先至算順利?兩位老闆沒有發脾四便算順利了! 星期日晚完成後,老闆先回港,在那令人鼓舞的時候,我反而獨自渡過。 看了一整個星期的花樣中年,雖然我仲未到中年,而那套戲又幾胡鬧,但係那星期有場戲真的令我幾戚戚然...... 還有一件事幾值得講下的,公司決定招聘一個美工(即是做d美術野),好自然呢個職位由我來interview....Winnie給了兩個應徵者..... 一個叫做.....吳太恆,一個年近四張的.......阿姨.... 一個叫做張秀英....唯一一個我in完之後仲記得佢個名既人,唔只....我仲記得佢阿哥個名...叫張國榮.... 吳前輩,工作經驗豐富,可惜,我係請美工,經驗唔重要,做d野出黎靚唔靚最緊要......雖然佢大至大型產品廣告,小至整個icon仔都做過,可惜,我自問我呢個唔專業既人做出來既設計,都好過佢十九幾年經驗....sorry,我事實上真係唔係以貌取人,不過吳大恆真係由個樣到做美工都係「唔太行」,真係唔好意思。 張小姐,十八廿二,一副入世未深,你真係唔忍心傷害佢的樣子....做出來既design又fresh d,潮流d,真係完全冇考慮餘地。一個天堂,一個地獄,你會點揀? 我點可以請一個由內到外都會打擊同事士氣既人返來?今次請呢個女仔返來,我估有好多同事會做d返工,做野仲會好勤快!

房間

其實回家已經兩天多,今晚才真正回到自己的房間。 家姐星期一腿受傷了,星期二,三要在我家休息(她家要走一條長樓梯),我讓出了我的房間。 今天她要回家去了。 做了兩晚廳長,今晚可以回房了。 家姐早日康復吧。

大功告成

大致上,整個遷都行動已經結束。 沒有甚麼問題,老闆亦已在一小時前離開回港。 各同事亦已回家過節(母親節)。 成個office終於得番我一個人。 現在要諗下今晚食乜同點過。 書於新office- 19:48 14/05/2006

計謀發動

仲有個零鐘,就會正式開始遷都行動。 計謀舖排左咁耐,終於見到成果!

戰前準備

下個星期六日就是珠海搬office的日子,我明天開始就要上珠海去準備,今次會留一個星期多,下星期二才回家。想起來,好像很久也沒有離家這麼久了。因為今次離開特別耐,所以要準備的東西都很多。 1. 睇左MI3,費事返到落黎過晒氣。 2. 買左個輕便的袋,以便我可以將貴重野留在身邊,又可以走上走落。 3. 日用品也不能像過一夜的時候...一點準備也沒有,至少,剃鬚刀都要帶把吧,總不能一個星期唔剃鬚的...你知啦,儀容幾重要啦,尤其我呢d唔生得唔英俊的,更加要乾乾淨淨。 4. 虎be就快食晒d糧,今日一定要補充番d糧草。 5. 上次入白泥影相,燒左D相落CD,上去之前要俾人。 6. 衫都要執多幾件。 7. send了mail俾一些人。 唔知點解,其實話上得耐也不過八九日,但係就好似要交待晒D身後事咁.... 剛剛才收拾好行裝。好累啊! 希望順順利利回來! 今次條計謀至今仍然相當完美,希望OK啦!

IMG_3332

圖片
IMG_3332 Originally uploaded by 火 . This is testing with flickr!!

以和為貴

近來好似又多番d戲睇... 黑社會以和為貴,M:I:3,X-Men3,聞西密碼,Silent Hill....我睇戲d taste真係好cheap呢.... 首先睇左以和為貴,佢上集咁緊湊,不過都算ok...最唔應該就係迫左娜姐陪我,四爺,同龍爺去睇呢套佢冇乜興趣既戲,仲搞到要取消韓燒的安排。真係辛苦晒阿娜姐!

