文章

顯示從 6月, 2006 起發佈的文章

一個令人發瘋的SMS

收到一個奇怪的短訊: 工就搵吾到,女就大把,真系想祧樓。Solomon 。 原文收錄,絕無修改。一句野,十五個字都唔夠,都可以寫錯字,仲係個幼稚園生都識寫既字,我係老闆都唔請你啦。 仲有,你大把女,冇野做;但係我係冇女,仲要大把野做,大家算拉平喇(其實牌面計好似你仲好d喎...唔駛做,仲有女添...),所以,你唔好再折磨我啦,大門王~~~~~

清靜

今日實在係好寧靜的一天,幾乎沒有人走來和我講公事,一個星期至少應該有一至兩日係要咁渡過的! 夜晚所羅門王又打電話來,我怎可給他破壞這樣美好的一天!唔聽....其實,我已經成個星期冇接佢電話了!奉勸閣位,打電話來記住要有來電顯示,如果唔係我接聽的機率會調至一成...那一成機會,基本上係我個人失誤來的! 唔好意思,因為我實在頂佢唔順,正常來說,朋友打電話來我是很歡迎的,要傾下計冇所謂,大把野講就最好出來飲杯野,都唔明阿所羅門王男人之家咁多電話打來做乜野,邊有咁多野講呀?男人來架嘛,成日拿住個電話,有時間就搵工做,睇下書進修下,或者打下機娛樂下,甚至再去識多50或以上個「女朋友」都冇問題架喎,男人就應該個返d男人做既野,成日打電話,想做陳乙東咩! 佢日日打,我日日唔聽,咁都唔知機,咁唔醒目,難怪搵唔到工!

炎炎夏日

這幾天真的熱得很。 星期日本來計劃做些有益身心的活動接觸一下大自然,不過天氣實在太過熱,迫不得已只好取消,呢d天氣,有乜野意外就不得了,我可不能讓我的朋友受苦! 決定取消後,本來諗住落街食個晏就返屋企休息下,之前果晚我可是通頂睇波的.....不過行程卻一直在改變。其實呢排實在多了一些額外的,平時沒有的工作,全都是和畫畫設計有關的,一些是廖老師畫室的工作,一些是公司想搞些新的的市場計劃,不知為何又要我參一腳....兩位老闆叫到,我想抖下都難,為左做得好d,二件作都雖要一些新技能同埋新諗頭,趁這個悶熱的下午,出去走走,搵下資料。 我由黃金商場d賣電腦書的,再走到旺角星際樓上賣簡體字的,然後掃了西洋菜街的二樓書店,直鏟上新世紀大眾,最後走過又一城pageone,由小至大,九龍的都走了很多間了,結果當然花了些錢買書,一半有關的,一半冇關的,又可以睇多D書,真係好。 晚上到了王子屋企睇英格蘭,嘩,幾驚佢地又打到加時呀....到唔係咁好睇....算啦,睇完食宵夜,就返屋企。

長眠

四點幾先返到屋企,成五點至訓。訓到下晝兩點幾,依家仲好眼訓。 要早些睡。如果可以,給我長眠吧。

活死人間

正當人們都週末狂熱的時候,我反而要一個人走到DataCenter這種死氣沈沈的地方。十一點半到,兩點半走,凍左三個小時。 一排排機櫃,只有陣陣server發出的風扇聲,別以為好Cyber,好IT,好高科技,根本同一個停屍間沒有分別。 我不喜歡這樣,三更半夜,還要一個人,做野。 還讓我要放棄明早健康的活動。靠!

