文章

顯示從 4月, 2007 起發佈的文章

愛情轉移

陳奕迅 - 愛情轉移 作曲:Christopher Chak 填詞:林夕 編曲:陳珀/C.Y. Kong 監製:Alvin Leong 徘徊過多少櫥窗 住過多少旅館 才會覺得分離也并不冤枉 感情是用來瀏覽 還是用來珍藏 好讓日子天天都過得難忘 熬過了多久患難 濕了多長眼眶 才能知道傷感是愛的遺產 流浪幾張雙人床 換過幾次信仰 才讓戒指義無反顧的交換 *把一個人的溫暖 轉移到另一個的胸膛 讓上次犯的錯反省出夢想 每個人都是這樣 享受過提心吊膽 才拒絕做愛情待罪的羔羊 回憶是抓不到的月光握緊就變黑暗 等虛假的背影消失於晴朗 陽光在身上流轉 等所有業障被原諒 愛情不停站 想開往地老天荒 需要多勇敢* 燭光照亮了晚餐 照不出個答案 戀愛不是溫馨的請客吃飯 床單上鋪滿花瓣 擁抱讓它成長 太擁擠就開到了別的土壤 感情需要人接班 接近換來期望 期望帶來失望的惡性循環 短暫的總是浪漫 漫長總會不滿 燒完美好青春換一個老伴 你不要失望 蕩氣迴腸是為了 最美的平凡

兩個人,一個故事。

從前,有一個人,他有說服過自己。 說服自己,兩個人之角色上的分別。 但在很多時候,少不免,把自己和別人,各放到天枰上的一邊。 然後,那人,失了重心。 給摔死了。 原因,大概是,他比較輕吧! 作後記: 其實,不知道,為什麼突然寫出這種唔知自己在說什麼的字,組成不能成文的句子。 只是,純粹地描繪了突然出現在腦神經的影像。

再上路

自從跑又十K之後,都停了冇落樓下球場跑步,因為唔知點解,每晚都好唔得閒。 尋晚,終於下定決心,再次著起對跑鞋,落街跑步。 今次開始,會再由二十分鐘開始跑,但係會加快跑速,上年用的跑速,也實在有點閒。 跑完,終於開始有累的感覺。 訓練,從新開始。

無常

今天,真正見識了天氣的無常。 今天是上珠海的,夜晚,跟同事到我成日光顧的燒烤食野,我地坐o向空地中其中一張桌,露天的,傾下計,吹著春天和暖的風,其實,都不算暖,我其實覺得,他媽的熱...... 不過,食食下吹吹下水,突然,有一陣風吹過來,但感覺好像有人在旁開左個雪櫃門咁,風的溫度,跟剛才吹的,差上了十度,我們還在講笑,話情況好似the day after tomorrow 咁,話口未完,就開始落雨。我地即刻成張桌搬入個有得避雨既地方,但係,都冇用,因為大雨到個老闆都開唔到爐。 頂,我仲未食飽架! 不過呢,呢d感覺好有趣。 我地,習慣左無常。習慣無常,才會慶幸。

虎bi看病記

在三月三十一日星期六晚,返到屋企,虎bi照舊坐o向個門口迎接我,當時我見佢仲好正常,但係過左一陣,我發覺虎bi有點唔妥......佢坐o向度,神情呆滯,我走埋去,諗住同佢玩下,哄下佢開心,點知佢想走開,但係又冇力跑,又發出痛苦既叫聲,此時我發覺,虎bi好似係受左傷。 我唔知虎bi幾時整親,細心d檢查一下,應該係左後腳有事,但係又有反應,應該唔係骨折,我唔知發生乜事,即刻check下有冇24小時獸醫,然後打電話去問下,問左地址登記左,我再睇下虎bi,睇下佢情況,我希望佢只係一時拗親,只係痛一陣,費事去到如果佢又扎扎跳,盞玩野,同埋,半夜睇急症,真係貴到飛起。睇佢果陣,佢真係痛到不停咁哀號,我唔忍心,我荷包痛肉痛好過見到佢痛我又心痛,都係即刻車佢出去睇醫生。 帶虎bi入袋時都好多波折,佢又唔肯入袋,又驚整親佢,吵吵鬧鬧最後幾經辛苦先將佢放到入袋。 三少同我一齊車佢出去,到左診所,等左好耐醫生先睇佢,冇計,因為撞正有隻八哥狗媽媽生狗仔,相比起上來虎bi的確係需要等下。其實虎bi自入袋之後都冇再哼過一聲,充分咁表現出佢堅韌的一面。八哥媽媽生左一輪,produce左五六隻小八哥之後,阿鬼佬醫生「Dr. 波特」就得閒睇虎bi了。 鬼佬醫生檢查左虎bi一陣,大致發現左虎bi應該係整親條backbone近條尾果節骨,所以痛到郁唔到,跟住就決定照X光證實下。照X光前,醫生同虎bi打左支針,係麻醉針之流,等佢照X光時唔好四圍郁,醫生打左針後,話要等十至十五分鐘,虎bi就會訓覺,咁我地就坐在醫生間房入面,等虎bi訓著,點知,虎bi唔訓之餘,仲四周圍望,不減平日過份旺盛的好奇心。十分鐘廿分鐘過去了,虎bi冇訓到,我實在十分敬佩虎bi那種對抗藥力的意志力,反而我同三少就眼訓到死。最後,虎bi都冇訓到,但係都夾硬同佢照,冇計,虎bi都係鍾意在清醒的時候影相,以確保影得佢靚,女孩子,就係咁。 張靚女相曬左出來,真係發現條尾其中一節骨有事,咁鬼佬醫生話其實都冇乜野可以做,因為佢會自己慢慢好番,咁佢就同佢地支消炎針,開d消炎藥俾虎bi食。然後,又諗住袋佢入袋返屋企,點知,入袋又入左好耐,事關虎bi又唔知發乜鬼小姐脾氣,又或者可能太喜歡間診所唔捨得走,入袋時wewa鬼叫,又亂抓一通,極具攻擊性,好似拍緊驅魔人咁。我從來未見過虎bi咁,而全間診所既職員都十分驚,可惜,佢地雖然驚,但係並沒有唔記得收錢,十

吝惜

那天被批評是一個吝惜的人時,先是一愕,自問是個疏爽的人,但同時亦發覺答不上話。的確,如果跟從前那個不惜工本的我比較,現在的我看起來的確是比較計較,十分不可愛。 那時候,為了別人我可以放棄很多去做一些事,然後,我一無所有。人大了,要顧及的愈來愈多,做事要兼前顧後,做事不可以任性,但是,我並不承認我是個吝惜的人。 有些事,能力上應付到的,環境許可的,辛苦的我也會做。 舊年做appraisal時,我跟上司討論那幾位下屬的問題時,她說人在工作時做出比他應做的多,那他才有資格勝任再高的職位。想不到,那番話對我現在apply到。 雖然,我不知道其實有沒有資格做更多,但我不會再理會這些問題了,先盡力做更多吧。