燎原誌

「你信唔信命運，信唔信一切早已註定？」細個果陣學畫，教我畫畫那位老師，曾問過我們這問題。一位同學答：「我認為命運掌握在我手！我可以改變命運！」我覺得佢都幾天真，但係又確係講得幾有氣勢......我現在諗番，其實佢都幾問非所答，老師問你信唔信之嘛，你講咁多懶醒咁做乜？ 其實呢...我都係相當之九唔答八，我反駁那同學，順便發表我既答案：「其實你認為自己能夠改變命運既想法，已經係命運安排之內，咁你好多時做既決定，所選擇既路，都係命運既計算之內，你，還不是被命運操縱著？」 我相信命運受性格影響，性格操縱著一個人既所作所為，基本性格係天生的，但隨著環境經歷會作一定程度的改變，我唔知點先至叫做信命，點先至叫唔信，應該話，信又點，唔信又點？好多時候，你覺得改變左命運，其實，可能命運本來就係要你咁樣，反正人生只會一直向前走，你冇可能返轉頭再在同一個時間空間對同一件事做另外一個決擇，來睇下命運係唔係會唔同左，你估，睇緊回到未來，甚至隔世追凶咩....所以呢，我一向好少理乜野信唔信命，或者講：「如果我當時點點點，我就唔會好似依家咁點點點了...」我一向都是，希望自己在適當的時候會適當的事，世界一向都唔會順著你走，當有不如意時，我當然是相當認命的......認為人定勝天的人，要麼時太天真，要麼就是自欺欺人呢，或者，其實係命運係想那些人積極些，有一些不認命的性格。 講一大輪廢話其實有乜事發生呢，其實都係相當無謂的..... 話說一向關心兒女的廖老師每年新年都會去探黃大仙爺爺，求下籤咁樣，今年都唔例外，早幾晚我放工返屋企，廖老師就同我講求籤的事，佢同我求左事業係下下箠，跟住問觀音娘娘，觀音娘娘就叫我轉工咁話。其實未來既事，我一向認為唔知好過，呢種懶係洩露左少少天機俾你知但係咁負面既野就好影響人，就好似話俾你知你十年後就會點死一樣，我諗好多人知道左你十年後會死之後，呢十年一定過得冇原本唔知咁安樂。既我知道左我係呢間公司做點咁唔好一定要轉之後，唔多唔少都會有少少負面影響，老實講，就咁睇我又唔覺得有乜特別唔好，最多就係一事無成，無人工加，無職升，間中惹麻煩野要拆掂佢咁，驟眼睇都唔會話好仆街的。我呢種懶人，又唔鍾意冒太大加無謂既風險，公司現在又唔係好仆街，又唔係有人蝦我，人工唔係好高但係又未至於好唔合理，無啦啦轉乜鬼工。 成件事最耐人尋味既地方係，廖老師叫我親自去求多兩支，一支係問轉工，一支問留舊，

我不十分喜歡農曆新年，應該說，我對所有節日都沒什麼特別喜歡的感覺，但新年，就好像特別多事要做的，又要特別要見得多人，所以一到新年我便想失蹤，一走了之，奈何，家中始終有廖老師，這些那麽多事要做的節日，走了始終不太好，畢竟，我是大兒子來的。 我雖然百般覺得過節沒趣，但每年我還是做了很多新年要做的事，由執拾一下間屋，到幫廖老師買下野，連續食好多餐D餸都差唔多既飯局......無論如何，多數人會做的事，我也不會有性格到不屑一做，當然啦，我自己也不怕羞地認為自己是相當隨和的。況且，近年來，除了一定要去的祖母和外婆家外，都沒有人迫我去那些我不十分有興趣的地方了，當然了，我都成三十歲人了，還有誰夠膽強管我，嘿！ 講番今年，其實新年前夕實在沒有多餘的時間去執拾一下，準備些什麼過新年。 全部的事都是在年廿九放工後回家做的，包括剪頭髮，執房，仲有，蒸蘿蔔糕...是啊，這是新年最有趣的事了，我不是說蒸蘿蔔糕很有趣，當然是食蘿蔔糕有趣得多，而且，我只喜歡吃廖老師整的。早幾年開始，廖老師開始不再整蘿蔔糕，皆因製作過程需要很多體力勞動，廖老師應付不了，所以我們吃的都是買回來的，那幾年吃得總覺得不太好吃，那麼昨年我多口對廖老師說，明年我負責整蘿蔔糕，廖老師從旁指導就可以了。我此等講過一定會算數的人，真的今年整了兩底蘿蔔糕出來，而且自間做得不錯，真的很好。 除了蘿蔔糕，還額外學多一樣食物，家鄉獨有咸湯丸，這個程序簡單得多，知道材料就可以了，年卅十晚吃完湯丸當晚飯，就會了一件好多年沒有做的事。 那一件好多年沒有做的事，就是行花市。多年前，因為某個原因，我之後再也沒有再跟朋友們一起去花市，今年，四爺竟然發起約戰維園，我這個人，不是一個會掃大家的興致的人，另外，有些事是應該打破的，便應邀，最後，一行九人，到了維園迫了幾粒鐘。到維園行花市很迫就預左架喇，不過去湊熱鬧也算是應下節，當然，湊熱鬧，真的很熱，身邊有些阿叔個身亦很臭，好彩看不到有人鬧交，如果唔係真係組成「臭」「熱」「鬧」了。 詳情請看： 貝拉夫人年三十之章 不太雀躍地過節並不代表我討厭過，我還是會誠心誠意地祝福大家的： 祝大家豬年事事如意，得心應手，人人都威過威士忌。

