燎原誌

聖誕節有人好大方咁借錢俾朋友溝自己條女，所以兄弟變了襟兄弟，情人變成了阿嫂，故事相當淒美動人！ 好鬼鍾意個MV！

本日中午，手痕致電舊公司珠海分部。跟接線生舊同事吹兩句水關心下近況之後，她告訴我CONNIE呢個星期落左香港，然後佢將條線TRANFER左俾CONNIE，我問佢幾時返上珠海佢話聽日，我問佢夜晚有冇約人佢話冇，只係有另一位珠海同事都晌度，就係咁我就叫左佢地一齊食飯。 約完覺得唔對路，因為今晚係平安夜，諗去食咩係好麻煩，最後冇諗，諗住到時先算，覺得要避開多人既地方，我好怕多人。點知原來另一位同事想去星光大道！咁咪約佢地去老尖，問佢地食乜大家照舊冇乜意見，最後經過大快活竟然有人提議食，我雖然覺得好奇怪但其實又都OK。食完就向尖東方向行走出發。 途上影相其間竟然無約過既情況下遇到二公子及他的女友，二公子表弟及她的太太四人，感覺像玩RPG中途有同伴加入的情況。晌中間道果條橋發現警察話星光大道好多人然後封左唔俾入，改道去1881又話多人封左，發覺咁樣都行左一晚其實好攰，大家行去佐敦送舊同事去搭MTR，跟住去翠華飲杯嘢後散水。 就係咁，本來平安夜自閉一晚反而係見左好多人，同埋上次聖誕出呢D咁多人既地方同人迫已經係19幾年前仲讀緊書既時候。祝大家聖誕快樂，阿彌陀佛。