夏水禮

五一勞動節,我都未訓醒,廖老師就打電話來叫我起身陪佢飲茶灌水。跟住我就返屋企,諗住執下間房,返到屋企覺得好鬼死熱,見外面又鬼死咁好太陽,心血來潮,立即執野去游水。 由我屋企去到泳池跳落水開始游,真係十分鐘都唔駛,真係相當方便快捷。我一落水就non-stop游左卅個直池,跟住上水沖身返屋企,前後用左一粒鐘,幾咁分秒必爭! 就係咁就為今年夏天舉行左個下水禮。其實呢個只不過係上半場。我同廖老師講我去左游水,佢話我應該朝朝早早d起身游完水先返工。咁我第二朝又真係晨咁早就起身non-stop左15個直池。 但係唔知點解,成年冇游水,一游就咁樣,而且夜晚仲照舊跑步,但係第二日都完全冇"支力"既感覺,身體係咪好得咁緊要? 阿四爺當日在我游緊水途中都打過電話俾我想話叫我去跑步,仲話應該叫埋佢一齊游,一來其實我去游水好即興,二來同我去泳池游水就等於一個人去,因為我去泳池就只會唔停咁游,同行人仕會相當沒趣。當然,去海灘另計。

人人搬屋好

從情人節到母親節的那個遷移下屋搬上屋項目,將於13,14號完成。 3,4,8,9,12,13,14,15,16,都會在珠海。 負責左咁耐,都唔算有乜野鑊,都算係咁,唔好臨天光賴尿就得喇! 就快可以做搬屋搬廠搬寫字樓既profession!

角色

當日25日那突然其來的電話,都幾令我手足無措。 最後問我的那條問題,和那略帶命令的語氣,是以令我困惑到現在。 可知道,這世上有權問我這問題的,只有一個角色。

復活假(續)

上次講話復活節假期間諗起一些平時唔會有時間諗既野... 是的,就在我和朋友們吃喝玩樂期間,放心,在和朋友玩樂時我是全心全地地享受,不會分心的,想起那些事情的時間,通常都是搭車搭船時。 想起了,離上次那件事已經5年多了,人家已經離離合合過,現在還成了婚,看看自己,好聽d,叫做個file好乾淨,事實上,即係交白卷。以我呢個一d都唔廣闊既交際圈子來講,呢幾年可以識到多幾個朋友,其實都真係唔算少,有d朋友,我都會諗下會唔會唔只係朋友。 我有問自己其實係咪乜野都冇做過,我覺得我都叫表示過,不過,我分析過自己,有d野我現在係唔會做的,唔知果d係咪原因... 其中一樣係好多男仔間中都會用的,叫做「扮可憐」。我記得當年事情發生後一段時間,應華記同學到了太子運動場道的人造草踢波,我唔係好明點解會有人做草既出現,因為我唔覺得佢高級d,又唔會俾石場好好多,總之,我當日當個場係真草場,好鬼英勇咁使出「奪命鏟」,結果我真係鏟走個波既同時,我成條左腳小腿都損晒,流晒蚊飯,要成幾個星期先至叫做好番,到今日為止我都仲見到果一忽皮係唔同d,果一排,我真係想將呢件事講俾佢聽(我都唔記得最後有冇講了),心理上可能係渴求半點關懷,後來我發覺,抱住呢種想法既男人係何其幼稚......上兩個星期果場復出賽,我又因為奪命鏟而整損左隻腳,令我諗番之前件事,發覺我呢幾年都冇晒呢種心理,最弊我再發覺,「扮可憐」可能根本就唔幼稚,其實係其中一種很有效果的手段,可惜我已經不屑去用。 另一樣我唔會用既係「死纏爛打」,原因係乜我都唔知...總之我一覺得唔得就離場,冇反應就走。可能呢d都無誠意......不過我可能覺得呢d叫唔好打擾人。 我唔知係咪因為咁所以交白卷,我也不知道為什麼會突然諗呢d無聊野...