文章

顯示從 5月, 2007 起發佈的文章

傻佬文滾女教室

先旨聲明:本人與傻佬文(下文的Easy)早已劃清界線,以下對話全部原文輯錄,絕無刪改,但無任何特別目的,純粹得啖笑。雖然內容論三級實在無料到,但以防萬一有假道學人仕指責本人有傷風化(如果閣下真的如此反智,我真的幫你唔到),特此吹定雞先。 話說...傻佬文又照常同二公子msn...二公子又照常分享日常生活笑話俾在下.... Easy 說 (0:58):I finally know how to chase that girl Easy 說 (0:58):you here? 悲劇王子 說 (0:59):what gal Easy 說 (0:59):hey~after I OK with that girl , I will help my father or simply get a computer job..... Easy 說 (0:59):MY dream lover lor......... Easy 說 (1:00):I tell you .....after I kissed about 85 girls I thinkIfind my love....... 悲劇王子 說 (1:00):nice man Easy 說 (1:00): Since 2004 up till now I kissed 85 girls and tocuhed breast 50 girls..... Easy 說 (1:01):tocuhed..... Easy 說 (1:02):ya.........I touched 50 50 yound girls totally....... Easy 說 (1:02):And kissed 85 girls....... Easy 說 (1:02):Now this girl....... Easy 說 (1:02):I even not able to hold her hands......... Easy 說 (1:03):My most successful and esiest thing to do is date girls....... Easy 說 (1:03):No difficulty at all........ Easy 說 (1:04): In conclusion.........The

不聽不看不聞不問

旁人都說他對很多事都沒有反應。 其實,本來的他不是這樣,相反個相當敏感的人。 待續........................

我著2號

圖片
玄機留msn message俾我話有波踢,成年冇踼過,都想踢下,走動下都好。其實夾埋只係踢左半個鐘,不過咁耐冇踢,踢得都ok喎,冇失誤腳腳清。 因為踢波,久違了的波衫重見天日。 從前返學時踢波,一日四餐,晨咁早返學校先踢一場當早操,小息得果廿分鐘都要射下波,早午食完飯又踢,放左學又踢,踢到對腳粗晒,所以依家基本上唔會著短褲出街,因為怕俾人笑。 以前踢波,球場得一個,但係幾隊人,幾個波,滿場飛,但係我地唔會分唔到同緊你踢波既人係邊個,亦唔會分唔到你踢緊邊個波,果陣時已經明白,做事要專心一致,心無旁騖的道理,身邊會有好多人好多事,人生在世,做你應該做事是很重要的。即係讀書同玩樂,咁多野要做,但係又唔係咁夠時間,當然揀做得開心的事,即係專心玩就可以!所以呢......我可以好快就脫離呢間男校,走去讀男女校...... 果陣時冇波衫,因為返學係著校服的,我地亦唔會帶件衫返去換咁戇居,因為冇人咁做,會俾其他同學笑的。波衫反而係大家離開學校,但係大家係年青力壯會踢下波時造的,一同造過兩次,橙色呢件係第二件,但係原來都歷史久遠,我仲保存得好新好光鮮,證明......我後來已經好少踢。造波衫其中一個很重要的事係熨名同埋號碼......名,我本來只是想用「Lun」的,因為我喜歡簡潔,不過佢地話無論印幾多個字母都係一樣價錢,只係印三個字母好似好蝕咁,所以,都係加埋個「Wai」落去,其實如果連個性都加都應該夠位的,不過......咁應該好老土。 跟住輪到個號碼,正如幅相見到,我是揀「2」的,不為什麼,因為我很喜歡這個數字,點解鍾意,我都唔知。不過咁o岩,我多數踢左閘,都擺o岩位。有個同學好騎呢,佢揀「23」,我地仲笑佢:你估打籃球咩~~奇就奇在,件衫做完冇耐,碧咸就轉會皇馬,著23號,搞到佢好似好有先見知名咁,不過又唔o岩...佢個樣咁似施丹,著23號唔o岩數! 講番,雖然我唔知點解喜歡「2」呢個數字,的而且確,我同呢個數字好有關係,我2月生日,家中排行第二,等等。「2」唔知道係我的幸運數字,定係受了咀咒,有些事過不了兩年,第一永遠輪不到我,很多人和事,永遠屈居,不能坐正。