奸詐

買左部ndsl+孖kart兩個星期,終於有機會一班人一齊玩。 本來想一邊睇波一邊打,不過唔專心集中根本玩唔到,所以阿根庭數塞黑六比零,錯過左精彩場面,不過算啦。 王子席間唔知食左我d龜殼定蕉皮,就話我愈來愈訐詐,其實在這一個星期內,佢已經係第二個人給我這個評價,真係開心!早幾日我同我D隊員開會的時候,佢就話覺得我好訐詐,以一個下屬來說,佢敢言同大膽程度應該至少有B++,佢話我成日好似好沈默,唔講野咁,但係好多道理,永遠唔夠我講,真係高度評價!自己都有d沾沾自喜! 我唔講野有好多原因,我有好多理論,佢都未見識過,燎原火的理論,日積月累,可能可以編輯成書。唔夠我講,正常丫....可以講贏我的,通常得三類人。 老實講,我點算訐詐丫,一個奸詐既人,一係已經撈得好掂,一係已經眾叛親離,我兩者皆非。況且,講奸詐,點夠尋晚十場贏我九場半既人丫!我要更加賤先得!

給你一個心理測驗

分析得很好! http://www.parttimelove.com/Assessories/NineType/Paper1.aspx 思考型(好學不倦,機智過人) 您具有退縮、聰明、專注、安靜、客觀的傾向。 您不愛表露情感,內向而自給自足,以疏遠冷漠而非害怕來展現自我。 您精通心智的分析 ,常說自己是「染上資訊毒癮的人」。您喜歡事實和系統,將聰明才智投注於這個世界上只有少數人才明白的神?事物上。 優點: 您的生活形態只求最低限度,只要一點點就過得去,簡化了物質的需求。 缺點: 您以局外人的身分體驗日常生活,和自己以及外在事件皆保持距離,因此無法輕易感受即時的感覺和想法。 愛情: 親密關係成功與否,在於伴侶對您需要私隱的諒解及尊重。 允許您擁有個人空間的人,才會得到您的歡心,任何侵犯或被要求的經驗都只會令您退縮。 您不輕易流露感情,只是把關係放在心靈的某個間隔?。 「當我們開車外出時,她在車上睡覺或看書,並不把注意力放在我身上,不過她還是在我身邊。」 安定方位:挑戰型 在安定的狀態下您會變得願意承擔,既明確又平易近人。 壓力方位:活躍型 當面對感情的壓力或情緒對抗時,您會變得享樂主義。您會搜尋所有可能的逃脫策略,不願對任何事情做出承諾,而且顯得慌慌張張。 建意: 接納身體的感受和情緒的出現 准許自己奢侈享樂 避免原地踏步,嘗試採取行動 最渴望:全知,洞悉一切 最恐懼:對身邊事物感到無知,束手無策 最難達到的美德:忘我 (Detachment) 最難克服的執念:吝嗇 (Stinginess)

復發

看形勢,未來三個月又會咳嗽不止。 百日咳,死唔死得? 我仲想去玩的....工作還未完成,病又開始。 人生,有三分一有多的時間,都在咳。 那年,還咳出血...幾型呀! 有一件事,我沒有跟別人說過,我會時常在想:「有一天我瀕死的時候,會有什麼人來看我?不想我死的多,還是想我死的多?」,出現這個想法的頻率,比你想像中多,而在我有病的日子,雙計。 我其實,該死不該死?當然係唔該死啦,該死就唔駛病啦!

3:0

美國,抵死! 我基本上冇門戶之見,但唯獨覺得美國唔掂!中國人在美國尤甚!呵呵!

荷蘭銀行支票

想睇荷蘭對黑山,屋企附近有間茶餐廳,話有得睇,我等沒有要求的人,邊度睇都冇所謂,唔太迫的得架啦,咪就入去做過最低消費,點知開波十幾二十分鐘,d伙記仲未set到個台....睇來睇去都係泰國新聞台...或者見到泰皇行來行去。結果,算數。 如果呢個情況係入到八強賽事發生,間茶餐廳理應已經被夷為平地。。 真係....名副其實,荷蘭銀行支票。

世盃開鑼

世盃終於開始了! 呢兩日睇左三場,揭幕戰德國對哥斯達黎加,在屋企睇。 英格蘭對巴拉圭,千里達對瑞典,在澤少屋企睇,設備一流!多謝款待! 踼波係我中學時代主要娛樂及運動,不過睇波就只會睇大賽,唔係唔鍾意睇,係因為冇咁多時間,而且一個人睇,好冇癮。 突然諗起,我有一本90年世界盃集圖冊,仲儲齊晒,現在想起來,我都唔明白我點解有能力儲齊全本野,以我對自己的了解,實在相當耐人尋味。

