燎原誌

翻看舊年寫的，看到九月有一篇寫話：「中秋節，搞燒野食，安排中.......」 結果呢，搞到秋去冬來春又到夏天活在火爐中的今日，都未搞得成，情況就同我成日話要識過女朋友一樣，always pending。 除左話過搞燒野食，我仲成日同人講話搞： 1. 布袋澳食海鮮 2. 出海玩wakebroad 3. 亨少提議的粵澳珠三角四圍遊飲食團 4. 龍華(龍哥+大華)雙雄提議的掛羊頭賣狗肉行山團？！ 其實我本著言出必行有求必應的黃大仙精神，呢d活動，係必定要做的，不過我地成日都定唔到個時間表，冇定schedule，加上個user requirement spec又定唔到，所以幾個project都run 唔起，真係失敗！ 睇黎都係要的起個心肝做D野，有心人就主動組織一下啦！

尋晚，又唔小心接左門王的來電，當然，佢照樣又話遲d同我地一齊去唱k，不過，要去佢個主場.....神州大地 .....我今次冇咁好耐性俾佢咁多機會發揮，一野就打斷佢既說話，問佢搵工搵成點。 你見果份乜野工呀？ 唔知。 乜野公司名呀？ 唔知。 公司乜野背景呀？ 唔知。 唔駛知咁多野呀？見到先至算啦！ 你以為乜野都唔準備人地就會請你架拿？ 下次先傾啦！ 我即刻收線。 你睇下，只要你堅持唔同佢講佢d大陸女同胞，咁就可以令佢自動收兵撤退，唔會浪費自己的時間(因為談話時間會大大縮短)，仲可以鬧醒佢，教精佢，我情緒得以舒緩之餘，佢亦有所得益，可謂一舉數得。簡直係必殺既奧義呀！ 之不過，我仲係會繼續減少接d無聊電話的！

唔知做乜鬼，一直打唔爆既mario kart， 居然響今個星期內，本來由150cc都未係玩左一半變到打爆機，連mirror 呢part我都未玩過就兩take 搞掂，最難玩果呢special cup都係玩左兩次就ok...而且都唔係專登打，只不過係返工返工的時候搭緊地鐵，搭巴士搖下搖下咁打....對於我呢個打機唔係叻既人黎講，實在奇蹟，可喜可賀，飲番杯！ 但願下次同「二公子and friends」一齊玩既時候，可以提供足夠娛樂性俾佢地！之前玩得太差，佢地覺得好無癮。

由於早前這篇野其實完全冇講過野，以致給讀者朋友們的想像空間太大，同埋我可能又係想得太多，為免麻煩，故刪之！ 都係果句：風險和代價太大了。

收到張稅單，先至知乜野叫做搞銀錯，即係將d錢碼搞錯晒.... 我好唔明，點解交稅要交provisional，之後果年就會懶好心咁將收多左個d回番俾你，但係又再要你交定下一年... 唔知道我交左既稅去左邊...我諗住如果俾我知道邊個拿綜援去旅行，拿grantloan同時阿媽又會俾錢佢交學費，做公務員但係吞晒pop唔x駛做的仲好q高人工的，我實會好好咁教訓下佢！闔家鏟丫！ 交稅唔緊要呀，但係睇見大家既血汗錢其實係福利緊d唔係有真正需要既人，條氣就係唔順啦...仲有就係...唔撚知點解有d人?好q多錢，但係又唔駛交稅架呢？

我o向四五個月前講過，要book場打羽毛球，結果因為太難book場不了了之。 近來科技園開左個運動場，咁d珠海同事就成鬼日book場放左工去打波，公司仲同佢地搞個比賽，幾咁多節目，好似唔駛做咁。 早兩日唔知唔覺就係羽毛球決賽，我有個隊員唔知點解俾人迫左落場比賽打混雙，我做大既唔去觀戰去支持下佢就點都講唔過去。我見佢唔係好願意打又唔係好曉打，但唔知點解，羸左。事後，我地都未問佢，佢就話：「你知唔知我點解會羸丫？係因為同我雙打果個同事好靚仔，佢仲同我講，『不要緊張，慢慢來』，幾體貼呀！」 我同佢講，好彩我地成班人鼓勵佢落場比賽，先至令佢可以開心興奮左成晚。之後我同佢地行路出去路口食燒烤，原來我食開果檔野仲有粥食既，仲都幾好食的！ 今日咁o岩就係ping pung ball比賽，我見悶悶地，又走去睇下，ping pung ball，我其實冇乜興趣，因為我成日將呢個table tennis當做tennis咁打，即係，個ping pung 唔落張table度就落左地下，我其實都會打得好過癮的，只不過同我打既人唔會咁覺得之嘛~~ 觀賽最有趣的地方並唔係觀摩佢地既球技，而係佢地打波既造型，印象最深刻既造型係...農民look，有d同事，唔知點解，比賽既時候，會除左對鞋，但係又著短褲喎，咁樣，的確係相當有「落田」feel的！ 佢地有一幫人除左睇比賽之外，仲會打羽毛球，我睇睇下，佢地又邀請我打兩板，咁我就有機會實現我幾個月前既願望，雖然我好多年冇打羽毛球，不過球技都冇話特別退步，仲好似比之前打得好左添，唔知除左book文康既場，有冇d容易book d既場呢？因為真係要運動下！

