文章

顯示從 1月, 2006 起發佈的文章

推薦

推薦這篇文章! 有意思,寫得好。

虎bi生活報告

圖片
經過左一個多月,阿bi...廖老師連個虎字都懶得叫,叫佢阿bi就算...阿虎bi已經習慣晒呢度既生活,活動範圍愈來愈?,愈來愈生猛,亦即係愈來愈百厭,成日懶係活潑咁,扮晒好動,扮晒同其他貓與別不同,好動不特止,仲愈來愈多技能。 佢除左基本技: -撥晒我d野落地下同床下底 -將我窗台d盆栽撥落我張床(此乃前者的變化技) -開櫃門入,然後藏匿其中 -咬人 宜家仲練成以下新招式: -同人過手(即係打交),佢都幾好打架... -扮馬,成日o向間屋度疾走 -徒手爬我張椅背,停留時間仲愈來愈長 -雙手執起d野然後兩腳站立 希望佢將會學識的技能: 我要求唔多.....我只係希望佢識賺錢...

受靶

自從接手公司舊年開始沾手的新業務後,我便過著永無寧日的日子。 先說說那新業務的性質,那是一種垃圾電郵過濾服務,客人的電郵先經過我們的過濾才發到他們的郵箱,中間我要做的,相比起公司其他的產品,工作量以及難度,都比較少和簡單,然而,這只是我當初一相情願的想法。 由於這服務與公司一向做開的東西完全是兩碼子的事,遇到的問題可謂天天新款,而客路又完全唔同,在相關技術知識,應變能力和應對能力方面,我受到相當的考驗。當然如果人人都有見招拆招連消帶打既能力,一般都唔會有乜野問題,但係,意外成日都有,加上未必由我處理,俾人丙就每隔一段時間就會有一兩單...不過無論單野係唔係由我搞出來,鑊就由一定由我負責,所以,呢一年來刀刀箭箭,有唔少都插到我身上,寫email補鑊解話呢種工作做唔少,有時甚至要上個客度負荊請罪。今日,就係要上個客度解話,幸好,我有逆轉乾坤的理據,才不至於太理虧,算是執返一身彩。 周不時受靶,真懷念從前的日子。我以前,點會俾到位人地砌我架?

約定

說好的 三年不見面 用我們的愛把時間留住 你笑著說這是我們的考驗 我們的約定 就這樣 三年又過了 我還是回到這個地方 閉上眼等你的出現 空氣中吻你的臉 我還記得我們的約定 一輩子幸福的約定 為你寫的那首歌 它也偷偷的掉淚了 我還記得我們的約定 我比以前還更愛你了 連那風都笑我了 我想它會告訴你的 我更愛你了 就這樣 三年又過了 我還是回到這個地方 閉上眼等你的出現 空氣中吻你的臉 我還記得我們的約定 一輩子幸福的約定 為你寫的那首歌 它也偷偷的掉淚了 我還記得我們的約定 我比以前還更愛你了 連那風都笑我了 我想它會告訴你的 你會記得我們的約定 一輩子幸福的約定 為你寫的那首歌 它也偷偷的掉淚了 你會記得我們的約定 我比以前還更愛你了 迎著風我也笑了 它一定會告訴你的 我更愛你了

十八小時

一天有十八小時在睡覺,如果一個月有一天是這樣,那便好了。

指令

收到指令,要出席珠海的年飯,那便連續二星期上珠海了。 珠海那邊的年飯比香港的熱鬧多,當然啦,人多嘛...而且,節目也豐富得多,當然啦,上面人多,時間也多。有人表演唱歌,有人跳舞,仲有遊戲玩......我仲要參與其中....=.=' 第二晚又係食飯,又係唔駛俾錢果隻,有個珠海同事生日,但自己出錢請人食飯......我地幾個香港同事被邀請,他倆應邀,我便沒有不參加的餘地,人家生日還自己出錢出email請你食飯,不去也太過份了吧... 不知道為什麼,這幾天咳得特別利害,連不說話的情況下都咳得很凶,結果今天請了一天病假,還睡了一整天,很久沒睡這麼多了。 沒精神,說話不想說,腦也不想思考,本來很多野想寫得詳細些,但算了。