衰神附身

這幾天,想必是被衰神附身。 個mon冇野睇算了。 昨日連部Ipod都摔壞了,沒有了畫面,本來諗住沒了畫面,應該還可以繼續當shuffle聽,又是我一相情願,太天真。今日試過聽左一首歌就冇野聽,之後再聽佢唔random播,順住播,即係變左ipod sequence,死未,其實咁都唔緊要,我這種怕寂寞的人,都係想有d聲o者,點知聽聽下又冇野聽,你知唔知咁樣,忽冷忽熱,時有時冇,係令人好難受的? 呢d野都...算了,反正最多係冇得睇,冇得聽。今日仲黑。話說今日放工其實唔係放工,我仲安排自己同幾部server加 ram,加ram,幾咁簡單,一熄機,二開箱,三加ram,四關箱,五開機,正常開到便叫完成。一直以來,呢d野邊叫做有難度?但係今晚,加三部server,一部開番之後有d野行唔到,一部直情開唔番,只得番一部正常完全冇問題。十二點開始整,兩點幾至走,開唔番果部冇計整唔到,有野行唔到果部好彩正常番。呢幾部server,全部都係處理email,死一部d客全人類收唔到email,就太鑊了,其實三部server,已經係一部做另一部既backup,今次竟然同時死兩部,真係邪到爆,簡真係想致我放死地,我當時,真係有想過死的,不過data center四面都係牆,冇窗,想死得開揚d都唔得。 死唔去,執晒手尾,同埋預備明天應付有機會爆鑊的救命錦囊,當然係想回家。出左data center,向小西灣附近d屋村行,諗住買少少野飲,先搭車,點知早途都仲要撞到d幾得人驚既野,途經其中一個巴士站,見到一個全身紅衣的女仕,企定左o向個站度,手拿住一枝香雞....身後有個袋,我掃了一眼,又有札香......佢仲郁都唔郁...我經過唔睇得清楚,但係感覺心寒......你咪話半夜兩點幾見到,日光日白都未必唔驚........果度仲係柴灣,附近有個墳埸......未講完....我冇理佢,亦都唔敢理就行左去些粉買左枝野飲,跟住去等N118,等左幾個字,終於有車,上到巴士,我不其然咁望過去對面行人路我剛才途經果個巴士站,嘩,果位前輩,仲企o向度冇郁過,真係猛! 希望佢嚇走我附身個衰神,明早開始,過番d正常d既生活,唔該晒。

辭退

我實在感到很沮喪。 阿Mon,對不起,算了,雖然我已經搵到張單,但我沒有信心就算給你修理後還能好好服務,天長地久,直至海枯石爛,至死不渝,當然我沒有那麼天真。那麼,再見了,我會賣掉你,希望你還會找到一戶好人家,發揮你的功用。其實,我也不知這是不是完全是你的錯,可能display card也有錯,但是,我肯定你有一定的責任。 早一天,我還怪錯了TV BOX,我買了一個新的TV BOX回來換了,TV BOX個牌子叫啟示錄,但是並不能起死回生,情況還是一樣,而我卻覺得我背叛了本來的TV BOX。不過,你這次讓我知道這個世界還有其他TV Box都很正。 阿Mon,我不知道你原來對ThinkPad情有獨鍾,但是,ThinkPad有很多選擇,而他本身不需要你,也能顯示畫面,就算他要多駁一個Mon,他不一定要揀你的,他的確在公司那兒已經有一個伙伴合作了很久,而我,我不會讚成thinkpad駁著你,不是因為你顯示得不好,相反,你有畫面出的時候還是很棒,我反對,這是因為你惹我火了,我是會堅持拆散你們的,我用了你一年多,你應該知道我的性格,你應知道,無論我付不付得起代價,我也多意氣用事,早知結果,何必當初。 祝前程錦繡。

黑暗過後的光明

其實已經是上個月的事。 做appraisal,成個人既價值俾人質低,我其實唔覺得自己表現如公司所講的不堪,不過,我昨年的確放的心機比較少,因為好悶,同埋好煩,煩,是因為有好多工作流程,好多餘,冇意義,浪費時間,唔知係我蠢,還是人家蠢了。 但是算了,對於工作,我其實新年頭有反映過給老闆知,結果,我有新的assignment。而殘兵集團會暫時交出,因為一來我唔會有時間理佢地,二來我給人評價我領導無方,那也好,我本來就唔喜愛這種事情,單打獨鬥我做事會比較得心應手。 未來半年的事已大致計劃好,一明一暗。 我看到的,是黑暗過後的光明。 公司給我的評價,最深刻個句係:「我知你擺好多感情落隊人度....」 我想說的是:「其實,我何止?我是放了很多感情落成間公司度。」 成三十歲人,我不會再這麼天真了。