20060815151 Originally uploaded by 火 . 你地睇下，虎bi個表情幾堅定，一副下了決心的樣子！！

阿虎bi呢排唔知佢做乜，成日打爛我間房d野，首先係我用黎裝野食的玻璃瓶，之後係別人送俾我的紀念品，真係要諗辦法預防一下。 對於虎bi的惡行，唔知點解，連廖老師都會包容佢，佢真係唔知行乜野狗屎運！

終於，唔駛再幫襯吳天海。

小勤勤見字請速還借了九年的孫子兵法一本。 唔知小勤勤仲有冇來這兒看，關心下我呢個師兄呢？

想 錢 與 不 想 錢 間 「 他 先 是 喜 歡 寫 作 ， 然 後 賺 到 了 錢 」 ， 這 是 史 提 芬 ． 京 經 典 著 作 《 四 季 奇 譚 》 中 譯 本 前 的 序 言 。 像史 提 芬 ． 京 般 ， 當 日 他 開 始 寫 作 ， 其 實 並 不 是 為 了 賺 錢 ， 而 是 一 心 滿 足 內 心 創 作 慾， 寫 個 讓 人 家 嚇 破 膽 的 故 事 。 最 後 故 事 得 到 讀 者 共 鳴 ， 就 自 然 人 人 來 買 你 的 書 ， 跟 生 活 和 收 入 就 得 到 保 障 。 就 正 如 著 名 的 「 抑 鬱 喜 劇 」 （ Comedy of Depression ）英 國 作 家 尼 克 ． 宏 比 他 創 作 過 的 小 說 《 失 戀 排 行 榜 》 （ High Fidelity ） 和 《 非 關男 孩 》 （ About a Boy ） 。 其 首 本 以 足 球 為 主 題 小 說 ， 則 是 由 於 在 九 一 年 因 情 緒 問題 看 心 理 醫 生 時 ， 決 定 把 自 己 作 為 足 球 迷 的 經 歷 和 心 路 歷 程 整 理 出 來 ， 成 為 了 他 的心 理 治 療 書 ， 也 是 他 第 一 本 作 品 《 足 球 熱 》 （ Fever Pitch ） 。 可 見 寫 作 必 定 是 由心 出 發 。 曾 經 做 過 出 版 社 編 輯 ， 不 時 收 到 年 青 人 寄 信 來 說 很 想 當 作家 ， 只 要 出 版 社 願 意 ， 他 就 能 在 四 星 期 內 完 成 處 女 作 小 說 。 收 到 這 些 信 ， 我 會 毫 不猶 豫 掉 進 垃 圾 桶 ， 很 想 告 訴 他 們 ， 作 家 是 不 需 要 領 牌 ， 不 用 得 到 出 版 社 的 首 肯 。 只要 在 任 何 一 張 紙 上 開 始 創 作 ， 你 就 是 個 作 家 。 「 作 家 」 一 詞 ， 不 應 該 與 小 說 是 否 有出 版 或 印 成 書 籍 掛 。 只 要 你 完 成 一 部 小 說 ， 你 就 是 小 說 作 家 。 寫 作 不 是 為 了 文 字 被 印 在 紙 上 ， 破 壞 一 大 片 熱 帶 雨 林 ， 或 在 簽 名 會 上 給 女 生 圍 哄 。 老 是 想 賺

又到左每年的8月8日。 在暫時沒有更重要的事覆蓋此日時，在我還記得那一天時，特此為記。

今次的畫展，是學生的畫展，我地冇份的，我的作品，就是以下那張請柬。 我的設計能力，仍有待開發.... http://celestial2005.mysinablog.com/index.php?op=ViewArticle&articleId=206917

上星期，由於「派比安」相當利害，令我看清楚中國五千年文化的建築學被三十多年前一場文化浩劫破壞得體無完膚.... 珠海office，即使閂晒窗，都係會入水入風的...而且程度相當嚴重。 令到我夜晚食完飯返到去，見到我老細自己o向度抹番d水，就要幫手...... 所謂三十多年前一場文化浩劫，破壞的，最嚴重的相信不是技術，而是人的責任感和態度...做事得過且過，又貪污... 建築項目的費用，我諗，有一半可能係吃了落肚，或者起了另外一棟樓！

因為身在珠海，但係打緊風，在食飽飯唔想做公事的情況下睇下香港天文台網頁，無意中發現有一個section 叫「 公眾的溫言 」，小弟才疏學淺，唔知溫言係乜，click入去睇下，原來係d市民嘉許天文台的說話，睇左幾段，發現原來仲有人係有良心的。 每逢打風落黑雨，撞巧上學時間，電視新聞總會播幾個家長勁插天文台乜乜物物，太早或太遲公布通知，安排失當云云，每次睇到，我都覺得佢地多舊魚，有時可能你住果區特別受上天既照顧，個天落狗屎咁大雨，外面已經成個水上樂園咁，唔通你仲要等天文台咩，即刻叫個小朋友?多陣啦？個例子係誇d，我過我想講既係，好多情況你好應該自己判斷啦，你覺得返學有危險，咪hold住睇定d先lor，或者你覺得ok既，咪繼續送返學lor。成日少少野就插呢樣插果樣，乜野都係人地既責任咁，有時都好替d公共服務既人不服。 好多時候，可能因為消息早發了，或遲發了，而為某些人帶來了麻煩，但是，投訴的人，有否想過，你為這個社會，甚至身邊的人，幹過了甚麼，付出過甚麼。 可能其實個社會仲有好多人識得欣賞一些替大眾服務既人仕，不過，傳媒，總是會選擇性地只報導一些負面的。幸好，還有些人會走出來，說些公道的話。 憑科學做事 天文台非驚弓鳥 傳媒的謬誤