Google Pack

Google永遠能將日常最普通不過的資訊生活,徹頭徹尾地化為商機之外,還實際地方便了民眾。 http://pack.google.com

第二週

圖片
上珠海三天,本來養好了大半的咳嗽又再惡化,一開口說話又咳起來,應該是喉嚨敏感吧。 但是,我夜晚還是去吃燒烤,沒辦法,一個人在珠海吃晚飯便沒有選擇,十幾蚊,唔駛同人分...仲好鬼死飽... 第二天,admin team食飯,去了在珠海頗有名氣的東來順,據說它每年五月至九月都會關門(但照交租),即是除了火鍋就不做別的,好像專家似的,我覺得,除了他是用炭爐來打之外,沒甚麼大不了,食物不見得分外美味。 第三天,本來早決定了搭七點半船回港,點知臨時被老闆拉了去跟ricoh食飯,到百年肥牛...又係打邊爐...最搞笑係,我地幾個同時以為同ricoh同抬食飯時,其實我地被派到外面那些抬自己食,都好,我最怕食呢種食都食得唔暢快既飯,況且,我一向看不爽ricoh的。不過,如果早知係咁,就唔好叫我地來嘛....我可是約了人吃飯的嘛... 不過,回到香港,本來約了食飯的又不吃了,只係去左食糖水,真係錯有錯著,算啦。 唔好以為我在珠海就淨係食,我可是上去工作的,左文右武的左文,通過了我的測試,過了試用期,順道跟他們回顧過去一年的表現和展望來年,叫做部署下...希望唔好好似甘上年咁啦... p.s.好多謝有人見我咳就俾左d柴胡我飲。

What Does Your Birth Date Mean?

圖片
Your Birthdate: February 28 You have a Type A personality so big it makes other Type A's shrink away in shame. You never shy away from adversity - and you love to tackle impossible problems. Failure is not an option for you, and more than a few people are put off by your ego. You tend to be controlling, and you hate leaving anything up to chance. Your strength: Your bold approach to life Your weakness: You don't accept help Your power color: Bronze Your power symbol: Pyramid Your power month: October What Does Your Birth Date Mean?

第一週

工作四天,除了開會這個必須要說話的場合,其餘八成時間保持緘默。 不知道為甚麼,相當沒勁說話。 其實,就算想說話,都很勉強,一句話,如果超過廿個字,講到一半,下半句便會以咳聲代替。 06第一個星期的工作,比預期順利,是個好開始。老闆跟我說要定下來年計劃,她預計不到我即時回應了我今年的工作目標,更預計不到我定下了這個如此保守的目標。當然,她必須明白,我面對的工作範疇,變數之多而可控制之少,實在不能定一些太大野心的目標。 老闆想像不到我對昨年的工作表現視為一種挫敗,本來想訓示一下立即變成鼓勵下我。 如果不是肺癆在身,轉數下降,無說話慾,對老闆訴冤的演繹,應該更加情理兼備,繪聲繪影。 雖然工作不算得上不如意,但總覺得日子很沒趣的。 唉..............

十日

一連十天,橫越兩年的假期,話咁快,就放完。 其實,都好似未休息夠,但係,今日晏晝,郤好似急不及待咁返左公司做野。我當然唔係熱愛工得咁緊要,只不過今日唔做咁d,聽日就唔夠時間做野,好麻煩。 所以話,o向度放假都幾搵笨,放假其間都要處理下的濕碎野不在話下,返工前最好搵時間準備下,唔係一返工catch up唔番d工作又會俾老闆放在眼內。當然,好多野可以唔做,而且理據充足,放假喎,梗係唔應該做架啦...不過,呢間公司既文化係咁,個個同事都做過籠,日日多送幾個鐘俾公司,年年送幾日假俾公司,對公司來說,當然無任歡迎,但係,呢d現象健唔健康,唔駛講啦,係咪?實際上,我改變唔到呢d文化,講笑咁講,如果今日唔返下去,可能聽日返去,個位已經俾人搬走左(當然唔會咁誇張)。 抖就抖完,玩又玩完,都係時候計劃下來年既野。

第一天

05和06的交界,我單槍匹馬落左樓下個球場跑步,用那歷史悠久的casio倒數,為新一年打開健康的一頁。 還在球場的06年第一分鐘,就諗住send個sms俾細個,但係唔知點解,send極都send唔到(後來先知係因為個台太忙),一路send到返上屋企都send唔到,我仲係咁研究發生左乜野問題,都未研究到有乜問題時,反而細個就打電話俾我,同我講新年快樂,驚喜。 同細個傾計會好愉快,但我最唔好意思就係後來係咁講阿妺壞話,咁樣好似唔係咁好咁,冇顧及細個既感受,下次就唔應該講呢個話題,而且我亦唔覺得有需要討論。 希望可以多d同細個傾下計,但係總是驚阻住佢讀書。 希望細個考試順順利利。 第二朝起身,同廖老師飲茶,算係盡下個兒子既本份,而我都想趁有時間就多d陪下阿媽,一返工就天昏地暗,真係阿媽都唔認得。 之後出左去全世界人口密度最高既地方,諗住配番個handfree,點知行左半日,都睇唔o岩,咁都係算罷啦。反而就去左尚書房買左幾本書,買神州大地簡體字既書真係抵,幾十蚊一本,買左三本一舊水都唔駛,簡體字我冇所謂,因為我買既係畫冊,印得清楚就得。 夜晚少有地返屋企食飯,廖老師幾鬼開心。我都話有機會就多d陪下阿媽。 雖然,除夕元旦冇特別既野做過,但心靈安靜,足矣。