還好，我屋企並非大得可以將所有東西都放在觸手可及的地方，否則，我今年可能會將那一包封印小包拿出來看看。 我有生以來，其實有一年的二月，從同一個人身上收到了幾份禮物的，從美國回來的手信，情人節禮物，生日禮物，分手禮物！？！不要忘記，二月可是一年中最少日數的月份，發生的事郤令人透不過氣。 想起了當天做的事，現在想起來，現在的我可能已不能那麼大方。機票我自己很少買，記憶中有應該只有一次，那年那月，一個月內倒幫人家訂了兩次去美國的機票。 二月總是一個令我很心情很複雜的月份。 我很久沒有再接觸那一個從前的自己，今年，我倒想好好地再面對他一次，好好地了解他。我想，向前走。 仲有，情人節，快樂。

其實，最近還有很多人結婚：中學同學Tommy，中學同學豪哥(仲信埋教)，公司同事Milly，中學同學Tony，平均每個星期都要飲一餐。 雖然食得唔健康之餘荷包D水亦以超高速度蒸發，但係我還是衷心的祝福他們永遠幸福。 結婚的人很不簡單！ P.S. 前天飲Tony果餐又見到，好彩今次同場唔同桌，D餸即刻好味左。

恭喜龍哥同Isabella，於2月1日一起走到人生的新一頁。(突然咁修辭真係有點兒想吐...) 龍哥和Isabella都是我很好的朋友，龍哥其實是中學同學，但真正熟絡郤是他在外國飽讀詩書畢業回港後。Isabella比較特別，其實我和龍哥是同一日認識她的，根據娜姐的描述，那天是：被友人呃左去唱Ｋ，唱Ｋ背後目的原來是一班馬蘭露想識女仔...... 說得冇錯，我也是被友人呃去唱K的...... 唱K之後的一段時間，龍哥失踪多時，我地約佢佢實唔出來，再一段時間，我就多左一個好朋友，娜姐的其中一個好處是，她能相當坦白地以女仔角度幫我分析問題，給些意見，而且佢唔會要你請佢食飯。 點解咁講呢？還記得在那遙遠的一年，我身受重創，受傷之餘實在想了解其實那時我中了什麼招式，咁我想搵一個女性朋友而又同我日常生活無乜關係的人，咁我就想搵那個做暑期工時認識的朋友，諗住將我被打傷的過程話俾佢知，咁佢就俾D意見我，點知我約佢出來時我感覺到佢左推右推，最後我話餐飯我請佢先至興高采烈咁應約，頂...其實一早都諗住請佢架啦...唔通搵個人出來聽我講野仲要AA咁咩？我最記得，那天我講完我的事後，佢一邊咀嚼口中的食物，一邊話：我覺得你俾人呃Lor~~~嘩，你話當時的情景，係幾咁一言驚醒呢！！ 所以呢，我覺得娜姐果一種唔收取回報既友情表現係十分之令人尊敬！ 我懷疑，如果當年早D識娜姐，我受既傷可以會處理得好一些，唔駛好似而家咁有心理偏差！(講笑的，我沒有心理偏差！) 因為佢地兩位都係我既好朋友，佢地結婚我相當高興之餘仲盡力幫忙，娜姐仲落order：我果日乜都唔知，我淨係要果日靚靚靚。 其實我都冇乜幫過D乜，但係其他兄弟姊妹都很落力幫手，咁娜姐亦都真係靚靚靚，咁我都算不付所託。 再祝佢地日後開開心心一起過，直到永遠。 另外虎bi話好掛住佢地，叫佢地得閒來探下佢。