我本來就乜都冇

每逢到了應咒的時間, 總要跟自己說:「你本來就乜都冇。」 同埋:「你誤會了。」 再補一句:「冇所謂啦。」 如果唔係,人,怎走下去。 咒,還沒有解。

回憶的廿九幾個寒暑‧楔子

近來,總是有些事,搞到我諗返起小時候的事: 首先,家姐從澳洲回來,send左幾張有我細個個樣,但係我冇見過既相俾我睇; 唔知早排邊一日,有個小學同學打電話來問三問四,(問PDA野,咁o岩...我唔係好用呢d科技野...),唔小心,又勾起小學時既回憶; 又唔知邊日,上網search d野,搵到小學個網址,搵搵下,有每屆畢業生個名冊,睇到自己果屆d同學名,即刻記憶番晒黎; 一連幾晚冇mon用,本來好應該早D訓,不過唔知點解,想溫下書,就取下「漂流教室」呢套經典翻睇,除左因為呢套野講班小學生既遭遇,同埋同學之間既恩怨情愁桃色糾紛令我諗番小學生活之外,最重要係勾起中學時同兄弟們上堂一齊睇呢套「漂流教室」,在我十九幾年睇漫畫生涯中,唯「漂流教室」係真係一齊睇的,仲要將其中對白中譯英,學習態度自覺! 以上種種事,令我想在記性仲唔錯的時間,寫下小時候種種事,由我有記憶開始...... 我不是個什麼特別的人,沒什麼特別的事值得記,以我的筆力,也不會怎樣生動有趣,只是,就是想將那些事,點點滴滴,記下來。不知道會寫多少篇,也不擔保會否中途放棄,大家也不需要太期待,我知,你沒有期待,那不打緊,我一向習慣自說自話。 廿九幾年前既事,就像昨日發生一樣。

估唔到,其實冇壞

現在想,如果昨天給我找到了LCD Mon 的單據,而我又走了去修理,那麼,我一定會給別人當混吉的。因為,我肯定,到了給廠商看的時候,這台mon一定正常地運作! 我現在還不肯定,是那兒出了問題,但肯定是,我那台mon跟公司那台thinkpad很合得來,完全冇問題,萬試萬靈,絕無欺場。 本來想在這兒,將我troubleshoot的過程跟大家分享,但是,一來我本身這個人笨得很,所謂troubleshooting的過程根本沒有分享的價值,二來沒有娛樂性,很悶,三來我很懶,而我這房間的電腦影音設備簡陋得來郤很複雜,我很怕有專業的網友笑我:「妖,駛乜搞到咁複雜呀?條粉腸有冇讀過書架?識唔識野架?唔識咪寫出泥引人笑啦!」我心靈就像豆腐一樣,一唔小心,好易俾人搞到變一pat野咁,仲會俾人用腳係咁卒,所以....算罷啦。 過程唔寫,都寫下我有乜結論: 一. 個mon其實冇事,同部thinkpad好夾,好合作。 二. 未必關我部PC事,因為個MON就算唔係駁住佢,都會冇異常。 三. 個TV BOX好大嫌疑,因為乜都唔駁,只係駁TV BOX(因為想打XBOX)都唔得 四. 個mon對佢既伙伴好有要求,唔係個個有資格同佢合作。 五. 我諗可以先試下換左個TV BOX先,因為我本身都唔係好喜歡佢,事關個牌子好核突.... 六. 好彩,今日做野唔得閒,如果唔係手痕上DELL個網站訂部22吋16:9 LCD(也不過是$2188,就貨價相比,是相當抵玩的),就真係相當敗家,雖然我知道個敗家子係一件相當過癮同埋開心既事。 七. 用notebook加mon真係相當唔錯.....如果部電腦打埋柴,咁就買部notebook了,不過,我現在的消費模式係,唔壞唔換,甚至壞左由佢,冇乜必要既野,唔買,不過,我們總是覺得樣樣都有必要,很需要的.... 估唔到,個mon,其實冇壞,唔係佢錯,只不過,大家唔夾。

壞了

屋企個LCD Mon尋晚成晚都冇畫面,我都唔知點解。 其實,冇畫面呢種情況,早在幾個月前十二月一月已經開始發生,不過佢又唔係日日係咁,而且通常在數十秒至數十分鐘內佢會自動有番野睇。我本來諗住拎去整,但係這種壞但係壞唔晒既情況好叫人難為情,如果拎到去整,但又好唔合時地好生性,咁就真係浪費本少爺既時間。 點知,尋晚返到屋企十點幾,開著部機,見佢冇畫面,咁我又見怪不怪,然後就落街跑步,滿心相信跑完返去會見到有畫面,點知唔係,都唔緊要,我又去下同虎bi玩,又沖埋個涼,繼續盲目地滿心相信玩完沖完涼返去會見到有畫面,點知,又冇,咁惟有睇下電視啦,睇到頭髮都乾了,都未見有野睇,咁就去訓覺了。 今朝,見個mon仲係冇野睇,罷了。 我唔想買過個mon,因為用左只不過一年多,好新,好靚,我又相當唔係貪新厭舊的人,況且又冇錢。 求下你支持落去。

Warning

Warning: If you are reading this then this warning is for you. Every word you read of this useless fine print is another second off your life. Don't you have other things to do? Is your life so empty that you honestly can't think of a better way to spend these moments? Or are you so impressed with authority that you give respect and credence to all that claim it? Do you read everything you're supposed to read? Do you think every thing you're supposed to think? Buy what you're told to want? Get out of your apartment. Meet a member of the opposite sex. Stop the excessive shopping and masturbation. Quit your job. Start a fight. Prove you're alive. If you don't claim your humanity you will become a statistic. You have been warned- Tyler Pretty warning~ I like it.