燎原誌

從前，有時會記一些朋友之間的瑣碎事，其中比較有趣的有小勤勤。 小勤勤，是個一臉傻氣的少男(當年)，典型耿直得來很固執，會讓人頂佢唔順而且有時甚至會覺得火都黎的人物。 從前有一編對他著墨比較多的： http://liuyuen4.blogspot.hk/2005/04/blog-post_111385291214704293.html 補充一下，當年我們一眾獨男那些男人心對話是本人駕車到老遠遊車河時發生的，而那次小勤勤在大家一起上車出發，關車門時，做了一件我到現在還瀝瀝在目的事情。話說當時車泊了在路邊，行人路石肩比較高，而我家車子給我家小弟弄得比一般低，雖然我的不是跑車，而我也不覺得load低車身掟彎時是不是會穩定一點，總之，情況就是這樣，而大家一行五人連小勤勤上了車後，因重量關係車身更加貼近地面，留意當時車門打開那邊時行人路的那邊，上車後車門底邊差不多已貼近行人路的地面了，而小勤勤作為後座近行人路那邊的乘客，兼負起關門的情況，在大家發現車門貼著地面時，他還以九牛二虎之力企圖強行把門關上，當年車門與地面磨擦的聲音，我到寫這文的一刻還仿如現場一樣，毛管也恫起來了，真可怕的經歷。 小勤勤，就是這樣明知不可為而為知，不顧一切要做到的人。(當然是他要有信心做的事，很多時他是很膽小的。) 今天，當年那個沒事煩找事煩，自我幻想人生煩惱的小勤勤要結婚了。這幾年很少見面，只是有時會在茶餐廳見到他跟師父和師兄弟們食宵夜，突然他說要結婚，感覺有些兀然。這個年紀只比我小數年的鄰居，師兄弟，總是一幅不吃人間煙火的朋友，總是給我們取笑的對象，今天成家立室了。 祝他以後也抱著同樣耿直的性格，簡單地過他的人生。 --------------------------------------------------------------------------- 看著身邊朋友，甚至那些由很小就跟我學畫的學生，一個一個踏入人生另一階段，升學，畢業，就業，升職，結婚，生兒育女，而我回看自己這十多年，還是有原地踏步的感覺，有時真的很懷疑自己這些年來做過些什麼來，很沒成就感。 即使自我安慰地跟自己說我也有自己的畫室，只是還要些時間來發展，但我就覺得不應這麼慢。知道的，還不是一步步踏實地走下去吧。

做生意係冇得讀的，亦唔係見人做就晌旁邊睇下就可以學得識的，基本一買一賣，穩穩當當的事，也可以蝕做的，我也算是蠢材一名。 除了畫室生意之外，間然中都有個舊同事會refer一啲同電腦有關嘅生意俾我，例如幫下啲比較小型公司做下help desk呀，報下hardware咁...其實唔多，亦唔會好好賺，不過有都可以做下，間中多一千幾百收下也是好的。 話說之前客人要報一本手提電腦，我先找到供應報了價，到後來客人真的要時，我先發覺供應原先Windows版本是比較低級的，而我報給客人的價錢已包了高級的版本...此乃其一之誤，而客人同時也要一個MS Office，我報了價後，又發覺從供應那裡報的版本並不包括Outlook... 而客人已簽回那報價...... 結果連微利也賺不到，還好蝕不入肉...... 特此為記，以後做嘢要好小心好小心，蝕本生意不能做。 以前，仲有人出糧俾我時，呢一千幾百唔會覺得好傷，依家即使幾百蚊，已經有好痛的感覺，可能呢個係其中一個轉做全職自僱的其中一個好處。

辭職去南極 https://www.facebook.com/GirlyWayToAntarctica 我好鬼鍾意睇呢一類嘅故事，而且係真人真事。根據作者自己講： 八十後失業會計師一個人去南極旅行, 途經英國和阿根廷。 旅行經歷精不精彩不重要，當然我都好有興趣睇下人地去旅行的所見所聞，但我先欣賞果種擺脫現有既定城市生活模式價值觀的勇氣（雖然要做某些事仍然是先要有舊錢先至做得到）。

即使我份人係幾咁「決定咗就唔後悔」，對於我當日決定辭咗份工，全職做畫室呢個決定，我唔多唔少會諗，其實係咪太衝動呢？ 其實回望返呢幾年，自從第一次轉工之後，跟住個份被神經上司「迫」走後，生活一啲都冇改善過之餘仲越來越慘情，個人迫於無奈地越來越慳，打工時人工眼見好似好耐都上唔返去以前嘅水平，日日夜夜做埋啲無謂工作，到轉返份IT工，人工追不上工作量和工作質素和成果。 畫室運行了兩年多，有一些比較穩定的學生，那才毅然完全放棄受薪，其實那時候應該先分析畫室現金流的狀況和問題，再制定方案，那才辭職會比較安全。現在馬後砲當然點講都得，不過以我呢廷咁懶嘅人，唔製造一啲有返咁上下嚴重嘅困境俾自己，可能一世都唔會出盡力去搞一搞掂啲嘢。亦因為我自己都認為自己係咁嘅性格，所以那天都覺得打份工太過安全範圍，一世都唔會有咩成就，先至有創業的念頭。 咁耐唔update個blog，一來又噏一大輪語無倫次嘅嘢．．． 之前，的確出現咗對我來講比較大的困境，過年後生意突然回落，啲積畜又洗乾洗淨，可以賣嘅股票又未賣得住，咁點算呢？最尾都捱得過，不過中間的確經歷過程真係畢生要銘記於心，咁先可以一直迫自己唔可以差過果鑊。 依家雖然過咗水浸眼眉嘅情況，但危機仍在，我希望危機好快會解決，但我仍然Keep住果種危機感，冇計，我唔係慾望搵好多錢嘅人，榮華富貴force唔到我，唯有俾啲性命威脅自己。 真係犯賤。