四天工幹團

四天珠海出差,於六月開始實行。 我的生活不知道將會什麼影響.... 以後,每月有八天在珠海工作,以一個月二十二個工作天計,有超過三份一的時間會在珠海工作。 首先,我會因此而洗少左錢嗎?應該會的!上珠海並不如你們所想像,有好多野玩,我相信有人一定會覺得珠海一定好多玩樂的點子,事實上,即使珠海真的好多野玩,都唔會輪到我地玩,一來我們真沒興趣,二來,我們工作地點偏僻,出得去食飯,都唔會有時間玩。 會影響日常交際嗎?我開頭以為會,後來我想清楚,應該不會的,差點忘記了自己命犯天煞孤星。早排以為自己命格有變,近來看清楚,一切都是鏡花水月,其實可能與命無關,可能是自己的關係,我分不清楚,是自己不了解自己,還是我懶,還是我伯,還是我誤會了,還是我感覺遲鈍。無論如何,現在在香港也沒有什麼社交生活,多留在珠海也沒什麼影響的,況且,我實在還是有二十多天在香港的! 比較有趣的,是全民NDS事件,要上珠海的,全都購入一部NDS!好等空閒時可以圍埋一齊連線玩! 另外,新請的那個美女設計師,也返工了,應合本人命格,凡是好野,都唔會屬於我的,所以在那美女臨返工前,我已收到通知,那人並不屬於我條TEAM的,其實我一來都唔想佢入我條TEAM,二來我都預計左,所以都冇乜所謂,只不過,覺得好應條命O者!

達文西密碼

上珠海前看了跟娜姐同龍哥看了達文西密碼,之前看了些影評,彈多過讚,不過我覺得電影拍得蠻不錯的,劇情的取捨,劇情的節奏都算合理丫,我想,這是看了小說的人和還未看小說的人之分別。 這小說的內容,老實說,很有趣的,有趣在,那所謂這二千年來最大的秘密,對某些人來說,實在真的有很大的影響。難怪引起某些人這麼大的回響! 那些某些人,我會稱之為...「fan屎」! 宗教問題,不在這兒討論為上。

勞碌命

我大概係天生一副勞碌命。 忙了三個月,呢幾日叫做得閒d,我還來不及搞些什麼什麼約下d良朋知己,就已經病左三日。 一些事想做,又攤凍左,好似唔知點咁。 跟住老闆就已經對我們有新的安排.... 為了xxx的一些理由,現就香港同事出差珠海事宜作出更新安排: 1、每次必須最少逗留四天,可隔周出差一次; . . 5、一日香港珠海的往返差旅費報銷將不獲批准。 6、如有特殊原因不能遵守以上規定者,必須經批准。 以上安排請從2006年6月1日起執行,敬請各位遵守,謝謝合作。 其實在呢段通告發出前,老闆是咨詢過我們的...基本上,我唔覺得我地有選擇權... 而且老闆有計謀地首先問我....皆因本員工有連續逗留日數最高保持者,有最底線保證,問我先係策略正確... 好似我呢d天煞弧星,冇問題....但係言辭上仍為同事們開路...「我未結婚冇所謂呀....佢地幾個結左婚就慘d....」 咁佢地幾個就配合我咁裝出一副面有難色的樣子..... 當然,結果係點就唔係我地少少演技就改變到啦........... 其實,倒轉頭諗,好似我慘d喎....佢地就上晒岸,我現在連發展感情甚至結識朋友的時間都被活活地回收了!

未解決

我唔知佢又番來香港做乜,淨係知佢一番來就搞到我好煩躁不安。 果d一千六百多日前既事,我一早同自己唱左首「會過去的」。 我仲記得我舊年四月所發生既事同埋我自己同自己講過既野。 照我聽到他回來了的消息既心理反應來說,係唔係叫做「未解決」? p.s. 咁係唔係渣下手就會解決左呢?