今年annual dinner除左收到老人獎，CYMA錶一隻外，出奇地仲收到一隻來德國既碟，上面印有天鵝堡風景，係同事為答謝我上個月佢地落香港玩我帶佢地去玩。 好彩四爺去過德國俾過D相我，唔係我點可以收到份禮物後即刻講得出天鵝堡呢個地方，又可以扮見多識廣！呵呵！ 另外，食飯時抽到五百蚊，年年都好好彩，不過今年我冇自己袋，攞番出來再抽。 上珠海果幾日，仲收到一個特別消息，本team其中一位同事身懷六甲，利害。恭喜。 不過成日都覺得佢仲係個細路女咁又真係替佢個BB擔心...... 佢由拍拖到結婚到話俾我聽有身孕，都不過半年，真係學李彩華話齋：仲快過閃電... 其實我好幾次問佢所有野有冇考慮清楚，不過佢話唔喜歡咪離婚云云，我對佢地既思想表示驚訝，結果換來思想封建落後的評價，可能係啦... 但是，我對佢地有前冇後既思維，真係不敢恭維。

我不好飲酒，也未試過飲醉，飲到嘔倒試過兩次，一次是師父某年聚餐，到北角東寶食飯，那兒飲酒是用碗的，飲起來很豪氣，加上有位師兄不停的找人飲，又話乜野唔飲正契弟，飲得慢正契弟，咁果晚我真係飲左好多，出街吹下風，d氣頂住頂住，即刻反晒胃，果次係第一次飲到嘔，但係都好鬼清醒，搭車果陣仲可以同小勤勤傾計... 第二次飲到嘔係剛過去的中秋，果次唔係飲左好多，可能係因為食得太多....嘔晒d餸菜出來，好核突，但係，依然又係好鬼清醒。 除左冇飲醉過，我其實，都冇真正見過人飲醉，但係上次Annual Dinner居然俾我見到，仲要抬佢返去，那人不是別人，就是我地既大老闆。 別笑我大驚小怪，我真的沒有近距離觀察過一個飲醉的人係會係點，我聽說通常飲醉會有幾類反應，第一係即刻不省人事，第二係唔講兼無意識繼續飲，第三係亂咁講野。頭兩種都很無趣，好彩老闆就是最有趣的第三種！ 我開頭食完飯走埋去老闆果圍時都唔知原來佢當時已經飲醉左，同佢講多幾句野先知佢已經語無倫次。好不容易幫手抬左佢返宿舍，真係咁大個人都未試過抬醉酒佬。 飲醉的人果然是會話自己冇醉，話自己識返屋企，但係佢真係會認得出你係邊個。 我其實都想知道飲醉左之後既狀態係點既，會唔會亂講野，又或者講d平時唔會講既野。好多野平時你問我我都未必會答，唔知在唔清醒狀態下我會點反應。嗯....都幾危險。 今次真係大開眼界！對唔住，係我大驚小怪至o岩。

很有趣的測驗，分析蠻準確的。 http://kllc5.xddddd.com/mbti/ 分析結果： 你的分類是 INFP 最配合的性格組合：ENTJ 最不配合的性格組合：ISTP - 內向型: 62.5% - 直覺型: 60% - 感性型: 57.5% - 熟思型: 62.5% >>> 基本分析 >>> INFP - 獨立、想像豐富的幫助者 1. 理想主義者 2. 很關心理想，甚至願意犧牲生命 3. 易覺得別人不了解他而感到疏離 4. 容易與外表安靜的人傾談，較怕羞 5. 不用邏輯，會感性來獲得知識 6. 很容易了解象徵的意義 7. 不喜歡「假設」只喜歡真實 8. 不想和別人發生衝突 9. 很喜歡良善、積極的東西 10. 不喜歡按規律做事，喜歡新的思想 對INFP類型的人來說，最重要的是持有他們深信的信仰，并能与他們的价值觀保持一致。INFP人總是充滿好奇的透過他們玫瑰色的眼鏡看人生。他們生活在一個完全顛倒的世界的邊緣。在那兒，世間的萬物得以复蘇，動植物擁有近人性的特質。 INFP類型的兒童經常生活在“神話和現實”之間，從現實到虛幻，再回到現實。除了少數一些以外，這些兒童都有自己虛幻的玩伴（如格林童話中的“書櫥女孩”安娜），也幻想著自己窒息而死的小動物能像Velveteen Rabbit和Skin Horse一樣能复活。 INFP人在任何事物、任何人身上都能發現美的存在, 即使他們并不很惹人喜愛, INFP人都對其有极大的同情心。他們將最深層次的情感隱匿在心底，甚至有時連他們自己都覺察不到它，直到周遭環境的變化才能激起這股久藏的激情。 INFP人傾好于在失敗中競爭，憑自認為完美的道德倫理奮斗著。 對INFP人的描述： 含蓄文靜，待人友好﹔情感丰富細膩，并容易受傷﹔深深的關愛著自己身邊的人﹔富有創造性和想象力﹔對小事充滿了好奇心，并能靈活掌握﹔不易屈服。 詳細結果